Clinique Repairwear Laser Focus Wrinkle & Photo Damage Corrector

名 稱 : Clinique Repairwear Laser Focus Wrinkle & Photo Damage Corrector
價 格 : $490
容 量 : 30ml

產品介紹 :

Clinique 已向改善最頑固的紫外線損傷邁進一大步。針對「太陽傷痕」, 即肌膚因經年累月的紫外光傷害而流失骨膠原所形成的損傷 - 皺紋。
憑 藉 10年皮膚科研究, 將 3種專利精華集於一身, 高效撫平皺紋及幼紋、修復紫外線造成的傷害。只需 4星期, 肌膚亮澤度及質感顯著改變, 到 12星期, 肌膚注滿活力, 幼紋及皺紋明顯減少, 觸感更細緻幼滑。可配合 Clinique 不同延展青春產品系列選用。

使用方法 :
每天早晚以 3-4滴塗於面部及眼晴周圍, 可與 clinique 其它修護產品一起使用, 組合成適合你的日常護膚程序。
 


滴管狀感覺好醫生品牌咁, 質地透明杰身水狀, 又未去到 gel 咁, 吸收後都唔 lup
 


使用前皮膚較紅, 毛孔大 d, 使用兩星期後, 泛明無咁嚴重, 毛孔都細左 d, 同埋膚質有光澤左



水份同彈性升左 2格, 但油份升左4格, 不過說明寫產品係不含油份既, 可能去皺防老化既產品一般都較滋潤



使用日數 : 14日

用後感 : 之前都係 clinique fans, 用過佢唔少既產品, 但因為歐美品牌, 抗老化產品較滋潤, 但新出呢支激活激光修護精華素真係爽身好多, 杰身水狀, 無任何香味, 但搽上面要按多幾下先會吸收晒, 吸收後都唔 lup, 有少少滋潤感, 而家既天氣, 之後搽既面霜都唔洗太潤已經夠, 用左兩星期, 敏感泛紅改善左, 毛孔睇落都細左 d, 下巴之前 m come 爆瘡有 3個幾深既暗瘡印, 用左 clinique 支精華都淡色左好多, 而且可以搽埋眼, 真係連眼部精華都慳埋, 不過本身無乜表情紋, 去皺效果暫時未知啦, 我會冬天 keep 住用可預防乾紋啦。

Neutrogena Hydro Boost Essence

名 稱 : Neutrogena Hydro Boost Essence
價 格 : $149.9
容 量 : 30ml
 
產品介紹 :

嶄新「12小時漸進保濕系統」，以高濃度純 HA精華，突破一般鎖水技術，深入肌膚底層形成活水庫，主動感應水份流失，啟動不斷 Refill 機制，為底層細胞持續釋放水份達 12小時，即時提升肌膚水份 3倍。讓肌膚整天充滿彈性、水潤透亮。



新出既水活濕精華, 一滴, 就有敷左面膜既水嫩透肌
質地好水, 好易推
 


做一個簡單測試, 2塊膠片各滴了保濕精華及其它品牌既乳液, 然後將膠片垂直待 15秒, 會見到保濕精華流動得同杰身乳液一樣咁慢, 代表精華不易鬆垮, 份子比較濃郁。
 


雖然質地濃郁, 但十份清爽, 只係黐到一粒發泡膠粒咋
 


水份更加係升左好多, 由 -2 升到 +3, 足足升左 5格呀, 但唔知點解油份都咁高....
 

 
使用日數 : 10日

用後感 : 秋天天氣轉變, 皮膚變得較乾, 但又未到可以用好滋潤既護膚品, 補濕度高既精華素係呢個時候真係啱晒啦, 較早前都用過 neutrogena Hydro Boost 系列既 gel cream, 感覺好補濕, 啱夏天用, 而新出既精華一樣好用, 包裝藍色感覺好水, 質地好爽身易推, 好快吸收, 大家睇測試都知啦, 補濕度亦相當好, 我本身轉天氣易敏感, 用左佢都無事, 感覺皮膚水份重左, 朝早搽粉底個妝都貼服左, 鼻都無甩皮, 如果要講缺點既話, 係香味重左 d

清貨 - 2010年9月

9月份收獲咁豐富, 當然要清下野啦, 唔係 d 存貨多到無位放, haha, 7-8月清左咁多野, 仲以為今個月清唔到 d 乜, 估唔到用用下都 KO 左唔少喎



In Essence Tahitian Monoi Silk Body Wash (按此)
唔乾偏少少潤既 body wash, 泡沫唔多, 冬天用唔錯, 但一支都幾快用完, 同埋價錢唔平

Clinique Super Rescue Antioxidant Night Moisturizer (按此)
之前參加 she.com 抽中既, 滋潤但唔補濕, 用係面有少少敏感, 主要用黎搽頸

Sofina Whitening Essence (按此)
唔錯既美白精華, 美白得黎夠補濕, 膚色均勻左, 無敏感, 缺點係貴左 d

Sofina beaute Day Protector II (按此)
都係好好用, 可以當埋日霜, 唔 lup 唔泛白, 雖然得 spf24, 但平日用都好足夠, 返工有搽粉底 / bb cream, 所以都無黑到, 無出斑, 比舊版 rise line 更好用

Loreal Total Repair 5 Repairing Conditioner (按此)
我係油性髮質, 呢支都幾夠潤, 所以用好少就夠, 細細支都用左好耐, 不過個蓋俾我跌爛左, 所以要快手用左佢

Kawaii TOKYO Brighten-Up Pore Solution (按此)
用係面太乾, 主要係用係身體去角質, 都唔錯, 但價錢唔平

TonyMoly 青蘋果去角質按摩乳霜 (按此)
之前用過好多 peel gel 都好乾, 呢個係 cream 狀, 用完唔洗敷補濕 mask 都 ok, 過水後好滑又滋潤, 價錢亦好平, 係一個唔錯既選擇


Sample :

Laneige Hydra Solution Essence x 2
Lancome LA Base Hydra Glow
Lancaster Retinolog Eye Recovery Cream
Estee Lauder Time Zone Wrinkle Eye Creme

9月份收獲

今個月因為生日, 有 d 生日優惠, 加埋禮物, 收鑊都幾豐富呀

Kiehl's 寄信黎既生日優惠換既, 有 body lotion 同 hand cream 各 30ml



Isa Knox 補濕精華, 原價 $368, 9月份做特價 $198 咋, 扭紋狀好得意, 呢支仲 50ml 好大支架, BA 仲送左 2個 cream sample 俾我



見靚太介紹支 eyeliner pen 唔錯, 又去八下, 點知唔記得左個包裝, 見呢支類似, 又寫住眼線膠筆... 點知返到屋企 check 下... 買錯左, haha, 不過呢支都 ok 既, 出成日街都無乜溶, $25



朋 友送既生日禮物, 支 Bobbi Brown 胭脂掃我係自己要求既, 真係好滑好好用, 貴得黎真係值, 之前成日晒錢買 d 無咁好既掃, 其實 d 錢加加埋埋都夠買 BB lu.... 仲收到雪花秀 travel set, Bear Bear 袋, 珍珠手鏈



生日果然係 lucky d, 收到 3個試用, 夾啱時間噚日放假一次過拎晒, 遲 d 再同大家 share 啦

Nivea Sun Protect Face Balance Milk SPF50

名 稱 : Nivea Sun Protect Face Balance Milk SPF50
價 格 : 598yen (約 HK$54)
容 量 : 30ml
 
產品介紹 :

隔離強力紫外線：SPF50 高係數防曬，可長時間保護肌膚免於紫外線傷害，並防止因日曬而形成的曬斑、雀斑。
 雙重美容液 高度保濕潤澤：首創添加蜂王漿精華及玻尿酸等美容液成份，能活化潤澤肌膚及深層保水，使肌膚呈現彈力光澤 並解決因日曬或長時間處於乾燥環境所造成的肌膚乾荒。
 清透控油、不泛油光的粉嫩膚感：含淨脂控油粉末，能有效抑制臉部出油及脫粧，隨時展現肌膚清透、粉嫩觸感。
 可當粧前隔離液使用：質地清爽、快速吸收不黏膩，不殘留白色痕跡；上粧前使用，能讓粧更服貼，維持一整天的清新水嫩粧容。混合性肌膚亦適用。









之前去日本旅行時買既, 香港暫時好似唔覺有得賣, 上網見幾多人讚, 去旅行見到當然唔執輸啦, 包裝簡簡單單好易認, 質地好爽身既水狀, 易推開完全唔 lup, 有少少香味, 唔覺有防曬味, 好近先聞到少少酒精味, 我主要係用係手臂同頸, 用左大半支都無黑到, 防曬效果都唔錯, 平時返工都好夠, 戶外活動有補搽既話都無問題, 同埋佢好易卸, 普通沐浴露都洗得好乾淨, 唔會有殘留物, 不過較水狀, 用量多左都唔覺, 所以 30ml 都用得幾快, 個人覺得仲好用過 Biore, 可惜香港無得賣.... 有機會去旅行見到既話, 一定要入返幾支慢慢用, haha

SOFINA beauté Massage Foam Cleanser

名 稱 : SOFINA beauté Massage Foam Cleanser  
價 格 : $260
容 量 : 170g
 
產品介紹 :

針對血液循環欠佳、缺乏滋潤的肌膚，在每朝透過濃密細緻的泡沫，在潔面同時滋潤肌膚，使肌膚深層的血液循環變得活躍。
含有肌芯護理成分，不但可保持肌膚潤澤，也能增強內部功能，預防肌膚衰老，使隨後使用的活膚露更容易滲入肌膚內層，肌膚也變得容易上妝。

‧含碳酸氣體的泡沫，能促進肌膚血液循環、新陳代謝，預防老化
‧蘊含肌芯護理成分（生薑精華、柚子精華、尤加利精華），保持滋潤
‧泡沫濃密細緻，非一般的柔滑細膩，感覺舒服
‧只需輕按泵嘴，便可產生濃密細緻的泡沫，方便使用
‧洗面後肌膚不覺蹦緊，感覺滋潤潔淨
‧持續使用，促進肌膚新陳代謝，預防肌膚老化
‧含淡淡花香
‧無色素

之前去 Sofina 工作坊試過呢支 cleanser 已經好鍾意, 應 該唔少人用過, 但我覺得佢幾好用, 所以都分享下我既用後感, 佢個用法比較特別, 朝早乾手乾面, 按一泵好似乒乓波咁大既泡泡, 然後敷係面等一分鐘, BA 話可以起身搽左泡泡上面, 然後先刷牙, 咁就唔洗晒左時間係度呆等, 可以做其它野, 敷果時會 feel 面 d 泡泡好似係度爆緊咁, 係 d 碳酸氣體起作用, 深入毛孔清潔緊皮膚既污垢, 咁一分鐘後可以係 T zone 打圈洗下或唔太污糟既話唔按都得, 就可以過水啦, 過水時 feel 到塊面好滑又唔會乾, 睇相都睇到毛孔乾淨左, 水份都升左 2格添, 缺點係唔知用左幾多, 預計唔到幾時用完, 可能有朝洗面發覺已經泵唔出... 

Neogence Hyaluronic Acid Hydrating Mask

名 稱 : Neogence Hyaluronic Acid Hydrating Mask
價 格 : $98
容 量 : 6片
 
產品介紹 :

Neogence 玻尿酸保濕面膜，每片皆含滿滿 30ml 的高濃度保濕精華，精選超導纖維面膜紙，獨特 13刀剪裁，可完全密合臉部肌膚。短短 15分鐘，以「封閉式集中滲透法」讓雙分子玻尿酸、天然海藻醣萃取等高濃度保濕精華快速滲透，幫肌膚滲入大量水分、調理膚質。快速舒緩改善乾燥肌膚的粗糙缺水狀態，同時提升肌膚光澤、彈力與保水程度。











之前見好多 Blogger 試用 Neogence 玻尿酸精華, 對呢個牌子都好有興趣, 可惜屋企既精華未用完, 見到呢款玻尿酸保濕 mask 唔貴, 就係 sasa 買黎試下啦

 
mask 質地唔算好薄及貼面, 但都幾多精華, 同有埋眼蓋位, 可以當埋 eye mask 用, 片 mask 無香味既, 敷之皮膚都幾乾, 本身我都係外油內乾既混合性皮膚, 毛孔粗大, 敷果時都覺得幾舒服, 無任何不適感, 敷完睇到皮膚既水份多左, 毛孔睇落都細左, 同埋無咁泛紅添, 水份測試機都見到水份同彈性都升左 2格, 但油份無變, 即係個 mask 著重補水唔係滋潤, 如果價錢可以再平 d 就仲好啦