凹凹賞第八回

又清左 2件化妝品啦, Ipsa Pore Clear Base (按此), 及 Givenchy Matmate Fluid Foundation (按此)





用到平晒啦, 用手指抹黎搽架, 呢支都用得幾快, $240 唔抵用。
搽完出油係少左, 粉底亦無咁容易攝入毛孔, 不過有少少乾, 同埋上粉無咁貼。



支 fdt 又唔係放係太陽曬到既地方, 唔知點解個蓋會裂左!?
係我第一支用完既粉底呀, 呢支唔算太好用, 可能 matmate 系列, 有 d 乾呀, 好彩水狀用量多, 所以都算用得幾快。

淘寶團購 : 貓袋 + 文具

呢排好似迷上團購咁, 繼 NYX 後, 又係 BE 團購買左個袋仔同文具, 都係 d 平野姐, 真係平好多, 計埋運費匯率都平成半架。




個 網有 d 款都幾靚架, 應該係自已生產既, 但款當然係 "參考"人地果 d 啦, haha, 原本想買 2個, 不過都係買一個睇下點先啦, 所以揀左個平既, 呢個上鏡靚過真人, 係網上睇靚 d, 同埋條帶短左 d, 都上到膞, 但攞野唔太方便囉, 反而內"龍" 唔錯喎, 有佢個 "牌子" logo 既布, 塊布都幾夠厚, 間客都唔錯, HK$40, 真係花園街都買唔到啦。



原本想買 2010年既記事薄既, 點知睇下睇下就買左咁多, haha, 左邊係貼紙, 1套有5張唔同風格架, 原本都想唔買, 連埋運費都差唔多 $10, 點知我傻下傻下入錯錢, 都廢事退啦, 買埋算啦, 不過都幾靚~~

中間上面係 Card Holder, 特價 $5 人仔咋, 原本想買 Jetoy 韓國貓貓款, 但呢個平咁多, 當然睇錢份上啦, 都幾 cute 呀, 如果中間有埋橡筋仲 good。

粉紅色簿係鍾意個外表咋, 係仿皮咁架, 好軟, 但內頁一般啦, 雖然唔係單色, ok 啦, 唔算太好寫野囉!!!

Zoo 藍色簿, 俾個網呃左, 頭幾頁係 Monthly Plan, 點知後面全部係單行或空白頁, 做日記就啱, 當記事簿就唔得囉, 而且都幾厚, 拎出黎唔太方便啦....

買 左咁多野原來無我最想要既... 激死!! 不過呢幾樣都靚, 而我都用得著既, total 都係 HK$63 姐, 香港買一本都要啦, 所以我又 join 左第二團, 買 Jetoy, haha, 買左本 $38 人仔既簿, 早幾日係 apm 見到同 brand 唔同款, 要 HK$178 呀, 傻架!!!

廣源良蘆薈精華露

名 稱 : 廣源良蘆薈精華露
價 格 : $50
容 量 : 250ml

產品介紹 :

含蘆薈精華液、甘油、金縷梅等植物萃取液, 具有柔軟、滋潤、保濕等功效, 長期使用可改善肌膚膚質後所產生的不適, 使用後有清涼舒爽的感受。






淡淡既綠色 gel 狀, 質地無之前隻洋甘菊咁杰, 薄荷味無咁重, 敷果時無咁涼, 但好在就無咁澀眼囉, 唔算杰所以都好易洗乾淨, 過水後塊面幾滑, 少少補濕效果, 呢排無敏感, 試唔到有冇舒緩功效, 平平地都 ok 既。

不過個樽好硬, 好難吱 d gel 出黎, 新買返黎都要倒轉先吱到。

又係 NYX 呀!!

上次係 BE 團購左幾支 NYX lipstick & lipgloss 實在太好用, 心思思又想買多幾款產品試, 所以就同 Sheep 夾份訂左 NYX 啦 ^_^
 




左邊既係 MCC 網訂既, 右邊係 BE 團購 order 既, BE 係 NB 網訂, Round Lipgloss 價錢平過 MCC, 而且團主上次 order 過, 今次全單有九折, 所以就分開訂啦, 而且 NB 真係快好多, 咁大張單都 2 weeks 到貨, 之前訂 MCC 要足足一個月, 等到頸都長呀~~


~~ 大晒冷 ~~



Round Lipstick
529 Thalia, 611 Peony, 630 Tea Rose, 612 LaLa

Black Label Lipstick
114 Diva

10 Color Eye Shadow
Champagne & Caviar

Lipgloss with Mega Shine
160 Tea Rose, 129 Beige

Round Lipgloss
08 Doll Pink, 26 Pinky Natural, 13 Peach x 2


試色圖 - Lips
 














上左 : Diva - 幾自然, 呢款係 Black Label 系列, 貴好多要 US$4.5, 質地係潤 d, 但相對無咁顯色, 呢隻顏色又比較淡, 要搽 2-3 層先有色, 有好幼細既閃粉, 搽上咀都唔太覺, 厚搽有少少 lipgloss 效果 。

上中 : Peony - 網上見人試上咀幾靚, 肉眼睇有少少藍色珠光, 搽上咀唔太覺閃, 有 d 偏啡, 顯色度高, 所以唔可以厚搽, 薄薄地都 ok, 幾自然, 搽 lipgloss 係面會靚 d 。

上右 : LaLa -  就有少少似 Thalia, 但深色少少, 都係帶紫既粉紅, 呢支都好靚。

下左 : Beige - 呢支好 good 喎, 係自然既 nude pink 無閃粉, 睇個樽以為好紅, 但搽出黎好自然, 又遮到唇色, 質地唔杰, 所以搽太厚會卡唇紋, mega shine 全部有 cherry 味, 但我覺得係藥水味, 不過唔算好濃, 上咀一陣就唔多覺。

下中 : Peach - 睇 BE 有人買左, 見搽出黎幾靚, 好薄既粉橙紅色, 閃粉明顯, round lipgloss 比 mega shine 質地薄好多, 就算較深色搽出黎都比較自然, 遮蓋唇色相對無咁好。

下右 : Pinky Natural - 無閃粉, 色有 d 偏紅, 但質地薄, 份量搽少 d 推開都唔錯, 就咁睇同 Beige 有少少似, 但呢支紅 d 。


試色圖 - Eyes











質地好幼細, 好貼, 唔會飛粉, 呢款顏色比較淡色自然, 有少少 Bobbi Brown 既感覺, 另外有 d 激 d 既色架, 但我 handle 唔到, 自然色反而用既機會多 d, 深色果兩款可以做埋眼線, nyx 單色眼影可以濕上, 我諗呢個都可以掛, 不過我未試過。

無試色果幾支係 sheep 買既, Round Lipstick Thalia & Tea Rose, Mega Shine Lipgloss Tea Rose 之前我都買左, 試色照舊 post (按此)

Ipsa Facial - Sogo Club

之前係 Ipsa 買第 3次野, 會送一次 Facial / 化妝服務, 終於等到呢日啦, 我揀左深層補濕服務, 之前睇其它人既 blog 分享過, 大約都知做 d 乜既。

入到去間 facial 房, 都係一貫 Ipsa 既風格, 簡單既全白米色, 冷氣溫度適中, 仲播放 d 好柔和既音樂, 耐唔時有雀仔聲添, haha, 令人好放鬆, 好舒服。

首 先 BA 幫我做 skin test, 水分 30, 油脂平均 68, 面頰 96, T 位 41, 彈性 48, 肌膚紋理都扁平, 屬第三類混合性膚質, 油份反而面珠油過 T 位, 可能果日係天熱, 係街行左幾個鐘無吸油, 個 BA test 個位又唔準, 所以 d 數據咁怪, 同之前 4月份做果份 test 比較, 水分都係 30, 油脂就高左 19, 始終夏天熱好多, 油分高 d 都唔出奇, 彈性跌左好多, 足足低左 24.... 唉... 唔通之前用 stop 別再錯誤保養時, 搞到塊面乾晒, 連彈性都差埋 !?

跟住 BA 就叫我坐係張 facial 凳, 幫我墊毛巾, 箍頭髮, 都好細心, 然後較低張凳。
首先幫我用 Cleansing Oil 卸妝, Smooth Foam 洗面,  BA 好輕手, 好舒服, 發覺平時對自己既皮膚真係太粗魯啦, 然後用掃上 Clay Mask, 個 mask 要等 5 mins, BA 就較暗 d 燈, 叫我放鬆休息下。

過 左大約 5 mins BA 好靜咁入返黎, 用暖既濕化妝棉幫我抹甩 d mask, 然後搽 skincare, 首先係 Ltion EX 1, Water Massage 按一陣, BA 對手好暖, 按完用雙手包住全面, 令個 gel 更吸收, 搽 Metabolizer EX3 亦係同樣手勢, 用化妝棉上完再用手按, 好溫柔好輕力, Eye Cream 呢度最正, 佢按我 d 穴位好舒服, 按左 1-2分鐘左右, 覺得眼位有 d 收緊感, 再搽埋 The Time Reset Essence, 係額頭、腮位、下巴都按摩, 個手法好正, 又係按左 1-2 mins, 都感到全面有拉緊感, 好似俾膠紙黐住咁, haha, 如果日日都有人幫我咁按, 我諗我個千年雙下巴一定會消失呀~~ 搽埋防曬搞掂。

之 後 BA 就打開柜, 入面有吹筒同 d 頭髮用品, 話可以整返好 d 頭髮先, 叫我慢慢, 佢係出面等我, 咁我都係咁二梳下個頭啦, 出到去, BA 俾返 skin test 張紙我, mark 底我用過既產品, 填左張問卷, 問我有冇產品配返, 行左個圈, 見 d set 唔太吸引, 何況屋企都好多存貨, 話唔洗住, 遲 d 先買, BA 都無 hard sell, 好有禮貌咁送我, 但無送 sample 就有少少失望啦 !!!

不過我記得之前有 sis 做過係有敷 paper mask 架, 但我今次只係用 Water Massage 咋, 好似無咁抵, 連埋 skin test total 用左 45 mins, 淨係 facial 我諗 30mins 都無, 唔洗錢都 ok, 但要錢就真係唔太抵啦, 或者俾錢用既野會好 d 掛, haha。

Ipsa BA 服務態度真係超讚, 今人買得好舒服, 亦係我開始鍾意呢個 brand 既原因。

購物 : 廣源良 + 面膜工具 + 頭飾

今日男友難得早放工, 仲係 TST 走唔洗返公司, 當然唔放過呢個機會, 捉佢同我行街啦!!! 結果又有戰利品拎返屋企啦, haha~~



廣源良蘆薈精華露 $50/250ml, 上星期係龍城見有得賣架啦, 諗住卓悅平 d , 點知卓悅無貨喎, 今日又出 tst, 第一時間衝去龍城買左佢啦。



係雅施買既面膜專用配套組合六件裝 $10, 原本係龍城見到 $8 都想買架啦, 因為 sasa 卓悅好少少都要 $15, 好彩係龍城無買, 因為龍城果 set 仲少 2個細兜仔架, 不過 d 膠有少少污糟, 返黎即刻洗下先啦, 個貓貓棉好搞笑。

另外, 見到 Biore Cleansing Oil $48 咋, 真係好抵, 同台灣差唔多價, 不過包裝有少少唔同, 個樽寫日文, 但個貼紙係寫英文架, 可能產地唔同, 我唔係買左 kose 清肌晶, 都會掃返 2支呀。



沖 涼用個頭箍好似想爛想爛咁, 但行過好多舖頭, 靚少少都好貴, 係 tst 仲誇, 普通膠頭箍都賣成 $89 喎.... 真係食水深, 最後醒起 Park Lane 間林贊記喎, 果然真係多款又唔貴, 買左 3 樣野, 粉紅頭箍 $12, 藍色蝴蝶夾 $15 (我好鍾意呢個), 棗紅花花夾 $18。

極速 shopping

以下係我今日出 tst 一個鐘多 d 既戰績, 好似傻左咁勁買, haha

都唔知好彩定咩, 平時成日見到既野, 諗住長期有貨等用晒存貨先買啦, 但到想買又缺貨喎, 今日行過見有, 當然唔好諗, 即買啦, 唔係又後悔!!!

Kose 清肌晶 Cleansing Oil, 睇 BE 有人話雅施賣 $180 (原價 $240), 但經常無貨, 今日俾我見到喎, 買!!!

Sally Hansen Base & Top Coat $52, 之前用 Missha Base Coat, 可能放得太耐定點, 好似隔唔到 d 甲油咁, 指甲差左好多, 有橫紋又黃咁, 所以買返支好 d 既黎用, 呢 d 錢真係唔慳得!!

原本仲見到廣源良蘆薈 gel 架, 見龍城有得賣, 但貴卓悅少少, 諗住卓悅都應該返左貨, 點知行左幾間都無, 但行返龍城又好遠喎, 所以無買到 lu, 不過唔急住用, 等見到先買啦



跟住係 LCX 諗住用埋張 Isa Knox $100 Coupon, 原本只係想買百幾蚊野, 點知...
買左支 LAHA Ageless Essence Skin (Toner) $290 / 140ml, 質地係 gel 狀, 但一按就變水好易吸收

LAHA Ageless Essence $398 / 40ml, 做緊特價, 原價 $550 啦, 因為 LAHA line 停產啦, 所以減價掛, 吱出黎係 cream 狀仲以為好潤, 推開後都好易吸收唔 lup, 諗住秋天用 Ageless essence, 冬天就開魚子 essence, fit 晒!!

係 Lip & Eye Remover, 原價幾錢就唔知啦, 因為係買滿 $300 加 $1及 3個印花換架, 見咁抵換支囉, 唔止換呢個架, 仲有保濕 trave set / 保濕面膜 / 眉筆 / 眼影 / 潔面紙 & 唇彩盒, 雖然保濕 set 最抵, 但我之前買野已經有 1 set, 淨係開左支精華, 但覺得潤左 d 唔太鍾意, 所以換支 Makeup Remover 好過啦



打開左, LAHA 個包裝有 d 似 Dior, haha



原本 BA sell 我支活氧 mask, 支出黎係 gel, 過一陣會變左泡, 就咁過水就得, 都幾得意, 話可以注氧, 挨夜後用最啱, 支 mask $500, 但即時回贈 $250, 再俾張 $250 coupon 下次買野時 redeem, 真係好抵, 變相支 mask 係免費, 但為左唔想再跌落 Isa Knox 既陷阱, 我決定唔買, 因為 redeem $250, 到時見到有抵 set, 又 promotion 咁, 實忍唔住買幾百蚊野架啦, 好似今日咁... haha

Muji Face Color

名 稱 : Muji Face Color (Orange)
價 格 : $48
容 量 : 3.5g

想買隻自然色唔閃 peach 色既 blush 好耐, 見 muji 有我想要既色, 平平地買黎用下啦



同 Shu Uemura 比較, 有人話 muji 同 shu 係同廠, 個包裝都幾似, shu 容量多 d , 有 5g, 論粉質 shu 係幼細好多, 但價錢差好遠啦~~
 


試係手, 已經搽到好紅架啦, 但影相好食色呀

我是男校畢業的女生

書名 : 我是男校畢業的女生

作者 : 椿姬彩菜 (Ayana Tsubaki)

譯者 : 黃穎凡




簡介 :

她, 是一位優秀的女大學生, 也是日本流行雜誌的人氣模特兒。但沒有人能夠相信, 「她」來到這世界時的身分, 竟然是個「男生」!
一個男生的身體裡, 住著一個女生的靈魂……。以這樣矛盾的身心一日一日生活著的她, 所承受的是一般人難以想像的嚴酷考驗 ~ 家人的決裂、戀情的苦惱、社會的偏見、關乎性命的手術……。

但是, 雖然「性別」曾經是她最大的自卑, 「他」卻不畏艱難地努力, 選擇勇敢地面對, 將自卑感琢磨成獨特的「個性」, 以「她」的女性樣貌, 重新啟動自己的人生 !

出生於1984年7月15日, 家中長男。從小對自己的性別感到疑惑, 卻因為父母的教育方針而在小學三年級時插班進入小中高一貫教育的私立男校。

2002 年, 進入青山學院大學就讀, 後因身體和心靈的拉鋸日益加大, 而在大學二年級那年夏天辦理休學。就在此時, 他得知「性別認同障礙特別法」的存在, 知道只要符合特定的條件即可變更戶籍上的性別記載, 於是下定決心接受變性手術。為了籌措手術所需費用, 他曾在新宿歌舞伎町的變性人俱樂部工作。

2007年4月, 順利動完手術的「她」, 正式變更戶籍上的性別並辦理復學, 以女性之姿開創嶄新人生。

在青山學院大學就讀之餘, 更運用法語專長翻譯繪本, 以及擔任化妝品的形象大使、協助製作樂曲「安眠 BMG」、參與和果子的商品開發等; 以「為女性創造幸福」為主題, 積極參與各項活動。此外, 還擔任雜誌「小惡魔 ageha」模特兒, 相當受到矚目。


就 咁睇真係估唔到作者原本係一個長有「尾巴」的堂堂男子, 我亦都係第一次了解「性別認同障礙」係咩一回事, 其實有呢種先天既心理"病" 都係一件幾痛苦既事, 所有人都會覺得佢係怪物, 乸型, gay 佬.... 作者雖然經常遭到歧視同偏見, 但亦好努力咁想得到朋友、家人既認同及了解, 經過好多年既傷痛、淚水、誤解, 最終可以成為「真正女人」及得到家人, 社會既認同同接受。



椿姬彩菜官方網站 : http://www.tsubaki-ayana.jp

Shiseido The Skincare Night Moisture Recharge

名 稱 : Shiseido The Skincare Night Moisture Recharge
價 格 : 不明 (約 $300)
容 量 : 75ml

產品介紹 :

亮麗肌膚源自水份的力量。然而, 對肌膚來說, 吸水和鎖水卻是一項挑戰。憑藉資生堂科研人員逾整世紀的卓越研究成果, The Skincare 賦予肌膚一切所需, 塑造水潤完美的每一天, 悠然面對日常生活和環境壓力。

資 生堂護膚科研, 超越固有的保濕效能, 賦予肌膚自我製造水分和卓越的水分管理能力。透過提升肌膚內部溝通, 促進肌膚天然循環。持續使用 The Skincare 為肌膚帶來抗乾燥和抗衰老能力, 讓肌膚每天更見柔軟潤滑, 煥發超凡亮麗的膚色。靈感源自終極自信, 傲然邁向亮麗未來。

*  配方蘊含的柚籽精華, 促進透明質酸的製造, 天然保濕成分(透過體外肌膚測試)。
*  憑藉細膩的質感與怡神的香氣, 將護膚效能提升至最高。

多效夜用活膚霜於睡眠時修復日間損害, 同時為肌膚灌注源源水分滋潤, 讓肌膚回復柔軟嫩滑, 煥發健康光采。質感如絲般清爽, 適合中性肌膚。

上次 post day lotion 時, 話俾大家睇下個 pump 咀, 夠大好易 pump, 而且唔洗一按到底

質地好水, 推開有少少似 gel cream 狀, 睇 catalogue, 原來仲有款 light, 質地再水 d, 啱油性皮膚用既。

都係舊年朋友送既生日禮物, 所以唔知正確價錢係幾多, 質地都幾爽唔 lup, 又帶少少滋潤感, 中性至乾性皮膚夏天用幾啱, 但除左少少補濕滋潤外, 又唔覺有咩特別囉....

另外支 Day Moisture Protection (按此)  已經用左一半啦, 可能 day lotion 有防曬既關係, 質地有少少 lup, 反而 night lotion 仲爽身 d, 雖然兩支質地都好薄好水, 但上面後會有層野好似吸收唔晒咁... 以為搽得太多份量, 試下搽少 d , 但過幾個鐘面珠位又有 d 乾喎...

L'oreal Perfect Slim Pro-Massage (舊版)

名 稱 : L'oreal Perfect Slim Pro-Massage (舊版) 
價 格 : $75
容 量 : 150ml

產品介紹 :

過多脂肪積聚或受壓便會導致脂肪細胞增大和囤積, 並推向皮下的結締組織因而形成橙皮紋, 繼而令肌膚表面呈現凹凸不平的小窩、身體線條鬆馳和水腫等問題。

巴黎歐萊雅護膚中心以專業塑身按摩為靈感而研發出嶄新完美曲線專業按摩纖體緊緻精華, 有效排水腫並改善橙皮紋問題, 結合抗橙皮紋按摩及高效緊緻精華於一身。蘊含咖啡因之高效成份 Co-caffeine Cx, 有效改善橙皮紋。

步驟一 : 按摩 - 刺激微循環及淋巴代謝
消脂按摩器強效地按摩橙皮紋囤積的部份, 能刺激脂肪部份、促進血液微循環及有效排水腫, 為肌膚準備第二部纖體。

步驟二 : 塗抹 - 即時緊緻、消脂
高效緊緻精華蘊含高效成份 Co-caffeine Cx, 專為按摩後而研製, 有效改善橙皮紋問題。精華質感不黏膩, 能即時收緊肌膚。使用後更可隨即更衣。


使用方法 :

-  每天使用一至兩次, 每次約五分鐘
-  使用前, 請先清潔肌膚並保持乾爽
-  緊記由下而上單一方向使用按摩器。不應來回前後按摩, 以確保按摩跟隨通往心臟的血液循環方向進行
-  不要太用力向肌膚推動按摩器。若肌膚在按摩期間出現微紅, 是因為身體微循環得到改善, 此為正常清況, 毋須擔心, 且微紅會續漸消散
-  使用時, 讓兩邊滾輪中央的箭咀以45度角向下垂直的方向指向肌膚, 在需要按摩的部位由下而上重覆滾動數分鐘
-  產品適合使用於小腿、膝頭內側、大腿、肚窩、腰間、臀部及手臂等容易囤積橙皮紋的部份
-  請勿用於面上


                             
有 圖 片 教 按 摩 方 法






之前用過分日夜果款, 用左一星期都感到手臂、肚腩位係 firm 左。呢支當時出新版時做特價, 可惜我行左幾間萬寧卓悅都搵唔到, 後尾買左 st.ives 黎用, 早排係雅施見到呢支轆轆 gel 有貨, 價錢又平, 即刻買黎試啦, 當買個轆都抵。

轆果時如果太大力都有少少痛, 手臂、肚腩、pat pat 位大約轆 10下, 轆完會有少少紅同慶, 然後就搽個 gel, 好快吸收唔 lup, 用左 1 week 都有少少效果, 當然呢 d 唔可以減到幾多, 只係有 firming 效果, 要配合運動先有效顯著, 所以唔好期望太高。

用完我會留返個吉樽既轆轆, 夾其它 slimming gel 用都得嘛, haha。

購物 : Chacott Finishing Powder

早幾日用完一罌啦, 屋企既碎粉都用晒, 諗住清下 d Pressed Powder 啦, 點知效果麻麻, 妝感好厚, 毛孔、乾紋都現晒出黎, 又易溶妝, 勁樣衰囉!!

今 日約左 sheep 係旺角交收手工皂, 順便去水貨舖望下, 見到 170g 大 size 都係 $165, 唔算貴咪買囉, 點知行多兩間舖, 都見到有喎, 多口問價錢, 唔問由自可, 一問真係把幾火呀, 賣 $150 咋, 仲有得試色, 激鬼死呀!! $15 夠我車錢來回啦, 嗚嗚嗚....



買返透明色, 呵呵, 又有排用 lu~~

清貨 - 2009年7月

Olay Regenerist Micro-sculpting Super Cream (按此) 
買佢既原因係朋友用黎搽頸, 頸紋淡左好多, 所以又買罌試下, 但初初搽有 d 敏感, 從來未試過頸敏感, 跟住用左黎搽面, 早兩個月又再試用黎搽頸, 點知又 ok 無事喎, 所以都 keep 住搽, 但頸紋唔覺淡左...

Shiseido Perfect Oil (按此)
都幾好用, 不過唔係成日見到有得賣, 有時敷 mask 前都會用佢抺左先, 所以個半月度就用完啦。

我的美麗日記日本吉野櫻花面膜 (按此)
同 sheep share 買既, 所以無盒影唔到相, 都唔錯, 但都係鍾意紅酒同納豆多 d。

St. Ives 擊退橙皮紋精華啫喱 (按此)
用完都唔覺有去水腫或修身效果, 橙皮紋我唔多, 所以唔知去唔去到, loreal 有效 d, 所以回購機會好微啦。

彩豐行草莓乳酪面膜 (按此)
幾香士多啤梨乳酪味, 但無乜特別, 初初用都覺膚色白淨左, 但用多幾次就無乜效果啦, 敷時仲有少少拮拮地添, 同埋敷得耐少少難洗, 所以後尾都豪用快手用完算啦。

Crabtree & Evelyn Lavender Hand Therapy
相 信好多 sis 都用過 crabtree 既 hand cream 架啦, 都唔洗多講, 呢支係朋友俾既, 應該係 x'mas set 拆開左, 得 25ml 細細支放係手袋幾方便, 但缺點係佢金屬料, 如果係角位爆開左 d cream 會漏到化妝袋週圍都係。同埋而家 crabtree 原價貴左好多好多, 唔係有折或 promo 都唔捨得買呀。

彩豐行人蔘抗皺再生精華 (按此)
Gel 狀易吸收唔 lup, 好香人蔘味, 又無敏感, 月頭都係彩豐買多支做 spare, 不過抗皺效果就無乜啦, 只係普通有少少補濕既精華。

Ipsa Metabolizer EX 3 (按此) 
2月尾果時德福做 roadshow 買既 set 裝, 得 50ml 一半既 full size 都無, 但好襟用呀, 用左4個月咁制。質地好水狀, 但有少少滋潤, 唔會好爽, EX 係增加皮膚彈性既, 下次試下 EX 2 先, 呢個會潤少少。

彩豐行 (青瓜滋養 / 膠原蛋白) 軟膜粉 (按此)
平平地都幾好用, 而且一包可以分兩次用, 用水開都唔會好快乾, 都會敷 15-20mins, 有時開得稀仲可以敷 30mins 先洗面添呀, haha, 敷面皮膚好軟, 仲白左少少, 不過效果唔持久。

廣源良白玫瑰銷水滋養面膜 (按此)
價錢平過美麗日記, 呢款精華較爽, 敷完按幾下就吸收晒, 有淡淡玫瑰香味, 敷時幾舒服, 幾補濕, 睇黎會轉用廣源良唔買美麗日記 lu, haha




Sample :

LaVie Eye Lab Dark Circle Correcting Eye Cream
Olay Total Effects 7 in 1 Anti-aging Moisturizer
Ipsa Refiner Water Massage x 5
Shu Uemura Whitening Lotion
廣源良絲瓜水漾舒緩面膜
Nivea Slimming & Reshaping Gel-Cream
Liz's 薄荷軟膜粉
L'occitane Roses Hand Cream
 

蜂蜜綠茶黑糖皂 (2009-7-26)

成份：綠茶浸泡橄欖油，椰子油，棕櫚油，白油，乳油木果脂，甜杏仁油，荷荷巴油，可可脂，蜜蠟，黑糖，NaOH，蜜糖

上次做綠茶皂後, 已用綠茶茶包浸泡橄欖油，留待下次備用做皂, 浸左2個月有多, 所以好深色, 好香綠茶味。

第一次整 1000g 咁多油, 所以都有 d 難度, 材料既份量係平時既3倍, 所以用左個大煲黎攪, 我既皂模亦都傾巢而出添呀, haha, 一共做左 18舊皂皂。

用 黑糖粉開水溝 NaOH, 所有油脂隔水加熱溶解, 因為份量多, 等降既時間都長左, 65℃ 水油混合, 搞拌 65 mins 後 light trace, 加蜜糖再攪 20mins 入模, 今次 SF 既蜜糖較多, 顏色偏啡好靚呀, 好有 honey 既感覺。

用矽膠模既皂因較易脫模, 第2日已將部份脫模吹乾, 但用吸塑模第4日才脫模, 但都甩得幾靚, 只係有少少角位崩左咋, 已經好好架啦, 因為吸塑模真係好難脫, 對今批皂都好滿意呀。