名 稱 : Shu Uemura UV Under Base Mousse 妝前泡沬底霜 SPF 30 PA+++
價 格 : $300
容 量 : 65g
產品介紹 :
這款人氣打底霜加強了遮暇能力和水潤舒適的感覺，輕巧無比的泡沫質感，全賴「Silcoat」平滑科技及現正申請專利的泡沫穩定劑。兩項嶄新技術合力改善
底霜的遮蓋度，提升絲滑透薄的覆蓋效果，在提供 SPF30 PA+++ 的UV紫外線防禦保護之同時，而又無損泡沫幼細質感，締造透薄無瑕的覆蓋效果。
Shu Uemura 既泡泡 base 一直都好出名, 因為天氣唔啱, 呢支放左好耐都未用, 已經係舊版, 近期出左唔少限量版, BB Mousse 咁, 不過貴錢就唔止 $300 啦
每次用時就咁按就得, 唔洗搖勻, 泵一個乒乓球咁大既份量
我呢支係淺肉色既, 另外仲有粉紅色選擇, 用粉樸輕輕推開, 質地會由泡沬變左好似水狀咁, 好貼好薄, 等乾左之後就會有層薄膜咁包住皮膚表面
初初開果時係冬天, 雖然個 base 話水感重, 但因為佢水份揮發左之後, 會變左層粉狀既膜咁好乾爽, 冬天用就比較乾, 後續上粉底都有卡粉問題,
所以就擺埋一邊, 見而家天氣暖返又咁潮濕, 就再拎出黎用下啦, 咁既天氣就好 ok 啦, 質地好薄, 完全唔覺搽左野, 皮膚無負擔,
又有少少潤色效果 (影相效果唔明顯), 按一下再用粉樸搽上面就得, 方便又快捷, 再印少少碎粉 / 粉餅, 效果自然, 唔似化左妝,
但皮膚睇落滑左, 毛孔都遮左少少, 而且用後塊面好乾爽, 趕時間既話, 有時連碎粉都唔上就出街啦, 我係外乾內油皮膚, 到下晝面珠位都有少少乾,
但 T zone 出油唔算嚴重, 輕輕用紙巾印下就 ok, 佢都有少少控油效果, 卸妝方便都無問題, 普通卸妝產品已經可以卸乾淨,
不過大家都知, 泡泡狀既野, 都用得幾快, 呢支我估會好快用完啦
揍 B 假期進入尾聲, 之前坐月又係新手媽媽, 都好忙無時間寫 Blog, 而家開始習慣照顧阿 B, 而且身體狀態都回復左, 有精神做下自己野啦, 近期雖然無接任何試用及 Event, 但都開左 d 新野用, 都想同大家分享下...
平時用開 Biore 既卸妝油, 但屋企卸妝存貨用晒, 去萬寧入貨時見到呢支新出既卸妝凝露, 就買黎試下啦
名 稱 : Biore Watery Cleansing Liquid
價 格 : $84.90
容 量 : 230ml
產品介紹 :
快速卸妝 - 針對難卸彩妝 (包括防水化妝品)，特有「迅速潔淨卸妝技術」，迅速徹底溶解並洗淨妝容。
保護肌膚 - 蘊含1/3美容保濕精華液，卸妝同步護膚，即使卸妝後仍能保持肌膚水嫩柔潤。
清爽凝露 - 質地容易推開，卸妝時不需過分用力搓揉肌膚，避免傷害幼嫩肌膚。
水漾配方 - 容易沖洗，洗後肌膚立即清爽潔淨。
濕手濕面都可以用, 每次用量唔洗多, 說明仲保証一支可用最少3個月添, 但因為而家我仲放緊產假, 唔係日日用, 所以唔知係咪真係用到 3個月咁耐啦
透明 Gel 狀質地, 少少花香味, 每次我會用 4-5 泵, 係面按一陣直到彩妝溶解, 就可以直接過水
Gel
狀都幾好推, 唔會好似卸妝油咁流到周圍都係, 又唔洗乳化, 又唔洗好似卸妝水咁要用化妝棉抹, 而且濕手濕面都用得, 確實係幾方便,
平時主要都係用粉底、胭脂、Lip Gloss 咁, 基本上用佢都卸得乾淨, 而防水既 Mascara 應該都無咩問題,
不過唔知係我按得唔夠耐定點, 雖然表面無任何化妝品殘留, 亦無出暗粒 / 油脂粒, 但我去做 faical , 美容師用儀器幫我清潔時,
佢話我下巴及腮位好多防曬 / 粉底既野係皮膚度, 初初以為支洗面唔夠乾淨, 諗諗下可能係卸妝問題.... 不過就算唔係呢樣, 個人都係鍾意用
Cleansing Oil 多 d, 感覺卸得比較乾淨, 但呢支就清爽 d, 啱夏天, 或者皮膚唔適合用 oil 既朋友啦
之前皮膚好敏感, 一敷 mask 或用唔啱 Skincare 就會起敏感, 又紅又腫仲好痕, 睇過中西醫又停用唔少刺激既產品, 塊面已經好返好多, 只係右邊腮近下巴位仲有一撻一路都唔好, 耐唔時就會起敏感, 紅起上黎連化妝都遮唔到好肉酸架, 見
朋友用開 La Mer 話對濕疹敏感好有效, 新年前出左 Double Pay, 就豪一次去 La Mer 專櫃啦, 原本只諗住買 The
Moisturizing Soft Cream, 但 BA 話我皮膚乾, 用 Moisturizing Cream 啱 d, 之後 BA 話用埋
The Hydrating Infusion 會更吸收, 補濕效果更好, 見唔算好貴 (La Mer 好少野唔過千), BA 又幾好人, 好有耐心介紹產品, 就買埋啦, 仲同 BA 講我想試下 Soft Cream, 佢都好好俾左個 sample 我試添~
The Hydrating Infusion $890 / 125ml
The Hydrating Infusion 不但能提升 Crème de la
Mer 卓越的活膚成效，其高效保濕配方，蘊含具滋潤成份的維他命及必要礦物質，能為肌膚注入水份，讓肌膚保持最佳狀態，充份攝取 Crème de la
Mer 的護膚養份。The Hydrating Infusion當中的互動啫喱在肌膚需要時，會按肌膚的酸鹼度和溫度，輸送所需的水份和養份。
雖然 $890 唔算平, 但有 125ml 好大支, 每次用 1-2泵就夠, 一支有排用, 稀身 Gel 狀質地, 有少少香味,
作用類似導入液, 係 Toner 後, Serum 前用既, 但佢個質地都補濕有少少滋潤, 所以當佢係精華用都得, 但可能成份比較濃,
加上天氣唔穩定, 初初用, 塊面有少少拮拮地, 但用左一排就無事啦, 仲幾夠潤添, 唔洗再搽精華都得, 用左佢再搽 cream 係吸收 d 架
Creme de la Mer 精華面霜 $1450 / 30ml, $2600 / 60ml
奇蹟的誕生源自 Huber 博士為療癒臉上疤痕的決心。極緻豐潤的面霜在塗抹一刻已經為肌膚帶來蛻變，同時紓緩皮膚不適的情況，即使最乾燥的肌膚亦得到滋潤和修護， 膚質明顯改善。這面霜適合任何膚質，為乾燥肌膚帶來的滋潤效果尤其顯著。
個盒下面收埋支捧捧, 因體溫會令 cream 既質地有變化, 所以最好用捧"了"出黎先係掌心按。
好杰身白色 cream 狀, 質地同香味都有 d 似雪花膏, 推開左其實都唔算好杰, 但 BA 教要係指尖暖和左先, 按一陣, cream 會由白色轉為半透明, 咁就可以按上面架啦
試過唔係手度按就直接搽上面, 真係會好潤唔吸收, 所以都會照足呢個方法, 唔係盞仲浪費左個 cream 添呀, 按完可能會覺得有 d lup, 但等一陣皮膚吸收後, 其實都 ok 架
The Moisturizing Soft Cream 精華柔潤面霜 $1450 / 30ml, $2600 / 60ml
全新配方的矜貴柔滑質感，成就年輕亮澤肌膚，延續Crème de la Mer面霜傳奇。注滿La Mer深邃蛻變力量之源──Miracle Broth™活膚精華，精華柔潤乳霜頃刻滲透肌膚底層，持續潤澤與強化膚質，誘發再生及賦活力量，青春光采眩目綻放。
Soft
Cream 真係好想試, 所以多口問 BA 拎 sample, 雖然細細罌, 但每次用既份量唔洗好多, 個 sample 都用左幾日架, 而且
Soft Cream 無咁潤, 又唔洗係手暖和, 啱朝早趕時間, 同埋春夏天用, 個人比較鍾意 Soft Cream 質地多 d, 但因為佢無
Moisturizing Cream 咁潤, 所以會唔覺唔覺搽多左份量, 相對就無 Moisturizing Cream 咁襟用啦, 2款
cream 既成份同功效係一樣既, 只係質地有分別啫
睇下用左佢地 2個月既效果係點啦, 一月時天氣好唔穩定, 一時又濕又熱, 一時就又乾又凍, 所以敏感部位就好嚴重, 用左一個月,
紅既位置有少少甩皮, 敏感退左 d, 但因為轉天氣好潮濕, 個 cream 又潤, 所以起左 d 粒粒, 到二月中, 生 BB
係醫院同屋企基本上都好少護膚, 有時連面都無洗, 所以撻敏感都好左好多呀, 我覺得 La Mer Cream 又無講到咁無敵囉, 佢係幾夠潤,
用左佢皮膚唔乾, 乾紋少左, 毛孔細緻左, 膚質有改善, 但以過千蚊買一罌面霜, 我又覺得佢唔係好值囉, 我寧願豪用中價錢既 cream,
效果可能仲明顯, 同埋再揀既話, 我會買 Soft Cream 囉, 但支 Hydrating Infusion 就比想像中 ok
大家呢排都唔見我上網或者 update blog, 因為 2月15日 (年初六) 阿 B 已經出世啦, 但阿 B 出世時都比較輕磅, 得
2.2kg, 要瞓溫箱, 加上有少少黃疸, 要留醫左 5日先出得院, 果幾日我真係超擔心, 有時諗諗下都會喊出黎, 可能產後荷爾蒙影響啦,
情緒容易波動, 但阿 B 出院後就無事啦, 因為有左佢我既生活變得好忙, 不停都係餵奶、換片、食、瞓.... 忙到連開電腦既時間都無乜,
只係有時用電話上 Facebook update 下咁咋。
雖然變得好忙, 但見到阿 B 一日一日咁長大, 體重上升, 面仔有肉地肥嘟嘟左, 眼大大個樣幾精靈都好開心。
下星期就坐完月, 應該會精神返 d 無咁攰, 到時會打下文啦, 其實都有唔少產品想分享 (坐月期間勁懶, 好多時連面都唔洗, haha, 因唔想成日濕水), 亦清左唔少野, 睇黎年中我都好多野會清倉, 到時又可以買野, 再同大家分享 lu ^_^
送張阿 B 既近照先, hehe
轉左工同有左 BB 之後, 都少左出街, 好少買野, 試用都接少左, 所以就好乖咁清下屋企既存貨啦, 但黎緊阿 B 就出世, 都好懶好少出文, 所以趁新年有幾日假期, 出埋篇清貨文先, 唔係都唔知要拖幾耐啦
Loreal
Derma Genesis Toner
有 AHA 既成既 Toner, 可以收毛孔去角質, 初初用都好擔心會敏感, 但用左又無咩事喎, 但質地好爽, 都無咩特別
Floxia
Purifying Gel (按此)
啱油性皮膚用既 Cleanser, 預防毛孔閉塞, 有效抑制暗瘡滋生, 不過又唔算好乾喎, 秋冬用都 ok, 份量唔洗用好多, 都幾襟用
NeoStrata
Face Cream (按此)
有果酸成份既面霜, 但驚敏感, 主要用黎搽頸, 想快 d 清左佢, 早排見出左新版啦
Guinot
Hydrazone Moisturizing Cream
幾潤身既 cream, 其它就無乜特別啦
Guinot Age
Logic Intelligent Cell Renewal
比上面果支再潤 d, 所以 Hydrazone 朝早用, 呢支就夜晚用
Chacott
Finishing Powder #753 (按此)
好好用既碎粉, 百幾蚊大大盒, 可以用足幾年, 單用或者溝唔啱色既碎粉/粉餅都得, 聖誕時家姐去日本旅行, 已經托佢幫我買左盒新架啦, 呵呵~~ 日本比香港水貨舖平好多呀
Neutrogena
Sleeping Mask (按此)
補濕效果真係唔錯, 但 Neutrogena 既產品我真係未必樣樣用到, 呢盒就係啦, 停用一排, 再用返, 有少少敏感, 用黎厚敷當 mask 過水都唔得, 不過 50g, 敷幾次就用完啦...
Johnson’s
24 Hour Extra Care
轉季開始都好乖, 晚晚沖完涼就搽 Body Lotion, 所以 keep 住成個冬天都無甩皮, 無乾裂, 呢支平平地又夠潤, 香味唔會太濃, 質地唔會太杰, 搽完著衫都唔會黏 lup
S-Clinic
Multi Energy Up Silky Essence (按此)
潤身既精華, Gel Lotion 狀質地, 好補濕夠潤, 好溫和敏感時都用到, 50ml 大大支, 有時做特價真係好抵用
Sample
La Roche-Posay Uvidea XL BB Cream
La
Roche-Posay
Uvidea
XL Tinted Cream
Guinot Intelligent Cell Renewal for Eyes
皮膚容易敏感, 加上轉天氣, 有次行水貨舖見呢支洗面又唔貴, 屋企既 Cleanser 又差唔多用晒, 一於買黎試下
名 稱 : Bioderma 抗敏潔膚啫喱 Sensibio DS Foaming Gel
價 格 : $140 (水貨價)
容 量 : 200ml
產品介紹 :
能溫和徹底潔淨肌膚, 不含香料, 不刺激肌膚, 十分適合敏感發紅、脆弱的肌膚使用。可減輕皮膚發炎、脫皮等不適, 具抗菌舒緩的功效。
個樽蓋同平時既有 d 分別, 係啤實既, 100% New 架, 但樽口較大, 每次都會吱較多份量
透明 Gel 狀質地, 無香味, 好易起泡, 泡沫比想像中多, 因為啱敏感皮膚用既野多數係無咩泡既
潔力唔算好強, 泡泡都好易過水, 過水後好爽, 唔會滑潺潺
用左一個月多 d, 已經差唔多用完啦, 因為樽口幾大, 每次吱出既份量都唔少, 好似我上圖咁大 Pat, 用左無敏感, 就算有少少想起敏感,
都無令敏感惡化, 但我覺得佢又唔算好溫和, 可能點都係有泡既 Cleanser, 洗完過左陣唔立即搽 Skincare 既話, 會有 d
乾同繃緊, 回購機會好微
好耐之前參加過 Sukin Purely Ageless 新品發佈會, 拎左 d 產品, 終於有機會開黎用下啦, haha
Sukin 堅持以最天然成份來提供最優質產品, 不採用合成香料、動物性成份、硫酸月桂酸鈉、強烈清潔成份、石油化學品、人造色素、三乙醇胺、礦物油、乙二胺四乙酸、對氨基苯甲酸等對人體有害成份, 所以開封後 6個月內要用完
Intensive Firming Serum 活顏天然緊緻青春精華 $210 / 30ml
含多種有機活性成份, 溫和緊緻及調節肌膚, 令肌膚變得柔軟
質感輕盈, 好水既乳液狀, 好薄身易吸收, 好香有機成份既氣味, 不過唔知點解搽上面有 d 拮拮地, 但又無令皮膚敏感喎... 質地唔算好潤, 夏天或秋冬朝早用都 ok, 但緊緻效果就唔係好覺有啦
Botanical Hydration Booster 活顏天然草本保濕精華 $210 / 25ml
含永久花及摩洛哥堅果油 100% 天然抗氧化成份, 改善肌膚彈性及令肌膚更亮白, 油狀質地, 但好快吸收, 好重堅果油氣味, 可於面霜後使用, 加強保濕
淡黃色油狀, 唔算杰身, 易吸收, 吸收後都唔會 lup, 油狀精華我好少會當面霜咁搽, 多數會溝 Toner 或水狀精華 (SK-II 神仙水), 咁會減低油膩感之餘, 又易吸收入皮膚深層, 冬天用就最啱啦
2支精華都已經差唔多用完啦, 屋企既精華存貨都差唔多清晒, 又可以諗下買咩試下啦, 呵呵~~
