牛年快樂!!

祝各位,
新年快樂,  恭喜發財, 身體健康, 心想事成, 步步高升, 橫財就手, 如意吉祥, 大吉大利, 花開富貴, 笑口常開, 青春常駐...... 多到講唔完呀!!!

多謝 Sheep!!!

噚日約左 Sheep 拎整好既綠茶黑糖皂, 佢俾左好多野我試呀, 嘻嘻~~



上至下, 左至右...
彩豐蔗糖髮膜
霸王人蔘洗頭水
彩豐蔗糖特滋潤面膜
李醫生美白眼膜
我的美麗日記新出既巧克力多酚面膜



因 為無晒深層清潔 mask, 交收完之後去 TST 海港城 LCX Lush 買返盒 Mint Mask, 俾錢時無聊俾張 LCX 咭收銀儲分啦, 其實 D 分都唔知有咩用, 又好少係 LCX 買野喎, 但收銀問我有冇 show card 俾 BA 睇, 話好似有折, 咁我問返 BA 啦, 原來有9折喎, Yeash~~ 折實 $134 咋, 又慳左 $15 啦, 以後都去 LCX 買先得。

綠茶黑糖皂 (2009-1-16) - 成功!!!

 

成份：綠茶浸泡橄欖油，椰子油，棕櫚油，白油，乳油木果脂，甜杏仁油，荷荷巴油，可可脂，蜜蠟，黑糖，NaOH，蜜糖

上次批綠茶黑糖皂實在太肉酸啦, 決定重做, 材料配方一樣, 但用矽膠模。

用 黑糖粉開水溝 NaOH, 所有油脂隔水加熱溶解, 52℃ 混合, 搞拌 45 mins 後 light trace, 加蜜糖, 搞拌後入模, 今次放係發泡膠盒內1日半才取出, 可能皂皂有足夠時間皂化, 天氣又無咁凍, 所以顏色深好多, 質感亦無咁粉, 咁樣靚好多, 呵呵~~

崖上之波兒

                                         

原本都無諗住睇呢套戲, 朋友想睇叫我陪佢, 見波兒幾可愛, 廣告首歌又幾得意, 

就去睇下啦, 故事好簡單, 有少少 "人魚公主" 咁樣, 但深入想表達 d 咩... 環保? 

愛? 好似唔夠到位, 但畫功簡單清晰, 睇得舒服。起初都怕宮崎駿... 會唔會又係

d 好深奧, 睇唔明既卡通架... 自從睇過 <<幽靈公主>>、 <<千與千尋>> 後, 覺得

宮崎駿動畫已經唔係小朋友睇既動畫咁簡單, 之後創作既 <<哈爾的移動城堡>> 

我都無睇 lu, 佢個長子宮崎吾郎監督既 <<地海傳說>> 更加睇到我一頭霧水, 大

叫回水...... 好彩 <<波兒>> 令我有返宮崎駿動畫既感覺, 但本人最愛都係 <<風之

谷>>, <<龍貓>>, <<天空之城>> 這類卡通, 百看不厭。

綠茶黑糖皂 (2008-12-30)

成份：綠茶浸泡橄欖油，椰子油，棕櫚油，白油，乳油木果脂，甜杏仁油，荷荷巴油，可可脂，蜜蠟，黑糖，NaOH，蜜糖

10/14 用綠茶茶包浸泡橄欖油，但今次須浸較長時間, 橄欖油才變深綠色。

用黑糖粉開水溝 NaOH, 所有油脂隔水加熱溶解, 57℃ 混合, 皂液變成深啡色, 搞拌 55 mins 後 light trace, 皂液變成淡啡色, 加入蜜糖, 搞拌後入模, 終於試左係淘寶買既狗腳印模, 不過可能心急脫模, 左邊兩舊還可以, 下排中間果舊都勉強可以接受, 但右邊兩舊唔知想點, 好樣衰囉.... D 色又唔均勻喎, 唔知點解今次整出黎好白, 成舊石膏咁, HAHA, 下次都係用返吐司模穩陣 D。

無聊 DIY 搞作 - 唇膏

我係一個鍾情買唇膏/唇彩既人, 由讀中學開始已經愛上, 初初出黎做事就更加瘋狂, 有時買 skincare set 又會送下唇膏/唇彩, 高峰期超過 40支, 真係10個咀用一世都用唔晒, 但又唔捨得丟, 咁就好鍾意將 D 唇膏溝黎溝去, 要將佢地用到盡呀, HAHA, 早排忍住唔敢再買唇膏/唇彩 (但轉戰左買潤唇膏!!), 又丟左 D 有膠味過左期既, 加上好努力咁用, 而家得返 21支咋, 噚日將 D 真係唔會用既又拎晒出黎溝啦..... 去片....



上排 : The Body Shop, Lola, Maybelline, Clinique
下排 : Make Up Forever, Clinique



打開後... D 色係咪太深或太淺呢, Make Up Forever 隻色都 OK 架, 可惜太細支, 好難搽, 所以要犠牲埋佢啦。



試色照, 偏紅或偏啡, 我平時只化淡妝, 咀唇又厚, 搽得太紅會好嚇人架
但淺色又似病喎....



搵到 Clinique Turnround Mask sample 個罌仔, 樽口夠闊, 底又淺喎, 啱晒呀~~



將唇膏了左出黎放入罌仔, 然後用風筒吹溶, 千期唔好搞爛佢呀, 咁會結唔返硬架, 待溶後可以輕輕搞伴均勻, 同睇下隻色啱唔啱心水, 可以每次落少少, 咁就唔會過紅或淺色, 調較到合適既顏色就可以等佢冷卻待用。
由于用風筒時手忙腳亂, 對手又污糟, 影唔到相俾大家睇啦。



完成啦, 但因為天氣太凍, 溶唔晒有 D 粒粒
整完發覺有 D 似 Bobbi Brown 既 Pot Rouge for Lips and Cheeks, haha

Kose 潤肌精眼霜

係台灣見 Kose 潤肌精新出左 Eye Cream 同 Essence, 返到黎香港見到 Eye Cream 既蹤影, $118 都 OK, 諗住用晒屋企既 Sample 會買黎試下, 點知睇 BE 話 X'mas 出左 Set 送 Toner & Lotion 各 33ml, 係 Watsons 都見到, 諗過買既, 但月頭先買左 Isa Knox, 都係忍下手先啦, 點知早幾日見到仲有九折喎, 咁抵點忍呀, 即買啦, 橫掂我都無貨裝 Eye Cream, 咁多年只係買過一罌 Clinique 咋, 平時都係用 sample, 慳返唔少, HAHA

點知返到屋企收到早前登記既 La Vie Eye Cream sample, 真係邪呀, 唔寄黎我都完全唔記得自己登記過, 呵呵!!!



產品介紹 :
潤澤滲透至角質層, 草本植物香氣, 使心靈亦得到滋潤, 添加七種植物成份

保濕成份 :
地黃萃取液 - 為肌膚注入充足水份, 賦予肌膚水嫩柔潤
牡丹萃取液 - 更新肌膚細胞, 使肌膚回復健康光采
來寶茶葉萃取液 - 保持肌膚潤澤, 預防肌膚氧化, 使肌膚更顯活力
紫錐花萃取液 - 有效去除活性氧, 高效保濕
菖蒲根萃取液
墨角蘭萃最液

潤澤成份:
玫瑰果油 - 於肌膚表面上形成柔潤保護膜, 使肌膚水潤飽滿



個罌都幾靚,  20g 有排用, 打開後聞到有花香味, 但唔算濃, 上眼都唔覺有味。



質地幾杰身, 但幾好推, 唔會好 stick, 呢個天氣都好夠潤, 夏天就唔可以搽太多啦, 只用左一次, 唔知去唔去到眼紋及出油脂粒。



推開後都唔 lup, 有少少滋潤。



報告完畢 ~~~

Isa Knox 小出血記

今日經過 Isa Knox 見到有套 Multi Moist Set 買任何野加 $88 換購都幾抵, 咁就睇左好耐, BA 都好細心介紹產品, 可惜我有好多 stocks 啦, 想買秀麗韓洗面膏, 但 BA 話韓國果邊未返貨, 咁屋企暫時係精華無存貨, 所以買左支秀麗韓保潤精華, 加 $88 換埋套 set, 到俾錢時 BA 話可以用 $218 換購支精華同系列既乳液, 試過係手都夠潤唔 lup 又幾快吸收, 就要埋啦, Total 就洗左 $637 啦。



秀麗韓保潤精華及乳液, 都幾大支架, BA 俾左個 Peeling 同粉底 sample。



Multi Moist Set $88 好抵呀, 入面有 Toner 25ml, Lotion 25ml, Essence 10ml, Aqua Cream 10ml, 洗面膏 sample x 2, Eye Cream sample x 2, 粉紅色化妝袋。呢個係清爽, 適合混合或偏油皮膚, 另外有款係滋潤, 適合偏乾皮膚, 兩款只係 toner, lotion, cream 唔同, 其它一樣, 原本都想換晒兩套, 不過有兩個相同既化妝袋又好似無謂左 D, 況且我都咁多 stocks 有排用。

清貨 - 2008年12月

Nivea Sun Protect SPF30
有少少滋潤既防曬, 但唔會 lup, 用黎搽身唔錯, 唔會乾到起白皮, 容量有 125ml, 都夠用2-3個月。

彩豐行 Ki 甘草酸充電柔滑面膜
個 盒放左牛爾 mask, 唔記得影相, 呢個 mask 好得意, 買返黎係分開上下兩層, 一層係 cream, 一層係 gel, 第一次用要將兩層溝埋先得, 咁就補濕加滋潤, 質地有少少似 Fancl 既乳酪 mask, 但較滋潤, 過水後有少少油, 所以冬天乾燥時都幾夠潤, 但我覺得 Ki 既美白 mask 好用 D。

Carmex Lip Balm (Tube)
好多人話佢陣味難聞, 我又唔太覺喎, 可能嗅覺遲鈍, haha, 佢夠潤唔黐咀, 都幾持久, 比 Vaseline 好用, 無咁杰身, 而且一支可以用好耐, 係台灣網見到新出左三款, 有青蘋果, 芒果, 桃, 我去到淨係見到芒果咋, 下次或者買士多啤梨, 如果出左青蘋果都想買黎試下。

Biore Cleansing Oil 
呢個唔洗多講啦, 見我買咁多支就知好用啦, 真係平靚正, 濕手都用得, 易乳化, 過水後唔會油淋淋咁, 最好係佢唔會塞毛孔令我出粒粒嘛, 之前用過植村秀、DHC都令我爛面, 好慘!!!

Clinda-M 暗瘡水
呢個係泰國牌子, 之前朋友去泰國旅行托佢買既, 好平, 大約港幣十幾蚊, 有暗瘡既位用浸濕化妝棉敷幾有效, 但都好勁酒精味, 如果有消炎功效既 Toner 都做到, 另外仲有支去印 Gel 都係好平, 但對我既暗瘡印好似無乜效。

The Body Shop Rich Plum Body Butter
聖誕限量版, 係紫洋梅味, 甜甜地好香, 沖完涼後用彩豐 body oil 後再搽 body butter, 好夠潤, 香港都 keep 到好耐。




Sample :

雪花秀滋陰乳液
雪花秀雪映冰肌美白精華 x 4
雪花秀雪映冰肌滋晶水液 x 2
雪花秀順行潔顏泡沫
雪花秀溫補面霜
Curel 藥用化粧水
Dermalogica Intensive Eye Repair
O'slee SB Firming UV Protection Lotion SPF18
O'slee SB Lines Free Repair Night Cream
DHC Velvet Skin Coat
Vichy Whitening Essence
Dr. Sara Caviar Extract Brightening & Whitening Mask
彩豐Ki角鯊烷水療霜