STOP! 別再錯誤保養啦! (Part 2)

<< STOP! 別再錯誤保養啦! >>

~~ Part 2 ~~

第 12 日

今朝起身洗面後照鏡, 發覺鼻位毛孔細左少少, 但面珠近鼻翼既毛孔就大左好多啦, 化妝後都明顯見到... 夜晚即刻敷返塊美麗日記納豆面膜先啦, haha, 可能呢 d 位置比較缺水, 洗面後唔即時補濕真係乾左 d, 但都會再觀察下先。



第 15 日

星期日唔洗返工, 潔面後都過左 2-3個鐘先搽 skincare, 但搽完防曬 day lotion 之後塊面有 d 痕痕地, 平時返工都唔係好覺, 可能皮膚真係唔乾, 又習慣左搽少左 skincare 及分泌皮脂膜, 不過放假夜瞓左, 皮膚都無咁穩定。



第 16 日

呢 兩日實在太熱啦, 返到屋企即刻卸妝潔面, 果刻最舒服, 成個人爽晒, 10mins 後已經無繃緊感, 好爽但唔覺乾, 都唔想搽 skincare, 搽 toner, essence ok, 但搽 lotion 後有少少 lup。另外, 唔知做乜摸面珠位, 發覺有 d 硬硬地好似蚊 "爛" 既粒粒, 但照鏡又睇唔到, 唔痕唔痛, 洗完面無敷 mask (唔記得左, haha), 等 45mins 然後沖涼搽 skincare 就瞓覺啦, 不過開冷氣怕乾, 瞓前搽左少少雪花秀與潤面膜。


第 17 日

開冷氣瞓真係會乾 d, 今朝起身搽 skincare 都無乜問題, 上粉底後下巴位有少少刷膠碎, 再上碎粉就大問題啦, 勁唔貼, 尤其鼻位, 點按壓 d 粉都係浮左係表面, 越補越衰, 開冷氣瞓都係要搽滋潤 d 既 cream 打底先得...


第 20 日

呢幾日開冷氣瞓, 塊面乾左好多, 敷左 mask 都唔得, 另外皮膚角質好厚, 摸落鞋鞋地咁, 腮位仲出左 d 暗粒添, 都唔知做乜...
天氣好 lup 好熱, 所以 lotion 份量都搽少左, 有時都係輕輕搽少少 essence + 少少 lotion 就瞓啦。

~~ 待續 ~~

Isa Knox White X-II+ Luminant Soft Foam

名 稱 : Isa Knox White X-II+ Luminant Soft Foam
價 格 : Free (原價$218)
容 量 : 50ml (Full Size 210ml)

產品介紹 :

徹底去除油脂、污垢及化妝殘渣, 潔面後即時光滑亮麗。
淨化肌膚內的自由基及氧化物, 改善暗啞偏黃膚色。
Aqua White Complex 能溫和地潔淨肌膚同時保持肌膚濕潤柔滑, 絕無繃緊。











5月份係 Isa Knox 買 Ideal Ringer set 送既, 只係 50ml, 都唔算細支, full size 210ml 真係幾大支架, 我諗可以用好耐, 都幾抵用。

Liquid 狀, 有少少香味, 泡沫豐富, 洗完唔算乾, 都幾乾淨, 但 d 泡唔夠 ipsa 咁幼細綿密, 同埋洗完塊面無咁滑。

凹凹賞第六回

其實都只係用完支  Kanebo Tiffa Lipgloss 咋... Koji Eye Talk 好少用, 放得太耐, d 膠水變到黃黃地啦, 另外有 2 支 Clinique Lipgloss 又係變左, 有膠味, 俾我丟左啦, 唔記得左影相 !!!



睇下, 入面吉晒架啦, 倒轉都 "了" 唔到出黎。



影出黎好似仲好白, 但其實黃左啦, 搽上眼仲有少少拿拿地添~~

STOP! 別再錯誤保養啦! (Part 1)

<< STOP! 別再錯誤保養啦! >>

作者 : 
 
北原東一
皮膚科醫師, 北原皮膚科院長。1956年出生, 祖父是「北原美顏術」的創始者。北里大學醫學系畢業後, 擔任過日本醫科大學附屬千葉北總醫院的醫局長, 後來自行開業, 擁有豐富的臨床經驗, 所以在日本享有極高的聲譽。


內容簡介 :

你的肌膚保養方式正確嗎?
早上起床後就洗臉, 洗臉後就保濕, 仔細均勻塗上防曬乳之後才出門, 回家後先卸妝再洗臉。以上程序幾乎是每位女性都視為理所當然的肌膚保養方式, 但是, 你一定不相信這是天大的錯誤, 許多肌膚問題的真正原因, 就是因為這種錯誤的肌膚保養方式!!

1. 有關洗臉的錯誤觀念 
正確法臉方式, 用自己的手(不要用毛巾或刷等工具)和冷水, 唔好用熱水或暖水洗面, 開水喉既溫度就 ok, 因為冬天外面既空氣都係凍, 皮膚有適應力, 如果水溫太暖, 皮膚會受到刺激。一分鐘內洗面完畢。潔面後唔好立即搽 skincare, 待 30mins 觀察肌膚狀態, 皮膚會有再生能力, 分泌皮脂膜滋潤肌膚。

2. 有關保濕的錯誤觀念 
即使感到乾燥, 也不必搽任何保養品, 不要過度依賴保養品, 要靠肌膚皮脂膜的再生機能來保護, 寧願不保養, 也勝過錯誤保養。避免利用噴霧器或敷面膜保濕, 外側的保濕方式只會使皮膚更乾燥。

3. 有關美的的錯誤觀念 
紫外線固然有害, 但也不必過度恐懼, 日常生活中所接觸到的紫外線, 肌膚本身就具備恢復能力。防曬乳會對肌膚造成極大負擔, 蜜粉和太陽眼鏡就足以有效阻隔紫外線。

4. 有關卸妝的錯誤觀念 
避免雙重洗臉, 一般的化妝只須利用洗面皂清洗一次就可以完全洗淨, 濃妝部位則利是乳液來卸妝。卸妝液的種類繁多, 其中以卸妝油最容易造成問題。

5. 有關肌膚問題的錯誤觀念 
毛 孔便秘就會生暗瘡, 想要解決皮脂便秘, 最重要就是避免過度使用保養品。不要輕忽皮膚上的斑點, 有時隱藏嚴重疾病。正確的洗臉方法與按摩可以改善臉色暗沉, 好的按摩技術有益肌膚, 但是拙劣的按摩技術則會造成肌膚問題。保濕無法預防皺紋, 臉上的皺紋其實就像衣服的皺褶, 多注意日常生活細節, 才能避免不健康的皺紋產生 (表情紋)。壓力會對肌膚造成不良影響, 你可別太相信這種說法, 別把一切都歸罪於壓力太大, 錯誤的保養方式比壓力更傷害肌膚。如果你認為沒有一種保養品適合自己, 那就大錯特錯了, 過度依賴保養品的人, 越是希望用保養品來解決問題。

6. 有關基礎保養品的錯誤觀念
不要相信廣告所說既功效, 大都有誇大成份... 有效成分、天然、植物性、無添加等等, 都係推銷手法。


~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

睇完本書, 跟左佢個方法一段時間......


第 2 日
照 書咁講, 洗面後等 30mins 先搽 skincare, 但過程都幾辛苦, 因為皮膚好繃緊, 好乾呀, 但過左 15mins 開始好少少, 有少少油份, 唔係平時令晒果隻, 係自然既光亮潤澤感, 但朝早返工, 就無可能等 30mins 咁耐啦, 但我無減少用 skincare 數量, 因為買左咁多, 又開左黎用, 唔用好晒架嘛, 用埋先慢慢減少保養品吧。

第 6 日
早幾日塊面好乾, 乾到起乾紋, 仲有 d 甩皮添, 但今日洗完面 30mins 後, 已經有少少皮脂膜分泌啦, skincare 份量都唔洗搽咁多, 少少已經好夠潤, 搽 skincare 時仲無咁易紅及刺痛感添。

第 8 日
呢兩日放假唔洗返工, 可以早晚洗面後都等 30mins 以上先搽 skincare, 唔知皮脂膜分泌有改善, 還是習慣左乾燥感, 好似無前幾日咁繃緊, 快左出油尤其鼻位, 皮膚無咁乾 skincare 份量都搽少左, 無出街唔洗化妝, 唔覺乾時就淨係搽精華加少少 lotion 就好夠潤啦, 不過下巴黑頭多左好多, 眉心都有 d 白色暗瘡仔, 所以今晚敷 Ipsa Clay Mask 做清潔, 即時有改善。

第 9 日
跟住既方法保養後第一次有敏感反應, 我係較易敏感既膚質, 轉季換新護膚品唔在講, 有時太乾, 大力搽 skincare 或化妝後都會起敏感, 今朝洗面後無乜野, 拍 toner 上面, 面珠位已有少少紅, 到搽埋 essence 額頭、鼻側眼下個位已經紅左同埋有少少痕, 即刻搽敏感藥膏, 化妝後真到搭車返公司都有少少紅及痕, 返到公司過左陣就好 d 啦, 唔知係今朝落大雨濕度太高, 還是皮膚習慣左潔面後唔立即搽 skincare 呢!?

第 10 日
呢 幾日落雨濕度高, 皮膚又開始適應, 朝早化妝後都唔乾啦, skincare 都可以減少 d 份量, 不過下晝面珠位就有少少乾, 可能係冷氣地方太長時間, 點都抽走左 d 水份, 夜晚洗面後只係感到少少乾唔算繃緊, 15mins 已經穩定返, 30 mins 後見到皮膚表面有少少皮脂膜, 搽 skincare 無吸收得咁快, 同埋出油後塊面無剛潔面後咁白淨。


諗住照書既方法試一個月, 因編幅太長, 每 10日 update 一次吧, 多謝參觀!!!

 

~~ 待續 ~~

Call Now Yeah (可怒也)

T.LeClerc 胭脂掃, 我係 sasa 一 set 咁買既, 洗左幾次, 係個金屬個位已經有 d 甩甩地, 見到少少紅色膠水位, 咁都照用啦, 用果時輕手 d, 又唔敢再洗佢, 到噚日真係好小心洗下啦, 唔可以咁污糟架嘛, 點知手多多一 "忟", 就甩左出黎啦..... 身首異處, 死得好慘呀....



跟住我就試下插返入去... 就搞成咁鬼樣.... d 毛叉起晒, 仲係咁甩毛, 唔丟都唔得啦...



唉~~~ 估唔到一不離二呀, 爛完一件又一件, 都未試過用到化妝品爛左... 慘!!!



Shu Uemura Blush, 都唔係買左好耐, 個 clikc 位就斷左啦, 無跌過, 每次用完都好細力合返埋咋... 不過好多人用過都話佢個盒好易爛... 仲差過 d 幾十蚊既 blush, 真化學呀.... 原本諗住買多盒 M34, 而家慳返啦!!



睇唔睇到個斷口位, 原本個 click 位係長 d 架, 但個斷肢我搵唔返啦...

購物 : 龍城 + 萬寧

今日出左 TST 做野, 經過龍城, 當然唔蝕抵入去尋寶啦, hehe



見到 sheep 搵左好耐既 Koji Clear Eye Talk, 係透明既雙眼皮膠水, 佢用開, 但舊年開始好多地方都斷貨, 平時行卓悅龍城都會幫佢留意下, 見到有貨即掃支先啦, $55。
另一樣係買俾自己既, Vaseline Rose Lip Therapy, 其實我都已經有好多 lipbalm 架啦, 上次見到已經忍手無買, 今日經過諗住見到就買, 無就算啦, 點知係個架到唔見, 咁買 clear eye talk 俾錢時問下收銀阿姐, 一個話未返貨, 點知另一個話有, 啱啱到左, 呵呵, 咁好彩, 當然買返罌啦, $23, 呢個有 rose 味 (我最鍾意), 仲有少少色既, 係 tint lipbalm。

官網 : http://www.vaseline.co.uk/Product.aspx?Path=Consumer/OurProducts/LipTherapy
 

 

跟住食完 lunch 去左萬寧, 同事要買野, 佢有 HSBC Card, 最紅星期五有 10% 回贈, 咁我就搭單買左霸王中草藥修護洗髮露 $79, Pantene Milky Conditioner $57.9, 萬寧碎粉掃 $32.9, Dove 黑朱古力 $7.5, 掃同 dove 係綠點貨品, 買 2件有 85折, 4件產品用 HSBC Card 有9折, 折實 $154 咋, 買霸王送左支防脫育髮膏 100g, 買 Pantene 送左支 Milky Conditioner 50ml, 唔知點解收銀又俾左 2支 Naomi 炭粒子沐浴露 60ml, 咁我地一人一支, haha, 估唔到咁多野送, 好抵呀!!! 不過 d shampoo 同 conditioner 太重, 放係公司未拎返屋企, 無影相呀。

廣源良菜瓜水

名 稱 : 廣源良菜瓜水
價 格 : NT$199 (約 HK$50)
容 量 : 150ml

產品介紹 :

天然菜瓜水由絲瓜莖採擷而成，不含任何添加物，滴滴精純。
可使肌膚常保水嫩、光滑，並具有保濕、提神、滋潤、清涼之功效。
絲瓜水具有收斂、保溼的效果，對痘痘也有安撫的作用。
日曬後、覺得肌膚緊繃不適、或是有痘痘問題時，可以用絲瓜水濕敷五分鐘，再塗上保溼產品、或是痘痘專用產品，就能有效解除肌膚的狀況喔！
可以加入綠豆粉、薏仁粉，調製泥狀面膜，深層清潔又能安撫肌膚。



質地同普通水無乜分別, 無香味, 好稀唔似 juju 係 gel 狀, 唔係特別補濕, 拍上面好快吸收, 吸收後好似無搽過任何野咁, 有時用黎溝軟膜粉, 所以都用得幾快, 鍾意爽既 sis 夏天幾啱用, 個人黎講除左平之外... 無乜特別。

 

我的美麗日記日本吉野櫻花面膜

名 稱 : 我的美麗日記日本吉野櫻花面膜
價 格 : $58
容 量 : 10片

產品介紹 :

產品功效 : 亮顏、清新、舒緩
一般肌膚皆可使用, 特別推薦倦怠、晦暗肌膚使用



新出品, 見網上 comment 都唔錯, 但又唔想買10片咁多, 所以同 sheep share 試下。

包裝好靚, 粉紅色, 又櫻花咁, 係女仔見到都會心動, 個外盒都好靚架, 係 sheep 度我無拎。

打 開唔太聞到櫻花味或任何香味, 初初敷有少少拮拮地咁, 敷左一陣就無事, 又無敏感, 效果同美麗日記其它 mask 差唔多, 幾補濕, 膚色有少少明亮左, 皮膚水份夠, 毛孔睇落都收細左, 因為敷時有 d 唔舒服, 所以回購機會唔大囉, 都係紅酒及納豆最啱我用。

家傳滬曉@apm

朋友聽日生日, 所以今晚同佢食飯, 去左 apm 既 "家傳滬曉", 好好味呀

咸蛋蝦, 醉雞, 小籠包, 雞絲粉皮, 仲有碟菜架, 但唔記得影, 三個人都叫 5碟餸, 好大食呀, haha

SASA 小購物

放工係 sasa 買左少少野... ...

指甲挫, 見 d 顏色好靚呀, 仲有個膠套入住, 唔怕污糟, $10
永和三美人粉樸, 之前買左, 覺得好好用, 買多2塊做 spare, 各 $4

精神食糧

今次既購物記唔係 skincare / 化妝品啦, 不過都係同護膚有關既, 商務用中銀信用咭有優惠, 咁就去望下啦, 買左呢兩本....

STOP! 別再錯誤保養啦!   $67
戀愛美肌 Q & A    $58

兩本都有8折, 折實加埋啱啱好 $100, 呵呵



**************************************************************
2009-6-8 更新

已 經睇晒本 <<Stop! 別再錯誤保養啦! >>, 呢2日都有照書咁講, 洗面後等 30mins 先搽 skincare, 但過程都幾辛苦, 因為皮膚好繃緊, 好乾呀, 但過左 15mins 開始好少少, 有少少油份 (唔係平時令晒果隻), 係自然既光澤感, 但朝早趕返工, 就無可能等 30mins 咁耐啦, 但我無減少用 skincare 數量, 因為買左咁多, 又開左黎用, 唔用好晒架啦, 用埋先慢慢減少保養品吧, 過幾日睇下膚質有冇好轉啦。

Gathering ^o^

噚日係我同 ckm & sheep 第二次約出黎見面及交收, 第一次係 2-3 年前係灣仔地鐵站, 果時又係我地三個, 係我第一次約網友出黎見面, 但之前日日上網傾計, 感覺已經好熟啦, 仲企係地鐵站傾左好耐添, haha, 之後分別同 sheep, ckm, otsumami, man 見過幾次面, 仲有同 susan 去雪花秀買過一次野, 反而樓主小黑咪就無見過, 只係睇過佢 d 相咋。

約左 7:30 係荃 灣地鐵站等埋 sheep, 兩個人生路不熟咁都搵到 Citywalk, 但行左好耐先坐底食野, 8:30 左右 ckm 打黎啦, 佢坐底無耐... 點知發覺拎漏左2舊 Lush shampoo bar 俾 sheep, 佢又要返屋企再拎, 好彩近咋, 不過要佢大住個肚週圍走都唔係幾好。



跟住當然係最重要交收時間啦, 俾左手工皂 sheep, 每人一塊廣源良白玫瑰 mask,  otsumami 幫佢地買既 Etude House BB cream, 雪花秀與潤面膜。我收到既有 ckm 係 Sogo Thankful Week 買既 Ipsa Aqua W set , 呵呵, 同 sheep share 既美麗日記櫻花 mask, 佢又俾左支 VC Garden hand cream (影漏左呀!!!), 2包軟膜粉, ckm 俾既 Lush Dark Angel, 另外仲有少少 sample, haha, 拎左好大袋野走呀。

之後我地不停口咁講講講, 實在太開心, 一轉頭發覺 MOS Burger 都無晒人, 得返我地3個客, d 員工都想收工咁款, 睇錶原來已經 10:45 啦, 咁我地就走啦, 到我上左小巴拎銀包果時先醒起我帶左相機, 但唔記得影相呀.... 白拎左一日, 激死!!!

Neutrogena Ultra Sheer Dry-Touch Sunblock spf 50 pa+++

名 稱 : Neutrogena Ultra Sheer Dry-Touch Sunblock spf50 pa+++
價 格 : $97.4 (原價 $129.9)
容 量 : 88ml

產品介紹 :

全新 Neutrogena®Helioplex™ 防曬系列，其 Helioplex™ 全效隔光科技加入了隱定劑，能令防UVA成份不易被UVA分解，持續保持高度防曬效能。實驗結果顯示，縱使經過長時間曝曬，其抗曬效果仍能持久處於高水 平，遠遠拋離同類型防曬產品。 Ultra Sheer 系列具有獨特 Dry Touch 超乾爽配方能吸走防曬成份中的多餘油脂，給肌膚不油不膩、輕透無感防曬的感覺。 防水防汗, 不含PABA, 不阻塞毛孔, 不致粉刺 SPF 50+，PA+++



Neutrogena 有好多款唔同 spf 及質地既防曬, 適合不同膚質、日常或戶外使用。










2-3 年前用過同款既 spf30 pa++, 因為佢個專利防曬成份吸收, 質感唔 lup, 但有 d 乾, 搽面完全唔得, 搽手臂有時都會甩皮, 所以用完都無再買, 見新出有 spf50, 咁啱萬寧又有減價, 試過 tester 無舊版咁乾, 令我對佢又有返興趣啦。

質地係白色 cream 狀, 搽身鍾意用潤少少既防曬, 因為用水狀果 d, 啱啱搽係好爽, 但係公司有冷氣坐一日, 手臂會甩皮架, 舊年用 nivea 都唔錯, 係 lotion 狀質地夠潤。

第一次用唔知係咪搽得太多, 剛搽時有 d lup 同泛白, 但吸收左之後又 ok 喎, 不過到放工覺得好乾, 第二日用一粒珍珠份量搽一隻手臂, 就好好多啦, 無泛白唔乾。 呢幾日無係戶外暴曬過, 淨係返工, lunch 同太陽伯伯玩左一陣, 所以都未知效果, 但都信 neutrogena 既功力既。

廣源良白玫瑰鎖水滋養面膜

名 稱 : 廣源良白玫瑰鎖水滋養面膜
價 格 : $45
容 量 : 10片

產品介紹 :

含白玫瑰、橙花、百合、蘆薈、洋甘菊等天然植物萃取精華及玻尿酸, 可立即補充肌膚水份, 白玫瑰萃取可強化肌膚, 幫助形成鎖水機能, 防止肌膚水份流失, 搭配橙花、百合等滋潤修護成分, 使用後可使肌膚再現水嫩飽滿、潤澤細緻的美好膚質。
適合各種肌膚, 推薦缺水、乾燥脫皮的肌膚使用





同美麗日記一樣, 有張膠紙隔住塊 mask, 大家既 cutting 都好似, 個 mask 好香 rose 味, 隻味唔假, 唔濃唔攻鼻, 啱啱打開聞到好香, 敷左上面都唔係好覺, 耐唔時聞到少少香味, mask 既精華質地好多好水, 敷左 30mins 都唔乾, 敷完按一陣留係面既精華都吸收晒, 唔洗過水, 抹完 toner 可以照搽 skincare, 皮膚夠水份, 毛孔睇落都收細左, 但呢款係補濕, 敷完唔覺白左, 但美麗日記好多款敷完膚色都會明亮左。
第二朝起身, 洗完面塊面仲 keep 到好滑喎, 上妝都貼左呀, 下次買緊緻果款試下先。

 

清貨 - 2009年5月

 
Orbis Cleansing Liquid (按此)
麻麻地好用啦, 好杰難推呀, 卸底妝 ok, 但防水 / mascara 卸唔乾淨, 快手用完算, 因為係 refill, 用其它樽裝起, 影唔到相啦
 
秀麗韓保潤精華 (按此)
初初用天氣仲係涼涼地, 就用得好快, 到 3月天氣開始暖及朝濕, 就 lup 左 d, 用得好慢, 淨係可以夜晚用

廣源良蘆薈晶瑩保濕凝露 (按此) 
幾好用, 好補濕, 有時用黎當 mask 敷面, 皮膚敏感時都用得

Kao Essential Shampoo (按此)
初初用幾好, 但用 2-3 weeks 後, 到夜晚好 lup 呀, 同埋頭髮唔順滑, 有層野係面咁, 但配 body shop honey conditioner 又 ok 喎, 滑左爽 d 無咁 lup

Custom Made by Health Quest 100% Squalene (按此)
平平地買黎試下, 1.5個月用完一支 10ml, 初初用幾好, 但轉天氣好熱用 oil 真係 lup 左 d, 之後搽 skincare 都較難吸收, 秋冬天用就唔錯

彩豐行玫瑰香薰舒憂按摩油
冬天沖完涼搽左佢先, 然後再搽 body lotion, 成個冬天都唔乾, 個身都無乜痕, 雖然係油, 但唔 lup, 易吸收, 一支 1000ml 用左半年有多啦。

Mentholatum Skincare UV Moisture Milk SPF 50 pa+++
舊年 watsons 減價買既, 秋天開左黎用, 點知好快就轉涼, 咁放埋一邊等天氣熱再用返, 呢支質地好水, 好薄身, 一 d 都唔 lup, 但防曬效果一般, 普通日子用曬耐少少都會黑左, 戶外活動用佢一定唔掂, 同埋佢唔防水, 用普通沖涼液都洗得甩。



Sample : 
 
Isa Knox LAHA Caviar Self Heating Mask
Isa Knox LAHA Revital Gommage Peeling
Isa Knox Soo Cleansing Oil
Isa Knox Ideal Ringer Astin C Drop
Isa Knox Ideal Ringer Medihyalon Drop x 2
Isa Knox Knox Lift V Serum x 2Orbis Cleansing Liquid
Ipsa Metablizer White EX2
Ipsa The Time Reset Essence W
Ipsa Pure Control Base (Yellow)
Ipsa Pure Protect Liquid Foundation
Ipsa Refiner Water Massage x 2
Kose 雪肌精 Supreme Cleansing Cream
Givenchy Power Youth Eye