Carmex 青蘋果修護潤唇膏

名 稱 : Carmex Moisturizing Lip Balm - Green Apple
價 格 : $18
容 量 : 4.25g
 
產品介紹 :

1935年美國 Mr. Woelbing 研發成功, 70 多年的暢銷傳奇, 全世界平均每分鐘銷售 129 支, 相較於市售一般護唇膏, Carmex 擁有獨特天然秘方, 輕輕一抹就能輕鬆解決唇部的保養與護理問題
適用乾裂、脫皮、凍傷的唇部達到保濕、潤濕、修護。最多好萊塢明星使用口紅前的最佳護唇產品, 同時也是卸妝後, 最佳的唇部護理保養品。



包裝同普通既士多啤梨, 草莓味好唔同, 綠色蓋好易認






之前係台灣見過, 應該係啱啱出, 但計返港幣唔算好平, 所以無買, 點知無耐俾我係卓悅見到, 仲平過台灣同原味果款添, 即買啦, 不過都買左好耐, 因為盒 rosebud 實在太襟用啦, 到近先開黎用, 用左差唔多2個月啦

淡黃色膏狀, 香味我覺得唔似蘋果, 反而似啤梨多 d 喎, haha, 仲有少少薄荷味, 搽完個咀會涼涼地, 我個人唔太鍾意搽完個咀會涼既潤唇膏, 但呢款唔係好勁, 都可以接受, 同埋涼既感覺唔會 keep 好耐

初初開時質地好硬, 要用力及搽多幾層先夠潤, 好驚咁樣會拉扯到唇紋加深, 好彩用得一排及天氣轉熱, 質地變軟左, 但都比一般潤唇膏硬 d, 而且蠟質重, 搽完感覺有 d sticky, 但因為黏相對就好持久囉

個樽既設計比較怪, 扭個潤唇膏出黎時會有 "卡卡" 聲, 同埋扭左出黎係好難扭返入去, 所以我都唔敢成日扭, 我覺得佢會好易爛

Mandom Barrier Repair Mask (BB Mask)

名 稱 : Mandom Barrier Repair Mask 補濕面膜 (蜂王漿)
價 格 : $59
容 量 : 5片
 
產品介紹 :

含豐富蜂王漿補濕成份及護膚精華, 深層滋潤肌膚, 改善脫皮及乾燥等現象

  含模仿嬰兒肌膚的特有保水成份, 有效令肌膚回復嬰兒般細嫩, 防止肌膚受乾燥及敏感等問題困擾。  高效滲透, 由底層開始滋養肌膚  只需一片, 即能提供充份滋養; 效果持久, 令翌日妝容更貼服自然。  每片面膜均含一支 25毫升護膚精華, 滋養成份特別充足, 提供密集式修護。  性質溫和, 無香料、無添加色素、無防腐劑, 並通過皮膚過敏測試。

用法 : 潔面後, 敷上面膜約 5-10mins (缺水肌膚可敷約 15-20mins)。取下面膜, 以掌心塗均臉上剩餘的護膚精華。



好可愛既 BB 包裝好易認, 一定搵到, 所以有人叫佢做 BB Mask



mask 人中同下巴位可以撕開, 可以敷到好貼面, 仲有埋眼蓋位, 做埋 eye mask



mask 質地好薄身, 下巴及人中位可以撕開, 令個 mask 敷得更貼面, 有埋眼位做埋 eye mask, 精華係透明水狀, 無香味, 敷 15-20mins 後, 面上仲有好多精華, 按一陣吸收後, 完全唔會 lup, 補濕度都唔錯, 睇到測試都見到, 不過價錢唔算平 (比起美麗日記, 廣源良...), 但比起差唔多價錢既 neutrogena, olay 等, 我覺得效果好 d。

秀麗韓保潤乳液

名 稱 : 秀麗韓保潤乳液
價 格 : $298
容 量 : 130ml

產品介紹 :

保潤乳液是一種韓醫配方乳液, 提高皮膚本身的保濕能力, 使皮膚整天保持滋潤, 不緊繃, 還含有潤顏成份, 使皮膚透明、亮麗, 溶入肌膚般滲透於肌膚深層, 調節整個面部皮膚的陰陽平衡。

包裝好韓國一貫 skincare 既大大支, 包裝簡單, 可惜無 pump 用起黎無咁方便, 仲係玻璃樽都幾重, 所以我會分裝入落細樽

質地乳液狀, 推開好薄身, 易吸收

 

使用後水份升左幾多, 連個公仔樣都變埋笑臉

之前係 Isa Knox 買任何野可以特價 $218 換購既, 可惜呢個系列已經轉左新版啦, 不過個包裝都好類似, 係個名有少少唔同, 130ml 真係好大支, 差唔多係平時用開既乳液三倍份量, 應該可以用半年或以上, 就算正價都好抵用

無 pump 用起黎都唔太方便, 分裝入落細泵樽, 用起黎方便, 又可以唔洗 d 空氣成日入左去, keep 到乳液新鮮 d 無咁易變質

質地睇起黎好杰好滋潤咁, 但推開都好薄身易推, 好快吸收, 而家天氣用都唔覺 lup, 但又有滋潤感, 有少少香味但唔濃, isa knox 既產品無其它韓國品牌咁重香料, 敏感皮膚都用到, 有時轉天氣敏感搽 toner, 精華時覺得拮拮地, 但用呢支乳液都無事

用左差唔多一個半月, 皮膚無咁乾, 尤其有化妝及長時間係公司呢 d 冷氣地方, 質地好推, 之後搽防曬 + 化妝都唔會難推同 cake 粉, 不過油性皮膚或天氣再熱 d, 就可能有 d 潤, 份量要搽少 d 或只係夜晚用啦, 缺點係佢只有保濕滋潤, 無其它功能, 如美白、抗老化、控油等等....

Sogo Thankful Week Ipsa 小敗 + Free Gift

今日都係忍唔住出左 TST Sogo 買 Ipsa, 因為屋企支 clay mask 用晒要補貨啦, 另外又好想試新出既 Pure Protect Powder Compact, 其實都有個粉底 set, 任何粉底/粉餅 加幾件旅行裝賣 $420 - $460, 可惜 powder compact 唔包 case 既, 咁佢送既旅行裝又唔太啱洗, 所以就唔買 set, 散買 powder compact (100 色) 同 clay mask, 滿 $700 就送 Metabolizer 50ml, Cleansing Milky Foam 25ml, The Time Reset Aqua W 30ml, 但 Metabolizer 得返美白無得揀, 咁我要左 White R2



之後去左 LCX 換 Isa Knox 新出美白系列既爽膚水 & 日霜各 6ml



噚 日陪 fd 去 Kiehl's 買野, 咁佢買夠 $600 可以 join member, 咁佢本身已經係 member, 咁就叫我填資料做會員, 咁做會員就送左以下既 sample, Rare Earth Deep Pore Daily Cleanser 30ml, 美白系列 Cleansing Cream, Exfoliater, Toner, Moisturizers

Rote Fabrik Anti-Pollution Deep Cleanser

病左幾日都無心機寫 blog, 收到呢支 cleanser 真係好開心, 包裝好靚, 粉紅加 bling bling 樽蓋, 好公主 feel 呀
 

 
主要成分：

- 潔膚淨白超微細因子

- 植物性氨基酸超微潔淨萃取份子

- 洋甘菊萃取物

- 青瓜精華

名 稱 : Rote Fabrik Anti-Pollution Deep Cleanser
價 格 : $240 (特價 $196)
容 量 : 120ml

產品功效：

零污染卸妝淨肌啫喱以突破性的瑞士醫 學科技研製，為你帶來前所未有的零污染潔面新體驗！結合多種珍貴的天然萃取物，配合潔膚淨白超微細因子，在淨化的同時徹底對抗令肌膚老化的主凶──自由 基。自由基會於體內形成毒素分泌物，破壞正常細胞的運作。由 Rote Fabrik首創的潔膚淨白超微細因子，能中和空氣中的自由基污染物，直接對抗紫外線侵害，防止黑色素沉澱而形成的色斑，全方位防止肌膚衰老。

創新配方，成份天然 ── 零污染卸妝淨肌啫喱賦含植物性氨基酸超微潔淨萃取份子，強效分解，潔淨毛孔，清除死皮，並能同時調節皮層 pH值；持續使用，能顯著收細毛孔，使嬌膚嫩滑細膩，享受真正的零污染清爽感覺。另外，其蘊含的洋甘菊萃取物及青瓜精華具長效保濕、舒緩和降敏的作用。

使用方法：

早、晚取適量於面部及頸部輕輕打圈按摩，卸妝啫喱會逐漸把化妝品溶解，令稠度逐漸增加，形成膠狀，黏走死皮和頑固的不潔物。最後以清水沖洗。

稀身 gel 狀, 搽左好多野係手試下個卸妝能力



吱出黎都未影相已經流落黎啦



按左一陣, 質地變得好杰, 好似細個玩果 d "鬼口水" 咁, 大部份彩妝都俾潔面凝膠黏左出黎, 個啫喱都變左黑色啦



過水後, 得返少少 eyeliner 同 lipgloss 仲係度, 其它都洗乾淨晒啦, 唔係太防水既彩妝基本上都卸得好乾淨

我仲發現到另一個潔面方法, 係可以加水起泡架

 
膚質 : 混合偏乾, 轉季較易敏感, T 位中午後出油, 有色斑, 毛孔粗大
 
使用次數 : 15日

用 後感 : 個樽真係好靚, 尤其個好似鑽石咁既樽蓋, 但樽身係玻璃幾重, 樽頸位好幼, 濕手時都有少少"扇"手, 潔面啫喱質地係稀身 gel 狀, 有少少玫瑰花香味, 搽上面按一陣會變得較杰身, 而且黏黏地, 會見到透明 gel 黏左 d 彩妝變左肉色凝膠, 按既時候都要快手, 因為變杰後較重身, 好易係面上滴落黎, 過水後皮膚好滑唔乾, 用卸妝水再抹都唔會抹到任何顏色, 但膠狀卸眼妝就有 d 難度, 會好難按, 所以建議分開用返眼部專用卸妝產品啦, 而朝早皮膚無化妝又無咁污糟, 我就會用加水起泡呢個方法, 過水後都係好滑, 但就比乾用爽身 d, 個人比較喜歡用起泡呢個方法, 但只可以當 cleanser 唔可以卸妝, 因起泡後卸妝力較弱, 一支 cleanser 可以卸妝 + 潔面, 真係好方便呀

she 福袋 + Ztyle 中獎 + 玩甲

呢排雖然無抽中試用, 但就有 free gift 喎

she.com 係 facebook 搞既活動, 只要係 like 左再 send email 就有機會中獎架啦, 我呢個係 4月份既, 價值 $150 既福袋, 有易纖諾減肥茶, Yanwaili 潤唇膏,  Yanwaili Mask, Dr. mek BB cream x 3 包

然後係 theztyle 網上答中左問題, 抽到既禮物, 仲麻煩 Sandra 幫我拎埋添, 唔該晒呀!!
Loreal Derma Genesis 毛孔細嫩系列三件, 潔面乳, 爽膚水, 啫喱乳霜



之 後約埋 Sandra, Elyse, Angelbella 去 BL office 玩甲, 去到 Pui Pui 已經到左, 之後 Amy, Coombe, KAWAJU 都到埋, 不過我地吹水多過玩甲, haha, 第一次印甲, 雞手鴨腳, Sandra 幫我印左玫瑰花圖案, 好靚呀, 但自己印果邊印到"咩"晒~~

凹凹賞第12回

好耐無出過凹凹文啦, 離上次 11回已經成 4個幾月啦, skincare 可以個個月清到 d, 但化妝品真係好難呀, 雖然今次只有一支 lipgloss, 但我會繼續努力架

今次俾我 KO 既主角係 NYX Round Lipgloss, 上網 join 團購買既, 連埋運費大約 HK$20 啦, 好平



色號係 13 Peach, 容量唔多得 2.5ml, 所以都用得算快



隻色係粉橙紅色, 我無乜呢 d 色既 lipgloss, 但搽出黎好透, 唔會太紅, 好精神既色




另外係之前 post 過既 pure 粉餅, 原本只係個 refill, 我將佢整左落 mac 粉盒度, 呢個都唔係常用, 因為有少少閃唔可以全面用, 毛孔會好顯眼

2月時影既, 只係中間一忽仔見底



5月已經中間凹左大約一毫子既位啦

Isqueen Moisturizing Essence Collagen Mask

名 稱 : Isqueen Moisturizing Essence Collagen Mask
價 格 : $44.5
容 量 : 6片
 
產品介紹 :

以成熟的納米科技直接導入骨膠原、海藻精華及高效保濕因子等美肌原素至肌膚底層, 迅速補充肌膚所需水份及養份, 同時形成保護膜防止水份流失, 有效減淡幼紋及改善肌膚乾燥問題, 並能加強肌膚抵禦外來環境污染的能力, 持續使用令肌膚水潤嫩滑、更富光澤。

使用方法 : 潔面後, 將面膜敷貼於面部, 15-20 分鐘後取下即可。
 






見萬寧做特價及送一片美白 mask 再係綠點有85折, 折實 $37.8 有 7片都幾抵用

mask 紙質唔算薄, 好多乳白色精華, 精華幾好狀, 敷左塊 mask 上面, 我會將袋入面既精華再搽上面, 但雖然好多精華, 但都唔會滴落黎既, 無香味, cutting 幾貼面, 眼位開得唔大, 眼袋位都敷到, 敷 20mins 取下, 塊 mask 都仲幾濕, 會打圈按摩等精華慢慢吸收, 之後塊面覺得好重水份但唔 lup, 睇到水份測試, 雖然敷前水分都唔低, 但敷完差唔多去到 60%, 我覺得好用過美麗日記, 但價錢都唔係貴好多

Clinique Super Rescue Antioxidant Night Moisturizer

名 稱 : Clinique Super Rescue Antioxidant Night Moisturizer (Dry Combination)
價 格 : $365
容 量 : 50ml

產品介紹 :

一款先進的潤膚霜，能幫助肌膚免受陽光、壓力和污染等環境因素產生的游離基的傷害。配方蘊含由 8種效用迅速及持續釋放的抗氧化成份組成，能在游離基對肌膚造成損害前，破壞其活動能力，達到拯救肌膚的使命。
為肌膚提供特強的抗氧化保護與滋潤，令肌膚得到呵護、修補和滋養，以保持強壯和健康。







係參加 she.com critiques 大抽獎既禮品, 另外盒 superdefense day cream 已經用完好耐啦, 而家先有機會開呢支 night cream 試下

質 地係米黃色 cream 狀, 幾好推, 推開都好薄好似 lotion 咁, 易吸收, 吸收後唔覺得 lup, 但過一陣之後, 表面會好似有層油咁, 但皮膚底層又覺得唔夠補濕有 d 乾, 面珠位緊緊地咁, 大家都睇到水份測試, 補水度唔算好高唔足 6%, 我只係夜晚用, 朝早洗面時, 用水濕塊面, 會感覺到雙手好多油, d 水有 d 混濁 (類似洗米水咁), 應該係個 night cream 無被皮膚吸收, 只係停留左係表面, 用左一星期已經用左黎搽頸算啦, 而且搽既時候聞到 d 膠味 + 酒精味...

Pond’s Pore White 淨顏卸妝油

名 稱 : Pond’s Pore White 淨顏卸妝油

價 格 : $85.9

容 量 : 150ml

產品介紹 :

蘊含黑色髒污油脂淨化因子 (潔淨) 及淨白保濕因子 (銷水保濕), 產品中 40% 為美容精華液成分 (肌膚調理成份), 深層洗淨毛孔中黑色髒污及幫助預防粉刺, 呈現閃亮透白美肌。

質地係透明稀身油狀

搽左好多 makeup 產品係手, 都揀 d 比較防水持久度高既彩妝

按一泵係手背, 未影相已經流落黎啦

打圈按左幾下, 得返 mascara 咋, 其它都唔見晒咁制

加少少水乳化, 都係得返 mascara, 但已經得返好少啦

過水後, 只係係水喉沖, 無用手捽架, 再抹乾, 已經乾淨晒, 所有彩妝痕跡都無晒, 手背好似白淨左添

膚質 : 混合偏乾, 轉季較易敏感, T 位中午後出油, 有色斑, 毛孔粗大

使用次數 : 10日

用後感 : 質地係 透明稀身油狀, 搽上面唔會覺得好油, 又唔會稀到流晒落手臂, 打圈按幾下已經見到彩妝溶晒出黎, 再加水乳化, 過水後好乾淨, 連防水 mascara 都卸得好乾淨, 之後完全唔覺乾, 但去黑頭就暫時唔係好覺, 雖然說明話啱油性皮膚適用, 但我覺得混合性皮膚夏天都好啱用, 之前用過 Pond's 黃色卸妝油, 質地較呢支杰身少少, 都係卸得好乾淨, Pore White 薄身好推 d, 洗完爽 d, 適合春夏季使用, 呢個系列另有 Creamy Gel Cleansing (適合乾性及混合性肌膚), Facial Foam, 適合不同皮膚, 不同需要

Eldoquin Forte 4% 美白淡斑乳霜

名 稱 : Eldoquin Forte 4% 美白淡斑乳霜
價 格 : $159
容 量 : 14.18g
 
產品介紹 :

由美國生產及進口, 蘊含醫學界公認最有效、在美國被廣泛使用超過 30年的 Hydroquinone 強效美白淡斑成分, 具醫學實證 :
-  有效抑制造成黑色素產生的酪胺酸酵素 (tyrosinase) 的活性, 阻斷黑色素形成
-  對不同色斑, 如黃褐斑、黑斑、雀斑及妊娠斑、年齡斑或膚色不均等有顯著功效, 亦適合想及早預防黑色素過度增生而出現色斑的人士使用
-  接受激光治療前後使用, 可減低色斑重現的機會

使用方法 : 每天早晚塗於面上有色斑的位置, 例如 : 臉頰、鼻子、前額、下巴等, 塗上薄薄一層即可 (只供局部外用), 使用本產品期間, 請於日間使用防曬乳及穿著防護衣物, 如 : 戴帽以保護面部免受日曬傷害, 因而令黑色素再次增生

使用程序 : 潔面 --> 爽膚 --> 精華素 --> 美白淡斑乳霜 --> 潤膚乳



包裝好似一般既藥膏咁, 藍白色標明 4% cream, 好易搵白色杰身 cream 狀, 感覺有 d 似洗面膏, 推開有 d 閃閃地咁



使用前, 色斑明顯



使用後, d 斑真係淡左少少



下巴及鼻翼位生左 d 不明既白頭走米



質地杰身, 油份較重, 補濕效果唔高, 但佢主攻係美白去斑, 所以補濕可搽補濕精華打底先再搽 4% cream




 
膚質 : 混合偏乾, 轉季較易敏感, T 位中午後出油, 有色斑, 毛孔粗大

使用次數 : 17日

用後感 : 質地係白色杰身 cream 狀, 推開會有 d 銀色閃閃地, 無香味, 說明建議 toner 及精華後, 重點係有斑既位置薄薄搽一層, 都好易推開, 但吸收得唔算快, 按一陣吸收後就可以搽返 cream / lotion 啦, 使用後覺得色斑係淡左, 2個半星期已有明顯效果, 美白功效都算快, 而且使用既份量少, 一支雖然得 14g, 已經可以用好耐啦, 但唔知係轉天氣還是 cream 既質地較滋潤, 下巴及鼻翼出左好多細細粒既白頭走米...

有興趣既 sis 可以到有配藥部既 Watsons、萬寧及各大藥房望下