Mocha Blog

2011年9月5日星期一

Sukin 新品 Purely Ageless 活顏系列

Sukin - 來自澳洲既個人護理品牌, 以尊重環境及崇尚天然為理念, 以天然有機護膚品黎講價錢較平, 之前都用過佢既 eye serum 及 night cream
而 Sukin 於 9月1日推出全新 Purely Ageless 活顏系列, 提供最溫和及持久的延緩衰老效果

到達會場, 見到好多 Sukin 產品, 由頭髮, skincare, body care 都, 仲有全新 Purely Ageless 及小童系列

由於中午時份, Sukin 都好細心為我地準備食物, 而最鍾意部咖啡機, 可以沖 mocha, 我飲左 2杯, haha

食完野就開始啦, 係檯面每人都有個禮盒, 打開原來係一個 Purely Ageless 既 cupcake, cupcake 加左摩洛哥堅果油, 杞子萃取物及亞馬遜莓萃取物, 與 Purely Ageless 中的成份一樣, 好有心思

大會司儀及 Sukin 品牌經理 Lindsay 為我地介紹...... Sukin 堅持以最天然成份來提供最優質產品, 不採用合成香料、動物性成份、硫酸月桂酸鈉、強烈清潔成份、石油化學品、人造色素、三乙醇胺、礦物油、乙二胺四乙酸、對氨基苯甲酸等對人體有害成份

<地球零負擔, Sukin 會承擔>, Sukin 承諾及堅持減少生產過程中對環境的損害, 所有包裝物料均可循環再造及不會對環境造成任何影響, 亦拒絕使用動物實驗及於產品中使用動物性成份

<Purely Ageless 活顏系列> 專為成熟肌膚而設, 含摩活哥堅果油, 能滲入肌膚底層更新及滋潤疲勞及缺水肌膚, 配合杞子、亞馬遜莓萃取物及植物營養素的抗氧化成份, 強效保護肌膚的膠原蛋白

Intensive Firming Serum 活顏天然緊緻青春精華 $210 / 30ml
含多種有機活性成份, 溫和緊緻及調節肌膚, 令肌膚變得柔軟
質感輕盈, 推開化成水狀, 有 d 似搽 toner 既感覺

Botanical Hydration Booster 活顏天然草本保濕精華 $210 / 25ml
含永久花及摩洛哥堅果油 100% 天然抗氧化成份, 改善肌膚彈性及令肌膚更亮白
油狀質地, 但好快吸收, 好重堅果油氣味, 可於面霜後使用, 加強保濕

Daily Essential Facial Moisturizer SPF 15 活顏天然防曬日霜 $220 / 100ml
雙效面霜, 有效防止紫外線 UV 的傷害, 同時為肌膚補充足夠水份
乳白色 lotion 狀, 用後滋潤, 有埋防曬好方便

Replenishing Night Cream 活顏天然彈力修護晚霜 $190 / 60ml
令肌膚從早上開始變得亮白美麗, 當中含多種強效柔潤成份
杰身 cream 狀, 但推開都好薄, 比起舊版 night cream 質感更好

防左面部護理, 手部及唇部都好重要架

Nutrient Rich Hand Treatment SPF 15 活顏天然極緻滋養防曬手霜 $150 / 100ml
強效阻擋紫外線 UV 的傷害, 減少肌膚因接觸紫外線後出現的衰老現象
手部係容易出賣年紀秘密既, 唔可以忽略架, 有埋防曬, 抗老化效果更好, 不過質地有點杰身

Nourishing Lip Treatment 修護滋養潤唇膏 $75 / 10ml
含金盞花、荷荷巴油、可可脂及乳木果油, 能溫和地撫平乾燥咀唇, 提供長效潤澤
杰身 Gel 狀質地, 食完小食, 試搽左係咀, 好潤唔 lup, 有搽左 lipgloss 既潤身效果

除左 Purely Ageless 大人使用, 小朋友都照顧到, 包裝顏色鮮明, 每款產品都有一個獨特既卡通人物, 可教育小朋友節約電力、節約用水、垃圾回收再造等等...

Kids Eddie Energy Saver Bath + Body Wash $135 / 500ml
Kids Ruby Recycle Hand Wash $135 / 500ml
Kids Wes Wind Farm Gentle Conditioner $135 / 500ml
Kids Wendy Water Saver Gentle Shampoo $135 / 500ml
Kids Simon Solar Soothing Spray (Aloe Vera & Tea Tree) $95 / 125ml

Sukin 更為我地送上禮盒, 原來係全新 Purely Ageless 活顏系列, 用後再同大家分享下

2011年9月2日星期五

清貨 - 2011年8月

又係每個月出清貨文既時候啦, 天氣開始轉, skincare 用得快左

Tunemakers CoQ10 (按此)
MiHaDa 其中一系列既 skincare, 以原液為主, 都唔錯, 使用後無敏感, 皮膚彈性有改善, 雖然細細支, 但每次只需用 2-3滴

Sothys THI3 Light Hydrating Cream (按此)
好好用既 cream 呀, 用左膚質滑左, 滋潤得黎唔 lup, 而家轉天氣用剛好

Sothys THI3 Hydrating Mask (按此)
配合上面個 cream 一齊用, 補濕滋潤, 用後敏感有改善添呀

Ocean Potion Anti-Aging Sunblock Lotion SPF 30 (按此)
價錢唔貴又大大支既防曬, 所以都會豪用, 唔洗一個夏天用完, 剛好, 初初用會好似有點 lup, 但吸收後都好爽身, 使用期間都無曬黑, 防曬效果唔錯, 下次會試下防敏 spf50果支先

The Body Shop Tea Tree Oil (按此)
用左好耐啦, 亦買左好多支, 但自從用左 Holista 之後, 覺得 Body Shop 麻麻地, 唔會再回購啦

Glycel White Ice Whitening Lotion SPF30 (按此)
美白, 滋潤, 防曬, 一盒過幾方便, 但缺點係用佢化妝好易起屑

Origins A Perfect World 白茶深層潔面乳 (按此)
唔錯既潔面乳, 易起泡, 洗後又唔乾, 特別版包裝好靚, 用完都唔捨得丟呀

Deary 美白水感防曬噴霧 SPF 50 PA+++ (按此)
噴霧防曬好方便, 唔會整污糟手, 用後不需洗手, 出街補防曬都 ok, 不過擔心唔均勻, 所以勁噴, 用得好快

Dream Skin Hydrating Effector Serum (按此)
簡簡單單既補濕精華, 但好啱我呢類敏感皮膚使用, 萬寧做特價時好抵買

Shiseido Benefiance Wrinkle Resist 24 Day Emulsion (按此)
年頭參加座談會時贈送既, 好大支都用左大半年, 質地都 ok, 夠潤唔 lup, 但 spf 15 都唔係咁放心, 會再加防曬

L’occitane Cherry Blossom Gloss
上網見有人出清, 仲係 100% new, 所以買黎試下, 雖然有少少 lup 咀, 都好夠潤, 而且好持久, 但櫻花味就無乜啦, 而且係官網已經唔見有得賣 lu

Watsons 燕窩絲炫細白面膜 (按此)
好好用既 mask, 好薄夠貼面, 補濕度好好, 用後無敏感

Sample :

Sothys Gommage Exfoliant
Sothys Desquacrem
Sothys THI3 Light Hydrating Cream
Sunplay Skincare UV makeup Base

2011年9月1日星期四

預防 "三高" - 元氣鹼梅陳醋助你遠離酸性體質

上星期參加左一個名為 "元氣分享會", 到底係咩黎既呢, 詳細介紹俾大家知

蘋果醋好多人都聽過, 但鹼梅陳醋我都係第一次聽, 最近台灣風行一種天然食療, 以天然食材秘製出 UmeBalsamizu 元氣鹼梅陳醋 ($368 / 300ml 萬寧有售), 為身體調節酸鹼度, 可安全對抗三高

分享會於酒店舉行, 坐底就見到好多梅醋放係度

然後到品牌代表, 自然療法顧問, 註冊營養師為我地介紹梅醋既好處

元氣鹼梅陳醋選取優質的意大利陳年醋 Balsamic Vinegar 及醃製十年的日本梅干 Umeboshi 釀製而成。梅醋蘊含豐富的鹼性礦物質、多種天然有機酸、醋酸等成份, 有效鹼化血氣, 淨化血流, 減低心臟及心管道運作負荷, 預防三高問題

健康的身體, 體液的酸鹼度應維持在 PH7.3 - 7.4 弱鹼性, 若身體受酸化影響, 令細胞運化力及代謝力變差, 體內毒素積聚, 使身體出現多種慢性疾病, 甚至癌症

而日常的食物及不良的生活習慣, 會令體質慢慢轉為酸性, 而梅醋可調節酸性體質

而梅醋與其它醋 (如白醋, 蘋果醋等) 比較, 酸味及營養價值, 抗老化功效都較出色

講左咁耐, 到底梅醋係咩樣呢, 與一般既醋好大分別, 唔係水狀, 而係好似果醬咁, 有梅肉係入面, 可沖水飲用, 份量約 20ml 梅醋混和 300ml 清水, 味道似酸梅湯, 亦可搽麵包及拌沙律, 而試過最特別既係加在雪糕或刨冰上, 而以雪糕感覺好新鮮, 另有一番意想不到既風味架

返到屋企都開左黎飲, 飲用幾日覺得排便有改善, 習慣夜瞓, 飲用一段時間, 希望對我體質有所改善

2011年8月30日星期二

La Roche Posay - 為敏感肌而設的亮白系列

市面普遍美白產品會對皮膚做成刺激, 用後容易令皮膚乾及敏感, 尤其我呢 d 敏感肌, 對美白產品選擇要好小心, 皮膚科醫生信賴, 敏感肌膚權威既 La Roche Posay 就為亞洲肌膚而研發左 Sensi White 抗敏亮白系列, 令我用得放心呀

包裝全白色, 一睇就知係醫學品牌, 而且產品系列好易分別, 中間寫住 Sensi White, 唔怕買錯, 有埋有效日期及使用期限, 開封後最多 12個月內要用完

打開左係咁既樣

Sensi White Brightening Foaming Cream 抗敏亮白潔面泡 $220 / 125ml
豐潤的慕絲質地, 可溫和地深層潔淨肌膚, 徹底清潔之餘, 同時亮白肌膚, 令肌膚變得柔滑, 透現淨白肌膚

少量已起到豐富泡沫 (圖中只係用手打圈, 無用起泡網架), 估唔到醫生品牌既 cleanser 都可以起到咁多泡, 之前用過其它醫學品牌, 多數係無泡或少量泡沫, 但多泡感覺乾淨 d, 而且洗面時唔會摩擦到皮膚引起敏感泛紅, 潔面後唔乾

Sensi White Soothing Brightening Lotion 抗敏亮白爽膚水 $240 / 200ml
溫和清潔皮膚上殘留不潔物, 舒緩同時柔潤肌膚, 幫助肌膚更吸收護膚精華, 令肌膚水潤柔軟潔淨

好稀身既 gel 狀, 無任何香味, 抹上面為肌膚即時補水, 敏感時亦唔會感到刺激, 去角質效果唔強, 但亦因為咁, 用後水份飽滿

Sensi White Triple Action Intense Whitening Essence 抗敏亮白精華 $390 / 30ml
溫和有效成份, 系統性地3重抑制黑色素形成並淡化色斑, 同時鎮靜肌膚, 切合敏感肌膚人士需要

開封後先將個泵咀放入, 就唔怕有空氣入左去, 而令美白精華變質, 乳白色乳液狀, 係我用過最滋潤既美白精華, 就算夜晚開冷氣都唔覺乾, 使用時無任何不適感, 連少少拮既感覺都無, 似搽緊補濕精華

Sensi White Triple Action Intense Whitening Cream 抗敏亮白乳霜 $315 / 50ml
嶄新清爽乳霜質感於皮膚表面變成水份, 滋潤肌膚, 令肌膚回復彈性, 不油膩配方清爽質感

cream 狀質地都幾滋潤, 推開好薄, 吸收後唔 lup, 包裝設計幾得意, 用得一段時間透明外殼不變, 但白色內層會向內凹, 表示係真空包裝

搽左咁多野上面, 都唔覺 lup, 但有適當既滋潤, 再睇埋水份機, 油份少左, 但水份及彈性就爆晒, 証明美白產品唔一定會令皮膚乾

初初用都諗, 質地咁溫和, 會唔會美白效果唔明顯, 但使用後無敏感, 就 keep 住繼續用, 大約使用10天, 開始見到膚色無咁紅, 亮白左, 直到三星期後, 雖然斑斑仍在, 但睇落有輕微減淡, 而敏感泛紅情況有改善, 而痘印就淺左好多, 而佢亦係我用過最滋潤既美白產品, 就算夜晚開冷氣第朝起身都唔覺乾, 冬天用都好適合, 敏感而想美白既朋友, 可以試下啦

2011年8月26日星期五

Clinique Fall Beauty Gathering

幾年前好愛用 Clinique, 原因係價錢唔貴, 品質好, 服務仲唔錯添, 曾經係所有 skincare 都係用 Clinique 架, 除左 skincare, 其實佢既彩妝品都唔錯, 用過 lipstick, lipgloss, 粉餅, 眼線筆, 胭脂.... 近年 Clinique Mascara 都好出名添, 所以有機會去新品發佈會, 真係好開心呀

去到會場見到好多 Clinique 產品既 poster, 謢膚彩妝品, 最吸引我既係人咁高既 Clinique Dark Spot Corrector 模型啦, 大家都爭住同佢影相

下午時份, Clinique 好細心安排左 d 小食俾我地, 然後到司儀及 Clinique 代表為我地介紹新產品

Clinique 產品好多雜誌推薦, 亦得過唔少奬狀, 近期出既專為下睫毛而設既 Bottom Lash Mascara, Repairwear Laser Focus Wrinkle & Photo Damage Corrector 等等, 相信大家都唔陌生啦, 而彩妝方便, 更請到荷里活巨星既御用化妝師 - Jenna Menard 加入 Clinique 成為首位環球彩妝顧問, 而 Jenna 既化妝理念亦同 Clinique 彩妝好吻合

Dark Spot Corrector 唔止亞洲區, 係全世界同步發售既美白精華 , 比 Derma White 更有效, 除美白外仲可抗老化, 不致敏成份, 質地好薄易吸收

激活激光修護粉底 SPF15 Repairwear Laser Focus All-smooth Makeup SPF 15 PA++ $290 / 30ml (全 6色), 加入 Laser Focus 成份, 有助撫平細紋及減褪歲月痕跡, 化妝同時護膚, 質感水潤, 推開好水好貼薄, 中度遮瑕 , 顏色都好適合亞洲人膚色, 唔會偏黃或偏紅調

冰涼柔滑眼影霜 Lid Smoothie Anti-Oxidant 8-Hour Eye Color $180 / 7ml (全 7色), 眼影霜獨特金屬棒頭設計, 可直接將眼影霜塗於眼蓋上, 不需用手或化妝掃, 觸感冰涼, 適合夏天使用, 仲可消除眼部浮腫, 膏狀質地, 易推, 有少少閃, 顏色自然, 可單用或配粉狀眼影, 做出不同風格既眼妝, 令眼妝更持久, last 到 8小時