Cetaphil Gentle Skin Cleanser $92 / 473ml
舒特膚溫和潔膚露不含肥皂, 能清潔及軟化皮膚, 保留皮膚的天然防護油分, 使用時不會產生有害泡沫。由皮膚科醫生研製, 專供極度敏感皮膚人士使用。無泡, 無藥性, 不含肥皂, 無香料。適合潔淨乾燥, 濕疹及敏感肌膚。性質溫和可用於潔淨臉部及全身。適合嬰兒及任何年齡人士使用。
乳白色 gel 狀, 無香味, 所以會聞到少少膠味, 但都可接受, 無泡沫, 初初都擔心無泡會唔會洗唔乾淨, 因為用慣有泡既 cleanser, 但皮膚敏感真係越溫和越好, 雖然無泡, 但潔淨度 ok, 而家用後唔乾, 用左幾日, 敏感症狀有改善, ph 6 弱酸性, 唔會破壞天然油脂膜, 不過皮膚敏感穩定返 d 及天氣回暖, 夜晚用就覺溫和左 d, 所以只會朝早用, 唔洗 $100 大大支好抵用
Cetaphil Moisturizing Cream 約 $80 / 100g
舒 特膚潤膚膏能在 4日內將皮膚水分含量提高兩倍, 令皮膚保持滋潤。舒特膚潤膚產品的獨有配方含優質保濕劑和軟化劑, 質感柔和, 不含羊毛脂及香料, 適合敏感皮膚, 絕不會阻塞毛孔。無藥性, 不含添加香料, 不引起粉刺。適合乾燥皮膚, 濕疹及敏感皮膚使用。性質溫和可用於潔淨臉部及全身。適合嬰兒及任何年齡人士使用。
白色膏狀, 見咁杰身都有 d 擔心會唔會過潤, 但推開原來好薄身, 吸收後唔 lup, 係皮膚表面形成保護膜, 睇落 matt matt 地咁, 唔會搞到油頭粉面, haha, 之後再搽防曬 / 化妝都完全無問題, 唔會有卡粉情況, 不過補濕度唔夠, 最好搽左補濕精華先用佢, 作鎖水之用, 皮膚無乜太大問題, 簡單補濕或 budget 有限既, 用佢都唔錯架
沒有留言:
張貼留言