The Spring Garden - Glamabox Event

盒子既購物形式越來越流行, 今次有機會參加 Glamabox 既活動, 係中環 Central / Central, 都係第一次去, haha (大鄉里呢), 周圍都好多花, 佈置到好似花園咁, 好配合今次主題 The Spring Garden



活動未開始, 見到有個職員拎住個牌, 原來只要即時 like Central / Central Facebook Fanpage, 就可以得到一個手機充電器啦

仲有 glamabox 創辦人名模 Lisa S. 添, 講完感想就祝酒儀式, 之後咁啱佢企左係我隔離, 近距離, 佢真係好高呀..... 身型 fit 到漏, 皮膚又好, 仲好 Nice 添

場內仲放置左一月份及二月份既 glamabox

二月份相信唔少人都收到啦, 真係好吸引呀, 每月只需 $108, 就有驚喜產品送到府上, 去完呢個活動, 都令我心思思想訂添

http://www.glamabox.com/hk/tc/home

RIMMEL 英國國旗眼影

12 月去歐洲渡蜜月, 最後一站係英國, 當然唔放過機會, 一定去 Boots 行下啦, 其實唔算好多野買, 因價錢都唔平, 所以搵下 d 香港無既, 之前上網同睇雜誌都見到呢款眼影, 點知真係俾我搵到, 又唔貴就買黎試下, 當日仲有買二送一優惠, 可惜要同一個 brand, 但其它揀唔落手, 只帶左佢返屋企

名 稱 : RIMMEL London Glam' Eyes 002 English Oak
價 格 : US$6.8 (約 HK$85)
容 量 : 2.5g



呢款眼影係名模 Kate Moss 設計架, 眼影圖案好特別, 不過都係開架 brand, 包裝就普通膠盒啦
 

盒背有教使用方法, 簡單易明
 

實物其實係深色 d 架, 影相有少少反白左, 化妝棒有大細兩邊, 不過分佈係四角既3個色, 有 d 難沾取使用
 

除左中間 "十" 字型個深啡色, 其它都偏金屬色, 較閃, 閃粉都算幼細, 唔太會跌落眼周, 顯色度唔錯, 差唔多睇到咩色, 搽出黎就係咩色, 不過米色、淺啡、粉紅三色真係太細格, 用手好難上眼影,  一定要用化妝掃先得, 同埋金屬感重, 我內雙眼皮搽既範圍唔可以太大, 唔係會顯得眼腫, 尤其粉紅色, 只可用係下眼線位置

Clinique The Power Couple 新品發佈會

過左農歷新年, 春天已經悄悄來臨, 大家都感到濕度高左好多, 朝濕既天氣要轉護膚品外, 化妝品都要換季啦, 前幾日去到 Clinique 既新品發佈會

入到會場就見到今次既主角, Even Better Makeup 勻淨科研粉底液 SPF15 PA++, 有 10色選擇



然後 BA 幫我地揀適合自己既色號, 亞洲人一般用 63 Fresh Beige / 64 Cream Beige 都適合, 但試左 64 明顯偏黃, 所以我揀左 63
 

每張檯都放左新產品俾我地任玩任試
 

然後司儀及 Clinique 代表同我地介紹下新產品, Even Better Makeup 勻淨科研粉底液 ($230 / 30ml), 皮膚科醫生將 Even Better Clinical Dark Spots Corrector 的護膚科技加入粉底液, 即時遮瑕同時護膚, 而高效淡斑成分 Highly Active Vitamin C Complex 及 Vitamin E 能擊散及預防色素加深, 呈現更明亮膚色。(於各專門店及專柜有售)



除左粉底液, 3月份亦會推出 Even Better Concealer 試左係手遮瑕度都唔錯, 底妝配合埋 Even Better Clinical Dark Spots Corrector ($520 / 30ml, $730 / 50ml) 一齊使用, 美白均勻膚色, 效果更明顯, 精華質地好薄易吸收, 春夏季好啱用



再由 Clinique 化妝師為我地示範簡單日妝, 塗上新品 Even Better 既粉底液及遮瑕膏, Cream 狀胭脂, 碎粉, 滋潤度高既 Almost Lipstick, 靚靚日妝就完成啦, 個樣精神晒, 簡簡單單返工最啱



估唔到仲有 Tea 食, 呵呵, 真係一個愉快既下午時光呀



每位 Blogger 有一支 Even Better Makeup (#63 Fresh Beige) 及 Almost Lipstick (37 Luscious Honey)
 

用後感用多一段時間先同大家分享

Physiogel Cream 潔美淨層脂修護霜

呢排實在太懶啦, 因為搵工, 返新工好忙, 又病左, 搞到差唔多 2星期無 update 個 blog 啦.... 有 d 產品已經用完, 唔出文唔得啦

名 稱 : Physiogel Cream 潔美淨層脂修護霜
價 格 : $110
容 量 : 75ml

產品介紹 :

天 然層脂以獨特 DMS (Derma Membrane Structure) 科技高效滲透, 模仿人體皮皮脂層, 再造皮膚保護屏障, 滋潤肌膚同時減少水份流失, 有助改善皮膚質素, 低敏感滋潤修護霜, 乾燥及敏感肌膚適用。不含色素、香料及防腐劑, 不阻塞毛孔。



之前皮膚實在太敏感, 屋企好多 skincare 都用唔到, 見 Physiogel Cream 平平地, 就買黎試下
 

藥房買雖然會平 d, 但係 watsons / 萬寧買會放心 d, 包裝有埋 exp date, 成份幾簡單, 啱晒敏感肌用
 

質地白色 cream 狀, 無任何香味, 易搽開, 不過搽完有少少潤, 可能就係一層保護皮膚, 唔會流失水份既屏障
 

呢支已經用完啦, 白色 cream 狀幾滋潤, 會覺得好似有層油係表面咁, 佢無藥性係唔可以舒緩/治療敏感既, 只係皮膚敏感時盡量用成份簡單既野, 用佢作保濕就唔錯, 使用期間天氣都幾乾燥幾凍, 用佢都夠潤, 不過我唔太鍾意有層油係面咁

Mane'n Tail 經典系列

新年後掛住搵工, 都好少 update 個 blog 添, 有 d 野差唔多用完, 點都要出下文講下先得

名 稱 : Mane 'n Tail 美國箭牌經典洗髮護髮系列
價 格 : 各 $88
容 量 : 各 355ml

產品介紹 :

源自美國貴族馬房的經典護髮配方, 改良並加入 10倍微細蛋白及小麥蛋白, 營養元素快速滲入髮絲, 並源源為髮囊注入新生養份, 有效控油清爽, 令頭髮速速健康生長。適合中至偏油性、非電染髮質, 全面提升長髮速度, 有效改善掉髮, 預防開叉折斷, 秀髮柔順易梳, 深層潔淨油性頭皮, 深入滋養髮質, 頭髮更見豐厚。
 


洗髮露白色杰身 lotion 狀, 因為個樽無泵, 吱既時候都要大力 d 先得, 有少少花香味, 易起泡, for 偏油性髮質, 係我用過咁多款 Mane 'n Tail 清潔度好高既一款, 洗完頭皮好乾淨, 不過髮尾就有 d 啜手, 尤其我咁長頭髮添
 

護髮素係淡黃色 light cream 狀, 唔會好杰幾易推開, 香味同 shampoo 一樣, 因為個洗髮露洗手頭髮啜手, 用佢都唔太夠潤, 頭髮乾後髮尾易打結
 

總結 : shampoo 唔錯, 洗得夠乾淨, 但同系列 conditioner 唔夠潤, 如果配 deep moisture 果款就啱我呢 d 頭皮油, 髮尾乾又長頭髮既人用啦, 仲有得 355ml, 我長頭髮用量都唔少, 一支大約用到 2個月, 都唔算好平
 

清貨 - 2012年1月

呢排皮膚雖然穩定左 d, 但 keep 住都係用 d 溫和既野, 加上天氣又凍, 都懶左好多, 所以進度好慢呀
 

Sothys Hydra-nourishing Mask (按此)
都幾夠潤既 mask, 不過可能濃度高, 用後有 d 敏感, 好彩得 15ml, 幾次就用完啦

bioSecure Face Cleansing Gel
之前係美容展買, $50 好抵, 初初用有青蘋果味, 但用用下覺得變左膠味, 淺黃色 gel 狀, 泡沫都 ok, 但洗後有 d 乾, 夏天用會好 d

Eminence Calm Skin Arnica Masque (按此)
呢排敏感, 所以都買左好多 Eminence 既野用, 呢個 mask 對我黎講係必備既, 放係屋企看門口, 起敏感時有得用

Eminence Linden Calendula Treatment
呢個雖然係 for 敏感既 cream, 不過敏感都分好多種, 我用就唔算好啱, 雖然敏感無惡化, 但都無好轉, 但佢香味好質地都好正

Eminence Lemon Cleanser (按此)
呢支 cleanser 好好用, 雖然係洗面奶, 但都洗得乾淨, 淡妝都卸到, 又好香 lemon 味, 一支早晚用可用 2個月, 缺點係貴左 d 囉



Johnson's Naturally White 淨白透肌沐浴乳 (按此)
有粒子既沐浴露都係第一次用, 可去角質, 用後幾滑, 個身都覺白左少少喎, 用後唔會好爽, 適合冬天用

Neutrogena Anti Shampoo (按此)
深層清潔既 shampoo, 唔需要日日用, 每 1-2星期用一次就得, 細細支都用左好耐

洗粉樸液
唔洗多講, 用左好多支啦, 屋企得返最後一支, 係時候要去補貨, 而家轉左新包裝, 不過容量都一樣既

Aqua Label 蜂皇活膚精華 (按此)
敏感期間都唔太敢用精華素, 但用呢支完全無問題, 塊面水份多左穩定左添, 可能我太乾, 我唔覺佢潤或 lup 喎, 所以用得好快, 一個月多 d 就 ko 左佢啦, haha