清貨 - 2013年1月

轉左工同有左 BB 之後, 都少左出街, 好少買野, 試用都接少左, 所以就好乖咁清下屋企既存貨啦, 但黎緊阿 B 就出世, 都好懶好少出文, 所以趁新年有幾日假期, 出埋篇清貨文先, 唔係都唔知要拖幾耐啦

Loreal Derma Genesis Toner
有 AHA 既成既 Toner, 可以收毛孔去角質, 初初用都好擔心會敏感, 但用左又無咩事喎, 但質地好爽, 都無咩特別

Floxia Purifying Gel (按此)
啱油性皮膚用既 Cleanser, 預防毛孔閉塞, 有效抑制暗瘡滋生, 不過又唔算好乾喎, 秋冬用都 ok, 份量唔洗用好多, 都幾襟用

NeoStrata Face Cream (按此)
有果酸成份既面霜, 但驚敏感, 主要用黎搽頸, 想快 d 清左佢, 早排見出左新版啦

Guinot Hydrazone Moisturizing Cream
幾潤身既 cream, 其它就無乜特別啦

Guinot Age Logic Intelligent Cell Renewal
比上面果支再潤 d, 所以 Hydrazone 朝早用, 呢支就夜晚用




Chacott Finishing Powder #753 (按此)
好好用既碎粉, 百幾蚊大大盒, 可以用足幾年, 單用或者溝唔啱色既碎粉/粉餅都得, 聖誕時家姐去日本旅行, 已經托佢幫我買左盒新架啦, 呵呵~~ 日本比香港水貨舖平好多呀

Neutrogena Sleeping Mask (按此)
補濕效果真係唔錯, 但 Neutrogena 既產品我真係未必樣樣用到, 呢盒就係啦, 停用一排, 再用返, 有少少敏感, 用黎厚敷當 mask 過水都唔得, 不過 50g, 敷幾次就用完啦...

Johnson’s 24 Hour Extra Care
轉季開始都好乖, 晚晚沖完涼就搽 Body Lotion, 所以 keep 住成個冬天都無甩皮, 無乾裂, 呢支平平地又夠潤, 香味唔會太濃, 質地唔會太杰, 搽完著衫都唔會黏 lup

S-Clinic Multi Energy Up Silky Essence (按此)
潤身既精華, Gel Lotion 狀質地, 好補濕夠潤, 好溫和敏感時都用到, 50ml 大大支, 有時做特價真係好抵用




Sample

La Roche-Posay Uvidea XL BB Cream
La Roche-Posay Uvidea XL Tinted Cream
Guinot Intelligent Cell Renewal for Eyes

 

Bioderma 抗敏潔膚啫喱

皮膚容易敏感, 加上轉天氣, 有次行水貨舖見呢支洗面又唔貴, 屋企既 Cleanser 又差唔多用晒, 一於買黎試下

名 稱 : Bioderma 抗敏潔膚啫喱 Sensibio DS Foaming Gel
價 格 : $140 (水貨價)
容 量 : 200ml

產品介紹 :

能溫和徹底潔淨肌膚, 不含香料, 不刺激肌膚, 十分適合敏感發紅、脆弱的肌膚使用。可減輕皮膚發炎、脫皮等不適, 具抗菌舒緩的功效。



個樽蓋同平時既有 d 分別, 係啤實既, 100% New 架, 但樽口較大, 每次都會吱較多份量

透明 Gel 狀質地, 無香味, 好易起泡, 泡沫比想像中多, 因為啱敏感皮膚用既野多數係無咩泡既

潔力唔算好強, 泡泡都好易過水, 過水後好爽, 唔會滑潺潺

用左一個月多 d, 已經差唔多用完啦, 因為樽口幾大, 每次吱出既份量都唔少, 好似我上圖咁大 Pat, 用左無敏感, 就算有少少想起敏感, 都無令敏感惡化, 但我覺得佢又唔算好溫和, 可能點都係有泡既 Cleanser, 洗完過左陣唔立即搽 Skincare 既話, 會有 d 乾同繃緊, 回購機會好微

Sukin Purely Ageless 天然有機護膚品

好耐之前參加過 Sukin Purely Ageless 新品發佈會, 拎左 d 產品, 終於有機會開黎用下啦, haha



Sukin 堅持以最天然成份來提供最優質產品, 不採用合成香料、動物性成份、硫酸月桂酸鈉、強烈清潔成份、石油化學品、人造色素、三乙醇胺、礦物油、乙二胺四乙酸、對氨基苯甲酸等對人體有害成份, 所以開封後 6個月內要用完 

Intensive Firming Serum 活顏天然緊緻青春精華  $210 / 30ml
含多種有機活性成份, 溫和緊緻及調節肌膚, 令肌膚變得柔軟

質感輕盈, 好水既乳液狀, 好薄身易吸收, 好香有機成份既氣味, 不過唔知點解搽上面有 d 拮拮地, 但又無令皮膚敏感喎... 質地唔算好潤, 夏天或秋冬朝早用都 ok, 但緊緻效果就唔係好覺有啦

Botanical Hydration Booster 活顏天然草本保濕精華  $210 / 25ml
含永久花及摩洛哥堅果油 100% 天然抗氧化成份, 改善肌膚彈性及令肌膚更亮白, 油狀質地, 但好快吸收, 好重堅果油氣味, 可於面霜後使用, 加強保濕

淡黃色油狀, 唔算杰身, 易吸收, 吸收後都唔會 lup, 油狀精華我好少會當面霜咁搽, 多數會溝 Toner 或水狀精華 (SK-II 神仙水), 咁會減低油膩感之餘, 又易吸收入皮膚深層, 冬天用就最啱啦

2支精華都已經差唔多用完啦, 屋企既精華存貨都差唔多清晒, 又可以諗下買咩試下啦, 呵呵~~

Olay Total Effect 多元修護粉嫩氣色乳

相信唔少人都同我一樣, 天氣轉涼, 朝朝都唔願離開被竇起身, 搞到日日都趕頭趕命咁出門口, 但點趕都唔可以唔執下個樣就出街架嘛, 所以快靚正既護膚、防曬、調色一 take 過既產品真係唔錯既選擇。



名 稱 : Olay Total Effect 多元修護粉嫩氣色乳
價 格 : $199.9
容 量 : 50g

產品介紹 :


革命性新產品, 由全球寶潔護膚研究中心特別研發, 適合所有膚質, 從美國、歐洲到亞洲, 風靡全球潮流, 首度加入美國知名化妝品牌 Max Factor 粉底精華成份, 融合護膚成份 (多種維他命 "維他命 B3, 維他命 B5, 維他命 C衍生物" 與植物提取精華), 集多種功能於一瓶, 簡單一瓶締造粉嫩光彩好氣色

無油感配方, 通過皮膚測試, 不阻塞毛孔, 快速吸收, 適合所有肌膚類型
泰國製造, 都安心過國產貨

新開時, 瓶口有個塞塞住既

每次用半泵都夠搽合面, 質地好似 skincare, 好好推好滑, 好薄身, 唔似一般 BB Cream 又厚又焗, 好易 block 毛孔, 而且顏色自然, 唔會死白帶灰

質地好薄身, 所以遮瑕度都唔高, 調節到膚色, 睇落精神 d, 但暗瘡印, 色斑都遮唔晒啦, 但如果皮膚瑕疪唔多, 加少少有色既碎粉其實都 ok, 睇落自然, 佢好薄身, 感覺舒服, 似搽 skincare 咁, 皮膚無咩負擔, 用左一星期, 無敏感, 無出任何粒粒

好方便既產品, 可護膚、防曬、遮瑕, 朝早趕時間, 洗完面搽少少精華打底再用佢就出得門口, 如果想持久 d 遮瑕好 d, 就印少少碎粉搞掂, 效果自然又唔似化左妝, 嫌 coverage 低既話, 用佢當 makeup base 都 ok 架, 而家都 keep 住日日用

ettusais Lip Essence

咀 唇長期都好乾, 所以一年四季都有搽潤唇膏既習慣, 尤其鍾意用 Tube 裝既潤唇 Gel, 因為潤身 d 同埋較膏狀 Long Lasting, 之前見 ettusais Lip Essence 出左限量版, 忍唔住買黎試下, 都開左一段時間, 係時候同大家分享下



ettusais Lip Essence (Color) 櫻桃嫩紅修護唇膏  $130 / 10g
護唇部肌膚，同時加添櫻桃嫩紅顏色，塑造水漾、甜美雙唇！保護櫻唇免受紫外線傷害，滋潤雙唇，趕走乾燥。

斜角口用易塗搽, 一支有齊護唇, 潤色, 防曬, 拎出街用真係好方便, 連唇彩都唔洗帶, 不過佢質地幾杰身, 有少少難吱出黎用

就咁睇係淡粉紅色, 但搽上咀其實都無咩色, 有少少潤色功能, 同埋個質地幾杰, 有時搽得唔夠厚, 感覺唔算好潤, 亦唔太持久, 夏天或者個咀無我咁乾既話應該 ok, 一支都幾襟用

ettusais Lip Essence (Deep Moist) 冬日北海道升級極潤版唇部修護精華  $135 / 8g
極潤版唇部修護精華新加添蜜糖成份，將保濕及豐潤質感大大提升，即使於日本北海道極地測試，90%試用者認同極上保濕效果，足以抵禦極寒冷、極乾燥的天氣！

都係斜角口, 透明杰身 Gel 狀, 感覺有 d 黏, 都有 SPF 18 PA++ 防曬

呢支比 Color 果支 lup 身 d, 所以都潤 d 持久好多, 遮到唇紋個咀睇落豐滿左滑 d, 有時返工忙, 補搽佢又講野又飲水, 都 keep 到半日, 但因為佢比較黏, 用佢再搽唇膏唇彩既話比較難上色

2支都各有優點缺點, 真係睇大家有咩要求同咩效果啦, 之前出左 Twin Stars 限量版都好想買, 不過屋企實在太多潤唇產品未用完及未開啦, 最後都忍左手....

 

紅姑都推薦 - reenex 讓妳一次過攞返3年流失嘅膠原!

大家應該呢排都睇到呢個電視廣告, 見到紅姑年過 50 仍然 keep 得咁好, 簡直為之驚艷呀

試盡所有護膚方法? 是時候用光! reenex 1540光波療程，以光深入肌底，喚醒膠原母體，令膠原自生，天然打造持久彈性肌膚! 鍾楚紅、Amanda S.及一班亞洲肌膚達人一致推介，reenex 1540光波療程獲美國FDA及歐盟CE安全認證，過程安全無痛。

reenex 1540光波高效膠原自生組合療程
有 效激活膠原自生, 當中以冷凍光學膠原自生科技直接刺激纖維母細胞自我增生骨膠原, 以 HGF 激活細胞增生技術為輔助, 有效將人體生長因子精華導入肌膚底層, 幫助修修細胞, 加強膠原自我增生能力, 2 合 1 協助療效令淡化幼紋、皺紋、收細毛孔及美白保濕的效果更快更顯著, 肌膚緊緻度更高。

Step 1 冷凍光學膠原自生療程
皇牌冷 凍光學膠原自生療程透過專利 1540mm 波長的激光, 深入真皮層刺激位於 500 微米深的纖維母細胞, 令其自我增生骨膠原, 提升肌膚承托力及彈性, 改善及預防各種老化跡象。療程獨有 5度的冷凍技術, 有效鎮靜肌膚之餘, 不會令肌膚有刺激感, 反之有清涼感覺, 療程後無 downtime 可即時化妝。

Step 2 HGF 激活細胞增生療程
嶄新從美國引入的 HGF 激活細胞增生技術, 是利是獲得 FDA 美國食物及藥物管理局認可及 CE 歐盟合格認證的 HGF 激活細胞增生儀器, 以其真空吸力及獨特的雙向引流技術, 先煥走肌膚表面的污垢角質, 令肌膚保持在最佳吸收狀態, 再將人體生長因子 Human Growth Factors 精華導入肌膚底層, 修復細胞, 加強膠原自我增生能力。


立刻 click 以下 link，登記免費體驗膠原自生奇蹟!
http://www.reenex.com.hk/edm/201212/RCNCR1212U/form.aspx?ref=RFACE0113E

reenex Facebook Fanspage
https://www.facebook.com/reenex.HongKong

清貨 - 2012年12月

唔經唔覺又一個月, 上個月清左唔少野, 所以今個月都可以開下 d 存貨黎用, 所以清野少左, 主要係清 Sample




Laneige Water Sleeping Pack_EX 
無記錯好似係朋友去韓國幫我買, 平香港一半架, 呢罌用左好耐啦, 而家都出左新版啦, 80ml 真係勁大罌, 每次又唔洗用好多, 同埋之前皮膚好敏感, 好多野都用唔到, 所以呢罌都俾我擺埋左, 早排拎返出黎, 厚敷當 gel mask, 敷 15mins 後過水, 快 d 清埋佢, 不過佢補濕效果係幾好

Skincode Cellular Power Concentrate (按此) 
價錢唔平既急救精華, 1 set 0岩0岩好夠用 2星期, 用左皮膚水份係重左, 滋潤度都唔錯, 但其它效果就唔太明顯

Innu Idebenone Eye Cream  
淡晒色 gel cream 狀質地, 都幾補濕唔 lup, 唔會引起油脂粒, 之前參加台灣美妝化妝班送既 gift, 應該台灣生產同有得賣, 但我唔知幾錢, 應該唔會太貴

Swiss Kiss Lab Mum’s Stretch Away Cream (按此) 
有左 BB 之後, 每日都好努力咁搽呢支妊娠 cream, 不過可能個月實在唔細, 都係出左唔少肚紋, 嗚嗚嗚... 但呢支個質地幾好, 易吸收唔 lup, 成份都好好, 用左覺得皮膚係有彈性左

Doctor Kits CC Protect Cream (按此) 
比一般 BB Cream 顏色自然, 無咁厚身, 質地似粉底多 d, 開左之後都 keep 住日日用, 都用到 3個月, 缺點係價錢貴左 d 囉, 不過 BB Cream 都用到有 d 悶, 黎緊都會轉用返粉底液 

MAC Viva Glam V Lipstick 
限量版, nude 色有閃粉, 個色都好自然, 所以經常會用, 終於都用晒, 又可以新野啦

Cathy Cat Aqua Sun Pact SPF 50 PA+++ (按此)  
用完 CC Cream 後定妝用, 因為 CC Cream 薄身, 用佢都 ok, 如果用粉底液就會厚左 d 啦, 顏色有 d 偏黃, 美白系列可能都有 d 乾, 所以唔持久, 個妝都幾易溶, 趁早排天氣都仲濕濕地, 快手用埋佢



Sample

Estee Lauder Cyber White Brilliant Cells Cream
Paul & Joe Moisturizing Foundation Primer
SK-II Facial Treatment Gentle Cleanser
日本藏人純米美白乳霜
La Poche-Posay Uvidea XL Daily Protection
Kiehl’s Cucumber Herbal Toner
Revebel 清爽細胞修護緊膚水
Guinot Hydrazone Eye Contour
Rene Furterer Astera Soothing Shampoo