Sculptra - 塑造年輕十載的「視覺年齡」座談會

上星期六放工後有一個好特別既節目, 就係參加左 "塑造年輕十載的「視覺年齡」座談會" 啦, 入到去見到大大個 Sculptra 海報, 咁 Sculptra 究竟係咩黎既呢??

Sculptra^®塑然雅^® 是新一代注射針劑, 能針對骨膠原流失, 解決容顏老化的根源, 激發面部深層骨膠原再生。Sculptra^®塑然雅^® 由一種名為 PLLA 聚左乳酸 (poly-L-lactic acid) 的合成物製成, PLLA 聚左乳酸最初被應用作可溶解的手術用縫線, 自1999年起已被逾 46個國家廣泛使用為醫學美容注射產品。PLLA聚左乳酸可逐步被人體分解為乳酸、二氧化碳及水份, 再被人體自然吸收, 同時能激發體內骨膠原再生。現時Sculptra^®塑然雅^® 已獲美國食品及藥物管理局 (FDA)認證, 由2005年至2010年間, 全球已有超過120萬人次接受Sculptra^®塑然雅^®療程。

去到見到好大張海報, 係平時形容自己為 "美容白老鼠" 既 Queenie 陳莉敏, 我都好鍾意睇佢個 blog 架



因為係座談會於下午 2:30 開始, 主辦單位都好貼心咁擺放左食品俾咁多位 blogger / 嘉賓享用



開始時播放左  Queenie 分享短片, 佢皮膚真係好好, 好似 BB 肌, 完全睇唔出已經 38歲



然後睇下圖中 2位藝人於 10年前後既分別... 骨膠原既流失, 會影響皮膚彈性、皺紋出現、面部輪廓不緊緻等



當皮膚開始程現老化現象時, 接受了 Sculptra 療程既分別, 其實唔止女性想青春常駐, 其實男仕接受注射後, 睇落都比較精神有活力, 所以貪靚並唔係女仕既專利呀



然後到著名人像攝影師 Michael K. 教大家點樣用燈光 / 攝影技巧令人感覺年輕及膚質完美



膚質唔夠好既話, 千祈唔好用 Side Lighting (左), 只會令缺點放大, 如黑眼圈, 毛孔, 幼紋等等, 改為用 Flat Lighting (右), 感覺唔同晒




到張傑醫生為我地講下皮膚老化既成因與治療方法, 原來皮膚缺乏骨膠原, 面部輪廓下垂既原因, 除左皮膚缺乏彈性外, 連骨骼都會改變, 最明顯係下顎收縮



有時預防勝於治療, 唔一定要等皮膚出現老化現象先注射 PLLA 既, 20多歲開始都可以注射, 只係唔需要注射得咁密, 可以 2-3年先進行一次 Sculptra 療程
職員真人示範, 張醫生話俾我地知佢有咩地方需要改善啦





再 show 左 d 成功例子俾我地睇, 效果真係好好, 唔單止面部輪廓靚左, 連膚質都有好轉添, 而且注射後, 骨膠原會係皮膚底層自己製造, 效果會於6星期起逐漸浮現, 唔容易俾人發覺架, 仲可持續 2年或以上添



最後主辦單位送出小禮物, USB 成為我每日必備 item 呀



座談會學到好多野, 令我知道美容新資訊, 除左外塗護膚品, 注射療程亦係將來既美容趨勢, 有少少失望既係見唔到 Queenie 真人呀....

Origins A Perfect World 白茶深層潔面乳

名 稱 : Origins A Perfect World 白茶深層潔面乳
價 格 : $200
容 量 : 150ml

產品介紹 :

產品中的螫合劑能黏走臉上的多餘油脂及污垢毒素，深入毛孔清除雜質。再由提煉自棕櫚及椰子的溫和潔淨因子將之一併帶走，而燕麥氨基酸發揮其軟化及滋潤肌膚功效。最後，銀針白毫茶的強效抗氧成分茶多酚，壓制游離子進行氧化。


4 月份係地球月, 為左更加支持環保, Origins 將 2款皇牌潔面產品包括 A Perfect World 白茶深層潔面乳, 都特別換上限量既環保包裝, 30% 係用再造物料製成, 而全個包裝連樽蓋都可以 100% 再 Recycle 既, 唔單止外在美, 連內在都美, 成份完全不含對皮膚有害既化學成份



乳白色液狀質地, 易起泡, 雖然泡沫唔算好多, 但太多泡未必對皮膚係好事





使用後皮膚好乾淨, 但水份唔會過度被清洗丟




限量設計好吸引, 而且一眼就知道主題係環保, 好有心思, 唔止得外表, 白茶深層潔面乳不慚係皇牌產品, 乳狀質地, 唔洗好多份量已起到好多泡沫, 但泡沫唔算綿密, 如果鍾意泡沫實淨 d 既可以用起泡網, 洗面時聞到有淡淡既草本香味, 好舒服好 relax, 過水後好爽唔 lup, 亦唔會感覺皮膚繃緊, 不過可能帶少少滋潤感, 所以過水要耐少少先能沖走潔面乳, 用左 2星期皮膚不單止無敏感, 膚質仲有改善添, 無化學成份既 skincare 果然可減少對皮膚既傷害

激讚!! Eminence Organic 試用裝

早前係網上見袁小姐個 Blog 有介紹 Eminence Organic 呢個品牌, 上官網睇, 產品種類好多, 任何皮膚都可以搵到適合自己膚質既產品, 但買既地方唔多, 而且袁小姐都賣得唔平, 咁啱係中環返工既朋友係公司附近見到有呢個 brand 既傳單, 仲做緊推廣, 買任何 3款或以上 3ml 試用裝, 每盒只需 $38 (原價 $200-220), 平平地又可以試幾款產品, 最後同朋友夾份買, 我就買左以下呢2款啦



Cucumber Eye Gel 青瓜緊緻眼袋啫喱  $38 / 3ml
減輕眼部浮腫及緊張的現象 - 青瓜和活躍的草本成分即時令眼部柔軟舒適, 眼科醫生推荐的產品。



gel cream 狀質地, 薄身易推開, 仲有淡淡地青瓜味





青瓜香味好清新, gel cream 狀好清爽, 易吸收, 用量唔需要多, 3ml sample 用到 2 星期, 使用前眼袋咁啱敏感, 用左幾日敏感情況已經有好轉, 用到一星期敏感好返晒, 眼部都 firm 左 d 無咁浮腫添


Sweet Red Rose Whip Moisturizer 甜紅玫瑰舒緩面霜  $38 / 3ml
可安撫肌膚促進細胞再生的面霜, 特別適用於成熟、敏感、曬傷及濕疹皮膚 - 用真正甜紅玫瑰花瓣製成, 可滋潤肌膚、促進皮膚再生、及減少細紋, 使肌膚豐潤、柔軟光滑。採用芬芳的甜紅玫瑰花瓣、天然果膠、及檸檬精華液精製而成。



cream 狀好杰咁, 但推易推開快吸收, 香味好 relax



用左一星期, 膚質明顯變好





因為皮膚敏感, 所以揀左呢個舒緩面霜, 適合敏感及濕疹皮膚, 佢同 eye gel 一樣, 每次用好少量就夠, 大約 2粒紅豆啦, 早晚用 3ml 啱啱好用到一星期, cream 狀質地, 但易推開, 皮膚吸收得好快, 用左一星期, 敏感好左好多, 而且膚質柔軟有光澤, 仲滑左好多添, 洗完面都忍唔住係咁摸塊面, haha

Eminence Organic Skin Care 真係唔錯, 其實推廣唔止有 3ml sample 賣, 仲有購買 3款或以上 15ml 面霜 / 面膜都係 $178 一罌咋, 諗緊買邊款產品用好, hehe


詳情可瀏覽 :
www.koshk.com.hk
www.facebook.com/pages/Ks-Organic-Skincare/150756471658278

彩豐行黑糖營潤沐浴露

都介紹過唔少彩豐行既產品, 之前都有用開蔗糖沐浴露, 真係又平又好用, 見新出左黑糖味, 忍唔住又買黎試下

名 稱 : 黑糖營潤沐浴露
價 格 : $28
容 量 : 1000ml

產品介紹 :

天然黑糖持久滋潤肌膚, 有效補充肌膚所需水份! 質地溫和, 感覺清爽!



新包裝, 同舊既蔗糖圓柱形唔同, 但容量一樣都係 1000ml



淺啡色 gel 狀質地, 都好易起泡



用開蔗糖沐浴露, 見到新出黑糖又試下, 價錢較蔗糖貴 d, 質地兩款差唔多, 不過黑糖較滋潤, 用完好滑, 蔗糖冬天用唔夠潤, 但呢個應該 ok, 可惜最期待既黑糖香味係完全缺乏, 只係有 d 類似花香味既人工香料, 呢方面真係有 d 失望, 同埋早排手臂曬得勁又出汗出左 d 粒粒好痕, 可能香料重唔夠溫和, 雖然無令敏感惡化, 但都無好轉, 所以再用都只會買返蔗糖啦, 平 d 嘛

BTRC 多元維他命亮膚美肌凝膠

名 稱 : BTRC 多元維他命亮膚美肌凝膠
價 格 : $196
容 量 : 50ml

產品介紹 :

含維他命 B3及 B5，藍色複合物、尿囊素及玻尿酸，具抑制黑色素、排毒、補濕、抗氧化、防禦、增加肌膚彈性及更新底層肌膚等功效，令肌膚亮白、光采飽滿。



包裝及說明書都係韓文, 要上網搵返資料, 如果有返中文會對產品清楚 d



橙色 gel 狀, 有 d 黃色既粒子





質地清爽, 使用後水份升左唔少, 油份少左



包裝全韓文唔係咁方便, 功效及使用方法都要上網搵, 橙 色 gel 狀, 有 d 黃色既粒子, 有少少生果既香味, 幾清新唔攻鼻, 質地好清爽, 搽上面按一陣就吸收晒, 吸收後完全唔 lup, 補濕效果唔錯, 水份升左, 相對出油情況有減少到, 夏天又熱又 lup 既天氣單用佢都足夠, 如果夜晚開冷氣, 加返有少少油份既 cream / 乳液銷水會好 d, 朝早用佢再化妝都唔會有擦膠碎既情況, 但除左補濕外, 美白、增加彈性等效果就未見顯著啦

NeoStrata 家用煥膚組合 - 蛻舊、煥新

香港既春夏季, 又熱又 lup, 呢幾日天氣又反常, 時出太陽, 時而大雨咁, 皮膚狀態都差左, 未到 lunch time 已經油光滿面啦, 搞到角質好厚, 膚色暗啞添, 但未必有時間去美容院做 facial, 而且價錢亦唔便宜, 所以就試下呢 set NeoStrata Home Peel Treatment 啦, 只需一星期兩次, 每次 15mins 就得



果酸 - 大家可能會諗到令皮膚敏感... 其實果酸濃度唔高, 敏感皮膚一樣用得, 只要記住從低濃度開始使用, 待皮膚適應後, 才慢慢調高濃度, 避免皮膚受傷時使用就得, 果酸可有效去除老化角質, 撫平幼紋, 減退黑頭, 粉刺, 暗瘡及油脂分泌過盛等肌膚問題。





Facial Cleanser 溫和潔面啫喱 $198 / 100ml
含 4% 非刺激性果酸成份 - 葡萄糖酸 (PHA)
促進角質層自然脫落, 增生活細胞, 回復 28日健康更生週期
溫和去除油脂、污垢, 保持水油平衡
具補濕滋潤功效
平衡 PH 值, 增強吸收力
持續使用能回復年輕亮澤肌膚

早晚使用, 取適量按摩臉和頸 30秒至 1分鐘, 然後用清水洗淨

gel 狀無泡 cleanser, 打圈按一陣然後過水, 感覺到皮膚滑左, 雖然無泡, 但都好乾淨, 亦唔會過度去除油脂




Gel Plus 更新活膚啫喱面膜 $258 / 100ml
含 15% 高濃度果酸成份 - 甘醇酸 (AHA)
質地輕柔, 不含油份, 迅速滲透
高效促進角質層脫落, 增厚活細胞層, 回復 28日健康更生週期
深層潔淨, 疏通毛孔, 預防黑頭, 粉刺和暗瘡
刺激骨膠原再生, 撫平紋理
解決色斑, 暗啞等
改善膚質, 增加柔軟度, 回復年輕亮澤肌膚
紓緩毛髮倒生引致的假性毛囊炎

每周可用 2-3次, 晚上潔膚後, 均勻於全面薄塗一層, 並靜待 15分鐘, 以清水徹底洗淨

水質較重既 gel 狀, 搽係面等 15mins 就得, 第一次用驚敏感既話可只用係 T zone 5mins 試下先, 無問題先加大範圍及加長時間, 初初會感到拮拮地, 過一陣皮膚適應左, 就無事啦, 過水後皮膚好似剝殼雞蛋咁滑呀, 而且我咁敏感既皮膚都無事




Ultra Moisturizing Face Cream 輕柔再生面霜 $258 / 40g
含 10% 非刺激性果酸成份 - 葡萄糖酸 (PHA)
高效促進角質層脫落, 增厚活細胞層, 回復 28日健康更生週期
深層滋潤, 鎖緊水份
收細毛孔, 減少紋理
豐厚表皮層, 改善色澤和彈性
維他命 E 修復日曬所傷肌膚
抗氧化防止游離基侵害, 延緩衰老
持續使用能回復年輕亮澤肌膚

每日早晚潔面後使用

清除左角質, 當然要搽返 d 補濕 cream 滋潤皮膚啦, 個 cream 雖然有果酸, 但一 d 都唔刺激, 滋潤度唔錯, 亦唔 lup




初次使用, 毛孔乾淨左好多, 黑頭少左, 連毛孔睇落都細左



用完 Cleanser 及 Gel Plus 後, 皮膚都無變乾, 証明無過度去除油脂
用左 3次, 毛孔睇落明顯收細左, 真係好驚喜呀



售賣點 : 全線萬寧有售
查詢熱線 : 2976 8888

好耐無印甲啦~

都好耐無印甲啦, 適逢上星期同事結婚去飲, 決定拎返套印甲出黎玩下啦

用左以下幾樣產品, 大部份之前都介紹過, 都係用開既野
底色 sasa 粉紅色甲油, Konad 紫色印油
而塊 M60 印板, 買左都一段時間, 但第一次用咋, haha



其實都好簡單, 好趕時間印, 30mins 搞掂, 所以印得唔係咁好....



多謝收看!!

Johnson's 美肌海洋活氧保濕露

名 稱 : Johnson's 美肌海洋活氧保濕露
價 格 : $42.90
容 量 : 400ml

產品介紹 :

含深海礦物質和水潤精華，即時補充肌膚水份，24小時長效保濕，配合天然海藻精華，實驗證明幫助肌膚細胞有效吸收活氧，令肌膚充盈飽滿。創新 water-gel 水凝質感，超越一般身體潤膚露，質感極致清爽輕盈，瞬間即被肌膚吸收，夏天使用仍絕不黏



粉藍色樽身, 俾人一種好 fresh 既感覺, 質地係 gel lotion 狀, 有 d 似精華液





使用前腳部皮膚好乾, 有乾紋, 水份亦好低





其實以前好懶, 只會冬天才會搽 body lotion, 因夏天就算開冷氣, 搽完 body lotion 都會有種黏 lup 感, 好唔舒服, 但 johnson's 呢支保濕露好唔同, 吱出黎係好水既  gel lotion 狀, 有少少似搽面既精華液咁, 一推開就變成水狀, 好爽身好易吸收, 搽果時涼涼好舒服, 吸收後皮膚仲變得好滑, 小腿乾紋都淡左, 但腳肘呢 d 較乾及角質厚既位, 效果無咁明顯啦, 而家唔會再怕夏天搽 body lotion, 我日日都會用佢~~