名 稱 : Espie Vitamin E + Aloe Vera Lip Treatment
價 格 : $35
容 量 : 3.5g
產品介紹 :
全新高水份配方, 含蘆薈精華、維他命 E 等修護成份, 能迅速滲透唇紋, 有效改善乾裂脫皮等現象, 又能提升受損組織再生功能, 達致深層修護功效。另可成唇膏打底或卸妝之用。
之 前睇某 sis 個 blog 話呢個潤唇膏好好用, 見 SaSa 做 Promotion, 買呢支送一支 Espie honey/milk 既潤唇膏, 都幾抵就買黎試下啦, 我個咀係勁乾, 一年四季都要搽潤唇膏既, 仲會買好多支放係屋企, 公司, 手袋..... haha
包 裝好簡單, 只係得個膠盒, 外型類似唇膏咁扭出黎, 潤唇膏係淡粉紅色, 中間有糖心既, 不過都幾細支, 扭晒出黎得好短架咋, 應該好快用完, 不過搽上咀都幾夠潤, 我淨係夜晚用, 睇到咩都無搽既素唇好乾, 好多唇紋, 搽左之後唇紋淡左 d, 同埋睇落好潤令令地咁, 夜晚搽完朝早起身個咀都唔會乾, 雖然唔夠 rosebud 咁潤咁持久, 但使用比罐裝方便囉, 不過說明話可以當卸妝用, 我就唔係太明啦, haha
影個咀真係好難呀, 影左好多張先搵到幾張無咁嚇人, haha, 我本身個咀都少少厚, 但近影變左孖潤腸添, haha, 同埋平時都唔發覺唇山位有粒好淺色既雀斑... 睇黎要搽有防曬既潤唇膏先得啦
之前上網 join 淘寶團購買左呢個好 pink 既直髮夾, 見有片教可以整曲都得, 一夾兩用又唔貴, 就買黎試下啦
夾直既效果係咁既, 唔算好直, 但都比用風筒吹好, 無咁飛散, 就算唔用定型用品效果都 keep 到, 我朝早返工前夾, 到夜晚都仲好直
星期六係屋企無聊就試下整曲啦, 都唔錯呀, 不過我呢個長度整曲左就一定要夾起/紮起部份頭髮, 唔係會娘爆, 但用既時候要小心, 個夾都幾熱, 自己整唔係咁就手, 我都唔小心整到手呀, 長髮既話應該會再曲 d, 因為我個長度繞兩下都到尾咁制啦
想知點整, 睇下面條 link 啦, 多謝收看~~
Get Perfect Curls by Rosebud143
http://www.youtube.com/watch?v=w74e5aXrFs4
Soigen Allpurposemist Picowater
X'mas 買 set 時連埋既, 得 30ml, 用黎做 toner mask, 敷左 5次就 KO 左啦
Smith's Rosebud Salve
都好出名架啦, 好香 rose 味, 唔止可以搽咀, 搽面搽身乾既地方就得, 係萬用膏, 一罌好襟用, 用左一年半有多先用完呀, 但未用完已經買左罌野莓味啦, haha, 同埋係 citysuper 見到 rosebud 出左 tube 裝添呀, 咁就方便好多啦
LAHA 24K 金箔魚子精華 (按此)
Isa Knox 較為貴既系列, 半價 promotion 時買既, 質地都幾杰真係睇到金箔, 不過一般, 正價一定唔會買
LAHA Ageless Essence Skin Toner (按此)
同以上精華都係 LAHA line 既 toner, 但 ageless 無魚子系列咁貴, gel 狀 toner 冬天用唔錯, 夠補濕, 用手上易吸收又襟用, 但轉天氣後就有少少 lup, 改用化妝棉抹, 價錢唔平同埋好似停產 lu
Ipsa Cleansing Smooth Foam
之前買 time reset essence set 送既 Travel Sample, 雖然得 50g 唔多, 但都用左好耐, 少少已經起到好多泡, 但過水後有少少啜手, 冬天用仲有 d 乾淨, 都係 milky foam 啱我多 d
L'oreal Hydrafresh Water-plumping Mask (按此)
Loreal 第一款 cream mask, 質地係 light cream 狀, 補濕得黎有少少滋潤感, 但又唔 lup, 都唔錯, 缺點係酒精成份重左 d
Mane'n Tail Herbal Gro Shampoo (按此)
幾易起泡, 洗得乾淨唔 lup, 但又唔算好好用, 同埋價錢唔平, 一支都幾快用完
Sofina Whitening Mask (按此)
工作坊送既, 都俾左 2塊媽咪試, 可以一盒用得咁快, 都唔錯, 美白效果雖然唔算好明顯, 但勝在溫和, 補濕效果仲好好添
DKNY Red Deicious Lip Gloss (按此)
買香水送既, 同香水一樣味, 好香, 可惜好 lup 咀, 唔好用
Collagen Silver Powder Mask
之前卓悅做特價買既, $10 三塊真係好抵, 質地好似粉皮咁, 但敷果時好易整爛, 同埋重身會 "扇" 落黎, 要瞓係度先得, 敷完都幾補濕, 皮膚有彈性左, 但佢 d 精華有銀色閃粉, 唔知係咩黎...
Collagen Crystal Eye Mask
都 係卓悅做特價時買俾媽咪用既, $10 有6對都幾抵, 自己留左 2對, 平時好少敷 eye mask, 質地唔係平時用既 paper, 而係好似啫喱咁, 覆蓋範圍都幾大, 敷好耐都唔會乾, 但會見到片 mask 薄左, 俾皮膚吸收左, 敷完都覺眼紋淡左 d, 雙眼無咁腫, 但效果唔係好持久, 要 keep 住敷可能會好 d
Sample :
Paul & Joe Protective Foundation Primer UV #02
Missha Time Reolution Whie Cure UV Sun ProtectorIsa Knox Multi Moist Refresh Skin
Isa Knox Multi Moist Refresh Emulsion
Kose 雪肌精 Supreme Makeup Base
Covermark Moisture Clear BaseRMK Creamy Polished Base
多謝 theZtyle x SkinPeptoxyl 3 Plus+ 煥膚護理系列試用活動, 第一次試煥膚既 skincare, 都好擔心會敏感甩皮, 但原來都好方便安全架, 有興趣既 sis 可以去 sasa 望下。
膚質 : 混合偏乾, 轉季較易敏感, T 位中午後出油, 有色斑, 毛孔粗大
品牌介紹 :
來自美國 的 SkinPeptoxyl, 擁有一隊超過 30年研製醫學美容品經驗的專業精英, 為研究高效產品而不斷鑽研及探究, 深信肌膚質素是可以扭轉的, 青春是可以倒流的, 是故我們以「針對問題, 重點解決」為理念, 為講求品質人士提供一系列高效醫學護膚產品, 品牌所有產品均經嚴格測試, 證實產品的功效及安全性, 均可以輕鬆體驗專業的肌膚修護。
瞬間亮肌「極緻無瑕 3+煥膚程序」
SkinPeptoxyl 美研中心首次聯同著名外科整容醫生 Dr. Hilton Becker, 及一群生物學家、科學家和美容療理學家精心研製一系列高效而溫和的「極緻無瑕 3+煥膚程序」的家居護理, 於 5分鐘內, 能瞬間促進細胞更新, 使肌膚更明亮剔透, 達致完美無瑕。
Fade Away Cleanser 亮肌煥膚潔面啫喱 180ml $199
玫瑰清香的亮肌煥膚潔面啫喱蘊含天然果酸, 性質溫和, 能輕柔去除皮膚表面的老化角質層; 配以橄欖、玫瑰籽油及海藻萃取物等天然草本精華, 能即時舒緩及修補肌膚
使用方法 : 每日早晚使用, 以溫水沾濕臉部肌膚, 將適量潔面啫喱置於掌心中, 輕輕於臉上打圈按摩至起泡, 再以溫水洗淨。不適用於眼部四周肌膚。
注意事項 : 使用本產品期間及隨後的一段短時間, 皮膚或會感到刺痛, 此現象將於一分鐘內消失, 如刺痛情況持續, 請減少使用次數, 讓肌膚慢慢適應。如沒有出現刺痛情況, 產品效果仍然有效。
使用次數 : 20日
用後感 : 藍色 gel 狀, 無香味, ph 4, 每次按 1-2泵, 我會係手起泡後先按上面, 泡沫唔算好多, 清潔力唔錯, 幾乾淨過水後好爽, 但唔可以洗太耐, 超過 30 秒會覺得塊面拮拮地, 有傷口既話會拿添, 可能我唔係太受到果酸, 不過用左三星期都無令我敏感, 洗完唔即刻抹 toner 會覺得有少少乾
Derma-Renewal 3 Minute Peel 3分鐘亮肌煥膚去角質護理 120ml $399
特別針對肌膚更新及去除老化角質而設, 只需 2個步驟, 即可高效而安全地讓肌膚回復柔嫩光澤。即時收細毛孔, 改善幼紋及撫平皺紋, 讓肌膚質素得到明顯改善, 更有助吸收隨後使用的潤膚霜, 令功效得以提升。
使用方法 : 塗抹在臉及頸上 (避免塗抹在雙唇), 因應不同膚質的接受程度, 讓去角質護理在皮膚上停留約 1-3分鐘, 以充分降低皮膚的酸鹼度 (變得較為酸性), 讓有效元素直達致最佳效果, 請於使用本產品後隨即使用亮肌煥膚海藻精華柔膚水, 再以 100%天然角鯊烯精華, 以舒緩肌膚及讓肌膚回復 PH5.6的酸鹼度。敏感及乾性肌膚建議跟隨使用極緻撫紋舒緩精華霜。建議隔晚使用, 每週可用 1-3次, 請持續進行第 1及第 2步煥膚程序, 達致產品最佳效果。
注意事項 : 初次使用本產品, 皮膚或會感到短暫刺痛, 如刺痛情況持續, 請減少使用次數, 讓肌膚慢慢適應。使用此產品時, 切勿使用精華素, 精華素翌晚使用。
使用次數 : 5次
用 後感 : 透明稀身 gel 狀, 有少少酸既味, ph 3 酸度都幾高, 以為係搽係面要捽果 d, 原來唔需要, 只要好似敷 mask 咁搽係面等一陣過水就 ok, 都幾方便, 但用呢個真係有刺痛感, 我敷一分鐘就會過水, 試過等足 3mins 過水後塊面有 d 紅紅地, 但用完塊面真係幾滑, 而且等 1-2mins 好方便又唔需要按, 不過較敏感既皮膚就要小心 d 啦
亮肌煥膚海藻精華柔膚水 180ml $199
特別為中和檸檬酸而調配, 滋養肌膚並讓肌膚回復健康的酸鹼度。產品含有自然界中蘊含最多營養成份的天然海藻萃取物, 有效保濕及舒緩肌膚, 讓肌膚回復平衡狀態, 減低敏感機會, 提升肌膚自我修復機能。
使用方法 : 潔臉後, 用化妝棉沾滿柔膚水, 以打圈方式塗抹於肌膚, 避開眼部位置。
使用次數 : 20日
用後感 : 透明水狀, 無香味, ph 5 弱酸性, 按 5-6 泵係化妝棉, 雖然好水狀, 但都有補濕效果, 唔會爽到用左好似無用咁
100% 透明質酸深層保濕精華 15ml $250
含 豐富維他命 B5, 有助修復及滋養受損肌膚, 讓肌膚回復年輕滑。蘊含大量肌膚天然透明質酸保濕因子, 能鎖住 1000倍水份, 高度保濕肌膚。深層保濕精華不含油份, 能令肌膚瞬間如絲般柔滑及妝容更貼服, 只需 4-6個星期, 使肌膚煥發動人神采。適用於所有肌膚。
使用方法 : 早晚使用, 使用面霜前, 將數滴塗抹在臉上。為達致最佳保濕效果, 可與數滴 100%天然角鯊烯深層滋潤精華混和使用, 以作完美保濕及滋潤效果。
使用次數 : 20日
用後感 : 係 sasa 見到有 30ml 裝, 價錢大約 $499, B5 透明質酸質地係偏杰身既 gel 狀, 無香味, 3星期都用左 2/3 啦, 因為使用說明建議同角鯊烯精華一齊用, 咁我係下面先一次過講啦...
100% 天然角鯊烯深層滋潤精華 15ml $250
提取自天然植物成份, 角鯊烯份子十分微細, 能輕易被皮膚吸收及滋潤肌膚, 含豐富抗氧化因子, 有效提升肌膚天然防禦能力, 免受環境侵害。
使用方法 : 早晚使用, 使用面霜前, 將數滴塗抹在臉上。為達致最佳滋潤效果, 可與數滴 100% 透明質酸深層保濕精華混和使用, 以作完美保濕及滋潤效果。
使用次數 : 20日
用後感 : 雖然叫 oil, 但質地好似水咁稀, 同透 明質酸精華溝埋一齊用, 每樣各 3滴, 混合後會變左少少白色, 搽上面好快吸收, 補濕得黎又有滋潤感, 吸收後一 d 都唔 lup, 用左 3星期皮膚細滑左, 水份夠毛孔細左, 連色斑望落都淡左, 另外, 角鯊烯有修復皮膚既功效, 有一日我下巴生瘡起左白色膿, 搽左透明質酸 + squalane oil 後, 第二朝起身粒瘡已經結焦啦, 仲快過搽 tea tree oil 呀, 呢兩個精華真係好鍾意, 用完屋企既精華都想回購呀
名 稱 : TonyMoly 青蘋果去角質按摩乳霜
價 格 : $88
容 量 : 80g
產品介紹 :
Tony Moly 青蘋果去角質按摩乳霜蘊含從青蘋果、木瓜和其他新鮮蔬果中提取的角蛋白，補水保濕，更有效去除角質與死皮。
青蘋果中含有的活性果酸成分可以去除毛孔中的角質，疏通毛孔，使肌膚能更有效地吸收面膜和日常護膚品中的營養成分。
木瓜角蛋白提取物可以為肌膚營造清新透明、乾淨的環境，藉著按摩，可以令肌膚更加健康、充滿活力。
使用方法 : 每星期使用 1-2 次, 於潔面後以指尖塗薄薄一層於臉上 (避開眼部及唇部四周) 輕輕按摩一分鐘後, 靜待半分鐘, 以指尖打圈帶走角質, 最後以清水洗淨。
包裝好靚, 一眼就會俾個外形吸引到, 原本個 "訂" 仲有塊葉架, 不過我整唔見左
cream 狀質地, 推開都好薄身
等 1-2mins 乾左 d 就可以捽啦
使用後, 左邊無用任何野, 右邊就捽完, 大家睇到有冇分別??
之前參加 LCX 魅影遊蹤送既禮品, 我都係第一次用 Tony Moly 既產品, 佢地既包裝好得意, 打開中間有塊膠隔既 (唔記得影相), 質地係 cream 狀, 易推, 推開有少少 gel cream 似感覺, 薄薄一層, 雖然說明話等半分鐘就可以按, 但我覺得等耐少少乾 d 會易捽 d, 我大約等 3-5mins 啦, 好易捽, 輕輕摸塊面已經有擦膠碎, 一定唔會大力左而拉扯到皮膚, 好溫和, 完全無熱 / 刺痛感, 按完之後就可以過水, 過水後會覺得皮膚好滑好乾淨, 仲有滋潤感, 有似敷完 cream mask 咁, 大家都睇到上面幅圖既分別啦, 右邊較左邊白淨左, 滑左, 仲無咁乾添
噚日參加左 BeautyLift x Ettusais Vacance nail 夏日 Party, 因為 6:30pm 開始, 放工都趕出 TST, 好彩去到海港城 faces 啱啱好, 仲見到 KB, 細諾比, KAWAJU, 靚太係 counter 度等緊添, 等左一陣 BA 就帶我地入 Seminar Room 啦
入到去 BA 介紹今次既主題, 仲有好大桶 Jelly Beans 係度
唔係淨得睇架, 有好多放係度俾我地食架
仲有 ettusais Vacance nail 甲油, 色彩繽紛甜美, 真係好似糖果咁, 有 7支 mini 甲油, 加一支新出既 Gel Top Coat 既 set 裝
有製成品樣辦俾我地睇, 真係好靚呀
俾我地用既工具放晒係檯面
BA 叫我地貼好假甲後, 就教我地由簡單既款式開始啦
教完之後我地就自己玩啦
色號有 F 字頭既就代表呢款甲油乾左之後係有香味既, 1-2 雲呢拿味, 3-5 糖果系列, 6-7 熱情果香, 8-9 甜柑橘味, 10-14 無香味, 但就超閃亮既
最後搽上 Gel Top Coat $120 / 7ml, 好易搽, 搽左好令身, 真係有 gel 甲效果, 而且好快乾, 包裝都好靚添, 有少少似眼藥水, haha
我既作品, 麻麻地呀, 唔係太識畫, 見好多 blogger 都畫得好靚呀, 不過時間唔多夠, 畫完假甲都差唔多夠鐘, 好求其咁試左幾隻色係手咋, BA 有俾膠袋我地拎走 d 作品, 可惜未乾透, 返到屋企已經變晒形 lu.....
以 下係今次 party 既禮物, 個化妝袋好靚, 而家係 ettusais 買滿 $520 包括任何一套 ettusais vacance nail 指甲套裝就會贈送架啦, 另外有少少 skincare sample, jelly beans, 同 jelly belly coupon, 可惜無今次主題既甲油, 諗住有得玩下添
仲有仲有, 由 4/22 - 4/30, 只要用 ettusais jelly beans 甲油設計 nail art, 將相片 email 到 marketing@ettusais.com.hk, 並提交姓名、聯絡電話, 以及所選用的 vcance nail 顏色, 相片於 5/1 放於 facebook 內接受投票, 就有機會嬴取 $500 ettusais 獎品, 詳情請瀏覽 www.ettusais.com.hk
名 稱 : Sofina Whitening Mask 高濃度淨白面膜
價 格 : $280
容 量 : 6片
產品介紹 :
透過嶄新「智能導入」系統，即時導入大量美白活性精華 (1片面膜所含的精華量相等於 1支精華素)，薀含高濃度美白成份, 集中注入美白保濕力量, 為肌膚進行急救, 快速改善暗啞膚色，配合美白去斑筆一起使用, 更能快速擊退黑色素, 令肌膚即時重現水潤亮白！
・ 新加入 高濃度桔梗美白精華: 是 Sofina 獨家研發的成分, 從桔梗根部提煉出來的精華,有效減少 SCF 的接受口, 最直接減少黑色素細胞的數量
・ 日本白樺樹精華: 高效抑制黑色素細胞的繁殖，將現有色斑高效減退
・ 洋甘菊 ET: 抑制黑色素訊息「內皮素」傳遞, 防止黑色素形成，保持白皙素肌
・ AM 色酮配方(提煉自蘆薈及決明子等植物): 抑制黑色素訊息「SCF」的功能, 有效減淡色斑
・ 上下兩片式設計能緊貼面部線條
・ 建議每週使用 1 ~ 2次
・ 微香性, 無色素
兩片式設計, 所以好貼面, 首先敷左上面眼部果塊先, 就會變左女殺手咁, haha, 然後再敷下面咀果塊
塊 mask 好多精華, 敷左 20mins 都仲有咁多係塊面度, 按一陣等皮膚吸收埋
之前參加 Sofina 工作坊既 gift, 一盒6片, 以美白 mask 黎講價錢唔算貴, 兩片試設計好貼面 (之前工作坊 post 過敷 mask 既相, 廢事嚇襯大家唔再 post 啦), 而且好多精華, 乳白色精華唔係好水, 所以敷果時唔會週圍滴, mask 質地都幾厚, 敷左 20mins 都仲有好多精華留係面, 會按摩下等皮膚慢慢吸收, 吸收後都唔 lup 唔洗過水, 雖然敷完無 "叮" 一聲既淨白剔透, 但膚色會均勻左, 反而補濕真係做唔錯, 睇下個水份測試結果就知啦, 水份升左差唔多 20% 呀, 仲有, 美白黎講好溫和, 敷時完全無不適感。
