SEVE 譜出零敏感、零壓力的護膚傳奇

五月天 (唔係台灣組合), 天氣唔穩定, 乍暖還寒, 經常落雨濕度又高, 令人容易生病, 皮膚都敏感啲, 因此 SEVE 萃取極緻珍貴既保加利亞白玫瑰, 研發一系列純天然高品質既保濕舒緩護膚品, 不含對人體有害既化學成份、雌激素、防腐劑、色素及香料等。



見到一枱都係 SEVE 產品, 包裝又高貴, 睇到都興奮

創 辦人 Suki 徐淑敏, 同我地講解下創辦 SEVE 既原因, 係懷孕期間修讀香薰治療課程, 發覺市面上大部份品牌, 係護膚品中添加好多對人體有害既物質, 當中部份更是致癌物質添, 所以佢下定決心, 創立一個天然無害既護膚品牌。香薰治療師仲同 Blogger 同 SEVE 兩大皇牌產品 Rose Alba Water 及 Organic Facial Treatment Essence 按摩, 即時有修面、提供既效果添。而 Jimmy 就同我地講, 原來唔少護膚品都加入類雌激素, 長期使用係好容易會致癌架, 而所有 SEVE 產品都通過類雌激素測試

SEVE 有唔少精華, Brightening Moisture Essence 亮肌透淨保濕精華, Intensive Whitening Serum 極緻美白亮肌精華, Anti-aging Firming Serum 收緊抗皺活膚精華 , Brightening Eye Serum 眼部修護亮彩精華, 配合唔同膚質既不同需要, 潔膚方面有 Smoothing Cleansing Oil 透淨柔滑卸妝油, Hydro Foam Cleansing Powder 保濕泡沫潔面粉, Rose Crystal Sugar Scrub 玫瑰水晶糖磨砂



身體護理就有 Body Treatment Oil - Relaxing, Firming / Slimming, 仲有全系列唯一不含白致瑰精油既 Anti-stretchmarks Oil 抗妊娠紋按摩油



最後每人送上 SEVE 兩大皇牌產品, Rose Alba Water 及 Organic Facial Treatment Essence



因香港製造, 減少好多運輸時間, 所以產品夠晒新鮮, 天然有機成份, 獲得澳洲 Australian Certified Organic 及法國 ECOCERT 等國際環保及有機機構專業認可, 不含防腐劑, 開封後 3個月內要用完, 以免影響產品效果



Rose Alba Water 白玫瑰花水  $380 / 110ml
蘊 含 100朵保加利亞白玫瑰精華, 天然溫和的成份能緩解因天氣轉換引致氣溫濕度忽高忽低而敏感的細嫩肌膚, 同時地, 亦可作日常的保濕噴霧般使用, 平衡肌膚水分。好香玫瑰精油既香味, 水狀質地, 皮膚好易吸收, 不過唔算好潤, 但用黎做 toner mask 超正

Organic Facial Treatment Essence 喚肌更新精華  $780 / 35ml
蘊含 700朵保加利亞白玫瑰精華, 能更全面地減輕紅腫或敏感症狀, 有效提升肌膚質素, 採用百分百有機成份白玫瑰油及小麥胚芽油, 更選用已認證的天然冷壓植物油, 保存活性成份



因 夏天天氣較潮濕, 用油點都令皮膚有負擔, 建議將 Rose Alba Water 及 Organic Facial Treatment Essence 以 2:1 的份量於掌心混合, 再輕輕按摩臉部, 當面霜咁用, 可以按天氣濕度, 調效比例, 有時唔夠潤, 我會滴一滴 Essence 係手暖和咗再按上面, 加重保濕效果



用左大概10日, 皮膚無咁乾, 有光澤左, 而且無咁易敏感泛紅, 膚色睇落都白淨左添, 不過用 Essence 油當面霜, 就有 d 唔太習慣




www.seve.com.hk

Olay White Radiance Pristine Liquid Light 高效透白露

名 稱 : Olay White Radiance Pristine Liquid Light 高效透白露
價 格 : $169.90
容 量 : 150ml

產品介紹 :

含 Olay 高效透白核心成份 CelLucent Complex, 令肌膚白晳透亮, 並通補充肌膚水份, 有效抗斑, 均勻膚色

靛藍色既包裝, 係 White Radiance 美白系列既標誌



透明水狀質地, 有少少香味, 每次會好豪咁整到塊化妝棉好濕咁黎抹, 會抹埋頸同耳背, 抹完會見到化妝棉灰灰黃黃咁, 即係抹到好多老化角質出黎, 同埋美白產品黎講, 佢都幾溫和唔算刺激, 我敏感膚質都無事, 不過單靠 toner 做美白當然效果唔顯著啦, 其實佢除左用黎去角質, 仲可以整濕化妝棉做 toner mask, 或者入落樽仔拎出黎做 spray 添, 但開架品牌, 價錢又唔貴, 都唔會有好高要求, 同埋我用 toner 都係有少少補濕, 唔敏感就 ok 架啦, 因為我都用得幾多份量, 好快 ko 一支, 都係買 d 中下價既爽膚水粗用架咋

QV Face Gentle Cleanser

皮膚容易敏感, 有時都會揀 d 溫和既潔面品用黎看下門口, 尤其敏感時或轉天氣皮膚唔穩定, 就唔洗驚啦

名 稱 : QV Face Gentle Cleanser
價 格 : $96.70
容 量 : 250ml

產品介紹 :

獨特潔淨配方適合面部乾燥或敏感人仕。其輕柔泡沫加上紅花油提供的保濕效果, 令面部幼嫩肌膚潔淨無暇, 柔滑動人。優質配方不會引致粉刺或堵塞毛孔。無添加任何肥皂、人造色素及香料等刺激性致敏成份, 適用於最敏感的面部肌膚。




呢支同 QV Wash 唔同, 係面部專用既, 會溫和 d, 同價錢貴少少, 250ml 都幾大支, 不過無泵就唔係咁方便

倒出黎係白色稀身洗面奶既質地, 無香味, 加少少水可以起到泡, 但泡量唔多

雖然都知皮膚敏感時, 用潔面品要溫和無泡就最好, 但我又鍾意用有泡既洗面, 見 QV 呢支潔面乳寫明有泡, 貪得意又買黎試下。倒出黎見到好似洗面奶咁, 都好奇怪, 唔似可以起到泡囉, 但加少少水, 真係有泡, 不過當然唔會好似洗面膏咁起到好 creamy 既泡啦, 洗完之後都唔乾, 比用洗面奶感覺爽 d, 但潔力唔會好強, 所以皮膚無乜問題既話, 用一排會覺得塊面好似唔乾淨, 角質同黑頭都會多左, 所以我都係朝早用佢, 夜晚就用返洗面膏。Touch wood 呢排皮膚都無敏感, 所以試唔到用佢會唔會拿, 但感覺應該 ok, 之前用過 Cetaphil (按此), 我就覺得 QV 洗得乾淨 d, 成份好 d, 但 Cetaphil 就

清貨 - 2013年 2 - 3月

2月中阿 B出世, 為左方便揍佢, 我就搬左返娘家, 唔想帶咁多野, 主要都係用 sample, 又可以順便清下 sample 啦, 短期內都唔會去旅行, 儲埋咁多都無用, 所以今篇清貨文都係 sample 為主, 不過唔好睇少 sample, 我都用左 2個月架

Sukin Botanical Hydration Booster (按此)
天然有機品牌既新系列, 雖然叫 Hydration, 但佢係油狀黎既, 都好易吸收唔 lup, 冬天時溝落精華度用, 就再清爽 d 啦

Sukin Intensive Firming Serum (按此)
好稀身既緊緻精華, 不過皮膚狀態唔穩定時, 搽上面會有 d 拮拮地同紅, 同埋緊緻效果唔明顯

Origins Plantscription Anti-aging Eye Cream
之前用過呢個系列既面同眼精華, 都唔錯, 估唔到 eye cream 都幾好用, 夠潤會唔出油脂粒



Bioderma 抗敏潔膚啫喱 (按此)
雖然係抗敏系列, 不過用後有 d 乾, 如果真係敏感皮膚, 感覺唔夠溫和, 而且都幾快用完

Neutrogena Hydro Boost Clear Lotion
普普通通既 Toner, 無乜特別, 唔係好補濕, 又無乜去角質效果, 只係用左好過唔用咁囉

La Mer The Moisturizing Soft Cream (按此)
Domohorn Wrinkle Oil in Gel Remover
Domohorn Wrinkle Vital White Essence
Domohorn Wrinkle Intense Hydrator
Domohorn Wrinkle Cream 20
Domohorn Wrinkle UV Dress Cream SPF 31 PA++

Domohorn Wrinkle Silky Cream Foam
Domohorn Wrinkle Milky Veil Lotion
Origins Plantscription Anti-aging Serum x 2
日本藏人卸妝油
Curel Moisture Milk
Chanson Liftlogy Lotion 

La Roche-Posay Toleriane Purifying Foaming Cream
La Roche-Posay Toleriane Dermo Cleanser
La Roche-Posay Toleriane Hydrating Lotion
La Roche-Posay Uvidea XL Cream SPF50
Guinot Hydra Cellulaire Serum
Chanson Liftlogy Milk
Chanson Liftlogy Nourishing
Chanson Liftlogy Essence 

Olay White Radiance 高效隔離防曬乳液 SPF 50 PA+++

早幾日天氣開始熱啦, 夏天已經俏俏嚟臨, 好多品牌都推出美白系列, 大家都知想美白首要條件係做好防曬啦...

名 稱 : Olay White Radiance Luminous Whitening Blocker 高效隔離防曬乳液 SPF 50 PA+++
價 格 : $159.90
容 量 : 40ml

產品介紹 :

同時採獨特隔離科技「UV PROTECTM」，含Tinosorb M、 Tinosrob S與OMC等多種防曬成分，能同時阻隔室內外多種UV紫外線，並含有多種光穩定性強的防曬成份，防護功能不會隨時間遞減，令長效阻隔的效果更顯著。

其實呢支防曬已經係 2012年出架啦, 我都用左段時間, 而家先同大家分享

白色乳液狀, 有少少香味, 質地唔算好杰身, 都好易推開, 可能防曬度幾高, 油份都比較重, 所以有 d lup 呀

冬天時開黎用既, 因為佢質地都唔算好薄身, 而且有 d lup, 吱少少就夠搽全面, 因有 d 油份, 所以之後上粉底都唔會好啜粉, 防曬效果方面, 用左佢膚色都無轉深到, SPF50 啱戶外用, 可惜佢幾 lup, 戶外活動, 出油出汗, 就令皮膚有負擔唔係咁舒服啦, 佢另外 SPF 30 果支水狀爽身好多, 不過我未開, 用後再分享啦

Shu Uemura 妝前泡沬底霜

名 稱 : Shu Uemura UV Under Base Mousse 妝前泡沬底霜 SPF 30 PA+++
價 格 : $300
容 量 : 65g

產品介紹 : 

這款人氣打底霜加強了遮暇能力和水潤舒適的感覺，輕巧無比的泡沫質感，全賴「Silcoat」平滑科技及現正申請專利的泡沫穩定劑。兩項嶄新技術合力改善 底霜的遮蓋度，提升絲滑透薄的覆蓋效果，在提供 SPF30 PA+++ 的UV紫外線防禦保護之同時，而又無損泡沫幼細質感，締造透薄無瑕的覆蓋效果。



Shu Uemura 既泡泡 base 一直都好出名, 因為天氣唔啱, 呢支放左好耐都未用, 已經係舊版, 近期出左唔少限量版, BB Mousse 咁, 不過貴錢就唔止 $300 啦

每次用時就咁按就得, 唔洗搖勻, 泵一個乒乓球咁大既份量

我呢支係淺肉色既, 另外仲有粉紅色選擇, 用粉樸輕輕推開, 質地會由泡沬變左好似水狀咁, 好貼好薄, 等乾左之後就會有層薄膜咁包住皮膚表面

初初開果時係冬天, 雖然個 base 話水感重, 但因為佢水份揮發左之後, 會變左層粉狀既膜咁好乾爽, 冬天用就比較乾, 後續上粉底都有卡粉問題, 所以就擺埋一邊, 見而家天氣暖返又咁潮濕, 就再拎出黎用下啦, 咁既天氣就好 ok 啦, 質地好薄, 完全唔覺搽左野, 皮膚無負擔, 又有少少潤色效果 (影相效果唔明顯), 按一下再用粉樸搽上面就得, 方便又快捷, 再印少少碎粉 / 粉餅, 效果自然, 唔似化左妝, 但皮膚睇落滑左, 毛孔都遮左少少, 而且用後塊面好乾爽, 趕時間既話, 有時連碎粉都唔上就出街啦, 我係外乾內油皮膚, 到下晝面珠位都有少少乾, 但 T zone 出油唔算嚴重, 輕輕用紙巾印下就 ok, 佢都有少少控油效果, 卸妝方便都無問題, 普通卸妝產品已經可以卸乾淨, 不過大家都知, 泡泡狀既野, 都用得幾快, 呢支我估會好快用完啦

Biore Watery Cleansing Liquid

揍 B 假期進入尾聲, 之前坐月又係新手媽媽, 都好忙無時間寫 Blog, 而家開始習慣照顧阿 B, 而且身體狀態都回復左, 有精神做下自己野啦, 近期雖然無接任何試用及 Event, 但都開左 d 新野用, 都想同大家分享下...

平時用開 Biore 既卸妝油, 但屋企卸妝存貨用晒, 去萬寧入貨時見到呢支新出既卸妝凝露, 就買黎試下啦

名 稱 : Biore Watery Cleansing Liquid
價 格 : $84.90
容 量 : 230ml

產品介紹 :

快速卸妝 - 針對難卸彩妝 (包括防水化妝品)，特有「迅速潔淨卸妝技術」，迅速徹底溶解並洗淨妝容。
保護肌膚 - 蘊含1/3美容保濕精華液，卸妝同步護膚，即使卸妝後仍能保持肌膚水嫩柔潤。
清爽凝露 - 質地容易推開，卸妝時不需過分用力搓揉肌膚，避免傷害幼嫩肌膚。
水漾配方 - 容易沖洗，洗後肌膚立即清爽潔淨。



濕手濕面都可以用, 每次用量唔洗多, 說明仲保証一支可用最少3個月添, 但因為而家我仲放緊產假, 唔係日日用, 所以唔知係咪真係用到 3個月咁耐啦

透明 Gel 狀質地, 少少花香味, 每次我會用 4-5 泵, 係面按一陣直到彩妝溶解, 就可以直接過水

Gel 狀都幾好推, 唔會好似卸妝油咁流到周圍都係, 又唔洗乳化, 又唔洗好似卸妝水咁要用化妝棉抹, 而且濕手濕面都用得, 確實係幾方便, 平時主要都係用粉底、胭脂、Lip Gloss 咁, 基本上用佢都卸得乾淨, 而防水既 Mascara 應該都無咩問題, 不過唔知係我按得唔夠耐定點, 雖然表面無任何化妝品殘留, 亦無出暗粒 / 油脂粒, 但我去做 faical , 美容師用儀器幫我清潔時, 佢話我下巴及腮位好多防曬 / 粉底既野係皮膚度, 初初以為支洗面唔夠乾淨, 諗諗下可能係卸妝問題.... 不過就算唔係呢樣, 個人都係鍾意用 Cleansing Oil 多 d, 感覺卸得比較乾淨, 但呢支就清爽 d, 啱夏天, 或者皮膚唔適合用 oil 既朋友啦