名 稱 : Maybelline x Hello Kitty Volum Express Mascara
價 格 : $109
個包裝好靚呀, 一眼就會望到, 粉紅色豹紋, 再加上咁 sexy 既 kitty
個樽身好多隻 kitty + 蝴蝶結架, 不過有少少反光好難影得晒
梳型頭, 可以搽到根根分明
睇下效果先, 搽左都好根根分明, 濃密度都唔錯, 不過果日夾睫毛夾得唔太好, 有少少曱甴腳, 我睫毛本身好梳, 用左呢支 mascara 連宅男都話明顯見到 d 睫毛
出左大半日街, 都無乜點甩, 下眼尾有少少啡色, 不過唔嚴重, 同埋睫毛 dup 左 d, 因為我平時少化眼妝, 唔記得自己搽左 mascara 就捽眼, 所以搞成咁, 另一隻眼只係少少 dup 姐, 甩得咁輕微已經好 surprise 啦
雖然佢咁防水防油, 但都好易卸喎, 用 eyes makeup remover 按一陣就卸得好乾淨啦
我 本身睫毛好少, 軟身又幼, 對眼會出油又多眼水, 所以揀 mascara 都幾麻煩, 用過唔多, 但平平地又好滿意既就係 kiss me 啦, 咁我就用 kiss me 同 hello kitty 呢支比較下啦, 濃密度兩支差唔多, kiss me 就比較輕身, 卷曲度較好, 全日都唔會 dup, 但會有少少甩, 而 hello kitty 就係梳型, 無咁易掃到眼皮, 尤其下眼睫毛, 防油較好無咁易溶, 同埋易卸好多
又到聖誕, 又到聖誕!!! 話咁快仲有唔夠兩星期就係 X'mas 啦, 相信唔少 sis 都為買聖誕禮物而煩惱啦, 女仔就最容易諗啦, 所有以 Bling Bling 飾物配件相信係女仔都會鍾意既, 上星期出席左一個關於鑽石既 event, 位於上環既 Be'vish Fine Jewellery, 真係學到唔少野呀
上到去, 見到好多由設計師 Joanna Hui 設計既珠寶首飾, 好多都適合日常配戴或去晚宴使用既都有, 如果都唔啱心水, 可以度身訂造由 Joanna Hui 親自設計添
除左首飾仲有 d 甜品及好特別既中東小食, 我都係第一次試咋
好多首飾呀, 雖然平時較少配戴, 但睇到都好開心, 款式仲係出面大型珠寶店較少見既設計
試左 Tsarine Rose Champage, 擁有俄羅斯貴族的氣質, 艷麗的粉紅色, 帶微酸的草莓香, 跟清淡的菜式是最佳組合。
有後 Joanna Hui 就簡單解釋鑽石 4C 係乜野, 同埋點樣睇鑽石証書啦, 好多野唔聽真係唔知架, 咁去買野就無咁易俾人呃啦
Carat - Weight : 1卡相等於 100份, 半卡 50份, 相信好多人都清楚啦
Clarity Grade : 清晰度 - 完美無暇既鑽石係 LC級, 一般較少見, 價錢亦好貴, 一般我地買到既係 VS 及 SI 級, 已經係唔錯, 就算用放大鏡都唔係咁容易睇到黑點, 而且最好揀黑點係鑽石邊邊位置, 唔會影響到光度
Colour : 最白既鑽石係 D, 然後就 E, F, G, H 咁分, G 開始已有少少偏黃
Cut : 較常見既係 57 及 58面, 唔同品牌亦有佢地專利既切割方法, 目的都係增加鑽石既反光面, 提升光亮度
Joanna 唔止教我地睇鑽石, 仲教我地咩衣著應該配戴邊類首飾, 面型又啱邊種耳環頸鏈等等, 因為佢唔止係珠寶設計師, 仲學過化妝、配色、時裝.... 佢話所有靚既野佢都鍾意, haha, 相信大份部女仔都一樣, 貪靚係女仔既終身事業嘛
參加既 Blogger 每人都收到禮物, 係我第一份既 X'mas Gift 呀, 條鏈好靚呀, 清清地啱晒我呀
瞬間撫紋淡斑納米精華素 $159.9 / 25ml
瞬 間撫紋淡斑納米精華素以聚苯乙烯磺酸鈉、蘆薈提取物及玻尿酸成份提煉。聚苯乙烯磺酸鈉能形成彈性的薄膜，有效保護肌膚之餘同時具有顯著的緊緻肌膚、撫平皺 紋的效果，並且幫助淡化色斑，令肌膚柔白亮澤。蘆薈提取物及玻尿酸有效提升肌膚補水及鎖水機能，迅速改善肌膚缺水的情況，令肌膚細胞水份飽滿，進一步幫助 撫平幼紋，使膚色均勻細緻、柔潤亮白。
用後感 : 包裝金色好矜貴, 以為精華都係金色添, haha, 乳白色 lotion 質地, 推開後係好薄身既 lotion, 只係比乳狀 toner 杰少少, 好快吸收, 吸收後好爽, 天氣乾燥有時會用多左, 按 3-4 泵都好快吸收晒, 但唔知點解部機測出黎油份升左咁多喎.... 頭幾日使用, 彈性好左, 膚色明顯均勻明亮左, 斑斑睇落都淡左少少, 可惜突然轉涼氣溫急降 10度, 搞到我皮膚敏感, 再加上少少感冒, 皮膚狀態唔太好, 所以上圖既使用前後好似無乜分別咁....
瞬間撫紋淡斑納米眼鼻膜 $89.9 / 7片
美 肌之誌眼鼻膜蘊含 Q10輔脢、維他命 B3及酵素提取物。Q10輔脢有效抵抗氧化自由基，增加眼部肌膚內的纖維彈力，撫平眼紋，令眼部肌膚明亮緊緻；維他命 B3有效抑制眼部四周的黑色素形成，幫助減淡黑眼圈及色斑。酵素提取物提供高效補濕功能，為眼部及鼻的 T字位置提供源源水份，為肌膚築起水活屏障，維持肌膚長效保濕，增加肌膚內的細胞纖維彈性，更有效撫平幼紋及淡化色斑，使肌膚更細緻明亮、水盈潤澤。
全新日本納米技術配合美國尖端科技研發而成，以美國進口的面膜原料配合超貼服剪裁，將大量精華充分釋放，提供絕佳的保濕效果，同時幫助細胞鎖緊水分，給您前所未有的美肌體驗，實現持久的柔嫩光澤、散發出前所未有的動人氣色！
用後感 : 眼鼻膜呢個設計比較少見 d, 但其實唔止敷到眼鼻, 大半個額頭及面珠都敷到 (尤其面珠最多斑既位置), 敷既時候覺得好似戴左女殺手個面具咁, mask 既精華都好多, 有淨我會搽係 mask 敷唔到既位, 敷完真係有 d "叮" 一聲呀, 唔止水份高左, 連膚色都白左一度, 斑都淡左少少, 不過敷時要搽其它 mask 係下巴位, 我皮膚乾, 敷左陣下巴位有 d 乾
名 稱 : 奧碧詩 Fil-Lup 蜂蜜精華面膜
價 格 : $48
容 量 : 10pcs
產品介紹 :
蘊 含豐富的蛋白質, 碳水化合物及蜂王漿萃取礦物, 補充肌膚所需的養分, 能迅速滲透至肌膚底層, 令肌膚由外而內充滿光澤, 含豐富的高濃縮營養成份, 令肌膚集中吸收所需營養成份, 維他命 E, 植物性膠原蛋白等萃取物, 即時提升肌膚保濕力, 增添彈性, 令皮膚用後感覺細緻潤滑。
使用方法 : 潔淨面部肌膚後, 將面膜取出敷於面部和面膜中間的空氣按出, 緊貼面部 20-30分鐘後, 待面膜上的精華吸收後, 取下面膜將面部殘留的精華液用手指輕輕按摩至完全吸收即可。
係 SaSa 見到, 係 Royal Jelly, 又唔貴就買黎試下, 另外仲有好多款, 美白, 蘆薈, collagen 等等....
全韓文, 唔知寫乜, 睇圖都估到既
其實個 mask 都買左一段時間, 用左一半啦, 不過未得閒出文, 雖然話係蜂王漿, 但完全無 honey 味既, 打開都有 d 被騙既感覺, 咁買左當然要敷下啦, 估唔到又 ok 喎, 面膜紙唔算薄, 都 ok 貼面, 好多精華, 好似介紹咁講敷 30mins 塊 mask 都仲好濕, 補水度幾好, 敷完好水潤, 彈性好左, 精華唔 lup, 按一陣吸收晒就可以搽 skincare, 皮膚狀態唔好時效果會再明顯 d, 平平地都試得過, 唔洗成日用死一個 brand 咁悶嘛
沙棘到底係咩黎既咩? 又對皮膚有咩好處呢? 上網搵到以下資料...
沙棘中含有豐富的 (SOD)，能清除人體內的自由基，具有顯著的抗衰老活性，實驗証明，沙棘中的 SOD 的熱穩定性是最高的，能被人體有效利用，能有助護膚養顏，防治黃褐斑，滋潤肌膚，減少皺紋等作用。
沙棘潔面皂 - 淨化排毒
沙棘潔面皂能每天喚醒肌膚細胞，深層潔淨面上污垢，含豐富泡沫，不刺激肌膚，為肌膚進行排毒及修復肌膚，同時對抗紫外線和破壞細胞的自由基。
用法：早晚一次，潔面皂濕水後搓至起泡，然後打圈全面清洗。
用後感 : 啡色皂皂入面有 d 黑色點點, 應該係沙棘粒子, 打開香味好熟悉, 宅男話似勞工梘, 可能係沙棘既氣味... 濕手加少少水打圈, 皂皂已經起到好多泡, 用起泡網泡沫會再綿密 d, 咁多泡用係面好舒服, 唔怕拉址到皮膚, 用潔面皂因為無油份, 一般過水後都較啜手, 但唔算好乾, 用後毛孔乾淨左, 黑頭都少左 d, 呢個我會 keep 住用, 咁大舊應該可以用到 3個月以上呀
沙棘全效修護霜 - 修護受損肌膚含豐富 Omega 7 脂肪酸能幫助肌膚自我增新膠原蛋白，天然保濕屏障，有助滋潤、活化、修補及保護肌膚功能。質地輕柔而且不油膩的沙棘全效修護霜適合天天使用，帶著清新柑橘香味，讓每天早上都帶著精神活力迎接新的一天。
不含對羥基苯甲酸酯類防腐劑，非動物測試，不含任何奶製品，酵母，小麥，麵筋，鈉或防腐劑。
用後感 : 香味同潔面皂又有 d 唔同, 呢個味唔係太好聞, 但都可以接受, 黃色 lotion 狀, 推開好薄身, 但要按多幾下皮膚先會吸收晒, 吸收後好爽完全唔 lup, 有 d matt 既感覺, 皮膚感覺唔到任何負擔, 可惜而家天氣太乾燥, 單用佢真係唔夠潤, 加左補濕精華就好 d, 朝早返工用, 到下午面珠位置都有點乾, 所以我會留返夏天才用, 應該會唔錯
之前都用過 O'Naomi 既頭髮及沐浴產品, 中藥味我幾鍾意, 價錢又唔貴, 而家之前有某牌子既中藥洗髮水被驗出含二噁烷致癌物, 但 O'Naomi 都有拎去化驗, 結果係不含二噁烷, 絕對安全, 用得放心。
天麻首烏防脫洗髮露 $51.9 / 800ml
利 用日本先進專利低溫微細化技術，將天麻首烏份子微細化後，精華更容易經皮層吸收，顯著促進頭髮的血液循環，調節頭髮的生長期，強韌髮絲，改善掉髮的情況； 再配合珍貴的人蔘，能促進頭髮發育，更加強化髮幹的韌性及抗拉力強度，防止頭髮開叉折斷，有效修護因染髮或燙髮對髮質所造成的破壞。
用後感 : 淡啡色質地, 有 d 黑色粒子, 應該係天麻首烏微細份子, 中藥味唔算太好聞, 不過唔濃烈, 過水後都唔係好大陣味, 好易起泡, 泡沫豐富, 過水時觸感唔算好滑, 但頭髮都好順, 濕髮都易梳理, 乾髮後好爽好輕, 尤其頭皮位置, 唔會令髮頂下塌, 亦因為咁感覺髮量豐厚左喎, 啱晒我呢 d 頭髮又幼又薄既髮質呀
天麻首烏防脫修護精華素 $25.9 / 200ml
加入了純天然，以日本專利低溫研製的黑芝麻蘊含維他命 B、蛋白質及脂肪酸等，具有補肝腎作用，可促使頭髮角質層生長並滋養保濕髮絲，促使頭髮黑色素合成，預防白髮生長；再配合女貞子能更有效改善白髮早生，進一步有助長出烏黑的髮根。
用後感 : 淺灰色 cream 狀, 同洗髮水一樣都有 d 黑色粒子及中藥香味, 好易推開, 同埋按一陣頭髮就吸收晒, 沖水後幾滑, 唔會有滑潺潺既感覺, 頭髮都算順, 不過長頭髮髮尾唔夠潤
用後頭髮無咁散亂, 感覺輕 d 清爽 d
透明質酸抗敏保濕沐浴露 $39.9 / 600ml第一支透明質酸沐浴露 - 蘊含大量透明質酸, 500倍水份極速滲透肌膚深層補充水份 , 及形成柔滑鎖水膜, 強化敏感肌膚抵抗力, 令肌膚水潤亮澤, 如絲般細滑。保濕由沐浴做起.產品不含 SLES, 性質溫和, 適合敏感肌膚使用。
用後感 : 透明質酸用係 skincare 就聽得多, 用係 shower gel 就較少見啦, 透明 gel 狀, 好少份量已經起到好多泡啦, 用後好爽身, 唔會繃繃緊, 但唔算好滋潤, 而家天氣唔搽 body lotion 都仲得, 但濕度再低就唔得啦, 睇相先發現使用後膚色明亮左喎, haha
咁快又一個月啦, 天氣凍同乾燥, 唔單止 skincare 清得快, 連 body / hair 都清左唔少呀, 大家睇下我 d 成績啦
Lanami 絲心萃 Silk Essential Mask x 2 (按此)
係 facebook 登記既試用, 都唔錯呀, 不過價錢唔平
Biore Cleansing Oil (按此)
最後一支買既 cleansing oil 啦, 而家主力用 DIY Cleansing oil, 暫時都唔會買卸妝用品住 lu
Excel Anti-Dandruff Medicated Shampoo
之前頭痕醫生介紹既洗頭水, 不過都唔係好止到頭痕, 雖然細細支但我唔係日日用, 都用左 2個幾月
The Body Shop Rich Plum Shimmer Lip Balm (按此)
前年 x'mas 限量版, 鍾意個香味, 搽左有 d 紫色, 我本身唇色淡, 所以唔可以搽太多, 唔係會好似中毒咁, 有閃粉, 搽左上咀都唔多覺
The Body Shop Japanese Cherry Blossom Body Butter (按此)
唔杰身既 body butter, 初初用都好香架, 但夏天少搽 lotion 野, 放左半年再用, 香味無晒, 變左少少膠味, 所以見呢輪凍返, 快手用埋佢
The Body Shop Honey Moisture Conditioner (按此)
用左好似第 3支啦, 好潤既護髮素, 鍾意個香味, 但因為年頭剪短左頭髮, 用佢就潤左 d , 份量唔可以落太多, 用左差唔多一年先用完
Isqueen 公主出遊愛琴海玫瑰保濕面膜 (按此)
好好用呀, 價錢唔貴, 但 5片好快用完, 下次試下其它款先
Sofina Beaute Wrinkle Sheet Pack (按此)
一盒 12片, 連敷 12日, 眼袋幼紋真係淡左, 都 keep 到一段時間, 價錢唔貴, 用得過呀
ZINO Hydra Moisture Locker (按此)
爽身既 lotion, 補濕度唔錯, 夏天用會啱 d
ZINO 黑頭磁石面膜 (按此)
泡泡 mask 幾得意, 但清潔效果唔明顯, 敏感皮膚用要小心 d
Crabtree Rosewater Hand Remedy
潤身 d 既 hand cream, 不過真係太多 crabtree 啦, 用到好悶, 而家得返一支咋, 希望 x'mas 唔好再收到啦....
Isa Knox秀麗韓保潤乳液 (按此)
之前特價買既, 已經轉左新版啦, 補濕夠潤, 最好係敏感時都用到, 好大支, 用左半年有多
美肌之誌淨白補水納米洗顏乳 (按此)
泡沫唔多, 所以每次都吱好多, 100g 唔大支, 一個月就用完 lu, 洗完唔乾, 秋冬用幾好
Sample :
Naomi 人參嫩膚再生滋潤沐浴露
Kose 潤肌精 Junkisei Prime Lotion
Mario Badescu Strawberry Face Scrub
Kiehl’s French RosewaterBvlgari Radiance Toning Lotion
Covermark Cell Advanced LotionZensation Deep Purifying Toner
