凹凹賞第七回 - Chacott Finishing Powder #753

Chacott 係芭蕾舞用品既品牌, 唔單止有化妝品, 連芭蕾舞鞋、衫都有既, 呢款碎粉係日本 No 1 排行榜年年都入三甲架, 所以好多貪靚既 sis 都有聽過或試過。

呢盒係 otsumami 去日本幫我買既, 果時 yen 價無咁高, 都係 HK$100 多 d , 真係好抵用, 170g 咁多都分左好多俾 fd 試, 我都用左 1年半先用完呀。





用到最尾都用碎粉掃掃下, 真係一粒都無淨呀!!!



真係好大盒架, 普通 30g 碎粉盒放入去都仲有咁多吉位, 平時我會用 Clinique 碎粉盒分裝, 方便 d 嘛





170g 無花無假呀, #753 係透明色, d 粉係白色既, 但上面後一陣就會無色, 粉質好幼細, 好薄好自然, 搽得多都唔會粉樣, 唔乾, 但控油唔算好好, 因為我係偏乾皮膚, 唔算多油, 所以好啱我, 覺得好好用架, 仲可以溝深色既碎粉或粉餅黎用添。

但有 sis 會話透明色上面太白, 佢另外都有好多色揀, 但選色較難, 有 d 偏紅或偏黃, 要買 2隻色溝埋黎用先 fit 膚色喎。控油效果唔算好好, 所以都好多人話用佢個妝好易溶。我就無以上問題, 遲 d 都會買返盒黎用, 真係平靚正!!!

 

CWB 半日遊

同男友去左 cwb 睇 Harry Potter, 係家姐俾既免費飛, 呵呵, 但我地好晏先出到去, 所以坐得前左 d, fri 會睇多次 (已經一早買左飛啦...) 係 3D版, 期待~~



睇完戲去左 Sogo Club 16/F, 買左 Ipsa Cleansing Milky Foam 俾男友, 自己就買左本 With 8月號。



BA 送左兩包 sample, 同埋第三次購物, 送左個 Facial, 價值 $400 架, 仲好 full, book 到 8/15 先有得做。

彩豐行軟膜粉 (青瓜滋養/膠原蛋白)

名 稱 : 彩豐行青瓜滋養軟膜粉 / 膠原蛋白軟膜粉 
價 格 : 各 $5
容 量 : 各 60g

產品介紹 :

青瓜滋養 - 蘊含極高青瓜精華, 有效舒緩及鎮靜肌膚, 同時提供豐富的保濕及嫩白效果, 不刺激肌膚, 更有收斂毛孔效果。配合金縷梅收毛孔軟膜底霜效果更佳。

膠原蛋白 - 具深層保濕效果, 增加肌膚彈性, 預防皺紋產生, 減淡細紋, 使肌膚回復緊緻有彈性, 改善暗淡肌膚。配合透明質酸注水軟膜底霜效果更佳。

用法 : 將軟膜粉倒於美容器皿上, 加入50-60g 啫喱水或蒸餾水 (建議逐少加入, 不可一次過加入), 以美容棒順時針攪動, 搞至漿狀; 可先於面上塗上一層薄薄的軟膜底霜, 再均勻地倒上軟膜, 或直接均勻地倒上軟膜(請避免接觸眼部及嘴唇位置), 待15-20分鐘輕輕由下至上取走, 以清水清洗便可。

先加水, 再落軟膜粉, 逐少逐少咁加

開到泥糊狀就可以敷上面啦

一包份量都幾多, 所以我會分 2次敷, 敷之前會用 Ipsa Refiner Water Massage 打底先。

青瓜滋養 :
淺 綠色粉狀, 所以開出黎都係淺綠色糊狀, 香味同系列既 gel mask, toner 同味, 第一次落少左粉, 半包都無, 開出黎稀左 d, 敷果時流落黎, 敷左 30mins 都未乾。第二次就用埋淨低既大半包, 就好好多啦, 夠杰易搽上面, 比膠原果款幼滑 d, 敷左 20mins 撕走, 覺得膚色白淨左, 好滑, 但效果唔持久。

膠原蛋白 :
白 色粉末, 普通軟膜粉香味, 無上次 sheep 俾我果 d 咁易開, 攪好耐仲有粒粒, 不過就無咁快乾。第二次用 BE sis 教既方法, 落左水先加粉, 雖然要用多好多時間攪, 但真係無乜粒粒, 呢款唔易乾喎, 淨用水溝敷 20mins 都仲未乾, 撕出黎仲有 d 一 pat pat 咁, 個兜淨左果少少都仲濕濕地。效果同青瓜差唔多。

Maybelline Gel Eyeliner - Black

今日萬寧又做正價貨品 75折啦, 上星期買唔到 Maybelline Eyeliner Gel, 放工即刻衝去買啦, 原價 $79, 折實 $59.2, 足足平左 $20 咁制呀, 好抵
不過買果時無標明 75折, 去收銀叫 staff 過機, check 到有折先買咋。




打開後係咁既, 包裝普普通通啦, 但有埋掃好方便, 支掃既質地都唔差架, 又唔會太短唔就手。



影出黎有少少反光, 係無閃粉架。



質地好水, 好順好好推, 而且好實物, 夠黑, 畫貓眼好正呀。



係水喉捽左 10下, 都有少少甩, 唔知防油效果。



返到屋企襯未卸妝即刻試左上眼, 可以畫到好幼細, 比得上 liquid eyeliner 咁幼, 好順好易畫, 乾左之後唔會印到上上眼皮 (眼窩位), 但用紙巾抹都有少少甩, 用 biore 卸妝油已經卸得好乾淨。搵日出街試下易唔易溶先~~

香港暫時只係黑色發售, 但台灣有啡色, 如果有得賣, 都可能會買埋, haha, 啡色平日用自然 d 嘛 !!

Nature & Co Pure Bright Mask C

名 稱 : Nature & Co Pure Bright Mask C
價 格 : $130
容 量 : 150g

產品介紹 :

猶如幼滑糯米滋的奇妙質感, 柔軟老化角質, 舒緩肌膚, 締造潤澤嫩肌。所有膚質適用 (特別適合肌膚暗啞、乾燥人仕)

主要成份 :
維他命 C 誘導體 - 抑制使肌膚變晦暗的黑色素, 防止色斑生成。
有機迷迭香萃取液 - 迷迭香具有美白、細胞活化更生效果, 締造水潤嫩白肌膚。
有機金盞花萃取液 - 金盞花具有高度保濕效能, 能為肌膚消除炎症、殺菌, 讓肌膚時刻保持清淨剔透。
日本天然溫泉水 - 具美肌果效, 對改善肌膚質素具卓越效果。








係 watsons 賣既 mask set, 有 lotion light 35ml, milky light 35ml, 另外 catalogue 仲有2包3ml sample 添, 真係好抵呀, 罌 mask 又超大喎, 有排敷呀。

質 地好得意, 好似布甸咁, 軟淋淋好滑, 但敷上面唔係太好推, 微微既草本花香味, 好舒服唔攻鼻, 有 relax 感覺, 敷 20mins 都唔係好吸收咁, 留左係表面咁, 塊面仲有好多 mask, 同埋幾難洗, 所以唔好厚敷, 或用紙巾抹面後先過水會好 d。

過水後美白效果唔明顯, 但膚色均勻左, 無咁暗啞, 亦無敏感, 唔會紅, 敷時亦無刺痛感。

 

彩豐行保加利亞玫瑰花水

名 稱 : 彩豐行保加利亞玫瑰花水
價 格 : $48
容 量 : 200ml

產品介紹 :

保加利亞玫瑰香薰 - 珍貴植物美肌成份
沙漠仙人掌植物精美 - 持久鎮水成份般的肌膚





好香 rose 味呀, 唔係太香精味, 質地好水, 幾補濕, 我係敷 mask 前用黎打底, 溝軟膜粉, toner mask 咁, 平平地豪用都唔肉赤呀, 雖然咁平, 但都無敏感, 比另一款 Joseristine Rose Tonic 好用, 相對價錢亦較貴。

 

收到 NYX Lipgloss & Lipstick 啦!!!

終於收到 BE 團購既 NYX 啦, 等左好耐呀, 買左 3支 Lip Gloss with Mega Shine, 3支 Round Lipstick, 支唇線筆係送既。

NYX 真係好抵玩呀, 6支加埋仲平過係 counter 買一支唇膏既價錢, 呵呵, 我呢個唇膏怪又點忍到手唔買呀。

Lipgloss 左起 : 150 Juicy Pink, 155 Perfect, 160 Tea Rose

Lipstick 左起 : 529 Thalia, 544 Hermes, 628 Tea Rose






唇膏影出黎有少少色差, 應該係無咁深色架。NYX Round Lipstick 係好出名架, 因為平靚正囉, 唔好睇佢 d 色好 matte 咁, 但一 d 都唔乾架。



lipgloss 好靚, 最鍾意支 Juicy Pink, 真係無改錯名呀, 好 juicy, 但呢款 lipgloss 係有 cherry 味既, 但一般 cherry 味都會變左藥水味囉... 好彩搽上咀一陣就散, 唔係太勁咋, 質地係幾好, 唔 lup 咀, 顯色度高, 仲有少少閃。



好鍾意下排左邊果支 Thalia 呀, 好似我唇色, 好自然, 下排中間隻 Hermes 單搽就啡左 d , 但 on top 搽返 lipgloss 都唔錯。雖然 Tea Rose 有 lipgloss 同 lipstick, 但2支 d 色係唔似架, 大家都睇到好明顯既分別啦, lipgloss 係帶粉紅色, 淺好多, lipstick 真係 rose 色。



NYX d 產品真係唔錯, 怪不得話係平版 MAC 啦, 論質地、顏色、包裝都好似, 但價錢係十份之一囉, 下次想 order E/S, 都係好出名, 多色, 質地好, 顯色度高, 最重要係平嘛。

Shopping~~

呢支係 Loreal 既舊版轆轆 gel, 出新版時萬寧清貨減到好平, 但我買唔到, 之後係 sasa 卓悅都唔見有舊版, 早排係旺角雅施見到, 但果日好趕無買到, 早幾日經過仲見有喎, 即買啦, 唔係成日左諗右諗搞到又錯過左, 成為 $75 大元。

sheep 話新版個轆大 d , 無咁痛, 但舊版支 gel 有效 d , 同埋無咁 lup 喎, 我用埋 st.ives 去橙皮紋 gel 就會開黎試。



今日經過 watsons 見到仲有 set 裝, 我 d mask 都清得差唔多, 就買黎試下啦, $130, 有 mask 150ml 送 lotion 35ml, milky 35ml。



mask set 知道有 lotion & milky treval size 之外, 原來本 catalogue 入面仲有兩包 lotion & milky sample 各 3ml 喎, 可以俾 fd 試呀, yeah~~

彩豐行 (三)

都有幾個月無係彩豐訂野啦, 今次買左好多野呀~~




A577 蔗糖特滋潤沐浴露 $21/1000ml
用 左好多支啦, 呢支 shower gel 真係好好用, 由賣 $18 一直用到而家, 另外有 $7/200ml size, 香味有少少似 neutrogena 黃色果支沖涼液, 但價錢差唔多十份之一, 呢支係買俾男友既, 因為我仲有好多 soap 同 body shop 未用呀

A45 蔗糖防護滋潤潔手泡抹 $18/500ml
吱出黎已經係泡泡, 啱晒朝早趕時間用, 見咁平, 呢排又咁多菌, 要洗手洗手洗手嘛
 
A1398 保加利亞玫瑰花水 $48/200ml
原本想買 YUK line 既玫瑰花水架, 點知呢條 line 原來已經無得賣啦, 所以買呢支試下, 可以敷 mask 前用, 溝下軟膜粉同做 toner mask 嘛

A1921 蜂皇玻尿酸爽膚精華 $39/120ml
試係手好稀既 gel 狀, 補濕得黎唔 lup, 又幾香 honey 味

A1958 銀杏人參抗皺再生精華 $54/50ml
呢支用緊啦, 見幾好買定多支 spare 啦, gel 狀啱夏天用, 好香人蔘味

A3661 青瓜滋養軟膜粉 $5/60g
A3662 膠原蛋白軟膜粉 $5/60g
2款新出既, 另外仲有款美白, 不過美白我無乜興趣, 一包 60g 應該可以敷 2次

 

Ipsa The Time Reset Aqua W

名 稱 : Ipsa The Time Reset Aqua W
價 格 : $300
容 量 : 200ml

產品介紹 :

． Aqua Presenter II 於肌膚表面形成「持效防護保水層」及「深層滲透式水分屏障」, 為肌膚注入大量水份, 更有效引導保濕成份持續吸收, 時刻水份飽滿。
． 茉蕎蘭, 玫瑰精華及甜茶提昇高效肌膚製造透明質酸及預防透明質酸的流失, 更可預防肌膚乾燥、暗瘡等造成的凹凸不平, 保持肌膚平滑, 持續水盈飽滿。
． 藥草精華令肌膚回復新陳代謝正常, 修整紊亂紋理, 改善粗糙膚質。






之前用廣源良真係唔夠補濕, 轉用 ipsa 後, 感覺差好遠呀, 質地睇落好似水咁好稀, 搽上面, 好快吸收, 皮膚感到好多水份呀, 雖然係補濕液, 但佢都有少少去死皮功效, 用化妝棉抺後, 會見到化妝棉有少少淺黃色, 所以唔洗跟足 ipsa 既 step, toner 後再用呢支囉。

不過呢支唔平, 我都唔捨得好似平時 d toner 咁豪用呀, 敷 mask 前都無用, 感覺都係差 d , 所以會買 d 平 toner 一齊用。

STOP! 別再錯誤保養啦! (Part 3)

<< STOP! 別再錯誤保養啦! >>

~~ Part 3 ~~

第 22 日
前一晚洗完 面無搽 skincare 就瞓左啦, 起身塊面都唔算好乾, 有出油鼻位令晒呀, 面珠就 ok, 唔乾唔係好油, 洗完面有少少乾, 都等左 1hr 先搽野, essence, lotion 份量搽多左少少。夜晚就用 toner 濕敷左一陣先搽 skincare, 塊面水份多左, 滑左呀, 呢幾日塊面都好鞋, 難得滑返。

第 24 日
今 日係用左呢個方法以黎, 皮膚最好既一日, 早幾日塊面真係好鞋, 死皮好厚咁, 噚晚敷左個 Ipsa clay mask + 美麗日記櫻花面膜, 噚晚搽 skincare 都唔覺太大分別, 但今朝潔面後抹 toner 時已覺塊面好滑好水潤, 可能水份夠, 連毛孔都細左 d, 上粉底都貼好多呀, 不過我都唔知點解, 可能呢排少左敷 mask, 一用效果就好明顯!!!

第 26 日
洗面後面珠位又乾返, 但鼻位出油量多左, 而且鼻尖位出左 d 紅紅地好硬既瘡, 面珠位洗面後有 d 拮拮地, 有 d 好實既粒粒, 又吱唔到喎, 額頭都多左暗粒。

第 28 日
情況同早兩日差唔多, 粒粒仍然有, 有時洗面, 會係鼻頭捽到 d 硬硬地既油脂粒出黎, 但都有紅既瘡, 面珠既粒粒仲係度, 今日化妝後仲有 d 痕添。

第 30 日
今日既皮膚都係差唔多啦, 粒粒好左 d, 但洗面後都係有 d 乾, 同埋敷 mask 後好似有少少敏感, d 粒粒又現左 d, 鞋鞋地咁。


總結 :

照 呢本書個方法終於過左一個月啦, 我覺得春夏天都幾好, 但冬天對我黎講實乾死, 之後都盡量減少 skincare step, 潔面後唔會立即搽保養品, 等 5-15mins 啦, 放假係屋企就可以唔搽 skincare 黎個"肌斷食", 加強皮膚既復原能力, 但濕度太低, 就未必做到啦。

~~ 完 ~~

購物 : 化妝掃 + 起泡網

之前 BE sis 話係卓悅買左同 Muji 差唔多既起泡網, 終於俾我買到, $4 咋
另外買左 set 化妝掃 $11, 有眉掃, 眼影掃, 唇掃, 平平地買黎玩下啦







起泡網係傘形既, 但唔似 Muji 咁, 可以放塊 soap 入去, 呢個只係用黎起泡, 唔可以直接潔面既, 不過我就用黎沖涼, 所以將個 soap 放係中空位, 倒轉個網喳住開口位, 等個 soap 唔好跌出黎, 直接係身度捽, 好易起泡呀, d 泡仲好似 mousse 咁, 好正呀, 唔洗慢慢捽, 沖涼時間都快左好多, yeah~~

霸王中草藥修護洗髮露

名 稱 : 霸王中草藥修護洗髮露
價 格 : $79
容 量 : 1000ml

產品介紹 :

本 產品是由源於中藥世家的霸王國際科研中心採用中國傳統中草藥祖傳秘方, 融合現代中醫藥與國際先進生物技術, 添加人蔘、當歸、石岩薑等多種中草藥提取液精製而成, 能溫和養潤頭皮, 滋潤頭髮, 特有植物焗油精華, 能強健髮芯, 修復毛鱗片, 令受損、毛燥、乾枯和分叉頭髮回復健康潤澤。適合各種髮質使用。






之前 sheep 俾過2款霸王既 shampoo 我試, 一款係人蔘, 另一款都唔記得係咩 lu, 2款都好好用, 但佢係大陸買, 香港得防脫、固髮、修護三款, 之前我又電曲又拉直, 頭髮傷晒又多開叉, 咁就買修護呢支試下啦。

質 地係啡色 gel 狀, 好香中藥味, 但唔算好濃, 我之前用過衍生行澳雪人蔘 shampoo 隻味真係好勁, 朝早洗髮後返到公司, 有同事經過, 問我邊個煲藥, 咁大陣藥材味, haha, 果刻真係想笑出黎, 我梗係唔認 d 味係我個頭度發出黎啦, 但有 d 鼻較靈敏既, 都聞到係我, 話好勁味, haha, 講返霸王, 佢易起泡, 泡抹豐富, 過水後覺得爽得黎好滑, 唔會好似 pantene, dove 果 d 咁, 有層膜過極水都滑潺潺咁。

除左包裝同廣告娘 d 搞笑 d 之外, 都係一款好好用既產品, 我都會 keep 住用。連我男友見我開左, 都拎黎用喎, haha。

ps: 好想睇王菲個廣告, 但佢賣果款係去頭皮系列... 唔啱我用...

清貨 - 2009年6月

JuJu Squarpur Mild Lotion S (按此)
都幾好用, 不過唔係成日見到有得賣, 有時敷 mask 前都會用佢抺左先, 所以個半月度就用完
啦。

廣源良洋甘菊洗敷露 (按此)
用黎洗面唔得, 敷面就唔錯, 有時塊面痕痕地起敏感或缺水, 連敷幾日有舒緩作用。
 
The Body Shop Honey Moisturising Conditioner 
原本用開 lush 既, 但 lush 太貴又用得快, 所以試下 body shop, 呢支好香蜜糖味, 用左頭髮好順滑, 但到夜晚都唔 lup, 容量雖然比 lush 少, 但質地杰好多又夠潤, 所以好襟用, 雖然唔係日日用, 但都用到半年呀, 所以襯 body shop 入會有八折都買多支做 spare, 另外買埋 shampoo 試下。
另外 body shop 有舊瓶回收服務, 支持環保, 我會留起 d 吉樽回收呀!!

Tiffa Hand & Nail Cream
Kanebo 副線開架 brand, 初出果時係香港買唔到, 前年去日本東京旅行時係藥妝店見到即買啦, 仲平過香港添, 吸引我既原因當然係 rose 味啦, haha, 香味都 ok, 唔會好濃唔太假, 但唔夠潤, 係公司成日洗手, 所以用得幾快。另外我都買埋支 body lotion 架, 不過一早用完 lu。

 Ipsa Cleansing Milky Foam (按此) 
好襟用, 我淨係朝早用, 叫埋男友幫手用, 細細支 50ml 都用到 3個幾月, 清晒 d cleanser 存貨, 應該會買支 full size 黎用。
 
我的美麗日記納豆奈米面膜 (按此)
係台灣時買既, 平香港好多, 有 set / 特價時都係大約 hk$4x 一 盒, 美麗日記之中覺得最好用係紅酒及納豆, 納豆好補濕唔 lup, 無敏感, 亦無乜味, 唔洗擔心有納豆既怪味。

Burt's Bees Honey Lip Balm
係 水貨舖買, 平過萬寧好多, 大約 $35 左右啦, 用左好耐啦, 唔係成日用, 容量都幾多, 所以一年有多先用得完, 好香 honey 唔會臭, 亦無薄荷既, 但質地較硬身, 好難上咀, 要搽好厚先夠潤, 飲兩啖水又甩晒, 冬天一定唔掂, 尤其用慣 gel 狀既 lipbalm 添, 所以都唔會再買啦。

廣源良菜瓜水 (按此) 
質地好水, 對我黎講唔夠潤, 用黎溝軟膜粉同整濕化妝棉做 toner mask, 所以用得好快, 一個月都無就用完 lu, 用得咁快計起上黎都唔平, 回購機會好微啦。




Sample : 
 
Biore Deep Free Facial Foam
Ipsa Refiner Water Massage x 3
Ipsa Refiner Mask Fair White EX
Naomi 人蔘蜂皇漿洗髮露 x 2
Naomi 人蔘蜂皇漿修護精華素
Naomi 天麻首烏洗髮露Shiseido Maquillage Styling Keep Base UV
Shiseido Maquillage Lasting Powdery UV
Lush Dark Angels
Liz's 軟膜粉 x 2
彩豐行 Rose Bulgarian Sleeping Mask
Etude House O2 White Toner