入 到位於灣仔會展既會場, 陳列左好多 Shiseido 較適合熟齡肌既護膚品, 有抗皺, 美白, 眼部護理.... 而今次既主角係 Benefiance Wrinkle Resist 24 系列, 包括 Extra Creamy Cleansing Foam, Balancing Softener, Day / Night Emulsion, Day / Night Cream
仲 有大大幅當日出席既嘉賓, 包括 Shiseido 美容策劃研發中心所長 - 高須惠美子小姐, 日本星級化妝髮型大師 - 森川丈二先生, 韓國 Elle 美容雜誌總監 - 姜沃辰小姐, 台灣美容權威 - 牛爾老師, 香港形象顧問 - 劉天蘭小姐, 仲有品牌大使佘詩曼小姐
嘉賓們為我地講解不同地方既抗衰老, 美容護膚秘訣, 見到牛爾老師好開心呀
高須惠美子講解紫外線對皮膚既傷害, 人由 0-20歲既色素會儲存係體內, 所以如果呢段時間做好防曬, 咁到 60歲都唔會有色斑、皺紋等等
而台灣方面, 女性 25-40歲會被稱為輕熟女, 呢個年齡既女性會有自己事業, 關注自已既身體與外表, 所以抗衰老除左護膚之外, 身體內在都好重要, 唔止樣貌美麗, 係全身內外都同樣年青美麗
要外表看黎年青, 化妝、髮型同樣重要, 以下睇到2幅大圖片, 左邊係後生 20歲, 而右邊係 40歲左右, 証明保養得好, 身形外貌都唔會有太大分別
但化妝衣著等等都要適合自已, 知已知彼係最重要, 先可以將本身既優點突顯出黎, 以下係劉天蘭幫人大改造既個案, 改造後真係眼見一亮呀
然後到 Shiseido 美容策列研發中心常長誠博士同我地講下皮膚衰老既原因及 Benefiance Wrinkle Resist 24 系列既研發, 主要3種有效成份 : 小藻球 (Chlorella)、棕兒茶 (Gambir) 和無患子精華 (Mukurossi) 對皮膚既好處, 及產品介紹
到 佘詩曼出場, 仲睇到全新 Benefiance Winkle Resist 24 廣告, 阿佘經常要返內地拍戲, 但皮膚都 keep 得好好, 佢話全靠有 Benefiance, 令佢皮膚保持水份, 長時間化妝都無問題, 佢最愛既產品係 Balancing Softener 及 Night Cream
完成後, 得到 3 款 Benefiance 產品, 用多幾日再同大家分享啦
沒有留言:
張貼留言