天氣開始轉涼, 亦變得乾燥, 肌膚水分更容易被蒸發, 加上返工長時間係冷氣地方, 更容易缺乏呵護, 而變得乾燥暗啞、失去光澤, 所以秋冬季 Body Lotion 係唔可以缺少既
Vaseline 蘆薈保濕潤膚露 $13.90 / 120ml, $31.90 / 400ml
蘊含純淨蘆薈精華及可深層潤澤的 Stratys 3 科技, 質地清爽並容易吸收, 給肌膚迅速保濕, 得到全面養分的肌膚, 即時變得水嫩清爽
白色乳液狀, 有淡淡青瓜味, 推開都好易吸收, 吸收後好爽, 唔黏笠
Vaseline 全效滋養潤膚露 $13.90 / 120ml, $31.90 / 400ml
選用純淨燕麥精華, 與突破性 Stratys 3 科技結合, 可迅速深層潤澤肌膚, 即時逹到柔軟、滋潤舒適的膚感, 用後身體散發出淡淡香味
白色乳液狀, 質地同蘆薈差唔多, 有淡淡燕麥味, 用後滋潤 d
有左 BB 之後, 焦點都係個肚, 每日都好勤力搽肚紋膏, 但就忽略左手腳, 一轉天氣沖完涼就感到有 d 乾啦, 所以都唔可以懶, 快快搽
Body Lotion, 唔係等到甩皮龜裂時用就太遲啦, 用左 Vaseline 潤膚露短短10日, 明顯見到皮膚無咁乾, 滋潤返晒,
而蘆薈就爽身 d, 非常啱而家天氣用, 個青瓜味就好 fresh, 而燕麥就滋潤 d, 再凍 d 都啱用, 香味濃過蘆薈少少, 但都算清淡,
之前都未用過 Vaseline Body Lotion, 估唔到唔錯, 平靚正之選呀
返工或出街, 我每日都會化妝, 所以卸妝產品係我既必需品之一, 所以快靚正既卸妝用品對我黎講係好重要既, 卸妝水, 卸妝油等等都最好乾手乾面先用, 但有時懶, 想沖涼時一次過卸妝洗面就唔得啦, 而 ZINO 呢支水嫩溶妝液, 濕手濕面或沖涼時都用得。
名 稱 : ZINO Make-up Dissoloving 1-Step Cleanser 水嫩溶妝液
價 格 : $268
容 量 : 160ml
產品介紹 :
全新 ZINO 水嫩溶液配合多種保濕修護成份, 徹底潔膚之餘, 鎖緊肌膚水份, 令肌膚如絲般細緻幼滑。
鎖水鑽石分子 (異構寡醣) - 有助結合水分子及角質層蛋白, 深層保濕
蠶絲膠原蛋白 - 修護滋潤, 鎖緊水份
海藻醣 - 保護角質層, 減少水份流失
水性椰子油 - 溫和卸妝, 不損肌膚保濕力
取一個硬幣的份量塗於全面, 輕輕按摩 20 秒以便溶解妝容, 再以清水沖洗。可乾濕兩用, 卸除於眼部、唇部彩妝時, 塗抹後等待 5秒, 再輕力按摩即可。
白色乳液狀, 無咩香味, 推開好稀好薄身, 唔似一般洗面奶咁潤
分別搽左 liquid eye liner, mascare, BB Cream, 防水眼線筆, 唇膏, 唇彩, 胭脂, 吱左少少, 按一陣再過水, 除左防水眼線卸到9成外, 其實都卸得好乾淨, 不過有少少閃粉沖唔走
到上面真實測試, 都化左個全妝, 眼部 - 眉, 眼影, 眼線, mascara 全部齊, 面部按一陣會由乳液狀變到好水狀,
同埋見到卸妝液變左肉色, 即粉底開始溶啦, 而眼部我就會按耐 d, 因為有 mascara 嘛, 都見到有少少 mascara 溶左出黎
用後都卸得幾乾淨, 眼部彩妝都卸晒, 除非眼線畫得好貼或太防水防油, 唔係應該都卸得乾淨, 皮膚唔乾, 有 d 用完洗面奶咁, 有少少滋潤感, 不過我都習慣卸妝後會用 cleanser 洗多次面
乳液狀既卸妝品, 呢支既卸妝力都唔錯, 質地都好稀身好爽, 好易洗走, 唔會感到好油, 不過卸眼既話就要小心, 因為入左眼都幾拿,
同埋佢上面按一陣會變得好水, 所以用量都唔少, 起碼要一粒車厘子份量先夠全面, 卸埋眼位就要再多少少, 所以唔算襟用, 日日用既話,
一個半月應該用完
多謝 A Bitters Sweet Life - Syreeta 既邀請, 等我有機會可以參加 Swiss Kiss Lab 工作坊呀
Swiss
Kiss Lab 可能大家唔係咁熟悉, 但睇包裝都估到係俾孕婦同 BB 用架啦, Swiss Kiss Lab 瑞士尊貴母嬰護膚品牌,
由擁有超過 40年醫藥研發經驗的 Dr. J. Gonella 創辦。而品牌稱為 Swiss Kiss Lab
亦正正展示品牌理念及對顧客的承諾。Swiss - 所有產品由瑞士研製、生產及包裝, 信譽及品質均給予顧客 100% 的信心保證。Kiss -
關愛及體貼每位母親及嬰孩的肌膚需要, 致力提供安全、天然且有效的護膚產品。Lab - 經瑞士頂級醫藥研發中心長時間研究及測試,
保證所有產品的品質及安全性。
上到去, 見到成個櫃都係 Swiss Kiss Lab 既產品, 仲有 d 公仔, 好可愛呀
全系列雖然只有 4件產品, Baby Shampoo & Body Wash 2 in 1 寶貝二合一洗髮沐浴露, Baby Face
& Body Lotion 寶貝面部及身體滋潤乳, Baby Diaper Cream 寶貝防尿布疹護膚膏, Mum's Stretch
Away Cream 媽媽防妊娠紋乳霜, 但因為 BB 其實唔需要用好多野, 主要係清潔同補濕, 成份簡單安全, 產品全身連面連頭都用得
專注針對媽媽、嬰兒和小孩的需要而設計, 特別選用瑞士國花雪絨花 Edelweiss 和阿爾卑斯山冰川水為主要成份, 研製出尊貴和高品質的護膚產品, 所有產品 99%成份源自天然, 並通過過敏性臨床測試。
瑞士雪絨花精華 - 高效天然抗氧化劑, 有助於保護、滋潤、舒緩肌膚
阿爾卑斯山冰川水 - 有助於淨化肌膚、補充流失的水份, 保持皮膚本質與潔淨
綠色微藻寡肽 - 緊致肌膚, 改善、減少妊娠紋並減淡妊娠紋顏色
透明質酸納 - 增強皮膚柔潤性及彈性, 保持青春
當日仲玩左個小遊戲, 因為 Swiss Kiss Lab 係瑞士品牌, 工作人員俾左瑞士出名既芝士及朱古力俾我地分別邊隻係瑞士出品, 不過我只估中朱古力咋...
然後每人有 2支皇牌產品帶返屋企, 真係啱晒我呀, 呵呵~~ 因為我已經有左 4個幾月啦!!
Mum's Stretch Away Cream 媽媽防妊娠紋乳霜 $468 / 100ml
有助預防和減少妊娠紋形成, 滋潤肌膚, 適合在懷孕前後使用。舒緩懷孕時因肚子脹大而變得乾燥和痕癢的情況, 增強皮膚彈性, 改善懷孕後的皮膚色素及緊緻度。
建議懷孕 3個月至產後 6個月持續使用, 早晚各一次, 以同一方向大圈按摩手勢塗搽, 直到乳霜完全滲透
有左都 4個幾月, 雖然個肚唔係好大, 但都開始要搽防紋霜啦, 唔係等出左紋先搽就太遲啦, 個 cream 吱出黎好似好杰咁, 但其實好好推,
少少份量 (左上角) 已經夠搽晒成個肚 (個肚範圍都唔細啦), 用左 2星期, 無咁乾之外, 最意外係肚皮真係有彈性左, 緊緻左喎,
而且成份安全, 我都好放心用, 唔好睇佢唔算大支, 但真係好襟用, 暫時都仲係好似新開咁, 但因為成份天然, 開左要 6個月內用完
Baby Diaper Cream 寶貝防尿布疹護膚膏 $428 / 100ml
有助預防尿布疹、鎮靜及修護肌膚, 塗上後會在肌膚上形成一層防水保護膜, 有效將寶寶的幼嫩肌膚與濕尿布分隔開, 使寶寶的臀部保持乾爽, 預防、鎮靜及修復因敏感而引致的紅腫。
在更換尿布、洗淨並抹乾臀部後, 薄薄塗上。
白色 cream 狀, 有少少杰, 好似 d mask 咁, 而且搽後好乾爽, 好似有層保護膜咁, 因為阿 B 未出世啦, 但見佢有鎮靜舒緩作用,
咁啱手指敏感, 好痕, 有 d 好細既粒粒 (影相好似唔太覺, 但見到有 d 腫), 就試下啦, 搽左幾日, 都止到痕, 同埋敏感情況有改善,
咁阿 B 出左世, 都好放心俾佢搽 Pat Pat 啦
後記 : 雖然 Swiss Kiss Lab 產品都唔算平, 但用量真係幾耐用, 而且俾 BB 既, 真係值得投資, 始終 BB 皮膚幼嫩, 用錯產品就麻煩啦~~
名 稱 : Caudalie Vinosource SOS Thirst Quenching Serum 葡萄籽急救保濕精華
價 格 : $380
容 量 : 30ml
產品介紹 :
不含油份, 蘊含高達 97% 天然保濕成份, 質地輕柔感覺清新, 可即時紓緩因肌膚缺水而產生的繃緊不適, 並可補充深層細胞水份, 持久銷水, 改善肌膚乾燥暗啞。適合任何肌膚, 特別適合過敏及缺水肌膚。
打開個盒有幅圖仔, 叫我地剪開個盒就有產品簡介
剪開左就係咁啦, 教點樣既搽方, 令效果更好
開封後 9個月內要用完, 因為成份天然, 保質期唔會太長, 確保產品成份 keep 到新鮮
質地好水, 無咩香味, 米白色 lotion 狀, 推開好水好薄, 按一陣就吸收晒, 一 d 都唔 lup, 好爽身
用左 2星期, 呢排轉天氣, 皮膚唔穩定, 有少少想起敏感咁, 所以有 d 泛紅, 而且感到底層好乾, 毛孔粗大, 膚質望落好粗糙
使用後皮膚水份重左, 而且睇落幼滑左好多, 毛孔、色斑感覺都無咁覺眼, 近下巴位既敏感都無咁紅, 有好轉, 不過可能皮膚唔太穩定, 兼試新產品, 皮膚未適應, 搽既時候塊面有 d 紅, 但過一陣就無事
9月份唔知做乜成日好攰咁, 所以個人都好懶, 出文量都減少左, 不過保養就無偷懶, 月中清貨量都仲好少, 諗住今個月出唔到清貨文添, 但估唔到近中秋天氣開始轉, skincare 既進度又快左 d 喎, 呵呵
Clinique Liquid Facial Soap Mild (按此)
新版我覺得改良左, 無以前果款咁乾, 不過都係較為清爽, 秋冬天未必啱用, 所以都盡快用完啦, gel 狀潔力唔錯, 洗後好爽身, 但未去到繃緊, 泵裝好方便, 大大支用到 3個月, 配合埋 clinique 潔膚水同潤膚露, 效果唔錯
Biore UV Aqua Rich 防曬保濕水凝乳 (按此)
呢支防曬真係幾好用, 好爽唔 lup, 搽身啱晒, 可能質地幾水下, 有時會吱多左, 所以日日用, 一個月度就用晒 lu, 可惜香港暫時未見有得賣
Sothys Light Hydrating Cream x 2 (按此)
之前用另一系列有少少敏感(可能濃度較高), 但用呢條 line 又無事喎, 補濕效果都幾好, 唔會太潤, 不過轉季就開始唔多夠, 好彩可以清左
Hanskin Snail Skin & Lotion (按此)
蝸牛成份有 d 嚇人, 但補濕效果好好, 偏 gel 狀既 toner, 120ml 好似唔算大支, 但好襟用, 除左係 toner, 仲可以做埋 lotion mask,
Dream Skin Snail Serum Permium (按此)
另一款蝸牛成份既產品, 質地爽身, 但補濕效果好好, 呢支有少少控油收毛孔成份, 價錢平, 但有效果, 不過個人比較鍾意同系列既蛇毒多 d, 潤身少少
洗粉樸液
唔洗多講啦, 用左 N 咁多支, 今日先去左 $12 shop 入返 2支存貨
Isa Knox Lip & Eye Remover
好耐之前買野, 有價惠加 $1換購既, 因為少化眼妝, 都用左好耐, 係水油2層既 makeup remover, 防水防油既眼線, mascara 都卸到, 唔拿眼, 都唔錯, 但原價幾錢我就唔知啦
平時我會 skincare 同 makupe 分開出既, 但早排先出左凹凹賞, 唔想個吉樽儲住咁耐, 就出埋呢2支啦
Kose Delicious Kiss Lip Gloss
俾佢個扭紋外表吸引而買左, 搽出黎無色只有少少閃, 同埋有少少黏, 所以放係公司當 lipbalm 用, 黏身夠持久, 成日飲水都唔洗補嘛, 但做 lipgloss 我覺得一般啦, 所以都無專登出文講佢
Mioggi Hex Perfector BB Cream (按此)
都幾好用, 比我之前用開既 BB Cream 爽身好多, 唔會焗住皮膚, 質地都好易推, 顏色唔會灰白, 效果自然, 一支都幾襟用, 有優惠就 ok, 原價就有 d 貴啦
過
左 20歲, 膠原蛋白不斷流失, 到左 30歲, 皮膚更會明顯鬆弛, 開始出現細紋、色斑、毛孔粗大等各種皮膚問題, 所以抗皺精華係唔可以缺少既,
夏天我會用 d 爽身既精華, 而秋冬天就要轉 d 較潤身既, 而萬寧 S-Clinic 多元抗皺活膚精華做緊特價 $99, 一於試下啦~~
名 稱 : S-Clinic 多元抗皺活膚精華 Multi Energy Up Silky Essence
價 格 : $238
容 量 : 50ml
產品介紹 :
S-Clinic
韓國皮膚學專家研發多元抗皺活膚精華, 加入魚子精華, 納米輔酶Q10, 膠原蛋白, 彈性蛋白等多種珍貴修護成分, 深層滲透直達肌膚底層,
舒緩、鎮靜、抗敏感。提高肌膚自我修復能力, 促進健康細胞再生, 減淡皺紋及細紋, 塑造緊緻的面部輪廓, 令肌膚回復細緻柔滑。
泵咀好方便, 每次用 3泵, 按一陣就吸收晒
乳白色 lotion 狀, 推開好水, 有少少香味搽上面基本上都唔會好聞得到, 推幾下就吸收晒, 唔會太爽身, 有少少滋潤感, 但唔覺 lup, 而家呢 d 轉季天氣好啱用
用法 : 早晩潔面及爽膚後, 取適量精華 (約5毫子大小) 直接輕塗於面部及頸部, 按摩直至完全吸收。配合下圖既按摩手法, 有效增加肌膚彈性, 提升面部輪廓
用左 2星期, (Before 係搽左精華後影既, 所以有 d 令), 皮膚無咁乾, 乾燥引起既粒粒都無晒, 塊面平滑左好多, 彈性提升左, 真係好有驚喜, 而 50ml 大大支, 應該夠用一個冬天
今年既生日咁啱係中秋正日, 真係幾特別, 所以同一早 Book 定檯, 同宅男慶祝下, 呢間係北角七姊妹道既 Age Bar & Restaurant(按此), 之前朋友帶我去食過, 覺得味道都唔錯, 所以同宅男再去試下
頭盤 - 三文魚, 其中有樣好特別既野, 就係一塊有生蠔味既葉, 可惜我食左先記得影相....
餐湯 - 洋蔥湯, 首先碗內只放一 pat cream, 然後先倒入熱辣辣既湯, 感覺幾得意, 湯夠濃唔會太咸, 加埋 cream 好滑
主菜 - 宅男揀左豬扒, 個薯炸得唔錯, 雖然有汁, 但都仲有少少脆口
我就揀左肉眼伴巴黎牛油仲有濃既牛肉汁, 表面有少少焦, 肉就好嫩, 七成熟入面仲有少少紅色, 外脆內軟, 肉味夠濃
甜品 - 朱古力慕士蛋糕, 唔會太甜, 又藍莓醬, 唔會好膩
而家仲有生蠔 buy 12 get 6 free, 可惜我唔食生蠔, 宅男一個人又食唔到 18隻咁多, 但見隔離檯有人嗌, 個樣都唔錯喎,
餐廳仲有紅酒白酒, 酒類我都唔好, 但上次同朋友去食飯, 佢地有叫紅酒飲, 都話 ok 架, 整體味道都唔錯, 價錢大約每位 $300-400, 唔算平,
特別日子既話都可以接受啦
另外仲買左生日禮物俾自己, 係 Bobbi Brown 為「關注乳癌運動」出既限量版, 有 Illuminating Bronzing
Powder - Pink Peony, Mini Face Blender Brush, $440, 粉紅色好靚呀,
有得用又可以做善事咁有意義, 當然唔放過啦, 不過仲未開黎用, 遲 d 再同大家分享下啦
