Sofina Primavista 2款 Makeup Base 用後感

呢排公事私事都好忙, 都無咩時間 update 我個 blog 添, 期間用都緊唔少野, 有 d 差唔多用完啦, 所以要快 d 同大家分享下先



Primavista Long Keep Base 持久控油底霜 SPF 10 PA+  $280 / 25ml
持久控油底霜質地清爽且不會阻塞毛孔，其超強固定皮脂配方及超緊貼配方，能固定油分，使粉底緊貼肌膚，10小時徹底擊退油光和妝容脫落，控油之餘帶有滋潤感，不會導致肌膚乾燥。

Primavista Multi Cover Base UV 3合1完美遮蓋底霜 SPF20 PA++  $280 / 25g
這3合1完美遮蓋底霜略帶皮膚色調，透過光線效果及優化的球狀粉體，有效遮蓋不均勻膚色，同時解決毛孔粗大、色斑抑或暗啞問題。

Long Keep Base (上) : 呢支係舊版啦, 今年出左升級版, 防曬系數高 d spf 20 pa++ 既, 咁就更加方便啦, 紫外線咁強, 防曬點都要搽 spf15 以上先安心 d 既, 好似防曬咁入面有鐵珠, 使用前要搖勻, 質地係淡粉紅色質地, 搽左上面係無色既, 無咩遮瑕作用, 推開好水好薄, 每次唔洗用好多都夠搽晒全面, 推勻後好爽身好似有層粉係表面咁, 所以之後用粉狀粉底會好過用 liquid, 貼面 d, 如果搽得重手左, 再用粉底液既話, 會推到少少 base 出黎, 未去到擦膠碎咁大粒, 但感覺唔算貼服, 但用粉狀, 佢就好似會黐實左 d 粉咁, 控油效果幾好, 我偏乾性皮膚, 用 T Zone 位 ok, 面珠位就會有少少乾啦, 用左佢下午先出油, 比較適合中性 / 偏油性皮膚用多 d

Multi Cover Base (下) : 呢支係上網登記換既 6g 試用裝, 話明係 cover base, 所以係粉底顏色既, 吱出黎好 cream 狀, 有 d 似 BB Cream, 但推開其實都好薄, 一 d 都唔焗唔 lup, coverage 真係唔錯, 鍾意自然妝感或者有懶人單用都好夠, 因為佢遮瑕幾好, 之後再用粉底既話, 份量可以減少好多, 雖然個色好似有 d 黃, 但始終係 makeup base, 個色唔會好出偏少少透薄, 唔會影響粉底顏色, 而且佢比 Long Keep Base 潤身 d 無咁乾, 個人比較鍾意呢支多 d

BIO 全新天然植物護膚系列

化 妝 - 基本係每日出門前既指定動作, 但皮膚容易過敏, 揀卸妝品就好重要, 試過用唔啱卸妝品, 搞到彩妝殘漬卸唔乾淨而出左好多暗粒, 或者潔力太強而令皮膚敏, BIO 高級藥劑師Mr. Natwill Douza 於2004 年在美國創立, 產品適合敏感及問題皮膚, 除左 Face Care, 仲有 Body Care 添

Rosa Centifolia Make Up Remover 西洋薔薇潔面卸妝水  $200 / 250ml
不刺激，抗炎，舒緩保護肌膚, 溫和去除面上彩妝和不潔物, 卸除面上淡妝，水狀質地，適合化妝時修改妝容 主要成份：含西洋薔薇，性質溫和，不乾，不含肥皂，不刺激眼睛，男女適用。適合各種皮膚包括敏感型皮膚使用。

把適量卸妝水倒在化妝棉上, 用左 BB Cream, 唇彩, Liquid Eyeliner, Mascara, 眼線筆, 眼影試係手, 抹幾下已經乾淨晒, 連防水 Liquid Eyeliner 都唔難卸除

當然唔可以只試係手啦, 趁化左全妝果日, 就試下佢既能力啦, 眼位唔想拉扯太多, 我會敷一陣先抹, 用 2塊化妝棉已經可以卸晒全面既化妝啦, 不過入左眼有少少拿眼, 所以卸眼線等咁貼近眼珠既, 最好用棉花棒啦

除 左主打既卸妝水, 仲有唔少 Face Care 同 Body Care, 所有產品都採用植物油製造, 100% 不含皂鹼 / 香料 / paraben 防腐劑, 有效預防乾燥、龜裂、乾紋等問題, 適合敏感性及問題皮膚 (如濕疹、牛皮癬)經常使用, 簡單同大家介紹下

Rose & Orange 2 in 1 Cleansing Oil 玫瑰橙花潔面卸妝油
稀身油狀, 好香橙花油既味, 卸妝度唔錯, 一支可以卸面/眼妝

Marticaria Extract & Sweet Almond Deep Cleanser 甘菊杏仁深層角質潔面乳
有天然甜杏仁磨沙粒子既洗面乳, 無泡, 洗完都好爽好舒服, 但粒子粗左少少, 我敏感皮膚唔敢日日用

Witch Hazel Hydrating Spray Toner 金縷梅保濕爽膚水
淺藍色既 Toner, 好水狀, 用後涼涼地, 可減少油脂分泌及抗菌舒緩

Lemon Balm & Organic Sugar Cane Bath Wash 香蜂草甘蔗身體沐浴露
有機蔗糖成份, 香味好清新, 透明 gel 狀質地, 唔算好多泡, 但用後就算開冷氣都唔覺乾, 敏感皮膚都啱用

Nymphea Alba Body Lotion 白睡蓮身體保濕乳液
花香味好舒服, 吱出黎好似好杰身咁, 但吸收後好爽唔 lup keep 到第二日, 我都好鍾意呢支 body lotion



Passionflower & Organic Fig Bath Oil 西蕃蓮無花果身體沐浴油, Rosehip Extract Body Oil 玫瑰果身體保濕油
因為夏天都唔會好乾, 呢2款產品我只認係手, 但都感到好滋潤, Bath Oil 過水後有層薄膜咁, 但又唔會油, 而 Body Oil 就好易吸收, 香味都好舒服, 相信冬天好乾用



第一次用 BIO 既產品, 但整體感覺都唔錯, 全部產品我都無敏感, 質地、香味、功效都好, 產品平均 $300 以下, 大大支價錢合埋呀

TRESemme Naturals 天然閃亮輕柔系列

之前頭皮有 d 敏感, 經常好痕, 忍唔到手 R 既話好易有頭皮, 係萬寧見買2件85折, 天然成份幾抵咁, 就買黎試下

名 稱 : TRESemme 天然閃亮輕柔系列
價 格 : 各 $56
容 量 : 各 750ml

產品介紹 :

專業髮廊配方, 以美國農業部 (USDA) 認證的有機成份研製, 有效減少化學成份對頭髮的傷害, 可令髮絲強韌10倍, 同時亦不含香氛過敏元素, 減低引起敏感反應。



750ml 都幾大支又重, 無泵咀好唔方便, 所以之前用完既樽留起左個泵

天然閃亮輕柔洗髮露 Radiant Care Shampoo
以有機甜橙精華令秀髮更健康及富彈性, 散發自然耀眼光芒
蘊含純天然有機成份取代傳統化學潔淨配方硫酸鹽 (sulfate), 為秀髮帶來同樣潔淨功效
有效令髮質改善, 不易變乾, 髮絲更輕柔順滑, 易於打理
性質溫和, 帶來清爽效果, 適合任何髮質人士使用

透明好淡好淡既黃色, 都好易起泡, 香味唔會太濃, 都幾易過水, 過水後唔算好滑, 但都未乾到啜手既, 無強力清潔劑 SLS, 用得放心

天然閃亮輕柔護髮素 Radiant Care Conditioner
以有機甜橙精華令秀髮更健康及富彈性, 散發自然耀眼光芒
有效令髮質改善, 不易變乾, 髮絲更輕柔飄逸
含天然椰子油取代傳統化學滋潤配方矽 (silicon), 深入髮絲, 令秀髮更順滑易理
性質溫和, 帶來清爽效果, 適合任何髮質人士使用

gel cream 狀質地, 好爽身易搽, 過水後都好滑, 但又唔會好扇手既感覺, 大部份護髮用品都有矽既成份, 呢種成份只係令頭髮表面有層膜, 可以令頭髮變得好滑, 但缺點係會塞毛囊, 長期用仲會因毛囊萎縮而脫髮添

都用左 2-3個月啦, shampoo 用左半支, conditioner 都用淨 1/4 啦, 之前頭髮好長, 髮尾有 d 乾同埋會打結, 四月時剪短左幾吋, 而天氣又熱左好多, 感覺無咁乾啦, 但佢真係洗得幾乾淨, 頭皮爽左好多, 我油性髮質, 有時朝早洗頭, 到夜晚都開始出油, 用左佢隔日洗頭都 ok

Olay White Radiance 夏日兩極美白茶聚

都未到 7-8月, 已經出猛太陽, 出街個人想溶咁制, 要 keep 住膚色白淨, 除左用美白產品, 防曬都好重要, 要做到拒絕曬黑、減黑加白先得~~



噚日就參加左 Olay White Radiance 夏日兩極美白茶聚, 係門口已經見到好大張 poster, 有林志玲及小 S 除熙娣兩位美白代言人

會場內有唔少 Olay White Radiance 產品外, 仲有唔少飾物喎, 點解呢!?

活動開始, 由 P & G PR Manager - Josephine 為我地介紹 Olay White Radiance 產品, 仲有代言人小 S 既短片, 介紹全新高效透白水凝乳既用後感添

頭先提到會場有好多飾物, 因為請黎 Daydream Nation 既時裝設計師 Kay 及 Jing 呢對拍檔為我地示範充滿夏日感覺既衣著配搭添, 而主題靈感黎自馬戲團

星級化妝師 Annie G Chan, 唔洗我多講啦, Annie 為我地介紹點樣用 Olay White Radiance 系列啦, 全系列質感都好清爽, Model 使用後用面油紙都完全吸唔到任何油份, 啱晒香港夏天咁熱既天氣, 補水唔 lup, Annie 仲示範左簡單既夏日妝容, 又教左我地唔少護膚化妝 Tips

高效透白露 - 含 Olay 高效透白核心成份 CelLucent Complex, 令肌膚白晳透亮, 並通補充肌膚水份, 有效抗斑, 均勻膚色
質感好水潤唔 lup, Annie 仲教我地可以整濕化妝棉當面膜敷, 同埋倒入噴霧樽拎出街, 乾既時候或者補妝前噴下

高效透白精華 -  能有效抗斑, 同時美白, 保濕, 均勻膚色, 使肌膚呈現水嫩透白感, 質地水感, 清爽不油膩
乳白色, 質地好水, 推開一陣就吸收晒, 香味稍為濃左少少, 但都可以接受

高效透白水凝乳 - 含 Olay 高效透白核心成份透白因子 CelLucent Complex, 充份提升肌膚水潤度, 讓肌膚綻放飽滿透亮光彩
全系列我最鍾意呢款水凝乳, 因為質感好讚, 吱出黎好 creamy, 但一推開就變成水狀, 會見到 d 水珠架, 好補濕, 易吸收唔 lup, 正!!!

輕透隔離防曬乳液 SPF 30 PA+++ - 有效防曬, 隔離 UVA 和 UVB, 提供長效防護
質地好輕薄, 感覺完全唔黏膩, 亦無泛白情況

高效隔離防曬乳 SPF50 PA+++ - 雙重防護, 持久抵禦紫外線傷害
防曬度有 SPF 50, 戶外活動最啱啦, 不過質感唔算好清爽, 相對會持久 d



話明係茶聚, 當然有茶點啦, 仲好有心意寫住 OLAY 添呀



後面個靚靚化妝袋係 Olay x Daydream Nation Beauty Pouch, 靈感源自高貴美艷的玫塊, 粉藍色有水潤, 好夏天既感覺, 而呢個 Pouch 仲係限量非賣品黎架



唔止有得食, 仲有得玩, Beauty Pouch 內有2個樽仔及閃石, 貼自己喜愛既圖案, 不過時間關係, 都係簡單貼左少少咋

清貨 - 2012年5月

時間過得真快, 又一個月啦, 又係出清貨文既時候, 今個月好忙呀, 無買任何護膚品及化妝品, 試用都好少, 可以專注清下自己野, 或開 d 買左好耐既 stock



Bursel 白詩血燕養顏淨白面膜 (按此)
都買左好耐, 因為敏感所有 paper mask 都停用, 好彩都未過期, 得返幾片, 快手用埋佢, 都 ok 喎, 再用都無敏感, mask 有好多精華, 敷完都仲好濕, 補濕效果幾好, 不過而家好似唔覺有得賣

Origins Plantscription Anti-aging Eye Treatment (按此)
gel cream 狀一年四季都啱用, 我對眼都好易敏感, 用唔啱既野對眼會好痕, 用佢無事, 眼紋淡左少少, 當然唔會完全無晒啦, 雖然唔平, 但一罌都用到好耐

Mandom Beauty Barrier Repair Serum (按此)
普普通通既精華啦, 有少少補濕唔太 lup 咁, 但效果又唔算好好, 同埋唔夠溫和

LSnP Volume Shampoo (按此)
好多泡, 洗得幾乾淨, 不過我油性髮質, 夏天用略為潤左少少, 不過髮量睇落係厚左無咁扁塌

Kiehl’s Rare Earth Deep Pore Daily Cleanser
朋友俾左 2支我, 上個月清左一支啦, cleanser 有 d 粒子, 所以用後有 d 乾, 但用係 T Zone 係幾乾淨, 黑頭少左

Clinelle Soothing Skin Toner (按此)
唔錯喎, 夠晒溫和, 雖然唔算好補濕, 但敏感用主要用佢, 價錢又抵用

Biore Body Foam Refresh
初出時做特價 $9.9 / 300ml, 見咁抵買黎試下, 蘋果味好香, 初初用都幾好, 用後好爽, 但用得一段時間, 覺得好乾呀, 一定要搽 body lotion 先得, 我身體皮膚已經唔算乾, 如果係乾性用, 一定會甩皮!!

Shiseido Anessa Milky Sunscreen (按此)
用左好多支啦, 真係好好用, 質地似 lotion, 易吸收唔 lup, 防曬效果好, 又易卸除, 雖然唔算平, 但有 60g 都幾大支, 只用面部既話, 可用 3-4個月, 但我要清咁屋企既防曬先會回購啦

Soigne Aquafit Body Essence
之前買布甸 Mask X'mas Set 送既, BA 話可以當 hand cream 用, 都好水質, 唔多夠潤, 搽手好快用晒

Johnson's Naturally White Daily UV Lotion SPF8 (按此)有防曬既 body lotion 唔多選擇, 但呢支得 spf 8, 好似怪怪, 有時懶夜晚都照用, 冬天用唔太夠潤, 但春天乍暖還寒就好啱用, 易吸收, 雖然有防曬但唔會 lup, 因我唔係 keep 住用, 美白效果就唔多覺啦 (本身都唔黑) 

Sample :

Estee Lauder Cyber White Cleanser
Boscia Oil Free Daily Hydration SPF15
Floxia Purifying Gel
Isa Knix Double Effect Wrinkle Emulsion
Isa Knox Double Effect Wrinkle Cream
Lancaster Retinology Deep Replumping Serum
Isa Knox 秀麗韓仙柔(水)津液
Borghese Moisture Intensifier