夏日必備 : Sunkiller 防曬乳液

夏天一到, 當然唔少得就係防曬啦, 尤其我易出斑既皮膚, 由十幾歲開始已經有搽防曬既習慣, 除左面部, 身體防曬都唔可以忽略喎



強效納米防曬乳液 SPF50 PA+++  $54 / 30ml
含超微細納米防曬粒子, 緊貼肌膚, 高效對抗紫外線
防水、防汗, 強效預防因日曬而形成的色斑及雀斑
含補濕成份 (木槿、海藻、黃芩及絲瓜萃取), 滋潤補濕

金色包裝感覺好強效咁, 吱出黎係白色好水既乳液狀, 推開好薄, 唔 lup, 而且好似有層粉咁, 好爽身, 無防曬味

呢支用黎搽身(搽面都得架), 搽完都好爽唔焗身, 唔會好難卸, 用沐浴露都 ok 洗得乾淨, 初初搽有少少白, 但過一陣係無色既, 防曬效果暫時都 ok, 當然戶外活動 / 游水既話記得要補搽呀

BB 納米防曬乳液 SPF50 PA+++  $54 / 30ml
含超微細納米防曬粒子, 緊貼肌膚, 高效對抗紫外線
自然膚色, 可作粉底液使用, 能遮掩雀斑、毛孔及皺紋, 締造嫩滑美肌
含透明質酸、骨膠原、蜂皇漿萃取及 Lipidure 保濕因子, 全面呵護肌膚

膚色乳液狀, 比粉底液或一般 BB cream 水質好多, 睇個色有 d 深, 但因為好薄, 推開都好自然



雖然質地好水好薄身, 但遮瑕效果都 ok, 唔太多問題既話, 單用佢加碎粉都唔錯, 出門口快靚正, 當佢係 makeup base 既話, 因已經有色, 粉底都可以用少 d, 而且佢遮毛孔幾好, 但控油度就一般, 3-4個鐘都會出油

www.sunkiller.hk

衰多手, 又搞到皮膚敏感!!!

名 稱 : 我的美麗日記秘魯黃金向日葵水漾面膜
價 格 : $58
容 量 : 5片

 產品介紹 :

擁有如太陽金黃色澤的向日葵, 蘊藏著能使肌膚水漾晶透的花卉奧柲, 粒粒花籽都能轉化為美肌能量, 協同萃取自燕麥穀粒胚乳細胞壁的葡聚糖, 提供優異的親膚保水力, 加上太陽使者金盞花和積雪草的舒緩柔潤特性, 建立極致活水機制, 幫助提升肌膚水潤彈性, 調理肌膚含水量, 減少水分流失, 肌膚充滿花植活力。

花博系列其實都出左一段時間, 因之前皮膚太敏感, 所有 mask 都用唔到, 呢盒只係用左一片咁多, 見呢排皮膚穩定左好多, 就快手想清左佢

美麗日記黎講都唔算平, 平時一盒有 10片, 但呢個得 5片, 不過我都係萬寧做特價時買既



mask 好多精華, 敷時會流落黎, 面膜紙幾薄幾貼, 敷完皮膚水份重左好多, 效果都幾好, 可惜..... 瞓覺前都感到塊唔太舒服, 都有 d 擔心會敏感~~

點知瞓到第二朝, 塊面好痕, 照鏡見到全面又紅又腫咁, 即刻起身洗面搽藥膏, 不過我記得要影相時已經過左幾個鐘, 敏感都舒緩左 d, 但都仲見到紅紅地, 過左 4日敏感先完全退晒咋.... 唉~~ 不過我都覺得美麗日記唔算太溫和, 唔係敏感皮膚都幾 ok, 但敏感皮膚既話都幾易出事, 雖然有某幾款係唔錯, 但我暫時都唔敢再試啦

Mioggi 魔法美白 BB Cream

呢支係生日時朋友送既禮物, 本身好多 FDT 用緊, 所以都擺左一段時間先開黎用, 用左一段時間, 發覺唔錯, 同大家介紹下~~

名 稱 : Mioggi Illuminating Magic BB
價 格 : $220
容 量 : 40g

產品介紹 :

Blemish Balm Cream 注入多種天然優質護膚成分，只需薄薄塗上，便能打造完美健康素肌
修護功效: - 卓越遮瑕功效 - 即時撫平細紋、遮蓋毛孔 - 美白、修護、防曬 (~SPF15 PA+) - 保濕、控油、抗敏、紓緩 - 眼部周邊亦可使用

上官網睇, Mioggi 都出左唔少 BB Cream, 有 d 防曬度數高 d, 有 d 帶閃, 但我暫時只用過呢支

個色唔似一般 BB Cream 帶灰, 似好薄身既粉底咁, 唔杰身幾易推開

搽均後好薄好貼, 同我膚色都幾啱, 唔會過白 / 帶灰帶紅

佢質地好薄, 唔焗身, 之前用過既 BB Cream 都好焗, 夏天用好辛苦, 不過薄身 coverage 當然無咁高, 但對我黎講都 ok, 夠自然, 而且用佢唔洗要咩技巧, 搽均就 ok, 出油溶妝都唔會一撻撻, 返工趕時間用就啱晒, 如果防曬度高 d 就 perfect 啦

HANSKIN 橄欖精華卸妝油

卸妝品越出越多, 質地亦好多選擇, 由 N 年前既冷霜, 卸妝乳液, 卸妝 gel, 卸妝棉, 到近幾年大 Hit 既卸妝水, 我個人比較鍾意用卸妝油, 好好彩我用油無敏感無爆瘡, 而且一支搞掂, 連 eyes makeup 都可以落埋, 好方便~~

名 稱 : HANSKIN Olive Essential Cleansing Oil
價 格 : $185
容 量 : 150ml

產品介紹 :

蘊含高純度天然橄欖油、甘菊、迷迭香及具鎮靜功效的月見草鮮花精華油, 輕柔去除 BB Cream、化妝及污垢, 刺激性低, 鎮靜舒緩肌膚, 預防炎症, 清爽潤膚卸妝, 令肌膚亮麗有光澤



用法 :
1. 乾手取適量塗抹全臉, 清潔30秒, 於臉頰、額頭等輕柔劃圈
2. 隨眼, 鼻, 咀唇周圍, 臉部線條等進行清潔
3. 在手中最少量水讓卸妝油乳化, 變白後輕輕用溫水洗淨

畫左好多野係手呀, 有粉底, 唇彩, liquid eyeliner, 眼線筆, mascara, 眼影, 吱少少卸妝油, 然後打圈按一陣, 見到 d 化妝品都溶解晒, 係條 liquid eyeliner 仲係度, 加水乳化, 除左 eyeliner 有少少未甩晒, 其它都卸乾淨晒啦

用上面既效果, 卸妝油按左幾下, 個妝都浮起晒啦, 連 mascara 都溶到, 加上乳化後, 乾淨晒, 不過太貼既眼線 (內眼線), 因為我合埋眼, 就仲有少少係睫毛之間, 可以全面用之前, 吱少少係棉花棒抹甩左先, 咁就好乾淨, 唔洗分開眼 / 面既卸妝用品啦

透明色既油, 無咩香味, 質地較我用開既卸妝油就杰身少少, 但都有好處, 按上面時唔會滴到周圍係, 而且佢卸妝效果唔錯幾乾淨, 唔係超防水防油既彩妝, 基本都可以卸走晒, 用完塊面好爽, 唔會有層油咁, 用左 2星期, 無敏感, 無出粒粒~~

FLOXIA 啟動夏日清爽零瑕肌 - 博客茶聚

未到端午節, 香港最高氣溫已經超過 33度, 有時又落雨濕淋淋咁, 就算偏乾皮膚都會出油, 油脂加上污濁既空氣、汗水咁, 好容易滋生細菌導致出粒粒添, 所以 Floxia 法國醫學護膚品牌, 都推介皇牌控油組合添~~



話明係博客茶聚, 當然有 tea 食啦, 係尖沙咀一間 cafe 中舉行, 入到場內已經見到唔少 Floxia 產品, 包括美白、抗敏、抗皺、濕疹修護、眼部、防曬、身體到頭髮都應有盡有

咁多產品中, 點少得今次既重點, 控油暗瘡組合, 深層潔面啫喱 Purifying Gel, 更新抗氧面霜 Exfoliating Creme 及暗瘡控油啫喱 Balancing Gel, 三重醫學美容力量, 發揮完美控油效果, 皮膚保持清爽零油光。

好多人包括我, 對 Floxia 可能都有 d 陌生, 其實 Floxia 係法國醫學品牌, 全球超過 30個國家發售, 但主要係診所或醫學美容中心先有, 所以唔係咁多人識。

深層潔面啫喱 Purifying Gel $360 / 200ml
內含 3% 甘醇酸、五月牛蒡、鼠尾草、尿囊素及樹油成份, 溫和去除毛孔內污垢、化妝品及多餘油脂, 預防毛孔閉塞, 有效抑制暗瘡滋生。

暗瘡控油啫喱 Balancing Gel  $360 / 40ml
含水楊酸、玉米粉、Sebomine 專利控油配方, 葡萄酸鋅及乳木果成份, 有效減少細菌在毛囊內生長, 調節皮脂分泌, 減少油光, 控油同時保濕。

更新抗氧面霜 Exfoliating Creme $435 / 40ml
內含檸檬酸、乳酸、維他命 C 及 E、葡萄核精華及乳木果, 有效增加表皮層及真皮層的厚度, 軟化過厚角質, 補充水份, 控制水油平衡, 還有能刺激膠原蛋白增生, 預防衰老。

除左外用護膚品, 內在既調理亦都可減少油脂分泌, 有足夠休息, 保持心境開朗, 飲用充足水份, 唔好食咁多辛辣刺激食品等



所以 Floxia 都好貼心, 又好切合主題, 預備左好健康既食品有茶點

仲請左 2位 Blogger 上台示範整一個好特別既 "橙味南瓜乳酪醬汁" 添



每人送左一套控油產品, 呢輪咁熱, 當然即刻開黎試啦

深層潔面啫喱 Purifying Gel
早晚使用, 先用溫水整濕面部, 將潔面 gel 於面上按摩, 然後用清水洗淨。雖然說明教唔洗起泡就可上面, 但我習慣都係加上起泡先, 泡沫唔多, 洗後塊面好爽, 唔會好乾, 而且個香味好似 Johnson BB Shampoo 香味

暗瘡控油啫喱 Balancing Gel
早晚使用,可獨立使用於 T zone 位置。呢個較控油, 我多數用係鼻, 唔會全面用, gel 狀唔會好乾, 有少少補濕, 平時 lunch 前會出油, 用左佢到下晝 3點先有少少油, 同埋 gel 狀化妝都唔會起擦膠碎

更新抗氧面霜 Exfoliating Creme
可早晚使用, 雖然係控油產品, 但唔乾喎, 仲有少少補濕, 啱啱搽上面, 會有種啞緻效果, 雖然成份有檸檬酸、乳酸、維他命 C, 但我都無敏感喎, 不過成日係冷氣地方, 面珠位都唔敢搽太多, 亦會用保濕精華打底先




www.floxia.com.hk

清貨 - 2012年4月

3月尾開始返新工, 初初都好忙呀, 每日就返工放工, 放工後都好攰, 都無心機行街買野 lu, 不過都有好處, 就係可以清下屋企 d 野嘛, 不過雖然皮膚好返 d, 但好慣都好少敷 mask, 都係每日做 d 簡單清潔護理咁咋

L’oreal Derma Genesis Scrub
好耐之前抽獎中既禮品, 有磨砂粒子既 cleanser, d 粒子都唔算幼細, 所以洗面時唔可以太大力, 洗後有 d 乾, 所以見天氣開始轉熱, 快快手用完算

Body Labo Rose Lip Balm
化妝師 Rick Chin 出既護膚品牌, 係萬寧見做特價 $15.9, 又有我最愛既 rose 味, 平平地買黎試下, 都唔錯喎, 夠潤, 香味又舒服, 價錢平, 用左又無敏感或唔舒服, 可以考慮回購, 但係我仲有唔少潤唇膏未開, haha....

Mask House 蝸牛素補濕膠原再生面膜 (按此)
試用品, 都唔錯既, 敷完塊面幾滑, 但補濕效果唔夠強, 而且一盒得3片, 價錢拍得住大牌子, $30-40 片 有好多選擇

Clinelle Intense Skin Moisturizer (按此)
無香料無色素無酒精, 成份夠簡單唔刺激, 敏感時好啱用既面霜, 冬天用岩岩好, 夏天就滋潤左 d 啦

Vichy Aqualia Thermal Serum (按此)
醫學品牌, 之前都好少接觸 Vichy 呢個品牌, 新出呢支補濕精華都幾好, gel lotion 狀, 唔會話太過爽身, 補濕度 ok, 但香味就濃左少少

NeoStrata Facial Cleanser (按此)
雖然有果酸 PHA, 但濃度低, 我咁敏感早晚用都無事, 可以去角質, 但清潔力唔算好, 鼻位都有黑頭, 可能要連埋支 Gel Plus 用會好 d

Pond's Pore White Cleansing Oil (按此)
之前都用過, 有次見萬寧做 2件 75折, 幾抵又買黎用下, 平平地幾好用, 呢支係屋企最後一支卸妝油存貨啦, yeah~~

Mentholatum Water Color 水彩潤唇膏 (按此)
有色 Lip Balm, 但話係潤唇膏, 反而覺得似係潤身既唇膏多 d, 個色都幾出, 持久度唔算高, keep 到2-3個鐘度, 同埋個咀太乾時都唔夠潤, 不過就幾方便既, 有時懶, 一支搞掂, 或者 on top 搽少少 lipgloss 都好靚

 

古寶無患子蜂王乳蜂蜜活膚晶
上網見有人介紹過, 舊年去台灣旅行時見平平地買黎玩下, 好香 honey 味, 有 d 似 loccitane honey 個味, 沖完涼唔算好乾, 不過一舊好快用完, 唔洗一個月就 ko 左佢啦, 原本想出文講下, 可惜用得太快, haha
 

跑馬地馬場 Le Valley Francais 派對

馬場 - 咁大個女都係第一次入去, 因本身唔好賭, 原來馬場除左跑馬之外, 仲有其它野吸引到我...



就係甜品大師 Tony Wong (黃耀文) 啦

5月2日及9日，一連兩個星期三晚上，跑馬地馬場上演法國之夜 Le Valley Francais 派對, 更可品嚐甜品大師Tony Wong 特別為派對設計的精緻甜品添

Tony 更親身示範紅桑莓千層酥

完成品, 係咪見到都想食呢~~

Tony 特別為派對設計左 4款精緻甜品, 除左以上既紅桑莓千層酥, 仲有朱古力杏仁脆餅, 巴黎園, 檸檬撻, 各款售 $30

我係朱古力怪, 第一時間試個朱古力杏仁脆餅啦, 有脆餅, 朱古力慕士, 朱古力醬, 三種不同質感都充滿濃濃朱古力味, 仲有金箔點綴, 美味之餘仲好似藝術品咁添, 而唔喜歡太甜既話, 可以試下檸檬撻, 酸酸地既檸檬味, 無咁膩啱晒夏天食



除左甜品, 仲有其它法式美食, 包括：法式田螺(HK$40) 、芝士果仁及乾果併盤(HK$55)、布根地紅酒燴牛肉配薯茸(HK$65) 、法式煎鵝肝黑松露酥盒(HK$68)及烤焗法國春雞配飛碟瓜，甘筍仔，露筍及黑松露汁(HK$88)



期間限定的「星級法式甜品屋」供應期只限兩晚, 有興趣就 5月2日及9日晚上 5:15 - 11:00 到馬場試下啦, 記得要年滿 18歲先可以入場喎

之前朋友生日, 都試過 Tony Wong 既蛋糕, 賣相已經好靚啦, 玫瑰花蛋糕仲好出名添, 唔止外表, 味道仲好好架