黑龍堂深層潔面卸妝油 Hipitch Deep Cleansing Oil

卸妝產品都用過唔少種類, 但我比較偏愛卸妝油, 卸得乾淨又方便, 一支搞掂, 同埋我係混合偏乾皮膚, 所以無塞毛孔出粒粒既問題, 不過卸妝油用量都幾兇, 所以唔會多太貴既用, 多數用開架產品, 之前都用左好多支 Biore, 都想轉下, 見呢支平平地又大支, 黑龍堂啲產品口碑都唔錯, 就買黎試下啦

 

名 稱 : 黑龍堂深層潔面卸妝油 Hipitch Deep Cleansing Oil

價 格 : $58

容 量 : 250ml

產品介紹 : 

黑龍堂 (KOKURYUDO) 深層潔面卸妝油含有橘子油、桉樹油等天然潔膚成份，能迅速清除防水睫毛液、不脫色唇膏及防曬化妝品，保持肌膚潔淨亮澤。卸妝油通過皮膚敏感測試。

透明無色油狀,質地比一般卸妝油稀身, 所以用時會滴到手肘都係, 不過稀身就好推啲, 用量會省

搽左 Mascara, Liquid Eyeliner, Lip Stick, Blush, Foundation 係手, 試下個卸妝效果

按左 2-3下, Lip Stick, Blush, Foundation 呢 d 唔防水既彩卸已經甩晒, 得返 mascara 同 eyeliner 仲係度, 再按多 10下, 用左好多, 但都仲明顯見到 mascara 同 eyeliner

加少少水乳化, 都仲見到少少 mascara 同 eyeliner 喎, 但過水後就洗甩晒, 一 d 痕跡都無啦

總結 : 黑龍堂產品的確有保証, 初初用覺得好稀身, 有啲唔習慣, 但佢用量唔洗好多, 大約 3泵就夠, 而且加少少水就好易乳化, 過水後都好爽, 亦唔會塞毛孔, 令黑頭粉刺多左, 之前用得耐 biore, 就有呢個情況, 同埋佢卸得好乾淨, 以呢個價錢的確好抵用, 不過買時發覺, 唔同店舖買, 價錢都可以差幾遠, 所以最好格下價先

Parkway 百匯皮膚中心 Fraxel Dual 雙飛梭雷射療程 - 第三激

又夠一個月, 到 Parkway 百匯皮膚中心做第三次 Fraxel 雙飛梭雷射啦, 其實已經完成好耐, 只係無時間出文, hehe

治療前三天停止使用含有對苯二酚 (Hydroquinone), 維他命 A 酸及美白產品, 避免日曬及進行激光治療、去角質等, 並加強保濕

打第三次, 終於都記得影部機啦

最新的 Fraxel Dual 雷射具有兩個雷射單位， 一個為 1550nm 頻率，專門改善凹陷痘疤，回復光滑皮膚，縮小毛孔，細緻皮膚 , 均勻膚色，撫平皺紋。另一個為最新的 1927nm頻率，對去除淺層黑斑 (雀斑、曬斑、老人斑) 和改善難治療的深層肝斑特別有效。

1550nm : 凹陷的組織（例如毛孔，疤痕）
1927nm : 表皮組織（例如表層色素，幼紋）

前幾日皮膚唔太穩定, 近腮位有少少敏感, 仲俾我抓到紅左, 所以陳醫生幫我圈起, 呢個位置唔做, 以免刺激到

都係潔面然後敷麻藥, 因上次打眼肚及鼻翼位好痛, 今次姑娘幫我係呢2個位置搽厚啲

搽厚左麻藥, 真係無咁痛, 雖然陳醫生話今次較強左, 但痛既感覺同之前差唔多, 眼肚位都無痛到標眼水, haha

做完, 醫生都會開返藥膏及補濕面霜, 頭幾日主要係用呢2樣產品就得啦

今次較勁左, 打完無乜野, 但過左大約 15分鐘, 感覺到塊面好慶好紅, 走時無戴口罩, 感覺到途人既目光, 我塊面應該紅得好恐怖, 但慶既感覺維持左 2-3 個鐘左右, 到夜晚己經退晒啦

今次紅得快, 退得快, 結焦都快, 第二日晚, 面珠位已經有啲痕及鞋鞋地, 係結焦既症狀

第三日結焦情況更明顯, 但都唔可以亂搞, 等佢自然甩,所以都係 keep 住搽藥膏及補濕面霜, 我通常會加多層補濕精華 (B5 Gel) 打底, 因做完激光皮膚一般較乾

第四日開始甩焦啦, 呢個時候塊面開始變得好滑, 同埋毛孔都細緻左

 

見到面珠有 d 白皮仔, 都係抹 toner 時抹甩, 唔好用磨沙去角質之類既產品

第六日, 結焦甩得七七八八, 塊面都滑左好多, 好細緻, 仲白淨左

第七日, 睇到皮膚好左好多, 呢個時候通常會敷下 mask, 等個效果 keep 得再耐啲

療程已經完成左一半, 皮膚狀態好左好多, 而且都少左敏感, 毛孔細緻左, 白淨左, 雖然每次醫生都會加大射頻, 但可能已經有經驗, 有晒心理準備, 所以都唔會覺得好痛, 之後既護理亦都好小心, 所以效果都唔錯, 一個月後再去做第四次療程

https://www.facebook.com/ParkwaySkinCentre

http://www.parkwayhongkong.com/

Gucci Beauty 敗家 + 分享

好耐無行街 shopping 啦, 知道 Gucci 出左 makeup 已經好想去買, 要揍女加上呢幾日好多地方封路, 都唔想出街, 咁啱生日過開港島, 即碌去 sogo Gucci counter 啦, 呵呵~~ 送份大禮俾自己嘛

買左三樣野, Silk Priming Serum, Glow Foundation, Sheer Blushing Powder

個樣係咪好 Grand 好靚呢, 係 counter 見到, 覺得比上網睇相仲靚, 而且拎上手幾有手感, 唔係好膠既感覺

Gucci Face Silk Priming Serum  $510 / 30ml

呢支本身無打算買, 因為以 makeup base 黎講真係唔平, 但 BA 好極力推介, 話除左令個妝貼啲, 仲有護膚功效, 唉~ 都敗開, 唔差在啦, 個包裝真係好鬼靚囉, 用完唔捨得丟

 

質地係乳白色 lotion 狀, 無色無香味, 有 d 似精華與乳液之間, 幾補濕

(呢幾日休息得唔夠, 又轉天氣, 皮膚狀態麻麻, 請見諒)
用左一次, 感覺係幾補濕, 個底妝係貼左, 但咁既價錢有護膚, 我可以買支唔錯既精華搽, 相信效果都 ok, 但我都會用耐 d, 睇下係咪真係咁正先

Gucci Face Lustrous Glow Foundation 020  $550 / 30ml

透亮無瑕粉底液質感輕盈，其適中至高遮瑕度能有效遮蓋臉上瑕疵，讓你輕易打造透薄光感底妝。粉底蘊含強效保濕成份，為肌膚持續保濕，配合SPF 25 防曬配方，有效阻擋紫外光，保護嫩滑肌膚。質地水潤且質感順滑，輕易用手指推開，締造光芒奪目的完美底妝。

質地好水, 好易推開, coverage 偏低但妝感好有光澤, 膚質好似好左咁, 係 counter 試埋個粉餅定妝, 效果真係好靚, 但太貴, 同埋少用粉餅, 屋企又有好多碎粉未用完, 所以忍手無買

Gucci Face Sheer Blushing Powder 030 Soft Peach  $430 / 4.25g

到重點既胭脂啦, 我都係因為佢而想去敗家, 平時化妝都係好淡好自然, BA 介紹呢隻 soft peach 俾我, 仲試左隻 rose 色, 都好靚, 感覺斯文啲, 啱返工用

第一張相有少少色差, 其實唔係咁紅, 真係好 peach 架咋, 但 hi 一下係手已經好出色, 印左雙 G Logo, 唔捨得全塊掃, 只係係色位點少少黎用咋

用化妝掃點一下再掃已經有色, 唔夠先再加少少, 唔係會太紅, 無諗過佢顯色度係咁高, 不過就唔算好持欠, 到夜晚返屋企仲見到少少, 但都會甩囉, 可能掃得太少掛, 但都唔錯, 可以有排用, 淨係個包裝已經嬴晒啦