之前出左個頭痕 post, 多謝各位關心及支持, Blogger 介紹我睇李祖褀醫生, 原本星期三放工過左中環架啦, 可惜太晏無得睇, 所以今日早 d 起身碌出去睇啦, 我真係好早到, 排第七咋, 計埋等大約一個鐘就搞掂啦, 醫生話我係濕疹, 但唔算嚴重, 好易醫, 但難斷尾喎, 唉~~ 佢一話係濕疹我都預左架啦, 最緊要止到痕就得, 唯有自己小心 d 飲食/護理, 唔好俾濕疹返發啦, 醫生開左一星期藥同俾藥膏我搽, 另外仲介紹我去一間皮膚護理用品中心買洗髮用品, 初初都好擔心會好貴, 點知見到 ego 都安心 d, shampoo 同 conditioner 各 $65, 比我想像中平 d 添, 希望快 d 無事....
沒有留言:
張貼留言