曼秀雷敦 AD 安膚康溫和潔膚乳 AD Mild Skin Wash

呢篇文遲左少少, 冬天都過晒先認得呢支野未分享...... 冬天時好乾燥, 用過好多 body wash 都好痕好乾, R 到紅晒起粒粒, 見曼秀雷敦出左呢支 body wash, 就買黎試下

名 稱 : 曼秀雷敦 AD 安膚康溫和潔膚乳 AD Mild Skin Wash
價 格 : $119.90

容 量 : 500ml

產品介紹 :

AD安膚康溫和潔膚乳潔淨同時保濕，適合乾燥痕癢、濕疹及敏感性肌膚，帶來24小時長效滋潤。嬰幼兒至長者適用，可用於面部及全身肌膚

500ml 都幾大支, 包裝普通, 無咩特別啦, 但就好易認得同搵到啦

吱出黎係半透明 gel lotion 狀, 無香味

捽開都無泡, 初初都驚無泡 body wash 會唔慣同洗唔乾淨, 但過水後都好爽, 無拈膩感, 但會有層保濕膜咁

用左幾日, 乾燥痕癢已經好左好多, R 到紅左起粒粒既位都慢慢好返, 無再鞋手, 無香味無泡初初係有少少唔慣, 但用完覺得都洗得乾淨又唔覺得乾, 而且好似有層保護膜咁, 有時懶唔搽 body lotion 都 ok, 好溫和用黎洗面都得, 不過無泡, 用量會多左, 一支大約用到 2個月, 感覺佢同 Cetaphil Cleanser 有 d 似, 而 Cetaphi 就平少少

Parkway 百匯皮膚中心 - 二氧化碳激光療程 (CO2 Laser)

早前去到 Parkway 百匯皮膚中心, 由陳醫生幫我做左皮膚分析, 當然結果皮膚狀況非常差， 斑、 毛孔問題都好嚴重, 陳醫生更診斷出我有好多疣, 原來疣係過濾性病毒, 係會惹開既, 生完 BB 情況更嚴重, 連個身都有唔少, 有小朋友更加要先處理, 唔會傳染到俾阿 b 就慘囉, 而且疣亦都會阻礙吸收, 所以做其它療程前先要脫疣先

3日前要停晒所有美白, 煥膚, 果酸等產品, 同做多 d 補濕敷 mask 咁, 今次係接受二氧化碳激光療程 (CO2 Laser), 首先會做個簡單既問卷, 睇下身體狀況適唔適合做療程, 然後就由護士帶我入房, 房內環境唔錯, 設備齊全, 與一般做 facial 唔同, 感覺有 d 似睇牙醫, haha



知道要做療程, 所以都無化妝, 不過護士都會幫我卸妝清面先既, 然後陳醫生就黎睇下我有邊度需要脫疣, 用白色筆 mark 位啦, 今次要做既範圍都好大呀, 因為真係好多疣



然後就敷上麻醉膏, 兩邊面已經用左 2 支咁多啦, 再蓋上保鮮膜, 令滲透效果加快, 初初無咩感覺, 好似敷 mask 咁, 過左 10分鐘, 有 d 涼涼地好舒服, 到差唔多 30分鐘, 就有麻痺感啦, 護士摸塊面都有感覺, 只係好似隔左層野咁



開始打疣, 當時我係蒙住眼架, 所以都唔係好知發生咩事, 頭幾下都無咩感覺, 只係好似有人用支筆篤塊面咁, 係顴骨、近眉及疣比較深既位置就有少少痛, 不過醫生手勢好好, 而且過程都好快, 完全可以接受

做完塊面都幾紅, 而且傷口有 d 腫, 即刻搽消炎藥膏就走得啦

做完係休息室影既, 因為有幾粒疣好深, 所以有少少血, 同埋脫左疣既位置會有窿, 皮膚慶慶地咁

返到屋企已經無咁紅, 仲消晒腫, 不過有流血, 感覺有 d 恐怖, 其實過左一個鐘, 已經無咩痛既感覺, 療程後頭 2 日只可以用清水洗面, 同搽藥膏, 洗面後要印乾水份, 以免傷口發炎留底疤痕, 一星期內避免使用成份刺激既產品, 如磨砂、美白、果酸、Vite C 等產品, 兩星期內避免接受果酸, 激光, 彩光及射頻療程

第 3日, 皮膚開始結焦, 因傷口未完全好返, 盡量都唔好化妝, 呢幾日睇落最明顯, 好多人問我咩事, 只係用水洗面同搽藥膏, 咩都唔用得, 皮膚有 d 乾

第 6日, 焦開始甩, 可以用返溫和既 skincare, 呢段時間我就勁敷補濕 mask 啦, 水份夠 d 焦都甩得快 d

第 10 日, 焦甩晒, 只有少少淡紅印 (啡色係斑), 粉底完全遮到, 可以開始用美白產品去印啦

差唔多一個月時間, 我要去覆診, 等陳醫生睇下需唔需要補打

醫學美容都係搵 d 有信心保證既地方先好做, 而且由執業醫生提供意見及診治, 安全又放心

https://www.facebook.com/ParkwaySkinCentre

http://www.parkwayhongkong.com/

清貨 - 2014年 3 - 4月

唔經唔算又儲左2個月既清貨啦， 係時候出文啦

It's Skin Prestige Crème D'escgot (按此)
蝸牛 cream 好好用呀, 冬天用佢好夠潤, 而且修復能力好好, 用既果段時間, 皮膚無敏感, 不過夏天用佢就太潤, 所以冬天應該會再回購

SK-II Cellumination Mask-In Lotion
好似 toner 咁樣抺既 mask, light lotion 狀, 有少少補濕去角質咁, 無咩特別

ELFHigh Definition Powder (按此)
粉質好幼細, 初初上面有 d 白, 但過一陣就 ok, 用後唔乾, 控油就一般, 但好細盒, 好快用完

Dermatological Intelligent Masqu
呢個係蘆薈 mask, 好溫和補濕, 最啱做完 treatment 時用, 可以厚敷敷半個鐘, 效果好好, 敏感時用都得, 可以舒緩, 降紅, 黎緊會打斑, 要入定貨打斑後用先

呂洗頭水
係韓國旅行時買既, 新出包裝同平時見到既唔同, 但全韓文我都唔知係 for 咩髮質, 但幾潤, 我油性髮質, 朝早洗完頭, 夜晚都開始出油, 而且好得耐, 頭皮好痕, 咁我叫宅男幫手用, 佢用左幾日, 都話有頭皮... 好辛苦先用完一支

呂護髮素
都係一樣啦, 雖然用完頭髮係好滑, 但太潤, 唔啱我髮質

 

Banila Co Daytime Cocktail Mist
係韓國買佢地既皇牌卸妝 cream 時, 滿額送既, 粉紅色既補濕 spray, 初初用有 d 敏感, 等天氣穩定左再用, 就無事喎, 當佢 toner 咁用, 少少補濕, 無咩特別
　

Choi Fung Honey Moisturizing Body Wash
之前都好過一支, 好香 honey 味, 都幾夠潤, 平平地用下都唔錯

AtorregeAD+ Face Moist (按此)

好水狀既 moisture, 但都補濕既, 敏感時就用佢, 都唔錯

 

Bioderma Moisturising Mask
買左好耐, 終於用完, 都係滋潤既 cream mask, 補濕效果唔大, 有少少滋潤, 冬天用啱 d, 但 75ml 都用得幾快, 可能我厚敷

It's Skin Prestige Serum d'escargot (按此)
潤身既精華, 香港天氣唔多啱用, 除非冬天, 或好乾既皮膚

Biolane 2in1 Body and Hair Cleansing Gel
雖然係俾 BB 用, 但有 d 乾, 好 light 既 gel 狀, 水水地咁, 感覺唔算好溫和

CNP Laboratory Soothing Solution (按此)

好好用,補濕, 溫和又可以舒緩敏感, 係細支果 d, 用得好快

Nuxe Face Cleansing and Makeup Removing Gel (按此)
好香 honey 味, 有少少泡, 洗完唔乾, 每次用好少就夠, 所以都用左 4-5 個月, 減價買係絕對抵用

Too Cool for School Pudding Aqua Skaking BB Cream (按此)
唔似一般 bb cream 咁死白, 布甸狀, 推開好水好薄身, 遮瑕度好低, 妝感偏水潤自然

雪花秀宮中蜜皂

雪花秀初初黎香港時買過黎用, 都好一段時間無用, 朋友去韓國時, 平好多, 大約七折, 又入手, 依然好用, 洗得乾淨又唔乾, 仲好香中葯味, 而且好襟用 

 

It's skin Prestige serum d'escargot 蝸牛全效修護精華及眼霜

2013年 10月, 去韓國旅行, 買左 It's Skin 蝸牛系列唔少產品, 之前都分享過皇牌產品蝸牛面霜, 今次講下呢支精華連眼霜先, 不過又係買完最後一日係第二間舖做八折, 激死~~

名 稱 : It's skin Prestige serum d'escargot 蝸牛全效修護精華及眼霜
價 格 : W38000 (約 HK$285)

容 量 : 40ml + 15ml

產品介紹 :

韓國熱賣的蝸牛霜, 內含螺旋蝸牛分泌液 8400mg, 能全面改善皮膚素質。尤其對於淡化疤痕, 暗瘡印, 斑點和縮小毛孔方面有非常神奇的功效。是皮膚醫生推薦使用的護膚保養品。使用後, 肌膚能明顯變得柔嫩緊實, 細紋減少, 較深的皺紋與粗大的毛孔也能輕易獲得改善, 甚至最乾燥及過敏性的肌膚也能恢復到健康自然的狀態。

香港水貨舖賣 $3xx 精華 +  眼霜唔算貴, 但係韓國既話更抵買, 而且送既眼霜容量唔細, 亦無得單買

2支都係 Made in Korea, 開封後 12個月內要用完



精華都幾大支, 一般精華都係 30ml, 呢支係成 40ml, 有少少香味, 質地係半透明 gel cream 狀,  亦都幾潤身, 所以每次用 1-2泵就夠, 冬天用都覺得好夠潤, 質地較杰身, 吸收度唔算好快, 都要按一陣先得, 香港夏天未必適合, 除非好乾既膚質啦

眼霜泵狀幾方便, 質地白色 light cream 狀, 推開都好薄, 好易吸收, 亦唔會太潤, 無令眼部起油脂粒, 本身眼部問題不大, 眼紋淡到少少, 但對黑眼圈就無咁幫助啦

總括 2款產品, 眼霜都 ok, 但精華就唔係咁啱香港天氣用, 潤太 d, 同埋修復同改善膚質效果反而無蝸牛 cream 咁好, 見蝸牛 cream 咁好用, 諗住精華應該會仲好, 用後反而有少少失望!!

SEVE Intensive Whitening Serum 極緻美白亮肌精華

踏入夏天, 護膚程序除左補濕, 美白係唔少得既, 今次試下由徐淑敏 Suki 創辦既品牌 SEVE, 所有產品均含有保加利亞白玫瑰精油, 並通過雌激素類內分泌測試，確保不會對人體產生不良影響。

名 稱 : SEVE Intensive Whitening Serum 極緻美白亮肌精華
價 格 : HK$630

容 量 : 35ml

產品介紹 :

每瓶蘊含 700 朵來自保加利亞的珍貴稀有白玫瑰精華, 具有紓緩、撫慰和抗炎的特質, 並有極佳的護膚抗老和鎮靜情緒作用, 再加上天然甘草萃取的抗氧化作用, 有效抑制酪氨酸酶的活性, 保護皮膚免受自由基的傷害。產品同時能亮白暗啞膚質、均勻臉部膚色, 及減淡因紫外線導致的色斑, 效果持久。

產品有晒有機認証, 用得放心, 不過都有以下 2點要留意...
＊ 白玫瑰有機會導致子宮收縮，懷孕期間避免使用。
＊ 請於製造日期後十二個月內用畢，或開封後三個月內使用。



使用方法 : 將適量極緻美白亮肌精華塗抹於臉頸位置, 輕按至完全吸收。早晚使用。或將兩滴極緻美白亮肌精華, 與 5滴皇牌修護精華和 10 滴白玫瑰花水於掌心混合, 再按摩臉部至完全吸收, 混合比例可按個人需要自由調配。

透明水狀質地, 推開好水, 好易吸收, 吸收後好爽, 仲有好香玫瑰精油香味, 搽果時好 relax



用左 2星期, 美白效果唔算明顯, 因本身 d 斑都幾深, 而且生完 bb 荷爾蒙斑唔係咁易淡到, 但膚質就好左好多, 敏感泛紅舒緩左, 膚色均勻左, 水份重左塊面平滑左, 毛孔睇落都細左啲, 相信用多一段時間, 效果會更好

左邊面色斑無咁深, 膚色睇落均勻淨白啲

http://www.seve.com.hk

AEROSOLES 2014 春夏系列, 打造完美女「鞋」

美國品牌 AEROSOLES 既鞋一向好著, 好舒服, 款式時尚, 返工或休閑都好啱, 最近已經出咗 2014年春夏系列, 女人... 開心買鞋, 唔開心買鞋... haha, 相信大家都好有興趣啦

Loafers 鞋款容易配搭，今季 AEROSOLES 推出不同色系 Loafers 鞋款，包括香檳金、橘子橙、鮮紅以及藍白間條等。而這款鞋履最大賣點則是當中的 Stitch N Turn 技術，以鑽石形鞋底設計而成，屈摺力和柔紉性高，且可以隨意彎曲，摺疊扭轉後能回復原狀。

Ballerina 系列大玩鮮色效果，務求搶奪眾人注視，model 示範簡單的背心加牛仔褲, 打造出戶外悠閒造型

另外都有唔少涼鞋款式, 有平底, 高踭, 梗有一款啱你

 

AEROSOLES 對鞋履設計的每一部份向來都一絲不苟，今季無論用色或物料都以用家角度出發。女性必備的高踭鞋款除了以嫵媚大方為主，最為獨特當然是品牌採用的後踭弧型承托設計 (Heel Rest Technology)，有效承托部分體重，分散前掌壓力，即使長時間穿著亦不易疲累。而高踭涼鞋方面，品牌設計出不同搭帶款式的鞋款以配襯女士們的多變穿衣風格。除了突出女性體態美的扭紋搭帶，同時亦有散發女士時尚魅力的簡約搭帶。

 

緊貼七彩奪目的夏日主題，AEROSOLES 亦把箇中元素揉合於平底涼鞋的設計中。無論鮮色、金屬色還是型格十足的黑白色都應有盡有，完全滿足一眾女士們對涼鞋的追求，更輕易打造出不同形象，增添新鮮感。而品牌獨創的鑽石形鞋底有效將壓力平均分散，而透氣度高的記憶中墊則擁有特高的回彈力和柔韌性，讓女士們更輕鬆地走過炎夏。

我自己就買左呢對, 斯文得黎唔會太成熟, 平底好舒服, 返工或平時出街都啱, 顏色亦好易襯衫

AEROSOLES 專門店：
太古城中心二期243店  T: 2886 8219
中環萬宜大廈103店  T: 2259 5018

CNP Laboratory 轉季舒緩敏感產品

天氣轉變, 皮膚唔穩定, 敏感、又乾又出油、毛孔粗大, 唔理只會令問題嚴重

Anti-blemish Spot Pads 無瑕淨肌修護貼  $86 / 6片

無瑕淨肌修護貼能夠有效調理角質，深層清潔毛孔污垢。
【舒緩】快速舒緩肌膚，改善皮膚紅腫，調理角質，深層清潔毛孔污垢。
【毛孔修護 & 調節油脂】調節過盛的油脂分泌，幫助清理毛孔，締造透亮的健康肌膚。
【水嫩保濕】有效保濕成份能夠深入肌膚底層，迅速被肌膚吸收，令肌膚回復晶瑩水潤。

使用方法 :

1) 分別將兩片淨肌修護貼置於雙手的四指上。
2) 把較柔軟的一端貼在兩邊面頰部位約10至15分鐘。
3) 用淨肌修護貼的另外一端（經過特殊壓花處理）來整頓潔淨肌膚。
4)  以逆時針方向擦拭肌膚。

水滴形既修護貼, 貼係面珠位剛好, 無花紋果邊貼面敷 10-15分鐘

再用有花紋果邊抺, 見到有少少修護貼有少少黃黃地, 面上既角質好輕易咁抹到出黎

初初用都好擔心會唔會令皮膚敏感, 不過好放心, 用完係完全無事, 有少少補濕, 塊面無咁乾睇落平滑左, 去左 d 污糟野, 毛孔都收左少少

Mugener Ample 舒膚降敏導入精華  $238 / 15ml

鎮靜及舒緩敏感紅腫, 蘊含大自然最純淨的成份, 能有效舒緩鎮靜敏感肌膚, 為肌膚補給充足水份, 同時幫助修復受損肌膚的高濃縮導入精華

我皮膚極容易敏感,呢支精華啱晒, 可以舒緩敏感

透明 gel 狀質地, 推開好水, 好易被皮膚吸收, 呢排天氣唔穩定, 我 d 皮膚都好唔 stable, 成日好似想起敏感, 紅紅地, 有 d 痕同少少甩皮



用左 2星期, 鼻既敏感好改善, 無咁紅同無用皮, 面珠都無咁乾, 夠水份都平滑返

http://www.kosmetics.com.hk/zh-hk