Parkway 百滙皮膚中心 - Candela-Syeron GentleMax Pro ® 激光袪斑療程 - 第三回

百滙皮膚中心利用 Candela-Syeron GentleMax Pro ® 激光儀器，可釋放 755nm 和 1064nm 波長的激光，針對纖維母細胞 (fibroblast) 和黑色素 (melamin)。這是一種溫和、非磨損性的激光療程，令治療部位得到根本性的改善。

 

醫生會根據皮膚狀況及需要，選取最適合的治療波長及度數，在同一時間改善皮膚的顏色及質素，令肌膚變得更均勻細緻，柔潤亮澤。

 

Alexandrite 755nm 激光 : 表層色斑, 曬斑, 雀斑, 牛奶咖啡斑
1064nm 激光 : 發紅、微絲血管擴張、潮紅、過敏皮膚、玫瑰痤瘡、促進膠原蛋白再生

 

首先都係卸妝潔面, 然後醫生睇下當日既皮膚狀況, 然後都可以打斑啦

 

可能已經打第三次, 已經適應左, 亦唔會覺得驚, 醫生都重手左, 打既時間都長左, 會比之前兩次熱少少, 但都唔覺得痛

 

 

剛剛打完, 皮膚都係會比較乾, 同埋斑斑睇落會深色啲, 可能有少少焦既關係

 

 

眼尾呢粒都好勁, 幾次都係呢度結焦

 

 

唔知點解, 我每次打完斑, 都會爆瘡, 同下巴位置多左走米

 

 

第二日, 眼尾粒焦已經甩左

 

 

有之前既經驗, 打斑後都會做多啲補濕, 敷下溫和既補濕 MASK, 咁塊面就無咁乾啦, 復原都快啲

 

 

第五日, 面珠位置無乜問題, 係啲粒粒未退晒

 

 

第七日, 啲斑淡左, 皮膚都無咁乾, 睇落都平滑左, 粒粒都好返啦

 

 

激光袪斑療程真係好方便, 過程大概 30分鐘就完成, 打完皮膚唔會有任何不適, 亦都唔太睇得出有做過療程, 返工見人都唔怕會俾人發覺啦

對比打之前, 啲斑係淡左好多, 但我等全個療程完成後, 先俾對照既相大家睇, 分別應該會更明顯!!

 

 

 

https://www.facebook.com/ParkwaySkinCentre

http://www.parkwayhongkong.com/

 

elta MD Foaming Facial Cleanser & UV Shield SPF 45

早前開始接受激光袪斑療程, 大家都知做完激光要搽返 SPF30 以上既防曬先得, 屋企既 MAKEUP BASE 最高得 SPF25, 而且 BASE 份量唔搽得多, 防曬效果更低, 所以就上網睇下有咩防曬啱用, 最後朋友介紹話呢支唔錯, 大大支又抵用, 就買黎試下啦

防曬都出左好多款, 我會化妝, 都係想用啲無色既防曬, 咁又可以搽埋頸, 所以就揀左 SPF 45呢支啦, 佢有外有支皇版 SPF 46 都好出名, 但價錢一樣, 容量少一半, 就覺得無咁抵用啦, 另外見到佢支洗面都好似唔錯, 又唔貴就買埋啦



Elta MD Foaming Facial Cleanser  $210 / 207ml

Give your skin a fresh start with EltaMD Foaming Facial Cleanser. A gentle enzyme and amino acid blend loosens makeup, oil and other impurities on the skin and in the pores. The thick, rich foam gently lifts those impurities and rinses them away, leaving your skin feeling clean and balanced.

 

•Safe for all skin types
•Oil-free and pH-balanced
•Gentle enough for daily use, morning and night

支洗面好溫和, 敏感皮膚或療程都用得, 而且質地好得意, 吱出黎無乜特別, 都係一般洗面奶咁, 有少少好似青瓜既香味, 加少少水捽幾下, 會有少少泡, 但過一陣, 會越來越多泡, 啲泡唔似一般洗面膏泡, 係好似 CO2 泡泡 MASK 咁, 就算唔按唔捽, 啲泡泡都會越來越多

 

說明書話最好清洗 30秒, 先夠乾淨, 有時我會敷住一陣, 洗完面都幾乾淨, 唔乾, 亦無敏感, 就算打完激光, 用後都無刺激感, 宅男支洗面膏用完, 我都叫佢一齊用, 佢都話幾好用, 泵狀又方便

Elta MD UV SHIELD SPF45 舒護清爽防曬霜  $260 / 85ml

(油性肌膚專用) 9%高含量微粒氧化鋅，防護範圍大，防護UVB 及 UVA紫外線傷害及預防曬黑。

• 質地清爽不黏膩，不阻塞毛孔、無油配方，容易上妝。

• 易勻稱塗抹，延展性佳。

• 適合所有肌膚類型，尤其是油性肌膚。

• 不含Paraben防腐劑，不含香料成分

 

到皇牌產品防曬, 買時太多選擇, 都諗左好耐買邊支, 但因為會化妝, 最後都買無色 SPF 45 呢支, 果然無買錯, 雖然防曬度都唔低, 吱出黎都係 LIGHT CREAM 狀, 但推開好薄, 又好快吸收, OIL FREE 完全唔 LUP, 亦唔會令皮膚覺得乾

 

初初搽上面好似有少少白, 但過一陣其實係無色既, 用黎做 MAKEUP BASE, 都唔會影響之後化妝, 用 GEL 狀精華都無起屑屑, 85g 大大支, 豪用搽頸都唔肉痛

2款產品都唔錯, 尤其係支防曬, 用完無咩心水既話, 應該會回購 

http://eltamd.com/

DERML R 抗皺再生精華液

DERML 呢個品牌應該較少人識, 係日本美容品牌, 針對敏感或濕疹皮膚, Derml 理念是化繁為簡，完全實行了 “Simple, not Simpler” 的理念。 Derml 的產品專注於先進的科研成果及尖端的皮膚醫學。兩大科學革新，包括皇牌活化精煉水及高濃度EGF（人類表皮生長因子），提高皮膚的再生能力，並開啟了美容科學的全新路向。     

名 稱 : DERML R Rejuvenating Essence 抗皺再生精華液
容 量 : 30ml

 

產品介紹 :

 

Derml R是Derml的皇牌抗衰老再生精華液，與其他由日本生產的同類產品相比，擁有最高的EGF含量，能喚醒肌膚的再生能力。只需每日5滴，便能令肌膚年輕再生，回復輕柔、細滑、光澤。
 

主要成份：

高濃度EGF、皇牌活化精煉水、仿膠原蛋白、海藻萃取、透明質酸      

效果：

*延緩肌膚衰老，令肌膚重現生機
*改善膚色，增強肌膚的天然美白能力
*重現細滑及緊緻膚質
*改善細紋
*適合乾燥及敏感肌膚使用

有效期限：

3年 (開封後60天內使用)

 

透明 GEL 狀, 有少少杰身, 但都好易吸收

 

無香料, 性質溫和, 做完美容療程都可以用
 

已經用完成支啦, 用左佢敏感皮膚係有改善, 而且好夠潤, 秋冬天用都夠力, 整體感覺都唔錯, 只係夜晚用, 一支可以用到2個月, 因開封後60日內要用完

 

 

http://www.derml.com/tc/index.php

Parkway 百滙皮膚中心 - Candela-Syeron GentleMax Pro ® 激光袪斑療程 - 第二回

百滙皮膚中心利用 Candela-Syeron GentleMax Pro ® 激光儀器，可釋放 755nm 和 1064nm 波長的激光，針對纖維母細胞 (fibroblast) 和黑色素 (melamin)。這是一種溫和、非磨損性的激光療程，令治療部位得到根本性的改善。

 

 

第二次做激光袪斑療程啦, 有上次既經驗, 今次無咁緊張啦, 照舊都係姑娘幫我卸妝、潔面, 然後等醫生睇下當日既皮膚狀況, 然後就貼好眼及眉貼保護啦

 

 

知道係唔痛, 同會有少少紅光, 所以今次都唔驚, 就算打近眼位置都無乜野, 之後既1064nm 波長的激光就有少少熱, 但都係可接受既

 

 

返到屋企, 皮膚都任何紅腫不適, 只係斑深既位置會有少少結焦, 但相比第一次已經少左好多

 

 

第二日結焦都唔係好覺眼, 今次打斑前做好補濕, 亦無上次打完咁乾

 

 

 

第三日已經完全無打過斑既痕跡, 皮膚狀況都算唔錯, 所以之後都唔係好記得影相

 

 

 

第六日啲焦都退晒, 皮膚白滑左, 斑都淡左啲  

 

 

 

 

https://www.facebook.com/ParkwaySkinCentre

http://www.parkwayhongkong.com

清貨 - 2015年 1 - 2月

雖然揍女少左時間寫文, 護膚步驟亦簡化左好多, 但都有 KEEP 住清 SKINCARE, 亦無咩時間 SHOPPING, 所以屋企既存貨都請左唔少, HAHA, 都唔知係好定唔好呢...

Biotherm Biosource Softening Lotion
都好耐無用過 Biotherm 既野啦, 呢支爽膚水都幾清爽, 但成份見有酒精, 但都好在無敏感

 

Jurlique Rose Hand Cream
之前 she.com 抽中既禮品, 有3支 Hand Cream sample, 呢支係 ROSE 味, 好潤, 唔洗搽好多都夠潤, 15g 細細支放係公司, 都用到一個月

 

SK-II Stempower (按此)
朋友俾我既, 呢個 CREAM 真係好好用, 夠爽身, 快吸收, 又唔 LUP, 大罌既話價錢都可接受, 就算皮膚唔穩定, 都唔會敏感

SK-II Stempower Essence
同系列個 CREAM 好好用, 所以對呢支精華都好有興趣, 可惜有少少失望, 雖然係 GEL LOTION 狀, 但唔算易吸收, 所以搽完有少少黏, 而且對皮膚既改善唔太明顯

Kiehl's Ultra Facial Micro Serum (按此)
唔夠潤, 有少少 LUP, 但就算幾溫和

 

Kiehl's Ultra Facial Toner (按此)
奶白色既爽膚水, 少少補濕, 幾溫和唔會敏感

 

It's Skin Prestige Crème d'escargot (按此)
呢個 CREAM 好好用, 夠潤唔 LUP, 易吸收, 舊年冬天用完 FULL SIZE, 所以呢個 SAMPLE 留返冬天用, 但唔知係咪放得耐左, 質感同 FULL SIZE 有分別, 好杰身, 有啲 LUP

NYX Black Label Lip Stick #114 Diva
呢支比普通版貴啲, 但顏色及質地都好啲, 個外形都靚啲, 個色似我本身唇色, 所以好自然

Ettusais Melty Touch Rouge
俾個外形吸引而買, 中間位係透明, 好似潤唇膏咁, 可惜佢一啲都唔潤, 同埋唔貼, 明明個咀都唔算乾, 搽左潤唇膏打底, 但一搽上咀, 就起皮仔, 一撻撻咁, 好努力咁用淨少少, 但個樽我會 KEEP 起

雪花秀 Snowise EX Cleansing Foam
朋友去韓國幫我買, 當時係新出, 香港好似仲未有, 所以我唔知 COUNTER 賣幾錢, 可能美白列錢, 都係有啲乾, 好杰好難吱, 香味唔似雪花秀一般既中藥味, 唔太好聞, 但少少已經起到好多泡, 呢支我用左成個冬天

Belif Hungarian Water Essence水
份重既精華, 好快吸收, 難怪係皇牌產品

Belif The True Cream Moisturizing Bomb
潤啲果款爆炸霜, 呢款春天用有啲 LUP, 可能另一款會好啲

Jurlique Lavender Hand Cream
都係 SHE 送果 SET GIFT 啦, 薰衣草味都幾香, 都好夠潤

Dermatological Intelligent Masque
做完療程用佢最好, 舒緩補濕

Muji Oil Cleansing
卸妝油用完, 又無乜心水, 咁啱經過 MUJI, 見佢都有卸妝油, 唔貴就買黎試下, 都唔錯喎, 但用完都未出文, 等我回購左先再同大家分享用後感啦

Nioxin Cleanser Shampoo #1
SALON SIZE 1L 裝好抵, 見佢既髮型用品幾出名, 呢支 SHAMPOO 初初用都唔錯, 用時有啲涼涼地, 幾爽身, 夏天用都幾舒服, 但用耐左頭痕情況都係無改善, 咁大支一個人真係排用, 會間住其它 SHAMPOO 咁用, 都用左大半年

 

 

Mentholatum Lip Fondue Honey Rose 曼秀雷敦濃潤修護唇膜 - 玫瑰

相信大家都知我係唇膏 / 潤唇膏控, 尤其冬天更加想買啦, 因為會出好多新款產品嘛, 雖然屋企都仲有潤唇產品未用完, 但見到呢個 rose 味, 係萬寧又做特價, 忍唔住買左



名 稱 : Mentholatum Lip Fondue Honey Rose 曼秀雷敦濃潤修護唇膜 - 玫瑰
價 格 : $49.50 (特價) 

容 量 : 4.2g

產品介紹 :

濃潤配方, 像融化乳酪般覆蓋咀唇, 提供三合一功能 :

唇膜 - 晚間用作睡眠唇膜, 修護效果更顯著

潤唇膏 - 獨有的半固體配方及柔潤塗抺感覺, 每天使用, 雙唇保持柔潤透亮

美容液 - 蘊含珍貴蜂皇漿精華, 天然蜂蜜, 橄欖油等豐富成分, 深層滋潤修護唇部細嫩肌膚, 幫助淡化唇紋

但設計好奇怪, 扭左出黎, 係唔可以扭返入去架, 所以每次唔好扭咁多下, 每一下都會聽到 "卡" 一聲

質地係透明軟身膏狀, 唔似一般潤唇膏係半透明

初初對佢都幾大期望, 因原價唔平, 要 $61.90, 開架黎講都唔平, 仲好少做減價, 所以見到特價即買黎試, 打開時覺得好得意, 透明膏狀, 好似美容液咁, 玫瑰味都好香好好聞, 可惜搽上咀, 好厚好黏咀, 好似搽左膠水係個咀度咁, 好漿住, 唔係太舒服, 因為佢係好黏, 似有層野封住個咀, 唔係滋潤補濕, 所以潤唇效果都唔算好好, 本身唔算好乾, 可能都 ok, 但甩皮既話, 夜晚用完, 第二朝先面後, 甩皮情況唔會有太大改善, 不過佢夠厚身, 所以都用得幾快, 已經用左 2/3, 好想快啲清左佢

Parkway 百滙皮膚中心 - Candela-Syeron GentleMax Pro ® 激光袪斑療程

係 Parkway 完成晒 Fraxel 療程之後, 就到激光去斑療程啦, 有別於舊式激光去斑, 唔會有明顯傷口及結焦情況, 仲可以改善膚質, 但打既次數要多幾次, 效果較好, 一般 3-6次左右, 但彩光控制需要有經驗既專業人仕做, 唔係傷害都唔細, 記得要搵有信譽既診所做呀

百滙皮膚中心利用 Candela-Syeron GentleMax Pro ® 激光儀器，可釋放 755nm 和 1064nm 波長的激光，針對纖維母細胞 (fibroblast) 和黑色素 (melamin)。這是一種溫和、非磨損性的激光療程，令治療部位得到根本性的改善。

醫生會根據皮膚狀況及需要，選取最適合的治療波長及度數，在同一時間改善皮膚的顏色及質素，令肌膚變得更均勻細緻，柔潤亮澤。

激光嫩膚治療適合：

曬傷的皮膚
容易潮紅或患玫瑰痤瘡的皮膚
色斑 (如雀斑、太陽斑)
袪斑
面部、頸項、胸口、手臂及手掌

不同的波長針對不同皮膚問題：

Alexandrite 755nm 激光 : 表層色斑, 曬斑, 雀斑, 牛奶咖啡斑
1064nm 激光 : 發紅、微絲血管擴張、潮紅、過敏皮膚、玫瑰痤瘡、促進膠原蛋白再生

激光嫩膚治療的好處: 

·         不需復原時間

·         可即時返回工作

·         較分段激光便宜

 

首先都係先卸妝、潔面, 然後俾陳醫生睇下皮膚狀況, 色斑唔算好深, 但都幾多, 生完 BB 更加明顯

 

貼上護眼墊及眉毛, 保護以免灼傷, 就可進行療程啦, 呢個係唔洗敷麻藥既, 潔面後就直接打, 感覺都唔痛, 不過打時雖然合埋眼, 但都見到啲紅光, 有少少刺眼, 所以自然反應會縮, 但唔係因為痛

 
大概 10分鐘就完成, 睇落塊面有少少紅, 但唔似 Fraxel 有炙熱感, 而且好快就退, 完全唔覺唔舒服, 之後搽返面霜同防曬就走得, 唔洗敷麻藥, 過程都快好多, 大半個鐘就得, 食Lunch 都可以去做呀, 而且做完唔覺眼

 
返到屋企, 基本上都睇唔到做完療程, 只係皮膚有啲乾, 需要做好補濕, 但要用溫和既護膚品, 唔好用美白, 果酸, 去角質等產品, 敷MASK 都可以, 但要揀補濕為主, 及一定一定要做好防曬, 使用 SPF30 PA+++ 或以上既防曬霜

 

右邊面色斑比較嚴重, 做完療程覺得好似仲深色左少少 

 

左邊面就好好多, 主要係眼周

 
過左 2日, 色斑較深既位置見到有輕微結痂, 但唔近睇都唔覺, 化左妝係完全睇唔到添, 但皮膚真係有啲乾

結焦時千萬唔好整損或刮佢, 等幾日就會自行脫落

第 4日, 斑睇落淡左, 結焦位置都開始好返啦

 
療程後一星期, 已經完全復原, 色斑淡左少少, 但只進行左一次, 唔會好明顯, 做完第二次再同大家分享

https://www.facebook.com/ParkwaySkinCentre

http://www.parkwayhongkong.com/