秋冬天買落好多潤唇膏, 好多都係見平 / 貪得意而買既, 較早前開左 2款黎用, 都係好平好平, 同大家分享下
Mannings 出品 LipHop Iced Lemon Tea 潤唇膏 約 $10 (做特價2件 75折)
個包裝好得意, 真係成罐檸茶咁, 樽身較粗, 細細支都係 4.58g, 白色膏狀
期 待佢有檸檬茶既香味, 唔知係我放得太耐, 或者根本係無味呢? 呢方面令我有 d 失望, 質地唔算好硬, 都幾易搽, 感覺唔會好油好令身, 扁 matt 既, 同埋搽厚會令唇色白左 d, 正因為咁, 用佢再搽 lipgloss 唔會影響顏色及唔似食完野無抹咀, 持久度唔高, 經常飲水既話 2-3 個鐘要補搽架啦
OraLabs Lip rageous gloss Watermelon $11 / 8g
係 Citysuper 買既, 見西瓜味, 又做特價 $11 咁抵, 忍唔住買左
細 細罌幾的骰, 諗住放係手袋, 但個罐扁身較難開, 又要用手搽, 都係放係屋企用啦, 一打開已經聞到好香西瓜味, 同細果食既西瓜孖條雪條一樣架, 好懷念, 淡粉紅色膏狀, 質地有 d 硬, 早排天氣咁凍, 要打圈等手指既熱力令佢溶左 d 先可以搽, 而家天然就方便好多啦, 唔知係咪用手搽, 手既熱力加上動作, 有按摩雙唇, 加速血液循環, 唇色睇落係紅潤左少少, 質感硬 d, 所以滋潤度比 LipHop 好, 我會夜晚用, 第二朝起身都 keep 到夠潤唔乾
兩款產品整體黎講雖然唔算好好, 各有優點缺點, 有用過比佢地好既潤唇膏, 但以咁平既價錢我覺得可以接受, 平平地粗用啦
睇開我 blog 都知我有用過唔少 Isa Knox 既產品, 好耐之前係 Isa Knox 買左 d skincare (回顧按此), 有部份用左, 但有 d 仲未開, 係時候要開下黎用啦
Red Ginseng Juice Cream 紅參水霜 $376 / 50ml
增強肌膚保濕能力，幫助肌膚袪火降溫，舒緩肌膚過敏不適。
見呢排敏感, 買時 BA 話可以降紅, 就開黎用下啦, 個包裝好靚, 仲好大盒, 擺係檯都幾阻地方... 但我呢個係舊版, 而家轉左新版個樣有少少唔同, 但個名就差唔多
蝦肉色 gel cream 狀質地, 感覺有 d 似 clinique MSE 咁, 打開聞到好濃既人參味, 雖然係 gel cream 狀, 推開都好水, 我會搽厚少少, 按一陣等皮膚慢慢吸收, 吸收後唔 lup, 但補濕度都唔錯, 已經用左半罌啦
Ultimate Luxury Cream 極緻全效再生青春面霜 $1280 / 50ml
活化細胞，淨化肌膚，增強肌膚免疫力，高效抗氧，並促 進血液循環。
早 排仲有 d 乾, 淨用紅參 cream 面珠位好似差少少, 就開埋 Luxury Cream 黎用啦, 呢個係之前買精華 set 送既 15ml cream, 原價好貴我一定唔會買, 唔好睇佢細細罌咁, 好襟用, 質地似牛油, 淡黃色膏狀, 有 d 金色粒子, 唔會好杰, 好似體溫令佢溶化左咁, 金色粒子輕按就會爆開, 份量唔多唔算好 lup, 所以只會用完 lotion / cream 再搽係較乾既位置, 唔會全面用啦
用 左一個月, 雖然對敏感無乜幫助, 但搽係敏感位置亦無令皮膚不適, 唔會有拮 / 拿, 補濕度唔錯, 紅參 cream 唔 lup 但唔會過份清爽, 使用後水油份都提升左唔少, 而有油份, 乾燥天氣好啱用, 吸收後唔會變得油 lup lup, isa knox 用過佢唔少野, 大部份都唔錯, 價錢又合理, Luxury Cream 雖然貴, 但真係好襟用, 過左冬天都未必用得完...
早幾日講左 ELF 彩妝品, 工慾善其事, 化個靚妝, 好既工具都好重要既, 之前都晒左唔少錢買過好多碎粉掃, 但效果都未係好滿意, 見唔少人讚無印化妝掃, 走去玩過, 的確好滑, 就決定買支試下啦
我開黎用就丟左個包裝, 但好易搵, 透明袋後面有張咭紙咁, 木柄價錢最貴 $350, 但毛質係最舒服最滑既, 而家仲有埋個磨砂膠套, 唔怕支掃會變形啦
d 毛好夠份量, 好軟好滑, 好似 baby hair 咁
因為洗完先影相, 所以 d 毛睇落好散咁, 但其實好滑架, 同埋都好多, 可以整到一個圓形
整 體感覺真係拍得住 / 好過 d 大既彩妝品牌, 毛量多, 但好輕身, 抓粉力唔算好好, 上碎粉啱啱好啦, 妝感係輕薄 d 較自然, 但如果用黎上粉餅, 就要掃多幾下先夠, 但真係好滑, 有時忍唔住會掃多塊面幾下, haha, 同埋沾左粉底既油份及碎粉而令 d 毛污糟左, 都唔會影響觸感, 之前用其它好滑既碎粉掃, 但污糟左就變得拮面, 每星期都要清洗, 洗得密 d 毛慢慢變得粗鞋架啦, 雖然 $350 唔平, 但以質素黎講, 好值得花呢 $350, 另外仲有其它化妝掃, 價錢就平 d, 但木柄質素係最好既
名 稱 : Estee Lauder CyberWhite Brilliant Cells Full Spectrum Brightening Essence
容 量 : 30ml
產品介紹 :
Estee Lauder的科學研究人員開發出有史以來最具全方位且最先進的革命性美白系列Estee Lauder 2011 全新 Cyberwhite 全能細胞亮白系列 (CyberWhite Brilliant Cells)。新系列產品結合獨家全效細胞亮白激活科技 (Exclusive Full Spectrum Brightening Technologies)，能解決導致肌膚暗沉及膚色不均的四大因素，賦予您晶瑩透亮的年輕肌膚，同時高度集中式的先進密集淡斑科技 (Highly Targeted Anti-Spot Technologies)。最大的特點是市面上唯一可以淡斑、去黃、保濕，提升透明感，改善膚質的 ”全能”美白精華。
2011 CyberWhite 新品, 包裝就咁睇好似同舊版 EX 差唔多, 但紙盒就好唔同啦, 係由淺藍漸變白色
樽身係三角形架, 蓋頂仲係 EL logo, 蓋邊有全新封條
質地係好水既乳白色, 推開有 d 幻彩既色, 好水易吸收, 吸收後完全唔 lup, 但呢個天氣用都唔覺乾, 一般美白產品都令皮膚乾 d, 但 Estee Lauder 全新 Cyber White 就保濕
皮膚好似白左少少, 無咁泛紅, 但雀斑需要用多幾天才見結果
反而暗瘡印就淡左 d, 尤其新做成既印, 更明顯減淡
Estee Lauder CyberWhit 打破一般美白產品, 因為皮膚較易敏感, 及美白會令皮膚乾 d 及敏感的定律, 美白得黎補濕, 唔需要搽 2款精華, 而家天氣咁乾都足夠, 乳白色 lotion 狀, 推開好水, 有 d 幻彩好似閃粉既粒子, 唔 lup 又易吸收, 香味幾舒服, 就算試用時既敏感未好返, 但搽既時候都無拮 / 拿既感覺, 亦無令敏感惡化, 咁以後我都唔洗驚用美白產品會令皮膚敏感啦
見黑咪介紹 ELF 既產品, 咁啱佢又可以代購, 就托佢買左以下幾款化妝品試下啦
三款產品, 包裝有 d 似 Nars, 不過係膠面, 唔會黐塵
"真人" 同包裝盒個顏色都好似, 同係網上揀個色差唔會好大, 只係實物質地閃 d, 睇相睇唔到
Golden Bronzer US$3 / 12g
Bronzer 顏色唔會好深, 質地幾閃, 但閃得黎粉質幼細, 係低調既閃粉, 唔會變 18銅人, 4色可以做埋 Highlight
試 上手, 都係偏金色既啡, 閃得黎唔會見到大大粒閃粉, 但顏色分別唔大, 多數 4色混合使用, 質地幾幼細, 唔算好上色, 所以重手左都唔怕變 "阿梅", 同埋我試過用黎當 e/s, 個色淡淡地又帶閃, 都唔錯, 去旅行或出街唔想帶咁多野, 可以一物多用, 仲有埋鏡添
Contouring Blush & Bronzing Powder US$3 / 8g個 盒同上面既 bronzer 一樣咁大, 一盒有齊胭脂 + 陰影, 大家係咪好奇怪, 又係 bronzer... 要咁多盒做乜, 其實我鍾意個 blush 既色, 但唔知個色既名, 唔知有冇出單色, 咁唯有買呢個啦, 我覺得個 blush 好似 nars 既 deep throat
試色圖, 個 blush 好自然, 皮膚白好啱用, 反而個 bronzer 就深色左 d, 粉質同上面盒 bronzer 差唔多, 但閃粉就大粒 d, 會明顯見到, 但妝感係有光澤, 唔會令毛孔睇落更大
High Definition Powder US$6 / 8g呢個未開, haha, 因有碎粉未用完, 睇 d 粉都好幼細, 有 d 似 chacott powder 咁, 但呢盒容量少左 d, 得 8g, 相對無咁抵用 lu, 個粉樸都幾舒服
睇左咁耐, 好想知上面係點呢!?
因為朝早日光太強睇唔到 d 色, 所以係燈光下影, 效果無咁好, d 色好似唔均勻咁....
Before : 包包面, 好扁平
After : 立體左少少, 而且顏色好自然, 我係用 golden bronzer + 個 blush, 皮膚有光澤左, 唔會好閃, 亦唔會令毛孔好覺眼
整 體都好滿意 ELF 既產品, 價錢平, 質量又唔差, 之前都好鍾意訂 NYX 架, 雖然 ELF 貴少少, 但真係好用過 NYX, 另外 ELF 有唔係 studio line 化妝品及化妝掃, 價錢會平 d, 當然質量又無咁好啦, 有興趣大家可以上網睇下
名 稱 : H2O+ aquafirm 膠原活肌泡沫面膜
價 格 : $320
容 量 : 100ml
產品介紹 :
自 動泡沫形成, 即時提升水潤緊緻度, 突破性利用泡沫緊膚補水, 為市場上罕有的產品。塗於面上後, 無須任何打圈或按摩, 面膜會自動形成泡沫狀, 只需 5分鐘, 面部被豐盈的泡沫所覆蓋, 海洋膠原微球體及海洋營養細胞緊緻精華迅速發揮全效膠原緊膚效能, 大量注入膠原、養份及水份, 即時提升緊緻度及彈性, 並能深層補濕。一星期一次, 有效喚醒乾燥欠彈性的肌膚, 讓肌膚變得緊緻無瑕, 效果持久。
使用方法 : 一星期一次, 潔膚磨砂後, 塗於面上靜待 5分鐘, 面膜成泡沫狀後以暖水沖洗即可。
使用次數 : 3次
用 後感 : 泡泡面膜作為清潔或去角質面膜較常見, 但係補濕 mask 就第一次用啦, 泵裝使用方便, 按出黎唔係泡泡, 係淺藍色 gel cream 狀, 好似普通 gel mask 咁, 花香味, 不過個人覺得香味重左少少, 搽上面隔一陣會變到泡泡, 塊面就好似雪人咁, 但佢比我之前用過既泡泡 mask 唔同, 起泡時間無咁快, 泡沫亦綿密 d 無咁多, 到某個泡沫量就唔會再發大, 因塊面好多泡, 過水時間會長 d, 過水後塊面幾滑, 但敷既時間短 (5mins), 泡沫質感輕盈, 補濕度唔算好明顯, 夏天用較適合
之前提過會出凹凹賞, 上個月清左以下彩妝品
Sofina Raycious Pressed Powder
係日本買既, 都唔係好記得幾錢啦, 好似已經停產左添啦, 一盒可以定妝, shading, highlight, 粉盒有鏡連埋扁形掃出街補妝好方便, 個掃都好舒服, 但我好少用, 因為有閃粉, 用左毛孔較顯眼, 及個色白左 d, 所以整碎左溝碎粉用
Bourjois 10 Hours Sleep Effect (按此)
水狀粉底液, 好潤又好薄, 冬天用好啱, 但 72色深左 d, 我會同 biotherm 綠色 makeup base 用, 咁就中和返, 一支都好襟用, 價錢又平, 係香味濃左 d, 下次想試下果療水亮粉底
都 係 Bourjois, 呢支係 Brush Concelar, 有埋掃頭好方便, 可惜得2個色揀, 81太淺, 82又太深, 所以我揀左 81, 之前試過 2次就放棄左, 因為個色好淺又好乾, 用左乾紋仲顯眼, 遮瑕效果一般, 但朋友教我可以溝粉底用, 咁就好好多啦, 但每次用都要溝好晒時間, 所以吱落罌仔溝好咁黎用, 1.5ml 得好少, 所以都好快用完, 終於用完唔洗晒野啦
Clinique Long Last Glosswear SPF 15 #14
呢個色好靚呀, 淡淡地既粉紅, 又有 d 閃閃地, 質地杰左少少, 有少少 lup 咀, 不過價錢唔貴, 都幾好用, 一支都用到好耐
NYX Round Lipgloss #22 Natural (按此)
第二支用完既 NYX lipgloss, 質地同顏色都好好, 係個香味有 d 難聞, natural 個色真係好自然, 淡粉紅既 nude 色
較早前參加左 iS Clinical 工作坊 (按此), 得到以下一套 iS Clinical 產品, 用左超過 10日, 同大家分享下啦
Cleansing Complex 深層複合潔膚液
溫和全面的特效潔淨功能自推出以來備受各界注視與嘉獎, 細緻溫和的活性泡沫配方能有效地深入毛囊, 徹底清潔, 輕柔地去除皮膚表面的角質死皮、污染物和多餘油份, 該肌膚使之更有效地吸收其它修護養份。優質潔淨配方不會沖洗走保護皮膚的天然油脂, 配合抗氧化修護成份讓皮膚備受呵護。
深層複合潔膚液適合任合年齡及各種肌膚, 有效防治暗瘡。深層複合潔膚液是一種十分輕柔的潔膚液, 提供最完美的潔面感覺, 不但是最有效的專業面部護理配方, 更可以作卸妝之用。
用後感 : 透明 gel 狀, 唔需要用好多, 濕手濕面用, 唔會起泡, 乳白色係好似 lotion 咁既質地, 好易按, 過水後好乾淨但唔會令皮膚感到繃緊
Hydra-Cool Serum 清爽補濕精華素
清爽補濕精華素是一種多功能配方的產品, 可有效地細胞更新、補濕及舒緩肌膚。此清爽補濕精華從植物擷取透明質酸, 包括透明質酸、積雪草及多種維他命 B5 等滲透入肌膚, 提供抗氧化、抗菌及抗微生物等保護。適合任何肌膚種類及年齡使用, 甚至適合敏感肌膚使用。
確保新鮮衛生, 精華係密封包裝, 開封時先更換滴管使用
用後感 : 綠色 gel 狀, 無任何香味, 搽上面感到冰涼感, 因成份有薄荷醇, 用量好少 (如圖) 已經足夠搽全面, 吸收後唔 lup 好爽身, 皮膚有飲飽水既感覺
SPF25 Trestment Sunscreen 日常保濕修護防曬霜
iS SUNCARETM 產品系列揉合最新科技，以微粒化鋅、微膠囊有機防曬劑和所有積雪草成份，(幫助傷口癒合及具強效抗氧化) 研製而成。其創新的配方技術能讓具治療效用的抗氧化劑和防曬劑結合一起而發揮其功用，且同時不損壞植物本身功效。臨床醫學驗證其配方能有效於 24小時內減退多過48%因紫外線形成的紅斑 (與沒有塗上防曬用品的肌膚比較)。
用後感 : 睇起黎 cream 狀, 但好易推開, 而且好爽唔 lup, 冬天既話搽左 cream 再用防曬會好 d, 夏天既話單用可以補濕 + 防曬 + makeup base, 好方便, 呢支未用完 sample 已經好想買黎用啦
Moisturizing Complex 防護補濕精華乳霜
防護補濕精華乳霜是專為補濕、修護及肌膚防禦而設，讓肌膚免受環境的損害。此精華乳霜含植物精華，容易被肌膚吸收，能鎖緊水份及防禦肌膚免受游離基帶來的損害。此精華乳霜可於早上及晚上使用，適合所有肌膚類型及任何年齡，此配方能為肌膚補充水份同時鎖緊肌膚內的活性護膚品。
用後感 : cream 狀質地, 唔需要好多已經夠搽全面, 易推及滋潤度高, 瞓醒皮膚都唔覺乾
iS Clinical 產品全部無香料, 敏感皮膚好啱用, 都唔需要用好多份量, 以上 sample 都夠用一星期, 質地好推, 補濕度高又唔黏 lup, 用左 10日都無敏感反應, 就算本身敏感位置搽佢都唔會感到不適, 對於我呢 d 敏感皮膚, 真係唔錯既選擇
月初都無任何野用完, 仲諗住今個月出唔到清貨文, 點知兩個星期既時間, 又清到幾樣野喎
Estee Lauder Hydrationist Moisture Cream (按此)
好補濕又爽身既 cream, 質地係 gel cream 狀, 但冬天唔太夠潤, 所以用量好兇, 用左 2個月左右
AC Natural White Peel Lotion (按此)
去角質 lotion, 因有 AHA 成份, 早排敏感好少用, 20ml 都用左好耐
奧碧詩 Fil-Lup 蜂蜜精華面膜 (按此)
都 ok 既 mask, 可惜無蜂蜜香味, 平平地都幾抵用
Amiz Organic Chamomile Roman Floral Water (按此)
敏感時用佢真係好好, 可以抗敏, 想買支大 size 用下
Rosken Skin Repair Dry Skin Hydrating Lotion (按此)
75ml 細細支拎返公司當 hand cream, 好好用, 夠潤又唔 lup, 回購度好高, 買既話會買泵裝, 方便 d
Skincode 24h Cell Energizer Cream (按此)
潤身既 cream, 初初開果時係夏天, 真係覺得有 d lup, 但而家天氣用就好 good
Espie Vit E Honey Lip Care
之前係 sasa 買一送一優惠, 都 ok, 唔係話好特別, honey 味濃左 d, 乳白色質地, 搽出黎無色既, 但正價要 $28, 我就唔會考慮啦, 同埋唔黏咀, 夜晚我會搽得好厚, 所以用得好快
Clinique Repairwear Wrinkle & Photo Damage Corrector (按此)
偏潤身既精華, 可以天氣乾燥用真係唔錯, 抗皺效果都 ok, 咁乾都無出現乾紋
Jamieson Aloe Vera Soothing Moisturizing Gel (按此)sandra 介紹既蘆薈 gel, 買左好耐唔係經常用, 敏感時連敷幾日真係有舒緩作用, 早排經常敏感, 用得快左好多
彩豐行水療急救解渴面膜 (按此)
我好少會用唔晒 skincare 就丟, 呢個 mask 實在太大罌, 使用限期得4個月一個人真係較難用用完, 初初用都 ok, 但越用越覺得用左 = 無用, 既然性格不合, 都係分手啦, 唔好晒大家時間囉
Sample :
Mentholatum Acens Oil Free Creamy Wash x 2雪花秀順行潔顏泡沫Isa Knox Double Effect Eye Filler
Ipsa Cleansing Milky Foam
一月都清左幾件化妝品, 過幾日會出篇凹凹賞講下~~
