Alteya Organics Bio Damascena Youth-Restoring Day Face Moisturizer

識我既人都知我係一個玫瑰控, 一見到玫瑰成份, 或者好香玫瑰味既野, 我都會癲左咁, 所以見到呢支 rose moisturizer, 聞過個香味, 唔買唔得啦

名 稱 : Alteya Organics Bio Damascena Youth-Restoring Day Face Moisturizer

價 格 : $320

容 量 : 50ml

產品介紹 : 

不同於市面一般有機成分產品, 此產品擁有 100% 天然, 99.5% 有機認證 (USDA Organic), 不是一般護理產品可取代, 它經過用心研究, 連食物級數的防腐劑也不採用, 只把最好的, 最天然, 最有機的, 與你分享, 令你用後分外神采, 與眾不同。有助於振興日常保濕平衡肌膚水分平衡和調節。同時減少及防止老化跡象和抵抗日常環境壓力, 強化皮膚的水分平衡和調節, 令肌膚更柔和, 更年輕和健康。

*絕不含羥基苯甲酸酯防腐劑及合成防腐劑
*絕不含硫酸鹽
*絕不含人造香精或化工染料
*絕不含鄰苯二甲酸鹽
*絕不基因改造

有晒有機認證, 安心使用, 因為不含防腐劑, 開封後 6個月要用完

泵樽好方便, 唔洗用手整污糟 cream 入面, 而玻離樽就唔會影響成份既質素, 我都已經差唔多用完啦

吱出黎係淡黃色 cream 狀, 好似 d 蛋黃醬咁, 勁香玫瑰味, 但唔係香料既濃味, 係好清香, 天然既玫瑰味, 就算我用到差唔多見底, 香味都 keep 到, 証明係真材實料, 係本身成份既香味, 質地好好推, 吸收後尚算清爽

呢個係 day cream, 但無防曬, 早晚都可以用, 質地都幾潤身, 但好易推開, 不過吸收力唔算快, 要按一陣皮膚先完全吸收晒, 初初會有少少潤, 但等皮膚吸收後, 唔會覺得黏 lup, 呢支由初春開始用, 果時天氣都仲涼涼地有 d 乾, 用佢都夠, 而家天氣熱就潤少少, 但開冷氣都 ok, 朝早用因為會化妝, 所以都唔會覺得 lup, 使用期間都無敏感或出粒粒, 皮膚質素幾穩定, 以咁高質素既有機產品, 價錢一啲都唔貴, Alteya Organics 仲有好多產品, 想試晒佢既玫瑰花水, 眼霜等等....

Olecule Rejuvenation Nu-concentrate 滋養更生精華

轉季天氣唔穩定, 肌膚容易乾燥、敏感等問題, 尤其我係敏感性皮膚, 情況更明顯及嚴重, 所以用一支好既精華打好個底, 可以減少敏感情況, 及避免敏感惡化

名 稱 : Olecule Rejuvenation Nu-concentrate 滋養更生精華
價 格 : $580 / $930

容 量 : 30ml / 60ml

產品介紹 :

延緩細胞老化、減少自由基對皮膚的損害

提供全方位滋養, 激發肌膚更生修復, 同時抵抗光老化

緩和過敏泛紅症狀, 提昇自身修護能力

質地豐盈滋潤, 特別適合冬季或乾燥氣候使用

主要成份 : 凱因庭, 蜂皇漿, 透明質酸, 蘋果幹細胞, 雪絨花精華, 巨藻萃取物, 大麥根, 水解大豆蛋白

透明杰身 gel 狀質地, 無香味, 質感滋潤, 每次用半泵就夠全面啦

唔似一般 gel 狀補濕精華, 佢唔算好水, 推開好似有 d 似 face oil 既質感, 見到手都有 d 令令地, 吸收後較滋潤, 唔會好爽好似無搽過野咁

用係面部, 搽完會有少少滋潤感, 唔搽 cream 都夠潤, 但開冷氣既話, 我都會薄薄搽層 cream 鎖住水份

用左 3星期, 都差唔多用完一支啦, 效果都幾明顯, 皮膚無咁乾, 水份重左, 毛孔睇落都細左 d, 最驚喜係脫疣既印淡左好多

初初用覺得咁潤, 天氣咁熱會唔會唔啱用, 我係偏乾皮膚, 返工及夜晚都係冷氣地方, 所以都 ok, 質感偏潤身, 但都吸收得幾快, 用左幾日已經見到皮膚無咁乾, 有 d 脹卜卜既感覺, 尤其瞓醒, 夠水出油都少左, 唔會起身成面油, 可以舒緩敏感及強化修護力, 用時皮膚無敏感過, 泛紅都有改善, 朝早上妝都貼左, 無咁易起乾紋, 最估唔到係去印效果咁好, 只係用左咁短時間, 已經有明顯效果, 讚!! 但如果係油性皮膚, 就冬天先啱用啦...

Parkway 百匯皮膚中心 - 二氧化碳激光脫疣第二擊

上個月去 Parkway 百匯皮膚中心脫疣 (重溫按此), 大約 7-10 日已經甩晒焦, 2星期已經完全無野, 只係有 d 印啫, 距離已經一個月啦, 又到左覆診既日期, 呢張係去到時, 係休息室影既, 無化妝, 只係搽左少少無色防曬咋, 就咁睇都無咩疣啦, 傷口都唔覺眼



然後入房換衫, 就由護士幫我清潔面部

由陳醫生幫我檢查上次既傷口復原情況, 然後就睇下有需唔需要補打, 因療程係包 2次既, 一般美容院 / 皮膚中心較少有

今次只係打好少啫

搽麻藥, 因為範圍細, 無上次有麻痺既感覺, 只係有 d 涼涼地, 而且得幾點要補打, 5 分鐘左右就完成啦

返到屋企影相, 都唔係好覺,無上次咁誇要戴口罩, 頸個位咁大粒, 都唔覺痛, 醫生手勢好重要

今次得好少, 有時都唔記得打左邊度, 所以護理方面都無上次咁小心, (大家唔好學), 同埋結焦時間比上次快, 第 6 日除左頸果粒, 面部既都已經甩晒焦啦

第 10日都係得頸果塊焦未甩, 其它都埋晒口, 得返 d 印咋, 印仲係唔多覺眼, 反而上次既印仲明顯, 可能太多, 同埋就黎 m, 皮膚狀態唔太好

https://www.facebook.com/ParkwaySkinCentre

http://www.parkwayhongkong.com/

Maybelline Baby Skin Pink Transformer SPF35/PA+++

秋冬天時, 覺得上妝後皮膚好乾唔貼妝, 想買支潤身 d, 有防曬既 makeup base, 一支過唔洗咁麻煩, 平平地見 Maybelline 新出呢支都唔錯

名 稱 : Maybelline Baby Skin Pink Transformer 水嫩透亮底霜 SPF 35 / PA+++
價 格 : $89

容 量 : 30ml

產品介紹 :

Baby Skin Pink Transformer 水嫩透亮底霜  SPF35/PA+++ 水嫩透亮底霜，除了具保濕、均勻膚色、防曬隔離等修護功效，蘊含抗氧化櫻桃精華及維生素 C，更能塑造由內到外散發的自然透亮妝 感！配方含粉紅珍珠粒子， 改善並修飾暗沉膚色，呈現嬰兒般的剔透健康膚質，配合 24小時長效保濕配方及 SPF35/PA+++  防曬功能，保護肌膚免受紫外線侵害同時締造水潤肌膚，讓底妝更貼服持久。

吱出黎係淺粉紅色 lotion 狀, 無閃粉, 推開都幾薄, 有少少潤澤感, 又唔會太潤



試上手, 見到搽左係光澤 d, 有少少明亮



之前脫疣, 塊面仲有好多印, 用之前皮膚有 d 暗, 毛孔好大, 又偏乾

搽上面都幾好推, 有少少色, 但唔好死白, 推開後都好自然

用後膚色明亮左, 但印同毛孔就遮唔到, 有少少潤澤感, 上網睇過產品介紹, 除左全面做 makeup base 搽粉底前用, 仲可以混合 BB Cream, 提升肌膚保濕度並全面修飾暗沉膚色，或作highlighter 局部提亮, 於Ｔ字部位、眼周、顴骨及下巴位置, 可增加自然光澤，令輪廓立體 d, 仲可以溝 cream blush 使用添, 一支多用途, $100 唔洗, 真係幾抵玩。

曼秀雷敦 AD 安膚康溫和潔膚乳 AD Mild Skin Wash

呢篇文遲左少少, 冬天都過晒先認得呢支野未分享...... 冬天時好乾燥, 用過好多 body wash 都好痕好乾, R 到紅晒起粒粒, 見曼秀雷敦出左呢支 body wash, 就買黎試下

名 稱 : 曼秀雷敦 AD 安膚康溫和潔膚乳 AD Mild Skin Wash
價 格 : $119.90

容 量 : 500ml

產品介紹 :

AD安膚康溫和潔膚乳潔淨同時保濕，適合乾燥痕癢、濕疹及敏感性肌膚，帶來24小時長效滋潤。嬰幼兒至長者適用，可用於面部及全身肌膚

500ml 都幾大支, 包裝普通, 無咩特別啦, 但就好易認得同搵到啦

吱出黎係半透明 gel lotion 狀, 無香味

捽開都無泡, 初初都驚無泡 body wash 會唔慣同洗唔乾淨, 但過水後都好爽, 無拈膩感, 但會有層保濕膜咁

用左幾日, 乾燥痕癢已經好左好多, R 到紅左起粒粒既位都慢慢好返, 無再鞋手, 無香味無泡初初係有少少唔慣, 但用完覺得都洗得乾淨又唔覺得乾, 而且好似有層保護膜咁, 有時懶唔搽 body lotion 都 ok, 好溫和用黎洗面都得, 不過無泡, 用量會多左, 一支大約用到 2個月, 感覺佢同 Cetaphil Cleanser 有 d 似, 而 Cetaphi 就平少少

Parkway 百匯皮膚中心 - 二氧化碳激光療程 (CO2 Laser)

早前去到 Parkway 百匯皮膚中心, 由陳醫生幫我做左皮膚分析, 當然結果皮膚狀況非常差， 斑、 毛孔問題都好嚴重, 陳醫生更診斷出我有好多疣, 原來疣係過濾性病毒, 係會惹開既, 生完 BB 情況更嚴重, 連個身都有唔少, 有小朋友更加要先處理, 唔會傳染到俾阿 b 就慘囉, 而且疣亦都會阻礙吸收, 所以做其它療程前先要脫疣先

3日前要停晒所有美白, 煥膚, 果酸等產品, 同做多 d 補濕敷 mask 咁, 今次係接受二氧化碳激光療程 (CO2 Laser), 首先會做個簡單既問卷, 睇下身體狀況適唔適合做療程, 然後就由護士帶我入房, 房內環境唔錯, 設備齊全, 與一般做 facial 唔同, 感覺有 d 似睇牙醫, haha



知道要做療程, 所以都無化妝, 不過護士都會幫我卸妝清面先既, 然後陳醫生就黎睇下我有邊度需要脫疣, 用白色筆 mark 位啦, 今次要做既範圍都好大呀, 因為真係好多疣



然後就敷上麻醉膏, 兩邊面已經用左 2 支咁多啦, 再蓋上保鮮膜, 令滲透效果加快, 初初無咩感覺, 好似敷 mask 咁, 過左 10分鐘, 有 d 涼涼地好舒服, 到差唔多 30分鐘, 就有麻痺感啦, 護士摸塊面都有感覺, 只係好似隔左層野咁



開始打疣, 當時我係蒙住眼架, 所以都唔係好知發生咩事, 頭幾下都無咩感覺, 只係好似有人用支筆篤塊面咁, 係顴骨、近眉及疣比較深既位置就有少少痛, 不過醫生手勢好好, 而且過程都好快, 完全可以接受

做完塊面都幾紅, 而且傷口有 d 腫, 即刻搽消炎藥膏就走得啦

做完係休息室影既, 因為有幾粒疣好深, 所以有少少血, 同埋脫左疣既位置會有窿, 皮膚慶慶地咁

返到屋企已經無咁紅, 仲消晒腫, 不過有流血, 感覺有 d 恐怖, 其實過左一個鐘, 已經無咩痛既感覺, 療程後頭 2 日只可以用清水洗面, 同搽藥膏, 洗面後要印乾水份, 以免傷口發炎留底疤痕, 一星期內避免使用成份刺激既產品, 如磨砂、美白、果酸、Vite C 等產品, 兩星期內避免接受果酸, 激光, 彩光及射頻療程

第 3日, 皮膚開始結焦, 因傷口未完全好返, 盡量都唔好化妝, 呢幾日睇落最明顯, 好多人問我咩事, 只係用水洗面同搽藥膏, 咩都唔用得, 皮膚有 d 乾

第 6日, 焦開始甩, 可以用返溫和既 skincare, 呢段時間我就勁敷補濕 mask 啦, 水份夠 d 焦都甩得快 d

第 10 日, 焦甩晒, 只有少少淡紅印 (啡色係斑), 粉底完全遮到, 可以開始用美白產品去印啦

差唔多一個月時間, 我要去覆診, 等陳醫生睇下需唔需要補打

醫學美容都係搵 d 有信心保證既地方先好做, 而且由執業醫生提供意見及診治, 安全又放心

https://www.facebook.com/ParkwaySkinCentre

http://www.parkwayhongkong.com/

清貨 - 2014年 3 - 4月

唔經唔算又儲左2個月既清貨啦， 係時候出文啦

It's Skin Prestige Crème D'escgot (按此)
蝸牛 cream 好好用呀, 冬天用佢好夠潤, 而且修復能力好好, 用既果段時間, 皮膚無敏感, 不過夏天用佢就太潤, 所以冬天應該會再回購

SK-II Cellumination Mask-In Lotion
好似 toner 咁樣抺既 mask, light lotion 狀, 有少少補濕去角質咁, 無咩特別

ELFHigh Definition Powder (按此)
粉質好幼細, 初初上面有 d 白, 但過一陣就 ok, 用後唔乾, 控油就一般, 但好細盒, 好快用完

Dermatological Intelligent Masqu
呢個係蘆薈 mask, 好溫和補濕, 最啱做完 treatment 時用, 可以厚敷敷半個鐘, 效果好好, 敏感時用都得, 可以舒緩, 降紅, 黎緊會打斑, 要入定貨打斑後用先

呂洗頭水
係韓國旅行時買既, 新出包裝同平時見到既唔同, 但全韓文我都唔知係 for 咩髮質, 但幾潤, 我油性髮質, 朝早洗完頭, 夜晚都開始出油, 而且好得耐, 頭皮好痕, 咁我叫宅男幫手用, 佢用左幾日, 都話有頭皮... 好辛苦先用完一支

呂護髮素
都係一樣啦, 雖然用完頭髮係好滑, 但太潤, 唔啱我髮質

 

Banila Co Daytime Cocktail Mist
係韓國買佢地既皇牌卸妝 cream 時, 滿額送既, 粉紅色既補濕 spray, 初初用有 d 敏感, 等天氣穩定左再用, 就無事喎, 當佢 toner 咁用, 少少補濕, 無咩特別
　

Choi Fung Honey Moisturizing Body Wash
之前都好過一支, 好香 honey 味, 都幾夠潤, 平平地用下都唔錯

AtorregeAD+ Face Moist (按此)

好水狀既 moisture, 但都補濕既, 敏感時就用佢, 都唔錯

 

Bioderma Moisturising Mask
買左好耐, 終於用完, 都係滋潤既 cream mask, 補濕效果唔大, 有少少滋潤, 冬天用啱 d, 但 75ml 都用得幾快, 可能我厚敷

It's Skin Prestige Serum d'escargot (按此)
潤身既精華, 香港天氣唔多啱用, 除非冬天, 或好乾既皮膚

Biolane 2in1 Body and Hair Cleansing Gel
雖然係俾 BB 用, 但有 d 乾, 好 light 既 gel 狀, 水水地咁, 感覺唔算好溫和

CNP Laboratory Soothing Solution (按此)

好好用,補濕, 溫和又可以舒緩敏感, 係細支果 d, 用得好快

Nuxe Face Cleansing and Makeup Removing Gel (按此)
好香 honey 味, 有少少泡, 洗完唔乾, 每次用好少就夠, 所以都用左 4-5 個月, 減價買係絕對抵用

Too Cool for School Pudding Aqua Skaking BB Cream (按此)
唔似一般 bb cream 咁死白, 布甸狀, 推開好水好薄身, 遮瑕度好低, 妝感偏水潤自然

雪花秀宮中蜜皂

雪花秀初初黎香港時買過黎用, 都好一段時間無用, 朋友去韓國時, 平好多, 大約七折, 又入手, 依然好用, 洗得乾淨又唔乾, 仲好香中葯味, 而且好襟用