Estee Lauder Advanced Night Repair

名 稱 : Estee Lauder Advanced Night Repair
價 格 : $690
容 量 : 50ml
 
產品介紹 :

採用獨家 Chronolux Technology 科技所研發的專利複合配方, 擁有較其它保養產品更驚人的修護效果。創新的修復複合配方可提高肌膚細胞的自然同步修護與防禦力, 修護受損肌膚並改善因環境侵害所造成的肌膚問題, 避免留下歲月痕跡。
每日使用作為日常保養可持續修護受損肌膚, 預防肌膚受各項因素的侵害, 並擁有以下三大出色功效 : 
 
持續修護
加強肌膚自然修護能力是維持年輕肌膚的不二法門。每天使用此全效複合配方將可持續修復肌膚經年累月因紫外線、煙害、污染, 甚至生活壓力等環境所造成的各項問題, 持續使用一段時間後, 將會發現臉部肌膚皺紋明顯減少, 肌膚不再乾燥、暗沉。

持續防護
有效抑制 90% 因環境因素所引起的各項肌膚問題, 根據研究發現, 造成肌膚老化最大的原因是生活環境中的各項負面因子 (而非歲月)。本保養品可舒緩每日肌膚所承受的各項刺激, 補充抗氧化物與脂質, 增強肌膚自然防護力。

持續保濕
內含保濕聖品玻尿酸成分, 可保持肌膚水嫩, 促進肌膚自然修護力。擁有「水磁場」之稱的玻尿酸可吸附其體積 1500 倍的水分, 臨床實驗也證明持續使用玻尿酸護膚, 將可大幅提升鎖水功效。




呢支想買好耐架啦, 之前試過 sample 唔錯, 見近期出左新版, 更加想試呀, 年紀唔細, 要開始搽 d 修護既精華預防老化嘛, 咁啱上個月出左 bonus, 雖然唔多, 但都要對自己好 d 嘛, haha, 呢支唔係係 counter 買既, 係 duty free 既 100ml 特別版, 價錢雖然過千, 但計返相等於 8折左右啦, 咁大支預計可以用半年啦
 

包 裝係好似藍藥水既泵咀, 質地係淺啡色 light gel 狀, 似杰身少少既 toner 咁, 香味有 d 酸酸地咁, 新版香味淡好多, 用過舊版 sample, 初初打開以為支野變壞左添呀, 嚇死我, 推開後水好, 快吸收, 吸收後唔會好 lup, 但又唔會爽到好似無搽過野咁, 大家都見到上面張相, 係有少少水嫩既感覺





使 用後水油份都有上升, 但唔算好明顯, 因為佢主打都唔係 sell 補濕, 係修護, 使用左一個半月, 頭一星期覺得膚色亮白均勻左, 使用時間唔長, 修護抗老化就暫時未睇到, 我亦無明顯既皺紋, 所以唔知去紋得唔得, 但暫時感覺都 ok, 起碼無敏感, 亦無令皮膚變差左, 等我用完成支再同大家 share 啦。

Dr. Jou 森田藥粧 Moisturing Facial Jelly Mask

名 稱 : Dr. Jou Moisturing Facial Jelly Mask
價 格 : $58
容 量 : 100ml

產品介紹 :

潤澤柔軟、保濕、緊緻明亮肌膚及撫平細紋、預防肌膚老化。
玻尿酸 : 超保濕因子, 可持續全天深層鎖水, 避免水份流失, 能讓肌膚水嫩、緊緻有彈性, 並可淡化細紋
胜肽、蘆薈萃取 : 舒緩、明亮肌膚
小黃瓜萃取 : 修護、撫平細紋及預防肌膚老化
甘草 : 舒緩、保濕、潤澤柔乾肌膚
膠原蛋白 : 強化肌膚水合能力及保濕效果, 有效撫平細紋, 並增加緊密性及彈性、緊實鬆弛的肌紋

使用方法 : 清潔臉部後, 取適量塗抹臉、頸部肌膚, 使用後不用清洗




台灣出品既森田藥粧, 係微整形美塑醫學會會員周俊旭醫師同臺安醫院共同開發既品牌



包裝盒寫住開封後 6個月內要使用完



質地係透明 gel 狀, 有金色點點, 推開左好似 d 金泊咁, 但我都唔知係咩黎同有咩作用, 包裝盒同說明書都無講架.... 無香味, 亦唔覺有酒精, 質地好薄易推, 搽上面好快吸收晒, 吸收後好爽身, 唔會有層野係面咁焗住, feel 到皮膚吸收晒 d 水份咁, 當 mask 我會敷 15mins, 有時天氣乾都會早晚係精華後當補濕 gel 打底, 然後再搽 cream, 皮膚水份高 d, 化妝都會貼 d, 亦無敏感現象

睇下個測試結果先, 潔面後使用前....





使用後明顯水份升左幾多下, 真係好補濕, 而且都 keep 到唔會好快又乾返, 但敷完 d 金色點點會黐得好實係皮膚度, 所以我會用 toner 抹左先搽 skincare, 如果搽到好厚敷既話都會過下水先, 呢個係唯一少少既缺點

遲來的情人節禮物 + 近期購物

之前同男友提過我想要 Ettusais 呢支限量版 Melty Thouch Rouge, 首先俾佢中間既 jelly 糖心既設計吸引, 好似細個用既潤唇膏咁, 再睇埋個包裝好似糖果咁, 真係忍唔住, 雖然我已經好多 lipstick, 但 $165 唔係貴, 又適逢情人節, 有藉口買啦, 但太遲先買, 我想要既 Beige 色已經 out of stock 啦, 得返紅, 粉紅, 同埋我買呢支, 但包裝寫日文我都唔知呢支係咩色, 試係手係橙橙地既粉紅色, 但估唔到搽上咀變左 nude pink 喎




打開左係咁既, 但搽出黎都幾淡色但好潤, 唔錯唔錯



之前中左 ZA 新出 2 way 試用, 都唔錯, 可惜淨係得個 refill, 所以自己買左個 case $35, 可以拎出黎補妝 lu



放左個 refill 入去, 靚晒~~



另外上星期最紅星期五係萬寧買左少少野, 有九折好抵, 盒化妝棉仲送支潤唇膏添, 點知噚日見到出位價 $19.9 兩盒喎, 都係有潤唇膏送....

好香喎, 又係 Body Shop!!!

近期出左好多 Body Shop 既試用文呀, 有買既, 有試用既, haha, 今次講下呢兩款啦, 好鍾意佢地既香味呀~~



限量版紫洋梅 Lip Balm $59 / 10ml
這款乳霜狀的潤唇膏蘊含購自社群貿易計劃的有機蜂蠟及維他命 E抗氧化劑，令櫻唇帶著香甜的洋梅果香。



櫻花 Body Butter $179 / 200ml
日本櫻花香味，適合全身使用，功效持久，容易被肌膚吸收，令肌膚滋潤幼滑，防止乾燥，補濕效果長達 24小時。






左 Lip Balm :
聖 誕限量版, 係一 set 咁買, 有 Shower Gel, Body Soap, Body Butter, 全身同一個香味好正架, 甜甜地既洋梅味, 其它都用完, 係個 lipbalm 最近先有機會開咋, 但呢個好似無 body shop 普通果 d lipbalm 咁好用, 質地杰左 d, 搽上咀有少少 lup, 同埋有閃粉, 只可以日頭用, 同埋紫紫地色, 搽太厚既話個咀好紫怪怪地架, haha

右 Body Butter :
新 出時已經好鍾意, 但一路唔捨得買, 男友知我鍾意偷偷買俾我, 可惜我係想要 body lotion, 唔係 butter, haha, 不過佢咁有心, 我都好開心架啦, 呢款無之前用過既 body butter 咁厚身咁潤喎, 質感似豆腐, 都好好推, 香味唔算好濃, 清清地既花香味都幾好聞, 咁大罌有排用 lu, 但罌裝用黎起黎無咁方便!!

購物 : 又係 NYX + 首次 Estee Lauder 彩妝

haha, 又買左 NYX 啦, 真係太過份, 要停手唔可以再買 Lip Product 啦, 10個咀搽十世都搽唔晒呀, 但今次其實主要係想買個 Bronzer 既, 因為盒 Shu 啡色 Blush 用晒, 無 shading powder 啦, 原本想買 Canmake, 但果期好邪行左好多間都唔見有喎, 咁啱朋友個老公一月係 USA 返香港, 咁當然托佢買啦, 唔好浪費左咁好既機會嘛, 運費仲平好多添, 下面咁多野加埋都係 HK$250 度咋, 係咪好抵呢!!!




Face & Body Bronzer Medium US$10 / 33.61g (未計運費)
最主要都係想買呢個, 好大盒, 好似隻 CD 咁大架, 而且個圖案好靚, 但都幾顯色, 所以唔可以太重手, 唔係會變阿梅, haha, 每次搽少少就夠, 咁大盒唔知幾時用得完, 咁既價錢真係好抵玩



Concealer in Jar 04 Beige US$4.95 / 7g (未計運費)
都 唔錯喎, 訂果時仲驚 beige 色會深, 想買淺一度既 Light, 可惜缺貨, 好彩姐, 唔係淺色左就好難用, 呢個雖然幾杰身, 不過幾好推, 用掃上再印既話都好薄既, coverage 唔算好好, 但勝在用係眼肚位溶妝後都唔會食左入眼紋度, 呢點好緊要, 令眼紋仲顯眼既話我覺得仲肉酸過個黑眼圈... 



試上手, Bronzer 點解會有三隻色... 左邊係最底深色果部份, 唔閃既, 中間係金色隻船, 閃粉有少少大粒, 可以做 highlight, 右邊就係其餘地方, 有好細粒既閃粉, 上面唔覺既
下面就係 Concealer, 我用掃上左三層架啦, 都唔厚唔乾, 推開既話係好自然既



Round Lipstick US$1.25 (未計運費)
之前買左好多支啦, 幾好用而且超平又多色, 忍唔住又買幾次試下
左起 : 567 Cinnamon Sugar, 621 Milan, 623 Heather, 630 Pumpkin Pie



Sheer Tube Lipgloss 01 Rose US$4 (未計運費)
上網有人話好用, 無咁杰, 而且無怪味既, 貴左 d, 所以只買一支試下, 掃頭設計, 用起黎幾方便, 好自然既 pink 色, 仲係第一支覺得唔臭既 NYX lipgloss, haha, 係甜甜地既糖果味

Round Lipgloss 22 Natural US$3 (未計運費)
之前都買過兩支, 比方形樽既 Mega Shine 薄身好搽 d, 呢隻色好靚, nude pink 色, 但唔知點解打開有薑味....



試色照, 咁就睇兩支 lipgloss 個色好似, 但搽上咀有少少分別, 質地都有 d 唔同
630 lipstick 隻色好靚, 之前仲驚好淡好橙添, 怪不得咁多人買啦, 好後悔咁遲先揀佢, 中間 621 同 623 都幾似, 另外之前買支 LaLa 都係咁上下色, haha, 567 太啡, 一定要搽 lipgloss 係面先得



呢個係之前上 Estee Lauder 化妝班 (回顧按此) , $150 按金可以買返彩妝產品, 上堂時發覺 d 產品都唔太啱我用, 都諗唔到買乜好, 係試過 lipstick 算 ok 而我又會用既, 上堂試左支覺得隻色好靚架, nude nude 地咁, 但今日睇到試係手又好似一般, 最後買左呢支 Nude Rose, 近我唇色無閃粉, 原價 $180 補返 $30 都 ok 啦, join 埋 member, 另外 BA 送左個 Time Zone Eye Cream sample 俾我, 但唔記得影相, hehe

購物 : Dr. JOU 森田藥粧 Mask

見 sasa 可以買任何產品加 $5 換購 Dr. JOU 森田 Paper Mask, Sandra 好豪咁換左 20塊, 今日經過見到, 又手多多換左 5塊, 因為要買一件貨品先得, 又唔知買咩好, 咁見同 line 既玻尿酸原液水凝膜平平地 $58/100ml, 見 comment 都 ok, 就買黎試下啦, total 用左 $83



個 Jelly Mask 打開係咁既, 佢係類似 sleeping mask, 厚敷唔洗過水既, 以為好似 Clinique MSE 或 Laneige 咁係 gel cream 狀添, 點知一打開, 見到 d 金色點點喎, 都幾得意, 應該係 d 精華原液之類既野, 遲 d 用左再同大家 share 啦, 另外仲有美白 Jelly Mask 架。

Nature's 速效纖面護理

多謝 theZtyle x Nature's Slim Beauty 等我有機會試用今次既速效纖面護理。
之前職員打黎時我咁啱剪緊頭髮, 又聽得唔係咁清楚, 就叫職員晏少少再打黎, 佢地好好禮貌, 而且無因為咁再搵其它人而放棄我, 等我可以做到個咁正既 facial, haha



入 到 Nature's 首先對返名啦, 然後 BA Grace 叫我等一陣, 斟左杯水俾我, 話做 facial 前最好飲少少水, 跟住就講解 "速效纖面護理" 既程序, 及要注意既地方, 今次係做機, 部機會較嘈, 但聲音唔算刺耳, 佢係會一吸一放既原理去按壓皮膚, 比用手力度均勻, 可以通淋巴達到纖面功果, 仲可以增加血液循環添

由於係星期六下晝, 都算多人 book, 所以大房(三張床) full 左, 我就好好彩咁可以去獨立房, 房間雖然有 d 暗同舊, 但都算幾乾淨舒服, 起碼一個人可以 relax d, 跟住就換衫啦, 呢個纖面護理會做埋肩頸, 所以要除晒全部上身衫, 淨係圍條毛巾架咋, 初初都有少少尷尬, 由其美容師觸摸到我心口時, haha, 不過大家都女仔 ok 既


咁換好晒衫, 就等美容師 Carmen 入黎啦, 佢叫我瞓底幫我蓋好毛巾, 問我凍唔凍, 如果凍可以加被, 好細心, 然後幫我卸妝潔面, Carmen 每搽一樣野, 或做任何野之前都會話我知, 用濕棉化抺面都會出聲, 話有少少涼涼地, 俾晒心理準備

之後就俾甘菊香薰油叫我大力吸三次, 可以放鬆身體, 再用香薰油幫我按下 d 淋巴穴位, 再敷清潔 mask, 係敷 mask 既時候就幫我按頭, 估唔到 Carmen 細細粒都幾好力, 我叫佢佢細力 d 添, 唔係都幾痛, haha, 可能我無出去做 facial 或按摩既習慣, 唔慣俾人掂, haha

跟住就搽瘦面 gel 係面及肩頸, 做機前 Carmen 俾塊境我望下先, 就開始做機啦, 部 機真係幾嘈, 有 d 似吸塵機咁既聲, 都可以接受既, 起碼我同 Carmen 都仲傾到計, 佢話左右每邊幫我各做 10mins, 做左邊先, 整左幾分鐘, 我已經 feel 到塊面有 d 收緊同向上提拉, 同埋塊面有 d 暖暖地, Carmen 話見到我開始左邊面無咁腫, 同埋暖暖地係血液循環快左, 做左 10mins 後, 佢再俾境我睇, 真係大細面喎, 個雙下巴收左少少, 面色亦 bright 左, 再做埋右邊, 我係右邊好過左邊喎, 未夠 10mins 都已經覺得緊過亦慶過左邊, 再做多1-2 mins, Carmen 就停手啦, 佢話右邊可以再做尖 d, 但唔想我大細面, 所以就停手啦, 我都覺得唔好咁貪心, haha

然 後敷補濕 mask 再倒模, 個補濕 mask 涼涼地好舒服, 做完機塊面真係有 d 慶慶地, 但唔係敏感紅果 d, 係似做完運動果 d 感覺, 跟住 Carmen 就出房俾我休息下, 合埋眼我都瞓著左, 但睇唔到鐘所以都唔知整左幾耐, 我估大約 10mins 啦, 跟住就抹乾淨塊面, 噴 Nature's 蔬果水, 好香好舒服, 搽 cream 就 ok 啦

然後我換返衫, 出去 Grace 問我效果點及填問卷, 我真係感覺到個雙下巴細左輕左, 照鏡都好明顯, 當然好滿意啦, 做機果陣都諗住 join course 架啦, 因為對我真係 work, 咁當然 Grace 都會 sell 下啦, 點知都唔算平, 單次 $488, 買 10次定 12次, 最少都要 $3xxx, 平均一次要 $280 左右, 我既預算係 $200 一次架咋, 雖然對好多 sis 黎講唔算貴, 但對我呢 d 成 10年無出去做 facial 既人黎講, 真係要考慮下啦, 好彩佢地都唔 hard sell, 我會諗下先佢地都好好笑容咁送我走... hehe

大家睇下個效果啦, 呢張係前一晚影既, 個雙下巴好誇呢, 我本身其實唔肥, 但唔知點解雙下巴就好勁... 塊面又圓...



做完纖面護理後返到屋企影既, 都明顯見到下雙個位個舊肉無咁 dum 啦, 同埋大家睇唔睇到我頸度好多啡色細點點呀, 我一路都以為係毛孔黎架, Carmen 話我知原來呢 d 係淋巴唔通積埋既毒素黎架, 做完個纖面 d 點點都淡色左




呢類纖面護理如果係大日子要影相既話, 做幾次效果明顯真係唔錯, 尤其好似我呢 d, 身唔肥, 但包包面雙下巴既 sis, 唔洗減肥減得咁辛苦, 但只係瘦身唔瘦面...
原來相機既微距係咁厲害, 平時照鏡都唔覺自己 d 皮膚係咁差架... 而且仲好多印添

清貨 - 2010年1月

今個月清左好少野咋, 仲唔多 skincare, 主要係頭髮同 body 產品添, 不過就清晒 d 一包包既 eye cream sample lu, haha




霸王中草藥修護洗髮露 (按此)
又係霸王呀, 上個月清果支係 1000ml, 呢支係 200ml, 係夏天去游水時貪方便買既, 可惜只係游左幾次水咋, 咁開左快快脆脆用埋佢啦

St.Ives 膠原蛋白潤膚露
平平地又好用, 夠潤唔 lup, 而且香味幾好聞, 連男友耐唔時都拎黎搽手喎, haha, 所以早排係千色店已經買多支蜜糖燕麥啦

廣源良蘆薈精華露 (按此)
之前去台灣買過洋甘菊都唔錯, 所以見到呢支平平地都買黎試下, 敷果時涼涼地幾舒服, 尤其敷完深層清潔 mask 之後, 可以補濕舒緩嘛

彩豐行植物香薰洗面奶 (按此)
買 cream 送既唔洗錢, 普普通通既洗面奶囉, 冬天朝早鍾意用無泡既 cleanser, 唔想咁乾嘛, 舊年用果款青瓜洗面奶好用 d。

The Body Shop 辣木 Showel Gel
body shop 既 showel gel 我覺得支支都差唔多, 只係香味唔同咋, gel 狀易起泡, 少少都夠, 一支 250ml 可以用到一個月, 辣木香味幾特別, 唔似 d 生果或花香味, 所以盞入會有8折時買黎玩下


Sample : 
 
Isa Knox RE-Active duel Eye Cream - Night
Lancome Lifting & Firming Eye Serum
雪花秀滋陰生人蔘面霜
Estee Lauder Time Zone Wrinkle Cream
LAHA Caviar Eye Cream
秀麗韓保潤眼霜