Deary 美白水感防曬噴霧 SPF50 PA+++

夏天又曬又熱既日子, 無可能唔搽防曬就出街, 除左面部, 身體防曬都好重要, 唔想曬到兩節色嘛, 但香港天氣咁焗, 有時搽完 lup 黐黐好唔舒服, 所以一款清爽既防曬品係好重要!!

名 稱 : Deary 美白水感防曬噴霧 SPF50 PA+++
價 格 : $89.90
容 量 : 50ml

產品介紹 :

法定美白成份 SAP 維生素 C 磷酸鈉 - 溫和美白肌膚
英國土壤協會有機認證歐薄荷 PLUS+  - 透涼舒膚, 舒緩鎮定, 天然清香
橄欖葉萃取精華 - 富含植物多酚, 幫助肌膚抗氧化
露珠草萃取精華 - 使肌膚舒緩, 以降低熱天的不適感

產品特點 : 質地清透, 貼心的噴霧設計簡便易用, 方便補搽, 適合用作身體防曬護理, 絕無添加化學防曬劑, 減低肌膚刺激, 適合敏感或脆弱肌膚使用。

粉藍色包裝感覺清涼, 而且細細支, 拎出街補防曬好方便

噴霧裝, 使用前要搖勻, 距離 15cm 先噴, 而且要遠離火源及太陽直射, 唔係會好危險架



輕輕按壓就噴出, 而且分子好細, 好似霧咁, 感覺涼涼地, 好清爽, 不過唔可以咁近距離, 會白左一撻唔均勻架

第一次使用噴霧狀防曬品, 原來感覺係咁爽身, 噴出黎就用到, 唔會整污糟雙手, 著背心既話背部都輕易用到, 唔怕漏塗而曬傷, 噴上身涼涼地好舒服, 出汗都唔會有白汗, 細細支拎出街補防曬都好方便, 但距離唔好太近, 會有少少泛白情況, 佢完全無難聞既防曬味, 仲有少少香味添, 用左幾日, 都無曬黑, 雖然多數留係室內, 如戶外活動只要約 1-2 小時補噴就無問題, spf50 pa+++ 好足夠啦