La Roche Posay - 為敏感肌而設的亮白系列

市面普遍美白產品會對皮膚做成刺激, 用後容易令皮膚乾及敏感, 尤其我呢 d 敏感肌, 對美白產品選擇要好小心, 皮膚科醫生信賴, 敏感肌膚權威既 La Roche Posay 就為亞洲肌膚而研發左 Sensi White 抗敏亮白系列, 令我用得放心呀



包裝全白色, 一睇就知係醫學品牌, 而且產品系列好易分別, 中間寫住 Sensi White, 唔怕買錯, 有埋有效日期及使用期限, 開封後最多 12個月內要用完



打開左係咁既樣





Sensi White Brightening Foaming Cream 抗敏亮白潔面泡  $220 / 125ml
豐潤的慕絲質地, 可溫和地深層潔淨肌膚, 徹底清潔之餘, 同時亮白肌膚, 令肌膚變得柔滑, 透現淨白肌膚

少量已起到豐富泡沫 (圖中只係用手打圈, 無用起泡網架), 估唔到醫生品牌既 cleanser 都可以起到咁多泡, 之前用過其它醫學品牌, 多數係無泡或少量泡沫, 但多泡感覺乾淨 d, 而且洗面時唔會摩擦到皮膚引起敏感泛紅, 潔面後唔乾



Sensi White Soothing Brightening Lotion 抗敏亮白爽膚水  $240 / 200ml
溫和清潔皮膚上殘留不潔物, 舒緩同時柔潤肌膚, 幫助肌膚更吸收護膚精華, 令肌膚水潤柔軟潔淨

好稀身既 gel 狀, 無任何香味, 抹上面為肌膚即時補水, 敏感時亦唔會感到刺激, 去角質效果唔強, 但亦因為咁, 用後水份飽滿





Sensi White Triple Action Intense Whitening Essence 抗敏亮白精華  $390 / 30ml
溫和有效成份, 系統性地3重抑制黑色素形成並淡化色斑, 同時鎮靜肌膚, 切合敏感肌膚人士需要

開封後先將個泵咀放入, 就唔怕有空氣入左去, 而令美白精華變質, 乳白色乳液狀, 係我用過最滋潤既美白精華, 就算夜晚開冷氣都唔覺乾, 使用時無任何不適感, 連少少拮既感覺都無, 似搽緊補濕精華



Sensi White Triple Action Intense Whitening Cream 抗敏亮白乳霜  $315 / 50ml
嶄新清爽乳霜質感於皮膚表面變成水份, 滋潤肌膚, 令肌膚回復彈性, 不油膩配方清爽質感

cream 狀質地都幾滋潤, 推開好薄, 吸收後唔 lup, 包裝設計幾得意, 用得一段時間透明外殼不變, 但白色內層會向內凹, 表示係真空包裝



搽左咁多野上面, 都唔覺 lup, 但有適當既滋潤, 再睇埋水份機, 油份少左, 但水份及彈性就爆晒, 証明美白產品唔一定會令皮膚乾





初初用都諗, 質地咁溫和, 會唔會美白效果唔明顯, 但使用後無敏感, 就 keep 住繼續用, 大約使用10天, 開始見到膚色無咁紅, 亮白左, 直到三星期後, 雖然斑斑仍在, 但睇落有輕微減淡, 而敏感泛紅情況有改善, 而痘印就淺左好多, 而佢亦係我用過最滋潤既美白產品, 就算夜晚開冷氣第朝起身都唔覺乾, 冬天用都好適合, 敏感而想美白既朋友, 可以試下啦

Clinique Fall Beauty Gathering

幾年前好愛用 Clinique, 原因係價錢唔貴, 品質好, 服務仲唔錯添, 曾經係所有 skincare 都係用 Clinique 架, 除左 skincare, 其實佢既彩妝品都唔錯, 用過 lipstick, lipgloss, 粉餅, 眼線筆, 胭脂.... 近年 Clinique Mascara 都好出名添, 所以有機會去新品發佈會, 真係好開心呀

去到會場見到好多 Clinique 產品既 poster, 謢膚彩妝品, 最吸引我既係人咁高既 Clinique Dark Spot Corrector 模型啦, 大家都爭住同佢影相

下午時份, Clinique 好細心安排左 d 小食俾我地, 然後到司儀及 Clinique 代表為我地介紹新產品

Clinique 產品好多雜誌推薦, 亦得過唔少奬狀, 近期出既專為下睫毛而設既 Bottom Lash Mascara, Repairwear Laser Focus Wrinkle & Photo Damage Corrector 等等, 相信大家都唔陌生啦, 而彩妝方便, 更請到荷里活巨星既御用化妝師 - Jenna Menard 加入 Clinique 成為首位環球彩妝顧問, 而 Jenna 既化妝理念亦同 Clinique 彩妝好吻合

Dark Spot Corrector 唔止亞洲區, 係全世界同步發售既美白精華 , 比 Derma White 更有效, 除美白外仲可抗老化, 不致敏成份, 質地好薄易吸收

激活激光修護粉底 SPF15 Repairwear Laser Focus All-smooth Makeup SPF 15 PA++  $290 / 30ml (全 6色), 加入 Laser Focus 成份, 有助撫平細紋及減褪歲月痕跡, 化妝同時護膚, 質感水潤, 推開好水好貼薄, 中度遮瑕 , 顏色都好適合亞洲人膚色, 唔會偏黃或偏紅調

冰涼柔滑眼影霜 Lid Smoothie Anti-Oxidant 8-Hour Eye Color $180 / 7ml (全 7色), 眼影霜獨特金屬棒頭設計, 可直接將眼影霜塗於眼蓋上, 不需用手或化妝掃, 觸感冰涼, 適合夏天使用, 仲可消除眼部浮腫, 膏狀質地, 易推, 有少少閃, 顏色自然, 可單用或配粉狀眼影, 做出不同風格既眼妝, 令眼妝更持久, last 到 8小時

然後玩左個小比賽, 用 Clinique 彩妝品, 係畫紙上畫出理想既秋季彩妝, 然後俾 Clinique 代表選出一位幸運兒, 雖然我唔中, 但好好玩, Clinique 既彩妝品質地真係唔錯, 大家既完成品都好靚, 真係好難揀呀

發佈會主題係彩妝, 所以都有個關於顏色既測試, 睇下身體既磁場黎分析性格, 我係偏藍調, 係冷靜型喎!

離開前每人收到一支全新 Clinique 激活激光修護粉底, 用後再同大家分享

以上新產品於 8月27日全線 Clinique 發售, 有興趣既就快 d 去睇下啦

Amiz 天然海藻瘦身皂 (加強版)

名 稱 : 天然海藻瘦身皂 (加強版) Aroma Fat-loss with exfol (super version) soap
價 格 : $118
容 量 : 85g




產品介紹 :

適用於所有肌膚, 天然底油特別有效對乾燥, 爆裂及痕癢的問題肌膚, 十分滋潤, 能舒緩妊娠紋, 加入天然海藻粉及植物磨砂, 有排毒, 去水腫及防皺紋及抗老療效, 加速皮膚更新, 加強排毒消脂功效

主要成份：椰子油, 橄欖油, 乳木果脂, 葡萄籽油, 海藻粉, 植物磨砂粒子



打開皂已見好多磨砂粉子, 有 d 似中式糕點, 淡淡既天然精油香味



試用就咁係身度按, 但 d 磨砂粒子鞋左 d, 只可以用係腳踭, 手肘, 手臂死皮較厚既位置, 其它地方會有 d 痛, 所以都係用返起泡網, 好容易就起到大量泡沫, 會見到泡泡都好多磨砂粒子



使用後大腿既橙皮紋淡左少少, 只係沐浴咁短既時間, 效果算唔錯



有輕微去水腫效果, 反而發現皮膚光滑左喎, 睇下手臂就知, 角質層無咁厚



使用左 3星期, 舊皂都差唔多用完啦, 有埋磨砂粒子好方便, 啱晒我呢 d 嫌麻煩既人, 沖涼順便去角質, 用後膚質光滑左, 雖然係皂, 但唔覺乾, 沖完涼唔搽 body lotion 都 ok, 以沐浴咁短時間, 唔洗好似 d 瘦身產品咁, 要沖涼後按幾分鐘, 去水腫及減淡皺紋效果都唔錯

Website : www.amiz-aromatherapy.com
Facebook : www.facebook.com/pages/Amiz-aromatherapy/141089225959564

不一樣的中秋 - Haagen Dazs

一年容易又中秋, 唔經唔覺炎夏悄悄過去, 秋意漸濃, 又係差唔多中秋時份啦, 中秋節第一樣諗起既當然係應節食品之一 -- 月餅 啦, 食厭左傳統及冰皮月餅既話, 可以黎個不一樣的中秋, 試下雪糕月餅呀, 我既首選當然係我最愛既 Haagen Dazs 啦



「月滿心意」Classy Collection  $408  (31/8 前訂購 $308)
以玉兔為主題, 每件月餅刻上3款不同動態且精緻既玉兔圖案, 讓月滿佳節中充滿甜蜜祝福! 一盒 6件共 3款不同雪糕口味 : 士多啤梨、呍呢嗱及朱古力



三款口味 - 白朱古力配呍呢嗱雪糕、牛奶朱古力配士多啤梨雪糕、黑朱古力配朱古力雪糕, 我呢個朱古力怪當然最愛黑朱古力配朱古力雪糕啦, 唔會太甜, 朱古力濃度剛好, 唔覺苦, 仲有可愛小兔, 好應節呀



「彩雲追月」Rainbow Collection  $688  (31/8 前訂購 $628) 
一盒共有 9 款不同雪糕口味 : 呍呢嗱 (內藏有一球芒果雪菓為餡)、士多啤梨、比利時朱古力、朱古力、士多啤梨芝士餅、曲奇呍呢嗱、芒果熱情果、咖啡及仲夏野莓



呢盒色彩好吸引, 好似藝術品唔捨得食, 試左四款口味 - 仲夏野莓(紫色)、比利時朱古力(白色)、朱古力(啡色)、士多啤梨(橙色)

朱古力脆皮唔同顏色亦有不同味道, 而且比「月滿心意」薄, 無咁膩, 而且野莓及士多啤梨酸酸甜甜, 可以中和朱古力既甜膩, 間住食可以食多幾件都得, haha同朋友 share, 每人四分一, 貪得意將佢合併返, haha, 食完後仲有咖啡或檸檬茶俾我地添



如果以上兩款都唔啱心水, 其實仲有幾款不同款式選擇, 同大家介紹兩款較特別既



「七星伴月」 7 Star & The Moon  $518  (31/8 前訂購 $408)
一盒共有 8款不同雪糕口味 : 呍呢嗱口味內藏有一球芒果雪菓為餡的「蛋黃」, 取其花好月圓之意, 伴月的七星為 7款精緻可口的迷你雪糕月餅, 包括士多啤梨、芒果熱情果、比利時朱古力、咖啡、曲奇呍呢嗱、士多啤梨芝士餅及杏桃



「金醉」脆心雪糕月餅 - (每盒價值港幣 $1,000 全港限量 1000盒)
當中包括 2件嫦娥奔月及玉兔奔躍的雪糕融合焦糖杏仁和榛子果仁醬脆底 4件仿雲端狀咖啡、朱古力、芒果熱情果和夏威夷果仁口味的雪糕月餅, 以及 9件以中國花藝造型為題的精緻迷你雪糕月餅



離開前仲收到 Haagen Dazs 既精美電話座添
有更多精美禮盒及優惠, 詳情可瀏覽  www.haagendazs.com.hk

部份圖片取自 Haagen Dazs 官網

Bella 褪斑嫩膚2合1 - Advanced NO+ 納秒激光褪斑科技

遺傳左媽媽容易出斑既皮膚問題, 小學開始面珠已有雀斑, 眼見有朋友做完美白療程後, 面上斑斑減少好多, 但過程非常痛, 而且會紅腫結焦一段時間, 而令我卻步, 上星期參加左 Bella 「Advanced NQ+ 納秒激光褪斑科技」Launch Event, 可褪斑嫩膚2合1, 好吸引呀!!



位於中環 Azure, 未上樓梯已見好多白色及粉紅色汽球, 配合主題, 令皮膚白裡透紅呀



職員為每人仲送上一支汽球花, 好靚呀, 坐得食點小食, 位於 30樓, 果日天氣又好好, 個境都好靚



司 儀及 Bella 營運總監介紹全新既「Advanced NQ+ 納秒激光褪斑科技」, 採用革命性 "PTP2段式輸光系統", 特點是高效擊退頑固色斑, 其輸出能量比一般激光儀器多出 60%, 將光能分開兩段輸出, 舒適感提高 20%, 肌膚的接觸面及能量接收相應更多, 因此療程時間更快, 去斑及嫩膚的成效更顯著, 不會引致皮膚紅腫。
療程前會使用專業儀器分析皮膚底層色斑情況, 療程時可針對某位置, 令未顯現出皮膚表面既斑淡化



再到醫生講解 "納秒激光科技", 通過美國食品藥物管理局 (FDA) 的安全認證, 激光能深入真皮層直達色素聚集的區域, 有效去除各類形色斑; 同時亦可刺激膠原蛋白再生, 增加皮膚彈性, 達致最完美的效果。可強效對抗 7大肌膚問題 : 色斑、凹凸洞、暗瘡疤印、粗大毛孔、輪廓鬆弛、細紋/眼紋、眼袋/黑眼圈, 仲有實証既相片添, 不過我坐既位置較側, 影得唔係咁清楚



現場請出 model 由醫生親自示範, 因為使用激光, 醫生及 model 都要戴上護眼鏡, 使用激光一陣, 醫生會幫 model 冷卻皮膚, 短短 5mins 已做完半邊面



見到 model 皮膚無任何紅腫, 她自己亦感到皮膚有彈性 firm 左添



Bella 科學美肌中心
http://www.bellaskin.com

Watsons 燕窩絲炫細白面膜

無錢唔可以日日食燕窩, 唯有用有燕窩成份既面膜黎護膚啦, 之前係 Facebook Watsons Fanpage 登記送左一盒新出既燕窩絲炫細白面膜, 用過真係唔錯, 不過懶而家先出文同大家分享....

名 稱 : Watsons 燕窩絲炫細白面膜
價 格 : $89.90
容 量 : 5片

產品介紹 :

屈臣氏燕窩絲炫細白面膜注入細膩蠶絲精華, 深入肌膚改善晦暗; 融合亮白燕窩精粹與抗壞血酸葡糖苷、光滑果榆綠木樹皮與酵母萃取物、及米蛋白等營養成份, 讓你的肌膚享受一頓華美的白晳盛宴, 養護肌膚的同時, 改善暗淡膚色, 讓肌膚煥發如鑽石般的耀眼光芒, 仿如絲滑的綢緞, 亮白細膩。如蠶絲羽翼般輕盈的面膜紙, 帶給你美好的親膚體驗, 溫柔貼敷面部輪廓, 令肌膚盡享瑩潤滋養。
 






使用方法 : 面膜共三層, 先將白色珠光膜最下, 把蠶絲膜朝臉部貼上撫平, 再揭下藍色纖維膜。



因為面膜好薄, 所以底面都有紙保護住, 唔係敷上面會好容易整爛, 要敷左上面先好撕去藍色纖維紙呀, 面膜真係好薄好貼面, 完全唔似敷左 mask 架



使用後皮膚無咁乾, 毛孔睇落都收細左, 水份及彈性爆晒, 水份充足, 油份都下降左



雖然係 watsons 自家品牌, 價錢都唔算好平, 但有時做特價真係好抵用, 而且效果好好, 最驚喜係面膜紙好薄好貼面, 比用 toner 浸濕化妝棉更薄, 敷完皮膚充滿水份, 彈性都有改善, 精華好水狀, 敷完按一陣待皮膚吸收後唔 lup, 唔需要過水都 ok, 所以夏天敷係非常之舒服, 如果冬天天氣較乾, 就可能滋潤度唔夠, 要之後搽潤身 d 既 cream 鎖水就無問題啦

Alqvimia 擊塑 V 極速瘦面

瘦面係大部份女仔都好想改善既, 因為身體都可以用衣著掩飾, 但係面部就好難啦, 尤其我呢 d 面圓圓加雙下巴既, 身形唔肥, 但因為面圓感覺都唔會好瘦

Alqvimia 全新推出既「擊塑 V 面提升療程」, 利用香薰油混合皇牌產品 Body Sculptor Oil, 以專業按摩手勢提升血液及淋巴系統循環, 以達致瘦面、緊緻效果



去到銅鑼灣 Alqvimia 專門店, 首先坐左陣, 然後職員俾杯熱茶我, 換上拖鞋, 感覺好 relax



療 程前美容師會幫我做左個陰陽機測試, +/- 20度身體都屬於正常, 如果超過就表示身體開始出現問題, 要留意下啦, 測試後我指數係偏陽大約 20度, 所以用返陽性適用既香薰油, 就係上圖藍色果支, 係一支混合幾款香薰既油, 有好香既檸檬草味, 而陰性就用紅色既香薰油 (忘記拍照)



做完測試就入房啦, 房間環境好舒服, 設備齊全, 地板同天花都有裝飾, 令人有種放鬆既心情, 配合香薰油, 更加事半功倍添



然後就開始啦, 為左要好好享受, 過程我就無影相啦, 做左以下步驟

1. 卸妝、頭部穴位按摩 - 卸眼妝時, 會做埋頭部按摩

2. 潔面、爽膚 - 用依蘭依蘭潔面乳潔面, 首先深呼吸三下依蘭依蘭既香味, 然後先搽上面, 潔面後再用玫瑰花水爽膚

3. 去死皮 - 用海鹽加香薰油作磨砂, 美容師力度好輕, 手勢好舒服, 一 d 都唔痛

4. 深層清潔 - 用浸滿玫瑰花水既紗網覆蓋面部, 聞到淡淡既玫瑰香味, 再敷上灰色既死海泥

5. 按摩 (加入香薰油) - 到療程既戲肉瘦面按摩啦, 用預先揀左既陽性香薰油加 Alqvimia Body Sculptor Oil, 本身 Body Sculptor Oil 係唔可以用於面部既, 要專業美容師先得架, 手勢要快速, 但力度剛剛好, 唔好過份拉址到皮膚, 但按時感到面部有向上提升緊緊地咁

6. 水分面膜 - 敷上加入一滴香薰油既水分軟膜粉, 美容師話我皮膚較乾, 敷時可能會感到拮拮地, 但可能之前用左香薰油按摩, 皮膚軟化左, 完全無唔舒服, 仲涼涼地添, 係敷面既同事, 美容師幫我按肩頸, 好舒服差 d 瞓著添呀

7. 眼、面霜 - 搽埋眼霜及面霜鎖住水份



整個療程大約一小時就完成啦, 真係好舒服, 大家睇下效果啦, 雙下巴有收緊左, 面部輪廓有所提升, 但因為房間燈光較暗, 希望唔好嚇親大家啦, haha



療程後再做陰陽機測試, 由偏陽 +20 變為 +5, 越偏向 0 為之越好, 身體達致陰陽平衡



由於係 facial 房燈光不足, 返到屋企補拍, 面形係 firm 左, 而且膚質好滑, 暗瘡印及敏感既泛紅都有改善

Alqvimia「擊塑 V 面提升療程」試做價 $540 (原價 $900)
有興趣可以去 Alqvimia 專門店查詢 
銅鑼灣廣場1期2樓202號舖, 電話 : 2577 2333