清貨 - 2012年10月

有左 BB 真係好易攰, 返到屋企都唔想郁, 連出文量都大減, 但護膚我就唔敢偷懶啦



SkinMedica TNS Illuminating Eye Cream
SkinMedica 既野要係有註冊診所先買到, 之前都用過佢既防曬都唔錯, 但呢個 Eye Cream 都夠潤唔 lup, 但又唔算好特別, 原本都想出文講下, 但用用下唔覺唔覺就用完啦, haha

同仁堂阿膠滋養面膜
之前都見唔少 blogger 有介紹, 所以我都無突然出文講佢, 一盒五片, 價錢都 ok 唔算貴, cutting 唔太貼面, 但精華都幾多, 敷完皮膚水份提升, 效果 keep 到 1-2日, 但我剛敷上面時, 覺得有 d 攻眼, 但佢無乜香味, 我諗有酒精成份, 呢點會扣 d 分啦

Dream Skin 紅蔘/蛇毒血清蛋白精華原液 (按此)
好好用既精華, 價錢平, 但有效果, 敏感時用都無問題, 而且用左佢皮膚仲穩定返添, 啱晒我呢 d 易敏感又乾既皮膚

Ocean Potion Anti-Aging Sunblock SPF50
之前用完支好爽身既 Biore 防曬, 但開始轉天氣皮膚有 d 乾, 所以就開呢支啦, 細細支可以係轉長袖衫前用完, 質地又夠潤, 之前我都試過 SPF 30 (按此) 果款, 其實呢支同 SPF30 無論質地, 香味, 都係一樣, 只係佢有 SPF50, 搽完有 d 似搽左 body lotion 咁有少少滋潤 (夏天可能會有 d d lup), 普通沐浴露都洗到, 唔洗專登用卸妝產品洗, 幾方便, 係初初用會覺香味勁左 d, 但橙花味都唔算難聞, 好過有陣防曬味

 

 
Zino Make-up Dissolving 1 Step Cleanser (按此)
習慣用卸妝油, 都貪心用卸妝乳液會唔夠乾淨, 但呢支都 ok, 起碼底妝都算卸得乾淨, 不過用呢 d 用量一定要夠, 所以一支用得勁快, 一個月就用完啦, 以佢價錢黎講用一個月, 真係唔平, 用黎做洗面就 ok d 囉

Biolane Essential Cleansing Emulsion
係 BB 展買既, 係新版有泡, 但唔算好多泡, 只係微量, 可能有泡, 感覺唔算好溫和, 小童用 ok, 但初生 BB 就唔需要囉, 但我沖涼慣左要好多泡先覺乾淨, 所以我勁泵, 都用得幾快, haha

Sunkiller BB Perfect Strong SPF50 PA+++ (按此)
有色防曬, 輕度coverage 鍾意淡妝既 sis 其實單用佢都夠, 有 spf 50 咁高唔洗另外加防曬, 但我就當佢係 Base 咁用, 再加 BB Cream, 質地好水狀, 好易推開及搽均全面, 以為咁水狀會用得好快, 但可能有色既關係, 都用左幾個月, 遮毛孔都 ok, 但轉季秋冬既話會有少少乾

SK-II Facial Treatment Clear Lotion (按此)
清潔皮膚死皮, 用化妝棉真係抹到啡啡黃黃, 但初初用有少少唔係咁舒服, 我就只係夜晚先用, 到皮膚適應左, 就早晚用, 但用佢用量都唔可以慳, 要整到塊化妝棉好濕先得, 唔係功效無咁好之餘, 仲會拉扯到皮膚

SK-II Skin Signature (按此)
質地介乎 Lotion 與 Cream 之間, 仲以為咁稀身會唔夠潤, 但佢補濕得黎又滋潤唔 lup, 用量又唔洗好多就夠, 50g 都用左半年, 平時我一罌 cream 都只係用到 3-4個月, 雖然佢有 d 貴, 但真係好好用, 值得投資, 我仲有罌 80g 未開, 不過冬天用 Stempower 會仲好 d

Eminence Sweet Red Rose Whip Moisturizer
之前成日敏感時買黎看門口既, 但都開左一段時間, 見佢個質地變得杰左 d, 有機既都不宜擺太耐, 所以用埋佢先, 呢個 cream 對敏感好好, 用左佢皮膚都會穩定返

Sample

Kanebo Dew Superior Brightener Concentrate
藏人保濕化妝水
Paul & Joe Moisturizing Foundation Primer
Kamill Olive Balm Shower
DermaVeen Soap Free Wash PH5.5