轉季敏感靠佢地 - Physiogel Cleanser & Lotion

呢幾日明顯 feel 到天氣開始轉, 朝早起身都有 d 涼涼地, 又係皮膚容易敏感既時候, 所以呢個時候要更加呵護肌膚, 唔好亂轉 skincare, 用 d 溫和 d 既野... 可惜我都係敏感, 好在唔太嚴重!!



Physiogel Cleanser 低敏潔面乳  150ml / 300ml
含SCI溫和清潔因子，能同時紓緩及滋潤肌膚。使用後肌膚柔軟而不乾澀，不影響皮膚正常酸鹼值，減低刺激性。不含油份, 不阻塞毛孔。

可直接使用於肌膚之上， 以清水沖洗或免沖洗皆可。

- 取適量塗抹在肌膚上,以打圈式按摩片刻, 再以清水洗淨後用毛巾輕輕印。
- 免沖水法取適量於肌膚以作打圈式按摩片刻, 再以化妝棉或面紙拭淨即可。

質地係 gel 狀, 無香味, 亦都係無泡既, 吱少少係面按一陣, 我習慣會過水, 感覺乾淨 d, 敏感時用都唔會覺得拮或者拿, 洗完唔覺乾, 會好似有層保護膜咁包住皮膚, 但又唔會覺得洗唔乾淨喎



Physiogel Lotion 低敏清爽修護乳  200ml
天然層脂以獨特DMS(Derma Membrane Structure) 科技高效滲透，模仿人體皮脂層，再造皮膚保護屏障，持久滋潤肌膚同時減少水分流失，有助改善皮膚質素。

白色乳液狀, 吱出黎都唔算好杰身, 仲以為會好 lup, 但推開都好水易吸收喎

用左 cleanser 同 lotion, 分別好似唔係太大, 因為係性質溫和既產品, 主要係保濕鎖水, 保護皮膚表層, 所以唔會有明顯分別, 但洗完面好似白淨左少少, 同埋用埋 lotion 都唔會過潤好 lup 咁



開頭都講左, 我皮膚敏感, 唔算好嚴重, 但都又紅又腫, 有好痕添, 用左 physiogel 幾日, 已經好返晒啦, 真係非常之啱我呢 d 容易敏感既皮膚, 放定係屋企看門口, 有咩事都可以用黎救急嘛


http://www.physiogel.hk/product/index.html

神纖油 - PPC Dermal Oil 燃脂精華油

生完 BB 身形走樣不突止, 橙皮紋更多到數唔晒, 所以都唔可以偷懶, 要搽野按摩

名 稱 : PPC Dermal Oil 燃脂精華油 
價 格 : $560 (體驗價：$280)
容 量 : 50ml

醫學燃脂專研公司Pharmera 率先由韓國引入PPC燃脂精華油，蘊含韓國炙手溶燃脂成份－磷脂膽鹼(PPC)，透過親油性滲透科技，深層滲入皮下脂肪層，安全無痛地燃燒囤積脂肪，為您塑造纖盈緊緻曲線美。

含高濃度磷脂膽鹼 (PPC)、左旋肉鹼及脫氧膽酸鈉。研究顯示當以上成份結合，即可發揮協同效應，能有效及快速地將皮下脂肪層的脂肪燃燒。

沐浴後待身體仍有餘溫時使用, 取適量以打圈方法按摩於問題部位上約 2-3分鐘, 直至完全吸收為止。產品適用於手臂、肚腩、大小腿及臂部較多橙皮紋及脂肪位置。建議每日早晚各使用一次。如對大豆成份敏感者, 請勿使用此產品

包裝都幾好, 泵與油係分開, 開封後先合體,咁就唔怕空氣入左去, 影響神纖油既功效啦

神纖油質地好水狀, 透明無色, 無香味

初初搽上身, 都唔覺有咩感覺, 好似一般潤膚油咁, 但按左 1-2分鐘之後, 開始感覺到有 d 熱, 之後就越黎越熱, 個感覺都幾強, 但為左有效果, 都會忍下, 然後見到皮膚開始有少少紅, 炙熱感持續, 感覺好似燃燒緊 d 脂肪咁, 大約過左 10分鐘, 就開始無咁熱啦, 如果真係頂唔順就要沖身啦, 只係用左幾日, 效果未算明顯

試用產品及產品說明由Pharmera Ltd提供

 

全新升級OLAY WHITE RADIANCE 高效透白系列

較早前收到 PR 寄黎既產品, 好靚既藍色盒, 成份禮物咁, 到底係咩黎既呢.... !??

嘩~ 原來係新出既 Olay White Radiance 系列, 包括 Toner, Essence, Emulsion, Cream, Sun Block。之前有 d 產品都用舊版, 試下新版有咩唔同先...
加入頂級專櫃美白成份「米源肌醇」和美白修護能力提供成份 HEXYLDECANOL, 打破傳統美白產品單一表面去除黑色素的功效, 同時促進肌膚新陳代榭, 以 Q 彈質地引領美白分子層層滲透。



Olay White Radiance Pristine Liquid Light 高效透白露  $169.90 / 150ml
透明水狀質地, 無咩香味, 我會整濕化妝棉抹, 會抹到 d 黃黃地既老化角質, 咁之後搽野會更加吸收啦, 新版我覺得更溫和及更補濕

Olay White Radiance Pristine White Essence 高效透白淡斑精華  $229.90 / 40ml
乳白色 lotion 狀, 好易推開, 皮膚吸收得好快, 吸管夠大, 每次用一泵已經夠搽全面連頸, 質地都夠潤, 就算夜晚開冷氣訓, 起身塊面都唔會繃緊, 而且最重要係用佢唔會敏感

質地好爽, 搽完都唔會好油膩, 補濕都唔錯, 皮膚有光澤左

Olay White Radiance Pristine White Emusion 高效透白乳液  $229.90 / 75ml
好大支既 lotion, 泵狀都好方便使用, 而最突別係吱出黎係乳液狀, 推開後會變左水珠咁, 所以用後好清爽, 夏天朝早用, 或者混合及油性皮膚用都 ok, 但我係偏乾皮膚, 就嫌面珠位唔夠潤啦



Olay White Radiance Pure White Cream 高效透白水凝霜  $179.90 / 50g
Gel Cream 狀, 好快吸收, 都好爽身唔 lup, 而且質地好得意, 有記憶性, 用完過一陣, 佢表面會變返平, 好似新開時咁樣

好鍾意佢既質感, 有少少滋潤但唔 lup, 夏天用就剛剛好, 就算開冷氣都夠力

Olay White Radiance Ultra UV Protective Fluid SPF30 PA+++
輕透隔離防曬乳液  $139.90 / 40ml
用前要搖均既, 吱出黎都係好水, 剛搽完會好似有少少油, 但過一陣吸收晒就無野好爽, 防曬效果都唔錯, 唔會太油 / 太乾, 之後化妝都無問題, 可以當埋 Makeup Base, 不過呢類咁水狀既防曬, 我就鍾意用黎搽 body 多 d

近期忙住揍女及搬屋, 都無時間護膚, 都只係簡單用 Skincare, 所以膚質都差左好多, 用左 Olay 3 星期, 去斑效果就未係好顯著, 但整體膚質係好左, 同埋無咁紅, 白淨係光澤左

 

全新 White Radiance 系列, 比舊版質感更好, 而且好溫和唔會敏感, 雖然效果較慢, 但就0岩好似我皮膚咁易敏感既人用啦, 所有產品質地都好爽, 皮膚無負擔感覺舒服

我的美麗日記薏仁面膜

名 稱 : 我的美麗日記薏仁面膜 
價 格 : $60
容 量 : 10片 

產品介紹 :

薏仁中的薏苡素搭配桑白皮、黃岑的多元白晳精華, 有效阻礙酪氨酸酶活化造成的黑色素活動, 極致抗氧化維繫肌膚新透淨白感受, 協同維持肌膚處於健康狀態的專利持續型保濕成份 Cosphingo、海藻及水解酵母, 軟化皮膚粗糙時的堅硬老廢角質, 重建年輕初始般的透嫩細滑膚觸。

全新系統, 睇台灣雜誌都有介紹

 

三大升級配方

1. 加入專利持續型保濕成份 Cosphingo^TM天然物萃取的專利持續型保濕成份 Cosphingo TM 高效維持肌膚保水及鎖水功效, 提升肌膚保濕續航能力, 並有助浸潤乾燥角質, 令肌膚回復如初生般的柔嫩觸感, 達至全方位極緻飽水狀態。

2. 改良貼服剪裁設計及布膜質料
布膜採用高純度環保植物纖維, 以多層親肌彈力貼服設計, 讓精華迅速導入肌膚底層。只要跟隨簡單 4 Steps, 面膜敷得更貼服, 肌膚更吸水。



將可調式貼服設計面膜敷上臉部
先將下巴與咀唇連接處輕輕撕開
校準左右面頰位置, 重疊下巴膜紙
調整面膜以締造完美緊緻貼服效果

3. 提升產品安全質量
全系列不含 Paraben 防腐劑、酒精、礦物油、色素、螢光劑等成份, 減低刺激肌膚或引致敏感機會, 提升安全質量以呵護柔嫩肌膚。



雖然新設計話會好貼面, 但對於我黎講都唔算, mask 大塊左, 有 d 位要摺起先得



確實係比以後既補濕, 敷左 15mins, 精華都仲有好多



新版 mask 好補濕, 敷完塊面都仲好濕, 好似未敷過咁, 所以唔好晒, 用黎敷手敷頸, 我皮膚比較敏感, 唔係款款美麗日記面膜都用到, 尤其美白既都有試過敏感, 但新版不含致敏成份, 我用薏仁嫩白都無事, 雖然美白效果唔算明顯, 但起碼用得放心, 價錢又咁平, 日日敷都唔肉痛啦


產品由我的美麗日記提供

必瘦站醫學瘦身 - VelaShape II 溶脂塑形

上次係必瘦站做完 UltraShape V3 (按此) 之後, 效果好好, 所以 book 第二次再做, 不過要揍女又搬屋, 加上要返工再病埋, 所以本身 2星期後應該要做第二次療程, 都拖到個幾月先做, 去到美容師睇左我肚腩既情況, 佢話我個肚唔算多脂肪, 只係生完 BB 皮膚鬆左, 所以佢介紹我做另一款儀器 - VelaShape II 溶脂塑形

syneron 推出的頂級纖體機 VelaShape II，非侵入性的的深層治療，其能量比上1代增加1倍，能更深入治療同時加熱深層組織和表皮皮膚，令脂肪細胞快速縮小及減少尺寸。亦能明顯改善橙皮脂肪，完成療程後，驚人的瘦身效果，令人難以置信！VelaShape II針對「局部尺圍減少」搭配全新優化 V-smooth cover 所設計的「熱能累積模式」，已得到臨床實驗，療程後，能減少至少2 cm。



部機係咁既樣既, 呢款係針對收緊及橙皮紋, 好啱產後婦女做

今次同 V3 有啲唔同, 唔需要包膠紙及定位, 換完衫, 搽 d 精華係肚就可以開始架啦

 

做既時候, 機頭有 d 吸力, 啜身個肚, 同埋有 d 熱熱地, 唔會係熨傷皮膚既痛

做左半邊肚, 緊實效果都幾明顯, 摸落去會啲肉會實啲, 無咁鬆弛

做晒全個肚, 兩側腰線直返好多呀, 肚紋即時就未見有減到

著返衫就覺得效果都明顯, 個肚無咁鬆, 腰圍都細左啲
做完儀器後要飲多啲水, 唔好飲凍野, 咁溶脂效果會持續, 所以即時效果未係最好, 過多 1-2星期, 會更明顯, 腰圍瘦左一吋, 如果有運動及加上控制飲食, 效果應該會更好, 可惜我太懶, haha


必瘦站銅鑼灣店 : 百德新街 2-2-號恒隆中心19樓1904-05室
查詢電話 : (852) 2710 9838
網站 : http://www.psmedical.com.hk
Facebook : https://www.facebook.com/pages/Perfect-Medical-Official-%E5%BF%85%E7%98%A6%E7%AB%99%E5%AE%98%E7%B6%B2/211939568954879?fref

清貨 - 2013年7月

唔知大家睇我 blog 會唔會開始悶呢, 成日都係清貨文.... 唉~ 因為要照顧 BB, 少左接試用, 亦無咩時間打文, 所以近期 blog 既內容都無咩特別, 其實我都買左 d 新野, 有 d 都開左黎用架啦, 只係無時間同大家分享, 希望你地會 keep 住留意, 等我既分享啦~~



QV Face Gentle Cleanser (按此)
如果皮膚易敏感, 用佢都唔錯, 因為我鍾意有泡既洗面, 好多溫和既 cleanser 都無泡既, 但皮膚無咩問題, daily用佢就唔夠乾淨啦

Olay White Radiance Luminous Whitening Blocker (按此)
Lotion 狀質地, 不過有少少 lup, 當係 base 之後會化妝都 ok, 但單搽就唔得, 一定要加碎粉 / 粉餅定妝, 同埋有少少焗身, 最後我都係用粉樸上, 快手用完算




Pond's Cleansing Oil 深層淨顏卸粧油 (按此)
黃色呢款潤身 d, 我覺得藍色美白果款爽 d 好用 d, 但都 ok 既, 卸妝效果都唔錯, 但防水防油既眼部產品, 最好都係用返專用既眼唇卸妝啦

潤肌精 Prime Cream Wash (按此)
坐月係娘家住, 買支平平地既用住先啦, 都 ok 唔錯, 用完唔覺乾, 都 ok 乾淨, 以佢既價錢, 都中規中矩啦, 話好好又唔係囉
 
Racinne Contour Brightening Eye Care
Gel 狀, 唔算好夠潤, 但佢個頭幾好, 吱少少出黎, 直接用黎按眼周就得, 唔洗用手幾方便, 但效果又唔係好明顯
 

Innisfree Olive Real Cleansing Tissue
第一次係 Innisfree 買滿額送既, 我唔係即刻用, 放左一排, 個封條貼得唔夠實, 角位有 d 飛起, 所以開黎用時, 入面 d tissue 唔夠濕, 用時想抹乾淨就有 d 啜面, 同埋用完佢過水, 感覺到有層油係面架, 我諗係 d 清潔液, 用佢黎卸妝唔算好乾淨, 好在得 10張, 我一定唔會買

Garnier Soft Essentials Replenishing Day Care (按此)
係英國貪得意買黎用下, 不過好普通, 有時用佢塊面會有 d 紅, 但又未引致敏感, 用左 5個月, 終於都 KO 左佢啦, 可以開新野 lu

L’ORÉAL PARiS True Match Super-Blendable Liquid Foundation

有左小朋友, 護膚化妝真係一切從簡, 越慳時間就越好, 不過點懶都好, 返工 / 出街, 點都化返個底妝先出門口既, 唔可以成個師奶咁嚇親人架嘛, 我已經好少行街買野, 所以開架品牌既化妝品, 對我黎講比較容易選購到, 而且近年開架品牌無論質量、包裝等, 都同大牌子好接近, 但價錢就差一大折囉

今次收到由 L'Oreal Paris 提供既新品, Ture Match Super-Blendable Liquid Foundation SPF 17 PA++ 肌膚完配無瑕粉底, 先發覺用過唔少開架粉底, 但從未用過 L'Oreal 喎, 一於試下先~

名 稱 : L’ORÉAL PARiS True Match Super-Blendable Liquid Foundation SPF 17 PA++
肌膚完配無瑕粉底液 
價 格 : $145
容 量 : 30ml

產品介紹 :
 
色感 - 特別為亞洲女性膚色及膚質調配的100%完美配方，擁有自然遮瑕效果，更備有6色調以供選擇，能締造與原來膚色完美吻合的粉底色澤。
光感 - 當中的微幼礦物粒子，與膚色完美吻合，仿如第二層肌膚綻放健康肌膚光澤。
觸感 - 親膚質感配方，提升了透明質酸的濃度 (Hyaluronic Acid)，令粉底液在肌膚表面形成絲滑幼嫩觸感，易於迅速抹開並與肌膚融合，有效改善皮膚質素，保持24小時滋潤亮澤，肌膚更水嫩透薄，細緻幼滑。

包裝好簡單, 透明玻璃樽身, 粉底咩色, 用左幾多, 一目了然

背後有寫明咩色號, 我揀左 N1 - Nude Ivory, 自然色系最白既色, 另有偏紅調既柔粉色系 R, 及金棕色系 G 選擇

一泵份量0岩0岩好夠用全面, 質地好水, 好易推開, 如果用粉樸或者粉底掃, 就會容易俾佢地吸收左, 用量會晒左 d, 但都可以接受

推開發覺有少少珠光粒子, 閃閃地但唔誇張, 可以令皮膚睇落有光澤

素顏膚色有 d 泛紅, 有唔少雀斑及痘印, 所以睇落唔夠白滑, 用左粉底液後, 泛紅無晒, 感覺白左, 斑及痘印都遮到七八成, 整體感覺乾淨好多, 無咁膚色不勻

粉底液質地好水, 所以都好易推開, 不過用粉樸既話就唔算貼面, 我會用手再輕拍, 鼻翼、眼周、咀角呢 d 細緻位會用指推返均勻, 咁個底妝就會好自然, coverage 中等, 唔太深既斑及痘印, 再點少少印係面都遮到 7-8成, 想自然唔用遮瑕膏, 印係眼圈位都 ok, 唔會起乾紋, 上完粉貼實左皮膚後觸感都幾爽, 乾性皮膚唔落碎粉或局部用係 t zone 都 ok, 不過我就鍾意全面上一層薄薄既碎粉定妝, 咁個妝會再持久 d, 用佢出油出汗都唔會溶到一撻撻, 唔會焗住皮膚, 係冷氣地方都唔覺得乾, 果然無改錯名, 可以做到 Ture Match 呀~

於2013年8月9日L’ORÉAL PARiS 專門店、Faces專櫃、指定屈臣氏、萬寧、莎莎及Colormix 公開發售。