BE x SK-II 100位 Bloggers 見證神仙水 5D奇蹟

SK-II 相信大家都唔陌生啦, 自己本身都有用開神仙水, 所以收到 BE 電話時, 真係超開心呀, 雖然當日落住大雨, 但都無影響我興奮既心情



去到會場, 見到好多 SK-II 既皇牌產品, 最觸目都係新出既男仕系列

SK-II PR 同我地介紹 Pitera 既誕生, 起源係日本人發現日本清酒釀酒師年紀雖然好大, 但雙手仍然幼滑嬌嫩, 因而啟發研究酵母既發酵過程, 最後發現 Pitera 既修護奇蹟

化妝師阿 B 亦係神仙水既長期用家, 仲教左我地唔少 tips, 可以用神仙水整濕化妝棉敷係眼部、唇部等乾燥位置, 只需 5分鐘, 可以立刻改善, 上妝更貼服, 又示範正確使用方法, 由下而上抹, 然後用雙手輕按, 咁會更神仙水吸收, 同埋有提升效果添

然後再為 Model 做皮膚分析, 得出結果有 3個 D, 膚質相當唔錯呀

再黎做左小測試, 用 SK-II 神仙水, 及普通水同一時間滴係羊皮, 睇下吸收度, 神仙水既滲透快好多呀

除左有得玩, 仲有得食, d 小食好精緻呀

臨 走時每人有一份 Gift, 包括 Facial Treatment Clear Lotion 150ml, Facial Treatment Essence 150ml, Facial Treatment Mask 6pcs, 返到屋企當然要即刻試下 Pitera 既修護奇蹟啦

Facial Treatment Clear Lotion 嫩膚清瑩露  $365 / 150ml
拭擦式的淨化液幫助清除殘餘污質和老化皮膚，調理皮膚。適合各類型皮膚使用。

倒適量係化妝棉, 由下而上輕抹, 會見到化妝棉變到啡啡黃黃, 就係面部既殘餘污垢及老化角質, 抹完感覺乾淨, 塊面好清爽, 當然唔記忘記頸及耳背位置呀



Facial Treatment Essence 護膚精華  $460 / 75ml, $870 / 150ml, $1080 / 215ml
擁有美麗而且容光煥發肌膚的必需品，SK-II Pitera®護膚液的神奇功效幫助調節肌膚自然更新週期。一瓶能提昇 5大大美肌範疇, 緊緻度、抗皺度、細滑度、白晳度及光澤度, 無論任何年齡、膚質, 神仙水都能令肌膚達至晶瑩剔透。

本身都有用開神仙水, 用化妝棉由下而上抹, 然後再用手輕拍, 會更吸收, 用後皮膚細緻嫩滑左, 仲可以整濕化妝棉敷 5分鐘做急救添, 亦可以入落噴咀樽仔, 帶出街當補濕噴霧, 有效定妝及加強補濕添



Facial Treatment Mask 護膚面膜  $530 / 6pcs, $750 / 10pcs
富含Pitera®的強效保濕面膜，為肌膚補充水分，使它顯著地富光澤、柔嫩且剔透。



每片 mask 都有好多精華, 倒出黎可以敷埋手或頸添, mask 既紙質偏厚, 所以唔算好貼面, 敷 5-15分鐘, 效果非常之好, 見到皮膚飽滿有水份, 滑左毛孔睇落都細左, 仲 keep 到 2-3日添



用左整套 SK-II 短短 5日, 皮膚有明顯改善, 滑左, 毛孔細左, 膚色均勻白淨左, 水份重左, 有彈性緊緻左, 真係有效提升肌膚 5大範疇, 咁好效果我當然要 keep 住用啦

除左女仕外, 新出有男仕系列, 男仕就唔洗羨慕女仔有好肌膚啦, Starter Kit 包括, Moisturizing Cleanser 男士活能保濕潔面乳 20g, Facial Treatment Essence 男士活能護膚精華 75ml, Age Revitalize Moisturizer 男士活能修護霜 5g 2支

For Him & Her 買一送一優惠
於 即日至 8月 31日期間, 年齡屆乎 20 - 30歲, 凡購買任何容量 SK-II Facial Treatment Essence (女士或男士), 並成為 SK-II 會員, 即可於生日月份免費任意挑選價值 $460 / 75ml Facial Treatment Essence (女士或男士) 乙支

Dream Skin 全新精華原液 + 5天面膜組合

蝸牛、蛇毒, 都係近期經常聽到既新護膚成份, 功效係點我都好想試下, Dream Skin 新出一系列產品都有以上成份, 萬寧有得賣, 價錢相宜, 當然要試下啦


Element 100系列蝸牛修復精華原液  $159 / 30ml
蘊 含高濃度螺旋蝸牛分泌液成分，經韓國權威皮膚整形醫院臨床測試驗證，有效全面修復肌膚，促進表皮細胞再生，有效淡化痘印、疤痕和色斑，長效保濕，抗菌消 炎、控油收細毛孔的效果。98%的使用者用後，肌膚明顯變得柔嫩和緊緻。細膩白晳, 即使是最乾燥的缺水及過敏性肌膚也能恢復到輪廓緊緻, 晶瑩剔透。

透明 gel 狀質地, 無咩香味, 推開好水, 好快吸收, 吸收後好爽身, 有控油收毛孔效果, 所以我會朝早用, 佢好補濕但唔 lup, gel 狀質地亦唔影響之後化妝, 最好既係敏感皮膚都啱用



Element 100系列紅蔘/蛇毒血清蛋白精華原液  $159 / 30ml
類蛇毒血清蛋白樣肽，俗稱三勝肽 SYN-AKE，是一種模擬蛇毒毒素活性的小肽，通過抑制肌肉收縮而減少的皺紋產生，經韓國權威皮膚整形醫院臨床測試驗證，有效修護肌膚，維持肌膚的正常 更新，還能促進製造膠原蛋白纖維細胞增生，延緩肌膚老化現象，撫平皺紋，繼而提升緊緻面部輪廓，減少頸紋。含高濃度紅蔘萃取物，能刺激皮膚細胞製造膠原蛋 白，使皮膚厚度及彈性有所改善。此外，當中所含的肉桂酸有助抑壓黑色素及有去斑的功效。

好香人蔘味, 質地較蝸牛精華潤身少少, 所以會夜晚用, 亦都好快吸收, 用後皮膚好滑, 有彈性

Dream Skin 5天幹細胞活膚面膜組合  $99 / 5片
一盒包括5片不同強效的面膜, 一盒為一個療程, 建議依照使用程序每日一片

第一日 - 幹細胞蛇毒血清嫩肌面膜
促進製造膠原蛋白纖維細胞增生，延緩肌膚老化現象，撫平皺紋、細紋、表情紋等問題，預防肌膚老化及皺紋再生的，增加光澤及彈性。

面膜好多精華, 雖然唔算好貼面, 但敷完皮膚好水潤, 第二日起身都 keep 到好細滑, 個人最鍾意呢款

第二日 - 熊果素幹細胞美白面膜(3D)
其獨特3D貼面設計，緊貼每寸肌膚，令精華深層滲透，抑制細胞中黑色素形成，袪除色斑和雀斑, 改善膚色暗啞、不均勻，締造剔透亮白膚色。

打開片 mask 時感覺有 d 奇怪, 側面好似封實左咁, 打開發覺原來係 3D 貼面設計, 鼻及下巴位置有弧度, 可以包住雙下巴添, 面膜紙薄身 d, 補濕 ok, 美白效果唔算好明顯

第三日 - 全效草本幹細胞啫喱眼膜
獨特啫喱護眼眼膜設計，效促進血液循環，激活細胞，從而擊退眼紋、魚尾紋，減淡黑眼圈及眼袋。

打開包裝, 有透明膠盒入住, 唔怕眼膜變形或移位, 啫喱狀質地, 可以緊貼眼下位置, 可以敷到面珠鼻翼添, 敷後眼紋有少少減淡左



第四日 - 蜂王漿/蝸牛幹細胞面膜
能釋放大量水份，增加細胞含水量，全面提升肌膚質素，改善肌膚暗啞及粗糙，控油去痘同時收細毛孔，全面提升肌膚的質素。

質地同第一日蛇毒果款差唔多, 都係好多精華, 紙質厚一 d, 好香蜂蜜味, 敷完皮膚仲有好多精華係面, 會按一陣等佢更吸收, 補濕效果唔錯, 毛孔睇落都細左



第五日  V型緊緻紅蔘幹細胞/肉毒桿菌面膜 (4D)
把養分從肌膚表面層層滲透帶到底層，促進面部血液循環、暢通淋巴，排出毒素，擊退浮腫。其獨特4D貼面設計, 可重塑肌膚輪廓，回復緊緻，V型的面部線條。連頸部位置都能包裹，修護面的同時減淡頸紋。

掛耳式面膜, 首先敷左面部, 然後將下半部勾係耳仔, 就可以敷埋頸, 掛耳式有提拉及收緊功效, 用後面部輪廓 V 左少少

用左短短一星期, 連敷5日 mask, 皮膚真係改善左, 變得好滑, 有彈性, 水份夠, 毛孔睇落都細左, 敏感既紅都退左, 睇左就白淨 d, 之前皮膚經常敏感, 好多 Mask 都用唔到, 所以都好少敷 mask, 但 Dream Skin 我連續敷都無問題, 成份不刺激但有效果, 配合 Element 100 系列精華素, 效果 keep 得更好, 一定要推介俾大家啦

HANSKIN 蝸牛精華乳液爽膚水

名 稱 : HANSKIN 蝸牛精華乳液爽膚水 Snail Skin & Lotion
價 格 : $180
容 量 : 120ml

產品介紹 :

含 1000ppm 蝸牛粘液蛋白過濾精華及肌膚再生的李子萃取、橄欖油、Acacia 膠原蛋白, 能促進肌膚再生並修復受損肌膚, 提升彈性, 透明質酸、卵磷脂及神經醯胺等天然植物強效保濕成份, 能瞬間補充水份和營養透至皮膚低層, 而獲 ECOCERT 有機認證的杏仁油, 玻璃苣萃取, 摩洛哥堅果油, 自然呵護皮膚, 李子, 無花果, 蘋果等萃取及潤澤的薰衣草油, 能舒緩抗敏及鎮靜疲勞肌膚, 使肌膚光滑緊緻, 潔淨亮麗。



產品堅守「六無美肌原則」, 即成份不含苯甲酸酯類防腐劑, 苯甲酮防腐劑, 人工香料, 人工色素, 礦物油及酒精, 溫和無刺激
 

有少少植物精油既香味, 唔係香料氣味, 偏 gel 狀質地, 有少少精華素咁, 用後皮膚充滿水份

除左普通 Toner 咁用, 仲可以當 Mask, 倒適量係化妝棉, 敷 3-5分鐘即可, 簡單方便, 而且佢係 Gel 狀, 就算敷 5分鐘, 化妝棉都唔會乾晒, 反倒抽乾皮膚水份

左 : 使用前皮膚較乾, 毛孔都覺眼 d
右 : 使用後皮膚充滿水份, 有光澤

用左差唔多 3星期, 成份天然無敏感, 皮膚水份重左, 觸感滑左有彈性左, 而且用量好慳, 用左咁耐, 早晚用, 敷左 2次 toner mask, 都只係用左 1/4, 價錢唔貴, 回購度好高, 有興趣可以去萬寧睇下呀

美肌三重奏 - Clinique 簡易護膚 123

之前去完 Clinique x Cosmopolitan 夏日美肌聚會 (回顧按此), 得到 Clinique 皇牌 3 Step, 返到屋企當然急不及待要試下啦



Clinique Liquid Facial Soap  $170 / 200ml
為每種肌膚類型專門研製, 能輕柔地徹底清潔肌膚, 令肌膚呈最佳的狀態以準備清理皮層的步聚。
徹底沖洗, 不留殘餘物, 因而避免出現因殘餘物引致的毛孔堵塞。
溫和的潔淨, 平衡肌膚的天然滋潤成份, 令肌膚保持清潔、柔軟、舒適。

Liquid Facial Soap 共有三款不同質地, 配合不同膚質使用, 我係第二類皮膚 (混合性偏乾), 所以就要俾 mild 呢款, 透明 Gel 狀, 無任何香味, 泡沫唔算好多, 但清潔力唔錯, 用後皮膚好乾淨, 夏天好啱用, 成份加入透明質酸鈉, 能鎖住水份, 蘆薈及蔗糖則有舒緩作用, 所以用後都唔會好乾, 當然洗面後一定要使用後續既 step 2 啦
 

Clinique Clarifying Lotion  $170 / 200ml, $270 / 400ml
溫和潔膚水備有四種不同強度的配方, 以滿足乾性、混合性偏乾、混合性偏油及油性肌膚的不同需要。每種配方都能有效去除積聚的老化死皮細胞, 改善毛孔外觀, 淡化細紋, 令肌膚展現更均勻通透的光澤感。

用潔膚水最重要係用棉花球, 去角質效果更佳, 不過屋企無, 唯有用厚 d 既化妝棉頂住先啦, 抹完會見到化妝棉有啡啡黃黃既老化角質, 但用得幾日, 黃色會越淡, 代表正慢慢清除左老化死皮細胞, 之後搽既保養品就更易被吸膚吸收啦, 但佢酒精味幾重, 初初有 d 唔習慣, 如果好似我咁係敏感皮膚, 其實另外仲有款補濕潔膚水, 會比較溫和既, 但去角質力就無咁出色啦

 

Clinique Dramatically Different Moisturizing Lotion  $160 / 50ml, $340 / 125ml
紓解和柔化各類型肌膚的缺水乾燥部位, 為肌膚全面吸收, 絕不留任何殘餘物, 締造清新柔膚, 展現更健康美態。質感輕盈, 健康肌膚擁有的油水平衡重現出來, 有效補充失去水份。

特效潤膚露 (簡稱黃油), 亦有二款質地供不同膚質選擇, 我呢支係 Original, 另外 Moisturizing Gel  配方俾混合偏油及油性皮膚用既, 泵裝好方便, 一泵剛剛好可以薄薄一層搽全面, 無香料, 補濕但唔過於滋潤, 可以調節皮膚既水油平衡, 質地輕盈, 就算單用或之後想再加精華及面霜都得, 唔會難吸收




用左 Clinique 3 step 兩星期, 感覺皮膚乾淨左, 因為皮膚易敏感, 較少用去角質或深層清潔既產品, 但 3 step 可溫和去除老化角質, 特效潤膚露又可滋潤補濕, 皮膚健康左, 敏感情況都有好轉, 只係潔膚水酒精味太重, 唔太適應

ISA KNOX Aqua Max Twister Essence 泉水保濕細膚精華

名 稱 : ISA KNOX Aqua Max Twister Essence 泉水保濕細膚精華
價 格 : $368
容 量 : 50ml

產品介紹 :

持續保濕滋潤肌膚, 為肌膚保補礦物營養, 淨化肌膚內的毒素, 增強毛孔壁的彈性, 改善毛孔粗大問題。3R System 能把水源源引入皮膚底層, 該肌膚被純淨水所包圍, 持續保濕滋潤肌膚。白色的超微細水份子, 為肌膚補充深層水份, 藍色的朝鮮薊精華, 提升毛孔壁的彈性, 緊緻毛孔, 透明的法國純淨泉水, 補充礦物營養, 淨化肌膚。



好似龍捲風咁, 內含三款精華, 白色, 藍色, 透明, 分別有唔同用途

吱出黎就會睇到有三隻色啦, 有少少香味, 推開有 d 似 gel cream 狀, 按多陣就會變成水狀, 易吸收唔 lup, 但有少少滋潤感

呢支精華都買左段時間, 之前有特價 $199 差唔多半價, 所以忍唔住買左支試下, 龍捲風咁好得意, 吱出黎有三個色, 質地都幾特別, 推開 gel cream 好似潤潤地咁, 但按一陣就變成水狀, 好易吸收但又有少少滋潤感, 補濕度唔錯, 之前敏感時用佢都無拿/拮既不適感, 雖然原價 $3xx 唔平, 但有 50ml 都幾襟用, 其實用左唔少 ISA KNOX 既野都唔差, 只係大部份都偏潤身, 啱乾性皮膚多 d, 但呢個系列都幾爽身

Clinique x Cosmopolitan Summer Editor's Choice 夏日美肌聚會

見到呢三支人咁高既 Clinique 皇牌 3 Steps, 都估到我去左邊啦, 而今次活動仲係 Clinique 與 Cosmopolitan 合辦既~~



入場前職員會派左張咭俾我, 原來有遊戲玩, 完成三個任務, 活動完結後就可以換領 Clinique 限量版手鏈啦
任務一 : 完成皮膚分析, 結果得出我係二號皮膚
任務二 : 用手機登入 Clinique Facebook Fanspage, 及「參加」Clinique x Cosmopolitan Summer Editor's Choice 活動
任務三 : 係影相區拍照, 然後 post 係此次活動專頁
每完成一個任務, 職員就會係咭到蓋印

玩完遊戲, 就周圍參觀下, 現場有好多 Clinique 產品, Clinique 產品線都好多, 除左大家熟悉既 Skincare, 其實 Clinique 既彩妝都唔錯架, 我都用過唔少, 仲有 Body Care 及防曬系列添, 真係由頭到腳到照顧到

活動開始, 由 Clinique 品牌總經理 Vivien 揭開序幕, Cosmopolitan 既美容編輯 Sally 分享佢嘅護膚 Editor’s Choice



家嘉賓李詩韻及傅嘉莉 Kelly 除左心享護膚心得及使用 Clinique 3 Steps 帶俾佢既既驚喜外, 更與魔術師 Cyrus 一齊表演魔術, 施展魔法咒語「Clinique 3-Step, 肌膚深呼吸！」令清水變成泡沫, 及黑色膠片變成白色, 帶出 Clinique Step 1 潔淨功能及 Step 2 去角質的效能, 真係好有心思



當然呢個魔法我地都要親身體驗下先得啦, 有去過 Clinique 既朋友應該都做過呢個簡單測試, 用膠紙貼係手背然後撕走, 會見到 d 角質死皮係膠紙度, 再搽上護膚品, 效果更吸收, 當然我地唔可以用膠紙黐塊面啦



所以就要使用 Clinique Step 2 Clarifying Lotion 溫和潔膚水去除老化角質啦, 睇下抹完舊棉花幾污糟



再搽上 Step 3 特效潤膚露, 滋潤皮膚, 簡簡單單, 三個步驟, 每日 2次, 幾忙都可以 keep 住既基礎保養



Clinique 送上禮物俾各嘉賓, 我都好想帶走一籃呀.... Clinique 都好有心思, 除左茶點, 更係甜品上加上 Clinique 3 steps 既朱古力添, 唔捨得食呀

離開時會人有一袋禮品, 打開後, 嘩~~ 原來係今次活動既主角, Clinique 3 Steps, 及完成遊戲既限量版手鏈, 好靚呀

呢幾日都用緊 Clinique 3 Steps 啦, 過多幾日再同大家分享下~~

清貨 - 2012年6月

話咁快又一個月啦, 呢個月實在太忙..... 成日都好攰咁.... 有時搽 skincare 同敷 mask 都好懶, 月中都唔係清左好多野, 仲擔心6月份太少野既話, 就唔出清貨文添, 估唔到到左月尾都有唔少喎, 同埋之前都清左唔少開左既野, 可以清下 d sample



洗粉樸液
用左好多支啦, 都唔洗多講啦, 有時懶都用埋佢黎洗化妝掃, 都好乾淨又唔傷掃毛

La Roche-Posay Sensi White Lotion (按此)
開左段時間, 都要快 d 清左佢, 雖然係美白系列, 但無敏感, gel 狀質地好補濕, 所以好襟用, 每次唔洗用太多

LSnP Daily Mask (按此)
唔會太濕, 可以日日用當護髮素都得

Mioggi Hex Bionic Pure Perfecting Serum (按此)
水狀質地都易吸收, 不過皮膚唔穩定時用佢有會 d 紅同埋少少敏感反應

Kamill Classic Hand & Nagelcreme好用既 hand cream, 怪不得咁多用啦, 夠潤又唔會好 lup, 洗完手都仲 keep 到少少 (當然會有甩啦), 香味都 ok, 價錢平, 有唔同 size 放係手袋或公司都好啱

Ocean Potion 100% Pure Aloe Gel (按此)
純天然蘆薈 gel, 不過我覺得曬傷用就 ok, 如果皮膚敏感用黎敷既話, 會有少少拿, 我會溝滋潤既 cream 黎做按摩 cream

Dr. Swiss BB Anti-Puffy Eye Serum (按此)
去眼腫唔錯, 碌住涼涼地幾舒服, 不過係 serum, 之後要再搽 eye cream 先夠潤唔可以單用

Tresemme Naturals Radiant Care Shampoo (按此)
洗得都幾乾淨既 shampoo, 價錢實惠, 但長頭髮既話就未必夠潤

Tresemme Naturals Radiant Care Conditioner (按此)
不含矽既護髮素, 所以唔會塞毛囊, 但髮尾嫌唔夠潤, 有少少飛散
 

Sample :

ROC Multi Correxion Anti-Age Moisturiser x 2
Isa Knox Double Effect Wrinkle Skin
BIO Lemon Balm & Organic Sugar Cane Bath Wash
BIO Nymphea Alba Body Lotion
BIO Rose & Orange 2 in 1 Cleansing Oil
BIO Sweet Almond Deep Cleanser
BIO Witch Hazel Hydrating Spray Toner
Sooryehan Pure Whitening Essential Starter
Sooryehan Pure Whitening Emulsion
IOPE Moisture Lasting Softener x 2
IOPE Moisture Lasting Emulsion
SKINC Repair Pycnogenol
Clinelle Moisture Glow