名 稱 : Holista Tea Tree Oil
價 格 : $128
容 量 : 25ml
產品介紹 :
holista ® 全效 TTO (茶樹油)，嚴選優質茶樹提煉，並無經過稀釋或添加雜質，更取得 International Standard for Oil of Melaleuca (ISO4730) 的國際標準，當中的成份比例符合最高規格。有效
擊退暗瘡，散膿散腫，消毒止血加速癒合
使用方法
油質, 但易吸收唔 lup, 好勁茶樹味添
上一篇文講左會介紹近期愛用既去痘產品, 本身係偏乾敏感肌, 唔多痘痘, 只係生理週期會生一兩粒好大既瘡係下巴咁, 所以唔可以用 d 藥性太強或太去油份既產品, 咁會令皮膚好乾及敏感, 近年都係用 Tea Tree Oil 多, 之前都用左好多支 body shop Tea Tree 0il (按此), 感覺都唔錯, 但見有 sis 用過 Holista 呢支幾好, 就轉下啦, body shop 用得耐都悶悶地, 雖然 Holista 包裝都幾易認, 但係 watsons 存貨唔多, 又放係 d 唔起眼既地方, 我都搵左幾間先搵到, 佢成份係 100% tea tree oil, 比 body shop 得 10% 真係純正好多, 消炎效果亦較明顯, 而且有傷口都唔會好拿, 唔會令暗瘡周圍無事既皮膚變乾甩皮, 雖然佢價錢唔算平, 但有 25ml 咁多, 計返好抵用, 連宅男而家都係用佢啦
PS. 唔想成面痘痘印, 要忍下唔好多手亂咁吱呀
我係偏乾性敏感皮膚, 年紀亦唔輕, 都好少生痘痘, 係每月 M come 前後先會生 1-2粒勁大瘡, 通常搽 Tea Tree Oil 就搞掂, 都有一支用緊唔錯, 下篇文同大家介紹下
較早前參加 Blogger Gathering, 好幸運咁抽中左大獎, 不過暗瘡系列唔多啱用, 所以送出去俾啱用既 sis, 唔好浪費嘛
樂膚潔暗瘡護理系列包括 (左至右) :
Acnes Foaming Wash 150ml
Acnes Powder Lotion 150ml
Acnes Oil Control Film 50 sheets
Acnes Nose Pore Strip 10pcs
Acnes UV Tinted Milk SPF50 PA++ 30ml
Acnes Oil Control Cleansing Sheep 12 sheets
Acnes Point Clear 9ml
將會抽出一位幸運兒, 得到以上全套 7件產品, 有興趣既 sis 請到 Yahoo Blog 留言, 寫底 Email, 截止日期為 6月5日晚上 12:00正
名 稱 : Dream Skin 高效保濕防敏精華原液
價 格 : $138
容 量 : 30ml
產品介紹 :
天然保濕精華液, 採用純天然植物鴨子蘑菇萃取物為主要成份, 補充肌膚所需的水分並長效鎖水, 鎮定因缺水引起的乾燥敏感現象, 使皮膚水嫩透明
Dream Skin Element 100 精華原液, 係萬寧有時出位價 $99 好抵, 呢排轉天氣皮膚好敏感, 所以揀左藍色呢支保濕防敏原液
較少見既包裝, 滴管仲有外蓋, 放係化妝袋或去旅行, 都唔怕壓爛, 整到周圍都係啦
好水既 gel 狀質地, 吸收後好清爽, 補水效果好好
使用前皮膚好乾敏泛紅, 使用後水份高左
去完旅行返黎, 機艙內濕度低令皮膚變得乾燥, 肌膚容易敏感, 所以就開左呢支保濕防敏精華原液黎用啦, 無香料無色素, 好水既 gel 狀質地好清爽, 易吸收唔 lup, 就算皮膚敏感用佢都無任何不適, 用後肌膚水份升左好多, 水份夠, 對舒緩乾燥敏感泛紅好有效, 而且香港天氣又熱又焗, 佢質地清爽, 用後唔會令皮膚標油, 雖然一泵已經夠搽全面, 有時我都會搽多少少按多一陣使皮膚吸收更多精華, 之後搽返少少 cream 銷水就好足夠啦
名 稱 : 藥用馬油保濕面霜
價 格 : $77
容 量 : 50g
產品介紹 :
採用中國四千年歷史之馬油及結合高保濕效尿素。蘊含甘草提煉成份, 能防止皮膚因乾燥造成痕癢及抵抗乾燥天氣。從植物提取純天然保濕成分, 無色素無香料。
價錢便宜, 包裝亦較簡單, 但個"馬"字一眼就睇到啦
馬油既效果唔需要多講啦, 好多產品都有, 幾年前去日本北海道, 更加多添呀
質地好 creamy
推開好薄身
呢個係之前團購買既, 都放左好耐先開黎用, 因之前皮膚好敏感, 所以都係用 d 溫和補濕既面霜會好 d, 打開見雪白色乳霜質地幾杰身咁, 都好驚會過潤, 但搽上面推開好薄, 易吸收唔 lup, 但滋潤度好足夠, 無任何香味, 敏感用好啱, 不過轉天氣就感覺潤左 d, 只會夜晚用, 因滋潤感夠, 有時會用黎做按摩 cream 添, 平平地豪用都唔肉赤呀
轉季剛開始, 但中午升致近乎 30度高溫, 紫外線指數亦超過 11, 所以除左面部, 頸及手臂都開始要搽防曬啦, 唔係曬到兩節色就唔靚啦
Ocean Potion 的防曬乳經由 International Skin Cancer Foundation 推薦為有效防曬，可全面阻隔 UV。陽光中的紫外線不但會令肌膚中的骨膠原流失，形成老化，更會增加患皮膚癌的風險。紫外線 (Ultraviolet) 的波長一般可分為長波 UVA、中波UVB 及短波 UVC。Ocean Potion的防曬系列採用專利配方 Parsol 1789，能長時間抵擋 UVA及 UVB。產品中添加 Solaplex 配方，使防曬更有效持久，給您全面保護。
Anti-Aging Sunblock Lotion SPF 30 $74.5 / 89ml
適合各種皮膚使用; 含 Seaplant 萃取精華及維他命 A、C、E、D; 高度防曬保護、有效低抗紫外線 UVA 和 UVB; 減低深層細胞傷害; 輕柔配方; 高度防水及防汗; 快速吸收; 不油不膩; 不含 Paraben 成份; 獨特 Parsol 1789 及 Solaplex 配方, 能有效提高防曬持久性
用後感 : 見到包裝大大支, 價錢唔貴都幾抵用, 一支應該可以用到一個夏天, 一打開已經聞到好香橙味呀, 不過初初用就覺香味濃左 d, 用左一段時間, 就好 d 啦, 杰身乳液狀, 好易推, 推開都好薄, 有 d 似 body lotion 咁, 剛搽完有少少滋潤感, 等一陣吸收後就唔 lup 唔乾, 無泛白, 輕度防水, 搽完防曬我會去洗手, 佢用 showel gel 都好易洗走, 唔需要卸妝或用專用產品黎洗, 作為身體防曬真係好方便, 早幾日貪就手轉用第二支身體防曬, 點知敏感起紅點仲好痕, 第二日用返 ocean potion 都無不適, 過左幾日就好返啦, 所以佢好溫和, 小朋友都啱用, 缺點係香味重左 d, 我敏感肌唔敢用係面部, 不過佢有好多不同防曬選擇, 有 d 係專 for 面部或唇部用既
100% Pure Aloe Vera Gel $79.5 / 250ml
百分百天然純蘆薈; 不油不膩, 不含酒精; 修復、舒緩，滋潤肌膚, 用後倍感冰涼; 專特配方, 有助平衡肌膚; 經常使用可令曬黑效果延長一星期以上; 適用於曬傷、輕微燙傷及其他皮膚敏感症狀
用後感 : 平時返工都係室內, 好少會暴曬, 但夏天咁熱太陽又猛, 好易出事唔覺意曬傷架, 所以都要買定支曬後護理看門口, 咁啱宅男早排外出工作, 曬到燶左又紅又慶, 即刻幫佢搽 Aloe Vera Gel 啦, 淡綠色 gel 狀, 唔算杰身, 推開好薄好爽身, 快吸收, 有少少香味, 幫宅男厚敷, 搽上去佢話涼涼地好舒服, 10mins 吸收後, 明顯有降溫退紅效果, 皮膚亦無咁乾, 無咁易甩皮添
www.oceanpotion.hk
Fiorucci Advanced Perfect Skin Essence (按此)
好爽身既精華, 補濕唔 lup, 夏天用好啱
Amiz Organic Chamomile Roman Floral Water (按此)
因敏感嚴重所以買, 夠溫和, 仲可以整濕化妝棉濕敷, 對舒緩敏感有幫助
Nizoral Shampoo
搭巴士睇廣告見到, 有減少頭皮, 但對頭痕無咩幫助, 而且價錢唔平又細支...
Naomi 透明質酸超保濕抗敏沐浴露 (按此)
透明 gel 狀, 用後好清爽, 適合夏天用
雙妹嚜花露水護髮素 (按此)
都幾潤既護髮素, 好香, 成份簡單, 可以係市場立足咁耐既老品牌, 一定有佢既價值
Decleor Flower Essence Moisturizing Mask (按此)
salon size 都幾大支, 開左好耐啦, 唔係敏感既話一早用完, cream mask 黎講唔算好滋潤, 一年四季都用得
Fasio Point Make-up Remover
因較少化眼妝, 呢支用左好耐啦, 仲係舊包裝就知啦, 係 gel 狀都卸得幾乾淨, kiss me 咁防水防油都好易卸, 黎緊想試下水油兩層既 eye makeup remover
Sample :
Trinityline Moist Clear Foam EX
Trinityline Moist Lotion Premium
Trinityline Gel Cream Premium
藏人 Cleansing Oil
Dr Swiss BB Skin Eye Serum
St.ives Oat & Shea Butter Moisturizing Body Wash
