Vichy 隱形膠布 - 速效擊退痘痘煩惱

香港天氣又焗又熱, 皮膚容易出汗出油, 令細菌滋生而引發痘痘, 所以痘痘肌除左要使用控油產品外, 產品最好有抗菌功效, 咁就可以抑制細菌, 唔會令痘痘惡化啦 

Vichy 新出既 Normaderm 油脂調護系列, 就有埋隔離 + 抗菌作用, 好似塊隱形膠布, 阻擋住致痘既細菌啦, 尤其適合手多多, 鍾意摸塊面既我啦, haha

Normaderm Hyaluspot 油脂調護速效抗痘精華  $170 / 15ml
首 支速治痘痘(炎性粉刺)及防患處再受感染的修護精華, 揉合 1% 透明質酸, 為痘痘患處披上一層高透氣度的隱形保護膜, 有效隔離外來刺激及抑制細菌繁殖, 防止患處再受感染之外, 同時亦可減低痘痘癒合後留痕的機會, 袪痘不留印。Salicylic Acid 及 LHA 有效深入皮膚腺毛囊, 狙擊痘痘元兇, 殺菌抗炎, 並溫和去除多餘角質, 疏通毛孔, 全面擊退痘痘

經皮膚科醫學驗證, 敏感肌膚亦適用
清爽啫喱質感, 迅速滲透不黏膩, 帶來啞緻光感, 塗抹後亦不影響妝容
使用方法 : 早晚直接重點塗於痘痘患處, 直至癒合為止

冰涼筆頭, 可直接用係痘痘位置, 唔洗用手塗, 咁就無咁易將細菌帶到患處啦, gel 狀質地好快吸收, 初初都擔心會有棘粉問題, 但吸收後好滑, 化妝都完全無問題, 仲好似有層保護膜咁添

Dormader Tri-activ Hydrating Care 油脂調護保濕霜  $215 / 50ml
三重煥膚保濕科技及成分, 有效控制油脂分泌和抑制痘痘滋長, 預防毛孔粗大及阻塞, 促進堆積角質細胞更生, 減淡痘痘印痕

已經唔係年輕肌膚, 都好少用控油產品, 但呢支保濕霜, 控油得黎保濕, 唔會令皮膚繃繃緊, 吸收後好爽身, 敏感皮膚都啱用

Touch wood 咁啱呢幾日無痘痘, 見宅男面珠爆左兩粒, 就借佢塊面一用啦, 抗痘精華直接吱係面就得, 佢都覺得好方便, 搽左面無唔舒服既感覺, 所以都無抗拒, 你地都知男仔叫佢地用 skincare 仲慘過叫佢地去死架啦, 連用一星期, 痘痘好返晒, 連痘印都唔多覺眼添, 估唔到咁快見效~

清貨 - 2013年 4 - 5月

天氣好熱, 搽少少上面已經覺得好 lup 唔舒服啦, 所以護膚化妝程序都好簡單, 清野進度唔算快, 2個月先用完咁少 products



ZA Skin Beauty 2 Way Foundation #21
呢盒粉都用左好耐啦, 之前都用到見底架啦, 因平時都好懶補妝, 所以用極都用唔完, 呢排貪方便, 都只係 shu 泡泡 base 加 2 way 就出門口啦, 所以突然用得好快, 雖然呢盒係開架貨, 但質素好多唔少大牌子, 粉幼又貼面, 唔會好乾同浮粉, 最正係個色好啱我膚色, 用晒屋企既粉餅都應該會回購 (都唔知幾時先用得完...)

Dr Youngs Loose Powder (按此)
粉雖然係白色, 但上面一陣係無色既, 粉質好幼細, 不過就嫌控油效果太好, 乾左 d, 所以有時會溝其它碎粉 / 礦物粉黎用

Kanebo T’estimo Lipstick RD-151
呢支都好 N 年前啦, T’estimo 都停產左好耐, 不過好鍾意個色同質地, 係半透明粉紅色, 有少少閃, 搽左有 lipgloss 效果, 所以用到底先捨得丟

La Mer The Moisture Cream (按此)
買時 BA 話用到 2個月, 但估唔到用到 4個月咁耐, 可能太潤, 每次唔洗用好多, 不過效果無想像中咁好, 而且價錢好貴, 應該都唔知再買
Olay White Radiance Pristine Liquid Light (按此)
都幾補濕既, 但唔算溫和, 有時用完塊面唔係咁舒服, 雖然未去到敏感, 同埋美白效果唔多覺
Clinique Dramatically Different Moisturizing Lotion (按此)
斷斷續續都用左成 10個月啦, 125ml 真係好鬼大支, 新配方比舊版好用, 不過又無咩特別, 另外如果之前搽精華 / toner 多左, 佢要按耐 d 先吸收到
Mentholatum Lip Ice Lychee
荔枝味幾香, 可惜有薄荷, 我係唔鍾意搽左涼涼地既潤唇膏架, 不過佢都夠潤既, 所以都堅持用到最後

Sample :

Estee Lauder Advanced Night Repair
La Roche-Posay Thermal Spring Water
Kiehl’s Crème de Corps

唔單止清左 skincare, 有 d 野都用到見底凹晒, 所以都影相 post 埋, 表揚下自己先, 呵呵~~

Smith's Rosebud Salve Brambleberry Rose Lip Balm
以前用過原味 rose 味, 所以之後試下呢個野莓味, 都好香好夠潤, 缺點係... 好大罌, 用好耐都用唔完, 所以見底我勁開心呀

Muji Face Colour Orange (按此)
淺蜜桃粉紅色, 無閃粉, 好自然, 粉質 ok, 價錢又平, 回購度好大呀, 我只係帶左呢個 blush 返娘家, 日日都用佢, 所以用得特別快, 係我第一盒可以用到見底既胭脂呀

Kate Powder Foundation OC-B
雖然同屬 Kanebo 廠, 但粉質真係無 Coffret D'or 咁好, 同埋買最錢個色, 都黃左 d

潤肌精 Prime Cream Wash

自從生左 BB 坐月後, 為左方便照顧 BB, 一路都住係娘家, 所以都無乜 skincare 用, 咁口0岩洗面又用完, 經過卓記, 平平地買住支頂擋先, 夏天我鍾意用有泡既 cleanser, 又但好怕太乾, 所以就揀左 kose 開架 brand, 有 d 信心保証咁啦

名 稱 : 潤肌精保濕洗顏霜 Junkisei Prime Cream Wash 
價 格 : $59
容 量 : 130g

產品介紹 :
 
維持肌膚潤澤的同時, 徹底洗去髒污或老化角質。洗後滋潤滑溜的潔淨感。



之前都用過同系列既 eye cream, 平平地都 ok 架, 所以今次試下支洗面膏先, 質地係好杰身既白色膏狀, 有少少人工香料味, 唔算好濃可以接受

濕少少水已經起到好多泡, 唔用起泡網 d 泡都幾綿密

都用左半支啦, 其實無乜特別, 不過都分享下啦...... 洗完塊面好爽, 都無啜手既感覺, 不過始終係洗面膏, 唔即刻搽 skincare 既話都會有少少乾, 但就洗得幾乾淨, 尤其呢幾日咁熱, 成日出油出汗, 用完佢係幾舒服, 雖然佢唔可以話係好好, 但對洗面要求唔高, 或 budget 唔多既, 佢都算唔錯既

Garnier Soft Essentials Replenishing Day Care

之前去渡蜜月, 尾站係英國, 最後衝刺 shopping, 係藥房見到呢個 cream, 成份寫住有 Rose Water, 一見 rose 野我就會失控, 見平平地香港又未見過呢款產品, 就忍唔住手買黎試下啦~~

名 稱 : Garnier Soft Essentials Replenishing Day Care 
價 格 : 5.99英磅 (約 HK$73)
容 量 : 50ml


產品介紹 :


Garnier Essentials Soft Replenishing Day Care nourishes skin with moisture and leaves skin feeling more comfortable. The light formula not only replenishes with moisture for 24 hours*, it is also enriched with vitamin E. It helps protect the skin against moisture loss; skin’s hydration is restored. The delicate fragrance offers an immediate sense of wellbeing.



白色 cream 狀質地, 同香港出既 gel cream 狀好唔同, 或者歐美地區質地係要潤身 d, 但香味有 d 失望, 完全無玫瑰既香味囉, 只有香料既味

唔算好杰既 cream 狀, 好易推開

吸收後都唔算好 lup, 有少少潤身咁啦

見佢成份有 rose water, 仲以為打開會聞到 rose 味, 可惜完全係無架, 質感都 ok, 潤得黎唔算 lup, 無香港買到既 Garnier gel cream 狀咁爽, 不過佢唔算好溫和, 皮膚唔穩定時, 搽完會有 d 紅同慶慶地, 但就無敏感, 不過整體感覺都唔係好舒服, 有時用黎搽埋頸, 快 d 用晒佢算, 香港無得賣, 不過就算有回購度都係零囉

SEVE 譜出零敏感、零壓力的護膚傳奇

五月天 (唔係台灣組合), 天氣唔穩定, 乍暖還寒, 經常落雨濕度又高, 令人容易生病, 皮膚都敏感啲, 因此 SEVE 萃取極緻珍貴既保加利亞白玫瑰, 研發一系列純天然高品質既保濕舒緩護膚品, 不含對人體有害既化學成份、雌激素、防腐劑、色素及香料等。



見到一枱都係 SEVE 產品, 包裝又高貴, 睇到都興奮

創 辦人 Suki 徐淑敏, 同我地講解下創辦 SEVE 既原因, 係懷孕期間修讀香薰治療課程, 發覺市面上大部份品牌, 係護膚品中添加好多對人體有害既物質, 當中部份更是致癌物質添, 所以佢下定決心, 創立一個天然無害既護膚品牌。香薰治療師仲同 Blogger 同 SEVE 兩大皇牌產品 Rose Alba Water 及 Organic Facial Treatment Essence 按摩, 即時有修面、提供既效果添。而 Jimmy 就同我地講, 原來唔少護膚品都加入類雌激素, 長期使用係好容易會致癌架, 而所有 SEVE 產品都通過類雌激素測試

SEVE 有唔少精華, Brightening Moisture Essence 亮肌透淨保濕精華, Intensive Whitening Serum 極緻美白亮肌精華, Anti-aging Firming Serum 收緊抗皺活膚精華 , Brightening Eye Serum 眼部修護亮彩精華, 配合唔同膚質既不同需要, 潔膚方面有 Smoothing Cleansing Oil 透淨柔滑卸妝油, Hydro Foam Cleansing Powder 保濕泡沫潔面粉, Rose Crystal Sugar Scrub 玫瑰水晶糖磨砂



身體護理就有 Body Treatment Oil - Relaxing, Firming / Slimming, 仲有全系列唯一不含白致瑰精油既 Anti-stretchmarks Oil 抗妊娠紋按摩油



最後每人送上 SEVE 兩大皇牌產品, Rose Alba Water 及 Organic Facial Treatment Essence



因香港製造, 減少好多運輸時間, 所以產品夠晒新鮮, 天然有機成份, 獲得澳洲 Australian Certified Organic 及法國 ECOCERT 等國際環保及有機機構專業認可, 不含防腐劑, 開封後 3個月內要用完, 以免影響產品效果



Rose Alba Water 白玫瑰花水  $380 / 110ml
蘊 含 100朵保加利亞白玫瑰精華, 天然溫和的成份能緩解因天氣轉換引致氣溫濕度忽高忽低而敏感的細嫩肌膚, 同時地, 亦可作日常的保濕噴霧般使用, 平衡肌膚水分。好香玫瑰精油既香味, 水狀質地, 皮膚好易吸收, 不過唔算好潤, 但用黎做 toner mask 超正

Organic Facial Treatment Essence 喚肌更新精華  $780 / 35ml
蘊含 700朵保加利亞白玫瑰精華, 能更全面地減輕紅腫或敏感症狀, 有效提升肌膚質素, 採用百分百有機成份白玫瑰油及小麥胚芽油, 更選用已認證的天然冷壓植物油, 保存活性成份



因 夏天天氣較潮濕, 用油點都令皮膚有負擔, 建議將 Rose Alba Water 及 Organic Facial Treatment Essence 以 2:1 的份量於掌心混合, 再輕輕按摩臉部, 當面霜咁用, 可以按天氣濕度, 調效比例, 有時唔夠潤, 我會滴一滴 Essence 係手暖和咗再按上面, 加重保濕效果



用左大概10日, 皮膚無咁乾, 有光澤左, 而且無咁易敏感泛紅, 膚色睇落都白淨左添, 不過用 Essence 油當面霜, 就有 d 唔太習慣




www.seve.com.hk

Olay White Radiance Pristine Liquid Light 高效透白露

名 稱 : Olay White Radiance Pristine Liquid Light 高效透白露
價 格 : $169.90
容 量 : 150ml

產品介紹 :

含 Olay 高效透白核心成份 CelLucent Complex, 令肌膚白晳透亮, 並通補充肌膚水份, 有效抗斑, 均勻膚色

靛藍色既包裝, 係 White Radiance 美白系列既標誌



透明水狀質地, 有少少香味, 每次會好豪咁整到塊化妝棉好濕咁黎抹, 會抹埋頸同耳背, 抹完會見到化妝棉灰灰黃黃咁, 即係抹到好多老化角質出黎, 同埋美白產品黎講, 佢都幾溫和唔算刺激, 我敏感膚質都無事, 不過單靠 toner 做美白當然效果唔顯著啦, 其實佢除左用黎去角質, 仲可以整濕化妝棉做 toner mask, 或者入落樽仔拎出黎做 spray 添, 但開架品牌, 價錢又唔貴, 都唔會有好高要求, 同埋我用 toner 都係有少少補濕, 唔敏感就 ok 架啦, 因為我都用得幾多份量, 好快 ko 一支, 都係買 d 中下價既爽膚水粗用架咋

QV Face Gentle Cleanser

皮膚容易敏感, 有時都會揀 d 溫和既潔面品用黎看下門口, 尤其敏感時或轉天氣皮膚唔穩定, 就唔洗驚啦

名 稱 : QV Face Gentle Cleanser
價 格 : $96.70
容 量 : 250ml

產品介紹 :

獨特潔淨配方適合面部乾燥或敏感人仕。其輕柔泡沫加上紅花油提供的保濕效果, 令面部幼嫩肌膚潔淨無暇, 柔滑動人。優質配方不會引致粉刺或堵塞毛孔。無添加任何肥皂、人造色素及香料等刺激性致敏成份, 適用於最敏感的面部肌膚。




呢支同 QV Wash 唔同, 係面部專用既, 會溫和 d, 同價錢貴少少, 250ml 都幾大支, 不過無泵就唔係咁方便

倒出黎係白色稀身洗面奶既質地, 無香味, 加少少水可以起到泡, 但泡量唔多

雖然都知皮膚敏感時, 用潔面品要溫和無泡就最好, 但我又鍾意用有泡既洗面, 見 QV 呢支潔面乳寫明有泡, 貪得意又買黎試下。倒出黎見到好似洗面奶咁, 都好奇怪, 唔似可以起到泡囉, 但加少少水, 真係有泡, 不過當然唔會好似洗面膏咁起到好 creamy 既泡啦, 洗完之後都唔乾, 比用洗面奶感覺爽 d, 但潔力唔會好強, 所以皮膚無乜問題既話, 用一排會覺得塊面好似唔乾淨, 角質同黑頭都會多左, 所以我都係朝早用佢, 夜晚就用返洗面膏。Touch wood 呢排皮膚都無敏感, 所以試唔到用佢會唔會拿, 但感覺應該 ok, 之前用過 Cetaphil (按此), 我就覺得 QV 洗得乾淨 d, 成份好 d, 但 Cetaphil 就