I Love Yo! All in 1 Yogurt Cleanser

見伍姑娘代理, 送俾好多藝人用, 好似都唔錯咁, 開架品牌, 價錢唔貴, 見萬寧做特價, 買黎試下

 

名 稱 : I Love Yo! All in 1 Yogurt Cleanser

價 格 : $139 (特價 $99)

容 量 : 90g

產品介紹 : 

性質溫和，1分鐘卸除底妝、眼妝，同時作用每日清潔之用，溶解並帶走彩妝、污垢，潔淨同時保持肌膚水分，用完不會感覺乾燥崩緊。蘆薈配方特效保濕。不含殺菌劑、石油化學物、酒精、Paraben、PEG，對肌膚溫和。

 

成份都唔錯, 幾溫和

個包裝好似食得既 yogurt 咁, 阿女成日拎起話要食, haha, 同埋個香味都好甜, 真係好似 yogurt, 幾可亂真架

佢有埋支捧捧, 每次了一 pat 出黎就得, 係好杰身既 cream 狀, 質地有 d 似洗面膏

推開係咁既, 係手就好易推, 但用係面有就少少難推開, 打圈按一陣, 會見到彩妝開始溶解

加少少水起泡, 做埋 cleanser, 卸妝潔面一 take 過, 好方便

用左幾次, 其實我都唔太知點用, 第一次乾手乾面, 但好難推, 我覺得會捽到起紋, 第二次就濕面用, 會易推 d, 但有水會起少少泡, 又驚影響個卸妝效果, 加水後都好多泡, 而且卸妝效果係唔錯, 再用卸妝水抹, 都抹唔到顏色, 但用左幾日, 發覺皮膚有啲乾, 我就停左無用啦, 有時會用黎夜晚既 cleanser 囉, 卸妝都係用返我最愛既卸妝油

明色天然玫瑰精華活膚化妝水

名 稱 : 明色天然玫瑰精華活膚化妝水 Meishoku Organic Rose Moisture Lotion

價 格 : $78

容 量 : 210ml

產品介紹 : 

Meishoku(明色)天然玫瑰精華活膚化妝水讓你的肌膚問題一次過解決。收斂化妝水添加大量玫瑰精華，可作化妝水前滲透液使用，大幅提升保養品的吸收 力。有效令毛孔更細緻，防止脫妝，令你的肌膚從此透亮無暇。玫瑰收斂化妝水無著色，弱酸性。將洗臉後的鹼性肌膚調整為弱酸性，具有滲透液功能，肌膚散發明 亮光澤。清除多餘的油脂及油光、有舒緩保濕的感覺，增加皮膚護理的滲透，解決脫妝問題，擁有明亮健康肌！

大家都知我係玫瑰控, 見到 rose 既野點會忍到手, 屋企既 toner 用得七七八八, 呢支想試好耐, 一直係我既心水 list 入面, 呢個牌子出名係另一款 toner, 但果支就係控油收毛孔既, 呢支就係補濕, 所以我揀左呢支, 試過 tester 好香 rose 味

乳白色水狀, 好香玫瑰味, 比一般水狀 toner 潤身啲, 習慣用化妝棉抹

抹完後都有少少補濕, 唔會好爽用左等於無用咁, 同埋去角質幾好, 每次用完都會見到化妝棉啡啡黃黃咁, 但個 rose 味用得一段時間就淡得好快, 不過平平地用係 ok 既, 但想要有明顯效果, 佢就唔係好得啦, 本身習慣用 toner, 夏天既話都無咩要求, 簡簡單單無敏感, 不過無乜特別, 唔會再買

敗家記 - 2014年7月

7月份唔知咩事, 購物慾好旺盛, 可能轉左新工係旺角返工有關, lunch 及放工行街太方便, 好容易就手滑而敗左野, 哈哈~~ 同埋早前好少出街, 真係無咩買過野

月頭同屋企人去左台灣旅行, 但因為帶埋阿女去, 所以都無咩時間行街, 只買左 Sofina Primavista Ange Moisture Keep Base UV NT298, Shiseido 開架專科防曬孖裝 NT382, Sofina 係日本平價版, 同原裝版一樣, 但價錢平成半, 係台灣見到, 當然唔放過啦, 專科防曬孖裝見 NT449 已經好抵, 點知俾錢時睇張單, NT382 咋, 為返一支 HK$5X, 香港賣 $88 一支架

想試呂既產品好耐, 之前係韓國買過粉紅色樽, 但好潤唔啱用, 呢支係 for 油性髮質, 呂 Scalp Deep Cleansing Shampoo, 係卓越見到特價 $69, 有 400g + 180g shampoo, 水貨舖一支 400g shampoo 都唔止咁既價啦

係萬寧見到 Lactacyd 女性潔膚液三支優惠裝, 其實 3支咁多, 真係有排用, 但見到送個泵, 我最唔鍾意佢就係無泵,同埋 3支 $170.90, 平均一支唔洗 $57, 仲有支 60ml 送, 都係好抵

屋企既潤唇膏差唔多用晒, 新開既又好似有少少敏感, 所以都成日留意有咩潤唇膏好, 見呢兩支係 honey, 忍唔住買左, Nuxe Lip Moisturizing Stick $38, Pure Smile Snail Lip Treatment $20

Nuxe 係膏狀, 唔算好潤, 同埋無 honey 味, 我仲覺得臭臭地.... 而 Pure Smile 係 gel 狀, 搽上咀有少少涼涼地, 都幾潤, 但有少少黏咀, 我會夜晚用, 同埋冬天用應該都幾夠潤, 無咩 honey 味, 但個香味都 ok, 唔會好濃

卸妝品存貨都無乜, 見 Hipitch Deep Cleansing Oil $58 / 250ml, 平平地買黎試下

同朋友行 TST LCX, 好多韓牌專櫃, 忍唔住買左呢兩樣

Club Cilo Peripera Heart Tok Blusher $110 / 10g, 俾個俾個心心外表吸引左, 但質量都唔差, 唔閃, 顏色自然, 而且好顯色, 點 2下就得, 咁大盒有排用, 另外想買埋個粉橙色, 搵日行開去睇下先

VDL Tint Bar Triple Shot $128, 想買好耐, 3色好特別, 打橫用, 好易就做到咬唇妝, 打直三色混合用, 效果都好自然好靚, 不過佢個 counter 燈光有 d 暗, 試色睇唔清, 好彩無買錯, haha

Tangle Teezer 梳 $165, 百幾蚊買把梳真係有 d 貴, 但見都幾多人讚, 咁啱屋企把梳又爛左, 就試下啦, 好用既話, 百幾都值得投資既, 我係旺角格仔舖買, 都擔心會唔會係假貨, 但用落應該都係真野黎既...

初初用覺得梳到頭皮有 d 痛, 但用多幾次, 用黎按摩頭皮好舒服, 佢賣點係唔會令頭髮打 kick, 其實我頭髮都好少打 kick, 但用左佢頭頂 d 毛毛係無咁飛散, 同埋甩少左好多頭髮, 用多一排再分享

上網又訂左呢 2樣野

Paw Paw Rosehip & Manuka Lip Balm $60, 無錯, 又係潤唇膏, 見到又忍唔住買左, 未開, 遲 d 同先分享

多功能旅行內衣收納袋 $49, 去旅行時發覺內衣都唔知點放, 用袋入又唔整齊, 乾淨污糟又易整亂, 見到呢個收納袋好方便, 可以整齊放好佢地, 就算唔放內衣, 放護膚品都好好, 容量夠大, 用黎袋阿女 d 尿片同雜物一樣 ok, 媽咪見到都叫我幫佢訂多個啦

Parkway 百匯皮膚中心 Fraxel Dual 雙飛梭雷射療程 - 第一激

之前去 Parkway 百匯皮膚中心脫疣, 其實除左脫疣, 我仲 join 左 Fraxel 及去斑療程, 因第一次見陳醫生做 Consult, 真係俾個結果嚇襯.... 當時要揍女又要返工, 太忙唔夠休息又少護理, 皮膚唔穩定成日敏感, 照鏡時都未見過自己皮膚差成咁.... 睇下我皮膚狀態幾低分就知, 係皺紋及紋理稍為好少少, 毛孔及紫外線斑 10分都無....

最新的 Fraxel Dual 雷射具有兩個雷射單位， 一個為 1550nm 頻率，專門改善凹陷痘疤，回復光滑皮膚，縮小毛孔，細緻皮膚 , 均勻膚色，撫平皺紋。另一個為最新的 1927nm頻率，對去除淺層黑斑 (雀斑、曬斑、老人斑) 和改善難治療的深層肝斑特別有效。

1550nm : 凹陷的組織（例如毛孔，疤痕）
1927nm : 表皮組織（例如表層色素，幼紋）

治療前三天停止使用含有對苯二酚 (Hydroquinone), 維他命 A 酸及美白產品, 避免日曬及進行激光治療、去角質等, 並加強保濕

首先姑娘幫我潔面, 及全面塗麻藥, 包保鮮紙係等麻藥更快吸收, 敷時涼涼地, 過左 10分鐘, 面部開始有麻痺感覺, 敷 30分鐘就 ok 啦, 呢個時候可以休息下

抹乾淨麻藥, 就可以開始進行 Fraxel 療程啦, 當時心情都有 d 緊張, 因為有朋友做過, 都話痛架

醫生會係腮位俾我試下咩感覺先, 無問題先開始打, 開頭用 1550nm 都唔係太痛, 有 d 位就拮拮地咁, 而且部機個射頭有風機吹住, 所以打落去時都感覺到涼涼地, 減低痛楚, 但一轉 1927nm, 嘩~ 不得了, 痛到想大叫, 但為左靚, 我要忍忍忍.... 不過過程都好快, 大概 10 - 15分鐘就完成, 所以都 ok 既

完成後覺得塊面好慶好慶, 但就唔係點痛啦, 姑娘幫我用風機吹住, 同即時搽藥膏, 面霜及防曬

醫生開出藥膏及補濕面霜, 療程後 7日都只使用呢 2款產品, 出街要塗 SPF 30 以上既防曬, 用溫和既潔面及卸妝產品

返到屋企, 皮膚仲有少少紅, 但慶既感覺已經唔大, 同埋皮膚有 d 乾

第二日, 開始見到傷口有少少結焦, 一點點啡色, 但唔近睇, 其實係唔覺, 第二日已經可以化妝, 塊面因為呢 d 焦, 觸感好鞋, 但唔洗理佢, 唔好強行整走 d 焦

第三日傷口已完全結焦, 呢兩日塊面會有 d 痕, 用卸妝水抹面時, 開始有少少焦甩出黎啦, 同埋有粒痘痘, 可能療程將底層污垢推左出黎

第四日甩焦情況更多, 潔面後用 toner 都抺到好多

皮膚開始變得好滑, 毛孔細左, 仲白淨左, 但療程後幾日只塗藥膏及醫生開既補濕面霜, 皮膚有 d 乾

第五日, 結焦已完成甩晒, 皮膚好滑, 狀態最好

第八日, 效果仍然持續, 可能只做第一次, 所以一星期度, 就慢慢打回原形啦, 一個月後我會再去打第二次, 到時再同大家分享!!

https://www.facebook.com/ParkwaySkinCentre

http://www.parkwayhongkong.com/