LSnP Volume 豐盈亮澤系列

LSnP 品牌相信唔係太多人熟悉, 但有去開 California Fitness 既話, 就一定唔陌生啦, 因為佢係係更衣室係可免費使用既。LSnP共有四大系列洗護系列，針對性解決頭髮與頭皮的問題、延緩頭髮與頭皮的老化現象、降低環境以及日常生活壓力對頭 髮的傷害，為不同髮質、不同髮型的用家提供全方位的保養及護理方案。全線產品包括洗髮、護髮、修復、造型及定型近十五款產品, 由 3月起於全線屈臣氏有得賣啦。



Volume Shampoo 豐盈亮澤洗髮露  $74.90 / 480ml
多種氨基酸加強蛋白質合成，迷迭香精華促進頭皮血液循環，令髮絲持久豐盈亮澤。獨特豐盈配方配合透明質酸高度補濕功能，提升髮幹直徑及豐厚度，製造豐盈質感，同時防止養份流失。

乳白色既洗髮露, 唔會太香, 泡沫都幾多, 係手捽唔覺, 但搽上頭髮打圈就會好多泡架啦, 而且泵位夠大, 我頭髮咁長, 2泵都好夠啦, 雖然係豐盈系列, 我係油性髮質, 髮尾夠滋潤, 但頭頂到夜晚就會出油啦, 可能呢排天氣都有 d 潮濕掛!!



Volume Conditioner 豐盈亮澤潤髮乳  $74.90 / 480ml
多種氨基酸加強蛋白質合成，迷迭香精華強韌髮絲，使髮絲持久豐盈亮澤，迅速滋潤頭髮，並減少毛躁感。獨特豐盈配方配合透明質酸高度補濕功能，提升髮幹直徑及豐厚度，製造豐盈質感，有效保充光澤感，同時防止養份流失。

好 creamy 護髮素, 都係無咩香味既, 唔洗用好多都夠潤, 搽係髮尾, 過水後好滑, 但唔會話好滑潺潺洗唔乾淨



Daily Mask 速效重點修護髮膜  $39.9 / 150ml
高度保濕配方，補充頭髮每天因外在因素所影響而流失的水份，讓秀髮更柔順亮澤。速效修護精華配合透明質酸補濕功能，能促進潤髮乳的效用，修補每天因造型所受損的鱗狀表層，回復髮絲彈性及生命力。

如果護髮素唔夠潤, 或髮尾真係好乾既話, 可以加呢支護髮膜, 杰身少少既護髮素, 都係無咩香味既, 價錢平, 日日用都得



Rugged It Up 海鹽豐盈噴霧  $59.9 / 150ml
海鹽豐盈噴霧能為頭髮締造粗糙及豐盈質感效果，海鹽成份可令頭髮有粗糙的手感和啞色的感覺，並可以靈活操作在頭髮上，隨時隨地改變造型，適合任何髮型及髮質使用。

鹽水其實聽得多, 但我就未用過, 本身長直髮, 其實都好少用造型產品, 噴霧樽, 有少少香味, 用左有啞緻效果



可以睇到, 用左會豐盈 d, 因為頭髮唔夠碎, 夠碎可以做到個層次感





用左差唔多 2星期, 之前頭髮好毛燥好散, 好似曲曲地咁, 用後頭髮順滑返, 不過豐盈效果唔明顯, 而家天氣用有 d 潤, LSnP 價錢唔貴, 係 watsons 方便買到, 以後又多個選擇啦

Jockey 全新無痕內褲系列

大家有冇試過, 穿著貼身或薄質地既裙, 而有尷尬情況出現, 但又唔想專登買 T back / 平腳內褲, 晒錢又唔舒服, 而家有個好選擇啦



Jockey 擁有130年的內衣製造經驗，一向對內衣功能及選料一絲不苟，經過多年的實驗研究，於今年初春，推出「No Panty Line Promise」女士無痕內褲系列



無痕內褲備有 bikini、boyleg、hip brief, 黑、粉紅、及米色三個款式以供選擇 ($119 / $139)，配襯 leggings、one-piece裙或貼身物料都問題啦



用料以上乘透薄 89% 尼龍結合 11% 彈性人造纖維製造，貼身具彈性，質料不但如絲般幼滑柔軟，更有極佳的吸汗透氣功能, 尺碼由 S 至 XL 都有



今次揀左黑色 bikini 款 



剪裁特別，再配合矽膠 (silicone) 條紋褲邊，有效地防止褲邊捲起，穿上後感覺彷如無物。加上緊貼臀部的設計令其線條更完美，成功突顯女性美好迷人身段。  



內褲質地好薄好滑, 類似泳衣既質地, 黎 m 試著都無問題, 好透氣完全唔焗身, 著上貼身 legging 都唔會現內褲邊, 仲可以提升股部線條添

Coffret D'or - 零毛孔、零油光, 不脫妝

Kanebo Coffret D'or 既底妝之前有用過, 效果好好, 有信心保証, 春天天氣潮濕, 皮膚易出油出汗, 所以由底霜及粉底都要夠清爽先得

 

Clear Cover Base UV SPF50 PA+++ 高防曬透亮底霜  $280 / 25ml

防曬度數高達SPF 50，能徹底抵禦紫外線對肌膚的傷害。水漾觸感帶來極佳的延伸性，不偏白，塑造通透肌膚。 配合薄膜般的透光水潤粉末及美容液成份，呵護滋潤嫩肌。

淺肉色乳液狀,搽上面推開其實無咩色

Silk F Pact UV (Long Keep) SPF22 PA++ 持久絲柔粉餅  $280 / 9g

Pact Case (2012SS) 粉盒連海綿  $90

阻止汗水油脂造成的脫妝問題，油光與毛孔不再，長時間維持剛上妝般的完美效果。 配合雙重定妝成份 (持續覆蓋毛孔成份‧皮脂吸著成份)，完美覆蓋毛孔與肌理同時，締造滑溜妝容，不會造成厚妝感。 配合絲滑粉末，締造柔嫩光澤肌膚。配合保濕水溶性膠原蛋白，能清爽輕盈地推開，完美緊貼肌膚。

包裝好環保, 個盒打開有使用說明, 拆開透明膠, 將個粉餅輕輕放入粉盒就 ok 啦, 個限量版粉盒仲好靚添呀

 

粉餅質地好薄, coverage 唔錯, 又唔會乾, 而且顏色好啱我膚色添

用左底霜都有少少遮瑕, 毛孔及泛紅都遮左少少, 再用海綿輕輕印上粉餅, 膚色均勻晒, 睇落仲好幼滑添, 唔太深既斑及暗瘡印都遮到九成, 真係太深當然要加遮瑕膏啦

出左幾個鐘街, 雖然底妝主打零油光, 但完全唔覺乾, 唔會令乾紋更顯眼, 當要都有少少溶妝啦, 但唔算嚴重, 同埋唔會甩到一撻撻, 再輕印返粉餅, 同剛上妝差唔多

 

除左底霜加粉餅外, 我仲試下底霜, 粉底, 將粉餅當定妝, 用碎粉掃上, 會薄 d, 始終粉餅 coverage 都高 d, 用粉餅當碎粉定妝都好自然, 唔厚妝

對呢 2件產品都好滿意, 不過底霜遮毛孔就差少少, 可能我毛孔真係太大啦.... 同埋而家天氣未算好熱, 用佢有少少乾, 等夏天用就好啱啦, 粉餅真係非常正, 粉質好幼細好滑, 質地薄, 但遮瑕度高, 效果自然唔厚妝, 用黎做粉底或定妝都無問題, 平時好少用粉餅 / 2 way, 因為會好乾又浮粉, 但 Coffret D'or 唔會喎, 趕時間 / 落街買野, 用佢印幾下就出得門口,夠晒方便快捷

Dr. Swiss BB Anti-Puffy Eye Serum

名 稱 : Dr. Swiss BB Anti Puffy Eye Serum 嬰肌抗浮腫緊緻原液
價 格 : $260
容 量 : 19.8ml

產品介紹 :

去除浮腫、眼袋專用成份, 高效飽水鎖水及緊緻眼肌, 再配以鈦金屬走珠, 促進淋巴循環。配合穴位按摩, 減退浮腫、眼袋及倦眼。
輕輕碌 2-3筆, 每晚為眼睛敷眼膜, 重塑緊緻明眸。


 
之前都用過 Dr. Swiss 既原液, 好好用, 新品眼部原液, 蘊含高濃度諾貝爾得獎「肌膚生長因子」EGF、多肽及植物黃酮等頂級醫學成份, 能啟動細胞再生及自我修復, 保持眼肌水光澤, 減淡浮腫及眼袋, 令明眸回復年青緊緻及彈性

特別適合因生活在空氣質素欠佳、睡眠不足、雙眼缺乏神采、彈性及容易浮腫人士。

微量鈦金屬走珠, 能調整生物電流, 激活眼部穴位微循環





精華質地好水, 易吸收, 用碌碌按摩眼周, 再塗眼霜

用左三星期, 雖然去眼紋及黑眼圈唔好算好明顯, 但去浮腫就好有效啦, 尤其朝早起身, 會用佢碌多幾下, 個轆涼涼地好舒服, 再用無名指輕按等精華吸收, 即時見到對眼無咁腫, 而且精華好爽身, 之前再搽返自己既眼霜, 都唔會過潤, 易眼腫既朋友可以試下, 撞啱萬寧做特價, 好抵用

AEROSOLES 春季系列 Preview + 購物優惠

3月份咁朝濕既天氣話俾我地知, 春天已經來臨, 春夏天既感覺要將沉悶既黑、啡、藍... 等等既暗色轉變, 紅、黃、白、粉藍, 可以令心情都變得靚靚呀



而美國女裝時尚鞋履品牌 AEROSOLES 就已經換上春裝, 推出玩味色系及夏日搭帶涼鞋兩大系列, 而 AEROSOLES 貫徹「Pure Style . True Comfortz」品牌哲學, 獨創「軟底、軟皮、軟墊」三軟概念, 打造既時尚又舒適既鞋履

門口 / 櫥窗大部份擺放新品, 大熱玩味色系, 質地舒服, 而且底部軟墊, 唔係咁多品牌會咁細心設計

夏日搭帶涼鞋系列

除左以上款式, 仲有 OL 返工啱晒既斯文高踭鞋, 露趾鞋等等

咁多款式, 梗有一款啱心水啦

Model 著住呢款都好靚, 好啱夏天呀

有興趣既不妨去分店揀下啦, 而為答謝大家既支持, 有以下讀者購物優惠:

讀者優惠：由 3月17日至4月16日起，於 AEROSOLES 專門店 (中環萬宜大廈103店 及 太古城中心二期243店)，購買任何正價及減價貨品，附款時向店員講出睇左 Mocha 既 Blog，便可即時享有$150優惠。

GREY GOOSE VODKA @ 《桃姐》試映會

大家都知道,《桃姐》是許鞍華執導、天王劉德華和影后葉德嫻主演既電影, 而葉德嫻更憑呢套電影奪得威尼斯電影節「最佳女演員」既殊榮, 是首位獲得呢個奬既香港女演員, 為港人爭光架



上星期得 PR 邀請, 有得去 Grey Goose Vodka 主辦既試映會

係尖沙咀 iSquare, 去到都好多人, 星光熠熠, 唔少演藝人, 模特兒, 化妝師, 名 Blogger 等等... 都有到場, 更可免費試飲, 不過我唔係咁鍾意飲酒精飲品, 所以就無試啦

場內周圍都見到 Grey Goose 既蹤影, 有兩款味道, The Peach Tea & A Simple Life, 好切合今次主提

故事大綱 :
改編自真人真事，講述一位生長於大家庭的少爺Roger與自幼照顧自己長大的媽姐家傭桃姐之間所發生的一段溫暖人心的主僕情故事：鍾春桃(桃姐)自13歲就到梁家當傭人，轉眼60年過去，她已伺候了梁家老少五代人。後來，梁家人有的去世有的移了民，近十年間只剩下桃姐和梁家少爺羅傑(Roger)在一起生活。主僕兩人相處頗有默契但很少交流。後來有一天，桃姐突然中風，羅傑把她送去老人院，由此展開了一段觸動人心的主僕情

電影完場後, 有著名影評人同我地分享感受

我 完套戲, 我個人感受都好深, 雖然故事平淡簡單, 但表逹既意思就好深, 好感動, 愛 - 唔一定係情人之間, 親情, 友情, 人同人既相處都會不知不覺間產生愛, 就算無血緣關係, 果份情都可以好深厚, 同埋後生一代對老人家都要多 d 關心, 諗下我地細細個父母/長輩對我地既無微不至, 到佢地年老時, 都應該得到返我地既照顧, 珍惜同佢地相處既時間, 其它佢地要既並唔係金錢、物質, 只係要我地簡單既問候, 關愛, 已經好滿足, 希望大家都珍惜身邊人

Clinique Almost Lipstick 柔滑透亮唇膏

上個月尾參加左 Clinique 新品發佈會既活動 (按此), 完結時送左一套 Gift, 有 Even Better Makeup 及 Almost Lipstick, Foundation 想試多一段時間, 所以分享左支 lipstick 先

名 稱 : Clinique Almost Lipstick 柔滑透亮唇膏
價 格 : $140
容 量 : 1.9g

產品介紹 :

質感細軟柔滑, 蘊含滋潤修護成份, 猶如潤唇膏一樣潤澤細緻, 順滑地為櫻唇添上貼服亮麗的色彩, 締造自然迷人的唇妝。色彩透薄亮麗, 其透亮色調讓你更易挑選顏色。



銀色幼身, 細細支放係化妝袋好方便

 

新出左 6款顏色, 呢支係 #37 Luscious Honey, 全系列由自然裸色、嬌嫩粉紅, 至濃艷紫色/紅色都有, 顏色極之透薄, 質感柔滑
 

打開時都俾個色嚇襯, 咁紅點用呀.... 試係手, 發覺顏色好透薄, 滋潤度唔錯, 有 d 似有色潤唇膏
 

以前都有買過 Clinique 既唇膏唇彩, 質地唔錯, 價錢又唔貴, 不過顏色選擇就偏成熟, 但佢有 d 產品唔實色, 搽出黎都好自然, 就好似呢支 Almost Lipstick 咁, 睇個色好紅咁, 但搽上咀好自然, 仲好滋潤, 出街懶唔搽潤唇膏只用佢都 ok, 百幾蚊好抵用, 而家好多 brand 既唇膏都加價 over $200 啦.... 有興趣可以去 counter 試色

HABA Squalane 鯊烯美肌清油

名 稱 : HABA Squalane 鯊烯美肌清油
價 格 : $265
容 量 : 30ml

產品介紹 :

能在肌膚表面形成鎖水薄膜，迅速平滑粗糙肌理，令妝容持久貼服。鯊烯美肌清油與人體自然皮脂極為相近，無添加防腐劑，不刺激，更可幫助其他養分深入肌膚底層。



左邊果支係正常版本, 右邊咁靚果支當然係限量版啦, 之前都用過 2-3款 Squalane / Squalene, HABA 呢支咁出名, 都好有興趣試下, 咁啱見到有 Promo, 有限量版不特止, 買 2支 30ml, 仲平過一支 60ml 添, 點忍到手唔買 (印象 2支加埋 $43X), 又唔洗一支 60ml 太大用唔完
 

其實都買左好耐啦, 用左半年, 差唔多用完一支啦, 都係時候同大家分享下用後感, 說明書全日文, 不過有圖片, 好易明啦, Squalane Oil 係用係 Step 3, toner 後既, 滴 1-2滴係手心, 捽幾下, 用手溫按上面等佢易吸收
 

透明油狀, 但其實唔油, 吸收後都算清爽, 因為佢成份係油, 所以補濕唔會好高, 主要係鎖住水份

大家都見到試係手好似無乜特別, 其實佢真係要用左 toner / essence, 等皮膚有足夠水份, 佢先發揮到功效, 可以保濕鎖住皮膚水份, 但做 Step 3 當 cream 搽我覺得油潤左 d, 尤其香港天氣, 缺水多過缺油, 所以我多數會溝 toner / essence 用, 冬天好啱, 滋潤得黎唔 lup, 又易吸收, 佢保濕效果係唔錯, 但無坊間講到咁勁, 可以修復受損細胞等等, 因敏感時用, 唔覺敏感情況有好轉, 但作為保濕品, 我都係鍾意搽 Lotion / Cream 多 d, 所以用完應該都唔會再試 Squalane / Squalene 啦, 感覺同香薰油 / 植物油效果差唔多

清貨 - 2012年2月

唔知係咪春天太朝濕, 個人成日覺得好攰咁, 做乜都無心機, 2月份實在太懶啦, Blog 都少左 update, 3月會努力 d 架啦



Eminence Blueberry Soy Night Recovery Cream
早排敏感真係買左好多 Eminence 既野, 呢個藍莓 Cream 係最滋潤既面霜, 早排咁乾都好夠潤, 用量好少就夠, 而且佢去紋效果好掂, 用埋黎搽頸紋, 真係淡左

Physiogel Cream (按此)
皮膚敏感開始穩定, 可以用 d 成份簡單既 cream 都 ok, 呢個都唔錯, 只係搽完油左少少, 冬天用 ok, 春夏會太潤

Kamill Milk & Honey Shower
幾香 Honey 味, 沖涼後都唔算乾, 不過冬天都要搽 body lotion

St.ives Oat & Shea Butter Body Moisturizer
呢支用左好耐啦, 因為好夠潤, 淨係冬天先用到, 好似用左 2個冬天, 所以一定要將佢用完, 為左記得要日日搽, 將佢放左入洗手間, hehe
 

Mane'n Tail The Original Shampoo (按此)
洗得幾乾淨, 但長頭髮髮尾有 d 乾及打 click, 夏天用可能好 d

Amiz 洋甘菊抗敏止痕乳霜 (按此)
預防敏感幾好, 但敏感時用既話, 舒緩效果唔明顯

Lux Super Rich Shine Treatment Mask
因為 Mane'n Tail 經典系列個護髮素唔夠潤, 所以開左佢黎當護髮素, 唔錯喎, 日日用都得, 頭髮順滑左好多, 但又唔會令頭皮易出油左

Shiseido Perfect Oil (按此)
朋友俾既, 之前都用過, 其實都唔錯, 不過 Biore 平 d, 所以好少回購佢

Biolane Pure H2O Cleanser
上次去美容展特價買既, 好溫和既卸妝水, 連 BB 都用得 (但 BB 需要卸妝!?) 好鍾意佢樽口既話計, 唔怕倒瀉, 但初初開個香味都幾勁, 但開左幾口會淡返 d, 質地唔會好爽, 即唔係抹兩抹化妝棉就乾晒, 所以用量都幾慳, 一支可用 4-5個月

Sample :

NeoStrate Face Cream
Kose Nature & Co. Milkly Light