品牌介紹 :
你的肌膚是非常敏感的一種, 應該認真地去挑選適合的護膚產品。源自瑞士的 Skincode Essentials, 經嚴格的皮膚測驗, 適合任何種類的肌膚使用, 尤其脆弱敏感性的肌膚。唯一達到100% 不含香料、防腐劑、色素和動物衍生物, 令你的肌膚重獲自由。
Skincode 目的是提供肌膚是必須的原素, 專利成份 CM-Glucan 酵母葡聚糖, 非常有效加強細胞更新和刺激皮膚自禦機能, 而每一種天然純正的成份 (植物萃取物、維他命…) 都經過嚴格挑選, 保證效果顯著, 重現健康無暇的肌膚, 體驗最純淨的產品。
膚質 : 混合偏乾, 轉季較易敏感, T 位中午後出油, 有色斑, 毛孔粗大
Purifying Cleansing Gel 淨化潔面啫喱 $300 / 125ml
徹底清除面上化妝殘餘、不潔物, 有助控制油脂分泌。潔面後肌膚感受無比的潔淨舒暢, 油光不再
使用日數 : 20日
用後感 : 品牌所有產品不含香料, 但 cleanser 都有少少香味, 應該係天然成份本身既香味, 唔會有膠味, 稀身 gel 狀, 易起泡, 泡沫唔算豐盈, 但都足夠潔面, 唔會拉扯到皮膚, 過水後好爽, 感覺好潔淨同滑, 頭幾日用後唔立即搽 skincare 就有少少乾, 可能有控油功能, 但習慣左後, 就好爽好舒服, 唔搽 skincare 都唔覺乾, 夏天用好舒服
24H Cell Energizer Cream 24小時生機還原面霜 $580 / 50ml
24小時驚人的抗老效果, 日以繼夜促進細胞再生及加強自我保護功能, 對抗提早衰老的現象, 用後肌膚仿如初生, 釋放年經力量
使用日數 : 20日
用後感 : 有埋膠捧唔洗用手直接接觸面霜, 方便衛生, 無香味, 質地望落好杰身咁, 但其實好易推, 快吸收, 吸收後唔 lup, 滋潤度唔錯, 所以夜晚用好好, 就算開冷氣第二朝瞓醒都唔乾, 亦唔會成面油, 但朝早用就潤左 d, 因我係外油內乾, 個 cream 偏滋潤, 我會用補濕精華打底再用 cream 銷水, 我諗秋冬天用仲正, 潤而不膩
睇埋皮膚測試, 使用前油份好多有4格喎, 夏天咁熱皮膚較易出油, 用左 cleanser 油份無變, 即係佢好溫和, 唔會洗走皮膚既表面既皮脂膜, 搽埋 cream, 水份, 油份, 彈性都加左 1格
名 稱 : Jamieson Aloe Vera Soothing Moisturizing Gel
價 格 : $69
容 量 : 240ml
產品介紹 :
蘊含天然配方, 滋潤及補濕皮膚, 有效促進細胞恢復彈性, 用後令肌膚保持細嫩光滑, 能為輕微刀傷、蚊蟲咬傷的皮膚提供涼快的舒適感覺, 為曬後乾涸的肌膚帶來滋潤的功效。
用法 : 適合作何膚質, 有需要時塗用, 亦可用作補濕面膜, 塗於面部, 待 10分鐘後, 即可清洗, 面部瞬間即現緊緻及潤滑感覺。
見 Sandra 同黑咪都有介紹過, 都想試呢支野好耐架啦, 成日留意都唔見做減價, 屋企清爽既 mask 又用晒, 早排轉天氣, 皮膚有少少敏感, 咁啱萬寧 enjoy card 有 95折就買黎試下 (點知買左第二日做綠點 85折, 激死!!!)
綠色 gel 狀, 唔杰好易推開, 無香料
買 左返屋企即刻用, 敷面既話我會厚敷, 大約兩粒車厘子份量, 敷果時涼涼地幾舒服, 無任何不適或令敏感惡化, 質地唔杰好易過水, 睇到上面幅圖, 水份同彈性都升左一格, 但油份就不變, 証明佢真係好爽唔 lup, 退紅/敏感唔算好明顯, 要連敷幾日先得, 不過敏感都係唔可以心急既, 如果真係敏感得好嚴重或曬傷, 都可以唔用任何 skincare, 用佢當 cream 搽, 夏天夜晚開冷氣個身有 d 乾, 但又唔想搽 body lotion 咁潤, 我都會搽少少, 補濕度夠又好爽身, 咁多用途真係幾抵用, 唯一缺點係有色素, 因為過水後抹 toner 會見到化妝棉有 d 綠色
上星期參加左 Estee Lauder 美妍聚會, 幅海報好靚呀, 一睇就知今次介紹補濕產品啦
主角就係佢地, Hydrationist 水漾活肌系列, 有 Serum, Lotion, Cream
Estee Lauder 位於 TST 既 Training Centre
介紹完 Hydrationist, 就講下新出既 Pure Color 彩妝 - 高清純色系列
仲有靚靚 model 示範
送左以下三款產品俾我地試用, Serum, Cream, Lipgloss
Hydrationist Moisture Barrier Fortifier Serum
水漾活肌鎖水修護精華 $630 / 50ml
修 復並強化肌膚水份屏障, 令肌膚保持水凝健康, 肌膚長期處於最佳狀態, 預防肌膚提早老化。加速肌膚製造形成鎖水層細胞的脂質, 促使肌膚水分屏障自我修復, 提升保濕能力。修護精華內「超微細水份球面」能幫助缺水肌膚更易吸收水分, 強效保濕, 讓肌膚維持水漾亮澤, 柔滑細緻。
使用日數 : 3日
用後感 : 呢支係 sample size, 正貨係有泵咀既, 乳白色水狀質地, 淡淡既青瓜香味, 好水易推開, 吸收後好爽, 唔覺搽左任何野, 皮膚易吸收, 用量搽多 d 都唔怕, 補濕效果都唔錯, 唔知點解水份機油份多左咁多喎...
Hydrationist Maximum Moisture Creme 水漾活肌深層保濕霜 $420 / 50ml
即 時為肌膚注入水凝養分, 締造24小時無間斷的深層保濕。生肌活水能瞬間深層滲透, 研究證實, 100%女性用後水分即時顯著提升, 全日持久銷水。以獨家專利「水分屏障修復鞏固科技」, 4星期強化肌膚鎖水層達 50%, 幫助肌膚回復水油平衡, 預防水分流失, 令肌膚時刻處於最佳狀態。於肌膚流失水分最快的夜間使用, 效果更為顯著。
使用日數 : 3日
用後感 : 乳霜狀質地, 唔好睇佢好杰咁, 推開係好薄身, 香味同 serum 一樣, 好易吸收, 吸收後都係唔 lup, 初初都擔心 EL 既產品都偏滋潤, 但呢個 cream 真係好爽身, 但係怕潤既 sis 可以選擇乳液添, 我係混合偏乾皮膚, 補濕效果唔算持久, 下午有少少緊, 同埋瞓醒出多左油, 但整體效果都唔錯
呢排買左 d 野... Skincare, Makeup, 鞋, 樣樣都有 d 咁啦
上星期皮膚敏感, 係萬寧買左支 Aloe Vera Gel, 咁啱 HSBC Card 逢星期五六日買滿 $400 有 15% 回贈, 咁買 coupon 都得, 買定慢慢用, 仲 join 埋 mann club
Blogger 比比出清, 除左個 La Femme Blush 仲有盒 revlon e/s, 但有另一 blogger 只想要 e/s, 咁就同佢分裝啦, blush 係大路 peach 色, 好自然, 但好顯色唔可以重手
屋企無乜清爽既補濕 mask, 見彩豐平平地就買左 $75 / 480ml, 仲送左幾包 sample
托 FD 係淘寶買左 2對涼鞋, 加埋運費 2對 HK$218, 唔算好平, 但都平過係香港買, 黑色果對係鞋舖見過賣 $160 架
原本唔係訂呢對, 但想買果對無我 size, 個 FD 又俾左錢, 所以轉款, 都 ok, 但腳跟條拉鏈有 d 頂腳
成日都講護膚品, 今次講下 makeup 野啦
名 稱 : Smashbox O-gloss
價 格 : $180
容 量 : 10ml
產品介紹 :
會讓你驚呼連連的神奇唇彩，連唇色都可以量身訂作，是真的！因為將它塗在唇上後，會從透明的唇彩，再依據每個人不同的唇色及體溫瞬間調色，幻化成迷人的粉紅至玫瑰色，試試看你也可以 變成粉紅芭比或性感夢露！
含有 GOJI BERRY-C COMPLEX 獨家專利配方，具有抗氧化、促進血液循環的功效，打造量身訂做的粉紅嘟嘟唇！深受莎莉塞隆、莎朗史東 、巴黎絲希爾頓推薦！
之前係 counter 玩過覺得幾得意, 不過溫感唇膏/唇彩都有用過, 有 d 會過紅, 或者色素太勁會食晒落咀唇度, 所以一路唔敢入手, 點知俾我係卓悅見到有 sample 賣, $8 / 3ml, 細細支買黎玩下都 ok
sample 係無斜角頭架, 要用手搽麻煩, 吱出黎係透明無色既, 但接觸到皮膚就開始變左粉紅色, 再過多一陣, 顏色會再深 d, 質地都唔會好黏, 但會 feel 到有搽左野暖暖地咁
試上咀...
素唇有 d 乾, 無血色, 因為驚食色, 所以用潤唇膏打底先, 再搽 o-gloss, 效果好自然, 初初顏色唔會過紅, 過一陣會紅少少, 唇紋淡左, 同埋有少少豐唇效果
上次試 Lancome 卸妝乳時試左 o-gloss 係手, 點知用 Lancome, 再用 Eye Makeup Remover, 再用 Cleansing Oil 都係卸唔乾淨, 見到仲有少少粉紅色, 所以一定要用潤唇膏打底, 唔係食晒落咀唇, 會令唇色變深架
名 稱 : Lancome Galateis Douceur 清柔卸妝乳
價 格 : $240 / $330
容 量 : 200ml / 400ml
產品介紹 :
輕柔的質地，結合充滿法式風情的玫瑰香氛，是 LANCÔME 十年多來不敗的經典產品！溫柔地帶走肌膚上的彩妝，從大自然提煉的木瓜和鳳梨兩種酵素，能幫助老廢角質的剝落，活化並徹底清潔肌膚，讓肌膚明亮有光澤變得更潔淨、透明，適於各種膚質使用。使用後淨膚質感：溫柔、平滑、細緻。
睇過幾本日本美容保養書都話用卸妝油對皮膚唔好 (但又無講用咩好喎, haha), 咁之前 SaSa 32週年優惠, 見呢支卸妝乳做半價 $120 咁抵, 就買黎試下, 幾年前用過舊版 sample 都幾好咁
平時化淡妝多, 第一次用, 按完直接過水, 然後用 Eye Makeup Remover 都抹唔到任何野, 卸底妝都 ok, 但要知道卸眼妝/防水彩妝既潔力, 就要試真 d 俾大家睇啦
1. 搽左 e/s, BB Cream, Lipgloss, Creamy e/s, Lipstick, 眉筆, eyeliner 係手
2. 吱左 d 卸妝乳
3. 按左一陣, 彩妝溶左 d, 卸妝乳由白色變左少少色
4. 用紙巾印走卸妝乳
5. 再用紙巾抹走彩妝品, 大部份都甩晒
6. 過水後, 彩妝甩左9成, 仲有少少 lipgloss 同眉筆, eyeliner 未抹乾淨
咁樣大家睇得清楚 d ~~
質 地係好 light 既乳液妝, 好易推開, 但相對份量要用得較多, 有少少花香味, 頭幾日按完直接過水, 再用 cleanser, 都覺得幾乾淨, 但幾日後, 發覺潔面後塊面鞋鞋地咁, 明顯潔淨度唔夠令角質增生, 然後就改用按完用紙巾抹走卸妝乳先過水, 質地咁水所以都唔會拉址到皮膚, 但要抹就比較麻煩
再睇下卸妝力, 基本上普通底妝或唔太防水既彩妝都卸到, (個 lipgloss 因為比較食色, 真係好難洗, 所以唔關 lancome 事, 我遲 d 會出 post 講下個 lipgloss), 眼妝我都建議用返 Eye Makeup Remover, 因為 lotion 狀好易入眼, 亦較難抹淨
缺點係用量都幾兇, 我每次要泵 10下, 差唔多一湯匙咁多, 一支 200ml 我估 2個月應該會比我 KO, 用完都唔會回購, 都係卸妝油既潔力夠, 又方便, 黎緊想試下 DIY Cleansing Oil, 材料都買左啦, 呵呵~~
星期二應 she.com 邀請, 參加左 Biotherm Skin Perfection Workshop, 介紹新出既 Aquasource Skin Perfection 溫泉美肌透亮系列
入到去就見到一個 Biotherm Skincare 陣啦, 好想拎晒返屋企, haha
今次既主角, 溫泉美肌系列潔面霜, 潔膚水, 保濕霜
呢個系列有 Biotherm 拎左專利既 AQUAKEEP 科技, 有 3500萬個超銷水微粒, 具有超強銷水功能, 可吸取超過自身 1000 倍的水份
以下就示範俾大家睇, 一包仔既 AQUKEEP Powder, 倒入樽仔度
加水後, 會急速吸收水份, 由水狀慢慢凝固變成 gel 狀, 就算倒轉個罌都唔會漏, 但一搽係手又迅間變返水狀
做完實驗, 到試新產品啦, 由 Cleanser 開始
Biosource Skin Perfection Cleanser $220 / 150ml
每天溫和潔淨肌膚之餘, 並可輕柔去角質, 肌膚感覺潔淨舒適, 絕不繃緊, 肌膚即時回復光采亮澤
質地 : 粉藍色霜狀凝膠, 含藍色的天然淨膚微粒
用法 : 每天早晚, 以清水沾濕全面, 把適量產品放於手心內, 混和清水起泡後, 於面部和頸部打圈清潔, 避開眼晴, 最後以清水徹底洗淨
使用後明顯見到用左 cleanser 既左手白左好多, 水份亦升左 1%, 用左幾日, cleanser 每次用一粒黃豆既份量已經起到好多泡, 洗得好乾淨, 又唔會好乾, 藍色粒粒可以去角質, 但唔會使皮膚受剌激或疼痛, 用後膚色白淨有光澤
Aquasource Skin Perfection Lotion $220 / 200ml
但去除老化角質, 軟化並柔滑肌膚, 為吸收產品作好準備
中和及排走毒素, 加速微循環, 肌膚回復亮麗、通透
質地 : 透明水狀
用法, 每天早晚, 以化妝棉沾上爽膚水, 由中間向外塗抹全面及頸部, 避開眼部
係 工作坊度試, staff 教用量要夠, 要化妝棉濕透見到手指為止, 咁先易抹唔會拉扯皮膚, 皮膚亦足夠吸收到爽膚水, 睇到 lotion 去角質好勁, 右邊塊化妝棉只係抹左頸及手肘, 就啡啡黃黃好污糟呀, haha 用後水份升左 5%, 呢支質地好爽身, 完全唔 lup, 去角質唔錯, 再搽 skincare 更易吸收, 但有少少酒精味, 唔算濃
Aquasource Skin Perfection Cream $360 / 50ml
加強肌膚透亮度, 去除暗啞, 強效銷水, 肌膚保持水潤、豐盈, 提升肌膚質感, 更添嫩滑、細緻, 清新花香煥發身心, 令身心內外皆精神飽滿
質地 : 粉藍色柔滑雪芭狀
用法 : 把凝膠乳霜分開 5點, 點於雙頰、額頭、鼻子及下巴由內向外均勻推開, 建議同時配合按摩, 效果更佳
質地好得意, 唔係 cream, 唔係 gel, 係雪芭狀, 搽上面好快吸收, 吸收後好滑唔 lup, 但唔知點解係工作坊測水份跌左 2%, 但自己用感覺皮膚水份重左, 亦好 long lasting
Biotherm 代表 Sarah 教我地點樣抹爽膚水及用保濕 cream 按摩面部, 方法如下
完成 Workshop 後, 每人可以得到一套 3件既產品試用, 個 cream 打開有個膠隔, 入面 d cream 好平滑呀, haha
用 左 3 step 幾日, 感覺唔錯, 尤其係 cleanser, 夏天成日出油, 加埋空氣中既塵埃, 真係好易出黑頭及角質變厚, 之前用過 Biotherm cleanser gel 及 milk, 潔力都唔算強, 新出既 cleanser 洗得好乾又唔乾, 藍色粒子仲可以去角質, 潔面後膚色都明亮左, toner 可以係潔面後再做清潔及補濕既工作, 好爽身唔 lup, cream 既質地好得意, 係雪芭咁, 好難形容, 大家要去 counter 感受下就會明白, 用左幾日, 暗瘡印淡左, 膚色無咁泛紅, 搽埋 cream 補充水份, 毛孔睇落都細左 d
之前上 Colette 官網登記做會員, 就可以收到 mask 5ml 試用裝
收到既係 "紅酒多酚超水嫩美白抗氧化面膜" , 但我想試香檳 mask 多 d, haha
就係呢個網址啦, 產品只可以上網購買, 暫時沒有門市 / 售賣點, 新張期內仲免郵費添
質地係暗紅色 gel 狀, 好香提子味, 說明話要厚敷, 所以一次用晒一包
使用方法 :
清潔臉部後, 取適量面膜塗抹稍厚的一層於臉部肌膚, 避開眼睛周圍及唇部, 等待 10-15分鐘之後, 再用清水將面膜洗淨, 或睡前薄薄敷一層隔天清洗, 可視肌膚狀況經常使用。
敷上面其實塊面變左紅紅地, 但影相睇唔清楚, 同埋一包全面用都唔算好厚敷
gel 狀易推易搽上面, 敷時聞到陣陣提子味, 敷左 15mins mask 都吸收左好多, 好易沖洗, 過水後好爽唔 lup, 仲覺得膚色均勻白淨左添, 睇埋個測試結果先勁, 水份同彈性都爆晒燈, 不過要厚敷既話, 一罌 75g 都只係可以用到 12-15 次架咋
