SOTHYS Hydradvance 基因智能水份系列

上年 10月份參觀左 SOTHYS 基因智能水份精深療程 (按此), 之後得到一套 3件 Hydradvance 系列既試用裝



基因智能水份精華素 Intensive Hydrating Serum  $780 / 50ml
．THI3 是指從「自我調節」、「重拾平衡」、「延續保護」三方面發揮高科技智能水分概念。
．更注入神經皮膚學的創新方向，達至教育肌膚自我解決水分問題的終極目標。 
．教導肌膚自我製造天然脂質、調節水分、強化細胞之凝聚力

白色 lotion 狀質地, 香味唔會太濃幾舒服, 質感較一般精華素滋潤
 

基因智能水份乳霜 Light Hydrating Cream  $620 / 50ml
．THI3 是指從「自我調節」、「重拾平衡」、「延續保護」三方面發揮高科技智能水分概念。
．更注入神經皮膚學的創新方向，達至教育肌膚自我解決水分問題的終極目標。
．清爽配方注滿肌膚儲水庫、增加細胞內的水循環、減少水分流失

白色 light cream 狀, 質感好滑好好推, 吸收後唔 lup, 滋潤感足夠, 冬天用都好啱
 

基因智能水漾滋潤面膜 Hydra-nourishing Mask  $450 / 50ml
．THI3 是指從「自我調節」、「重拾平衡」、「延續保護」三方面發揮高科技智能水分概念。
．更注入神經皮膚學的創新方向，達至教育肌膚自我解決水分問題的終極目標。
．應用諾貝爾得獎研究、加快水分循環、滋潤、柔軟
．潔面後將面膜塗於臉頸，待10-15分鐘讓面膜全乾後用溫水清洗，最後塗上面霜

粉藍色 lotion 狀, 質地係 serum 與 light cream 之間, 薄薄敷一層, 過水份皮膚表面有層油份, 滋潤柔軟



呢套 sample 只係用左幾日, 初初都唔錯, 皮膚滋潤度夠, 唔會乾, 但可能 Sothys 成份太 active, 一次過轉晒幾款 skincare, 我呢 d 易敏感既皮膚未必適應到, 所以用左幾日後, 皮膚有少少敏感, 之後我就停左啦, 或者皮膚穩定返再試下先

Lavshuca 心戀粉頰限量版 (晨曦橘)

好耐無買胭脂啦, 因為屋企實在太多, 唔係好鍾意都會忍手, 近期睇雜誌見 Anna Sui 新出花形圖案及 Lavshuca 限量心心都好吸引我, 去 Anna Sui 玩過, 想買 #301 色, 可惜無貨, 再去 Log-on 見到 Lavshuca 實物都唔錯, 不過無 tester 試色, 諗左好耐買粉紅 / 粉橙好.... 因為怕粉紅太 pink 太可愛, 所以揀左粉橙色

名 稱 : Lavshuca Sweetup Cheeks 心戀粉頰 (晨曦橘)
價 格 : $120
容 量 : 8.5g

產品介紹 :

混合深淺 3色, 刷出富層次感的立體雙頰。柔和色調彩飾肌膚, 打造明亮甜美的戀愛肌。
 


包裝一目了然, 見到個圖案應該好多女仔都會心動, 仲有埋個掃仔添

有介紹使用方法, 不過我會 3色混合使用

胭脂盒表面就無乜特別, 白色底銀色 logo, 但入面就好靚啦, 有 3個顏色, 珠光米白, 偏橙粉紅, 淺橙色



多數三色混合咁用, 有 d 閃, 但都係低調珠光, 唔會有大大粒閃粉, 粉質都幾幼細, 不過有少少飛粉, 顯色度唔算好高, 效果較自然, 所以重手搽多左都唔怕, 但持久度唔算好好, 我膚色較白, 對我黎講個色橙左 d, 最深格橙色唔可以掃太多, 唔係會顯得面黃, 個掃都好滑, 毛好密, 有埋個套拎出街補都好方便

GlossyBox Hong Kong Launch Event

呢 排天氣真係好凍呀, 最低得十度以下, 真係邊度都唔想去呀, 但新年唔去街, 購物慾依然旺盛, 上網買野係最好既方法, GlossyBox 都係一個唔錯既選擇, 早前有機會參加 GlossyBox Hong Kong Launch Party, 可以見識下外國好 hit 既網購方式



門口擺設好得意, 近農曆新年, 除左全盒, 仲有龍公仔添, 好可愛
 

等登記既時候, 見到好多 GlossyBox 呀, 好想知第一份會係咩品牌及產品呀
 

入到會場, 就俾一楝好高既 GlossyBox 吸引住啦, 包裝係粉紅色配啡色, 好英倫風, 高貴既感覺



當 日好多 blogger 到場, 尤如 blogger 聚會咁, 大家都傾得好開心, 然後由 Managing Director 為我地介紹下 GlossyBox, 每月只需 HK$120, 就可得到 5種最潮的美容產品迷你裝, 直接寄到我地手上, 就算唔係屋企或無人收件, 速遞都會連續 7日到達填寫既郵寄地址, 包唔會 miss 包裹啦, 而合作品牌更加係知名既大牌子, 如 : Lancome, Becca, Estee Lauder, YSL, Clinique, laura mercier, Sisley, NARS.... 等等!! 當日仲有大抽獎, 有 4份, 分別係 2月份、6個月及12個月免費 GlossyBox, 真係好正呀!! 恭喜晒幾位幸運兒



離開時每人得到一月份既 GlossyBox

BECCA Beach Tint  $330 / 7ml (Full Size)
bliss lemon & sage body butter  30ml (原價 $215 / 200ml)
LANCOME Genifique 嫩肌活膚精華需 7ml (原價 $650 / 30ml)
MOROCCANOIL 摩洛哥順髮油 10ml (原價 $400 / 100ml)
NUXE 極緻蜂蜜日霜 15ml (原價 $400 / 50ml)
 

暫時都未開黎用, 遲會再詳細出篇文介紹佢地啦

www.glossybox.hk

Mioggi Hex Bionic 機研純蔘系列

人蔘 - 都係唔少護膚品會添加既珍貴成份, 咁紅蔘又係咩黎呢!? 「紅蔘」由野生人蔘歷 9次多重蒸曝而成的天然珍品, 具深度活養、提升血氣循環的功效



Mioggi 以韓方科研智慧以傳奇活膚珍品 - 「6年頂級紅蔘」配合「乳酸桿菌發酵」技術精煉出最濃純的紅蔘精華, 集中賦活、抗皺、緊緻, 由內滋補黯沉老化肌膚
 

啡金色既包裝, 都有 d 似人蔘既顏色, 有晒說明及生產日期
 

Mioggi Hex Bioni Pure Perfecting Serum 機研純蔘亮膚精華  $330 / 30ml
具超卓活膚效能的精華素, 能為肌膚灌溉大量養分, 高效提升肌膚的營養循環, 瞬間回復紅潤剔透, 重現生氣。同時增強膠原及彈性蛋白的密度, 顯著擊退皺紋, 全方位修復老化, 肌膚宛如細嫩新生。不含防腐劑 Paraben 及酒精成份

酵母葡聚糖 - 修復受損老化細胞, 改善皺紋及緊緻肌膚
透明質酸 - 重建天然儲水機能, 提升肌膚水潤度
尿囊素 - 鎮靜、舒緩敏感肌膚
六角水 - 最有效的水導體, 使養分能滲透至底層, 令肌膚更剔透亮澤

精華係透明 gel 狀質地, 好香人蔘味, 但唔算好濃, 推開變成水狀, 易吸收唔 lup, 補濕度都 ok, 而家天然用都足夠
 

Mioggi Hex Bionic Pure Hydro Restoring Emulsion 機研純蔘水盈乳液  $300 / 30ml
水盈質感配方, 能為肌膚灌注皇牌六角水及多種抗氧成份, 拯救乾旱受損細胞, 即時舒緩繃緊, 修復紫外線及環境所引致的衰老痕跡, 讓肌膚重拾年輕幼嫩。不含防腐劑 Paraben 及酒精成份

6年人蔘根 - 活化肌膚細胞, 促進肌膚血液循環, 改善膚質
海藻醣, 透明質酸 - 重建天然儲水機能, 長效補濕
芒果籽奶油 - 高效抗氧, 修復老化細胞
六角水 - 最有效的水導體, 使養分能滲透至底層, 令肌膚更剔透亮澤

白色薄身 lotion 狀, 同精華一樣都好香人蔘味, 質地都好水潤, 推開易吸收, 睇到吸收量手背完全唔會油 lup, 但補濕度唔錯, 冬天用都唔覺乾



使用前皮膚敏感後幾乾及泛紅, 其間因為 M come 關係, 皮膚仲係唔太穩定, 使用後皮膚水嫩左, 雖然敏感未完全退晒, 但泛紅有減淡左少少



紅蔘系列全套有 6款產品, 除左以上既精華及乳液, 仲有潔面、爽膚、眼霜、面霜架

AQUALABEL 蜂皇活膚精華

名 稱 : AQUALABEL 蜂皇活膚精華 Royal Rich Essence
價 格 : $199
容 量 : 30ml

產品介紹 :

蘊含豐富發酵蜂皇漿GL，透過獨家發酵技術，極速滲入肌底，活化每個細胞，更新肌膚，提升緊緻。配合尊貴高麗人參精華GL、雙重透明質酸，源源灌注高效修護滋潤成分，綻放青春魅力。觸感豐盈柔滑，更散發清新玫瑰花香。



又係我最鍾意既蜂蜜護膚品, 金黃色好有 honey 感覺
 

新開封要沿虛線撕走包裝膠, 確保買到既都係未開封既新鮮貨品
 

淡黃色半透明 gel 狀, 好水易推開, 快吸收, 用後都好清爽, 皮膚唔會有黏 lup 感, 但有適當滋潤
 

使用前皮膚問題不大, 只係腮位之前敏感既地方依然紅, 及鞋鞋地有層死皮咁, 使用後果個位置平滑返晒, 而且紅都退左好多, 用左 10日都無敏感, 夠滋潤保濕, 有返光澤, 每次我會泵多 d 按一陣, 所以使用 10日已用掉 1/3 啦, keep 住用, 可以靚靚過新年啦

Vichy Thermal Serum 溫泉礦物保濕精華

名 稱 : Vichy Aqualia Thermal Serum 溫泉礦物保濕精華
價 格 : $310
容 量 : 30ml

產品介紹 :

全 新 Aqualia Thermal Serum 溫泉礦物保濕精華加入了的高濃度透明質酸 (Hyaluronic Acid) 及甘油 (Glycerin) 作高效保濕, 亦加入了蘊含 15 種稀有礦物質的 Vichy 火山熔岩溫泉水, 有效紓緩及強化肌膚防禦力。Vichy 最新研創醫學保濕成份 Aquabioryl 「絲柔鎖水因子」除即時保濕之外, 更有效防止水份流失, 達到 48 小時持續保濕。Aquabioryl 同時亦令精華質感更幼滑, 且能被迅速吸收, 深入肌膚底層補充水份。



新一代 Aqualia Thermal Serum 溫泉礦物保濕精華以天然防腐劑代替 Paraben, Paraben-free 的精華可以減少造成刺激的機會, 更適合敏感肌膚使用。
 

包裝簡單, 玻璃樽身加上泵裝好方便衛生
 

半透明乳白色 lotion 狀質地, 推開好水潤, 易吸收唔 lup
 

使用前皮膚咁啱起敏感, 都幾紅及乾, 使用後即時水份升左好多, 而且退左 d 紅
 

初初用都有 d 擔心, 因為皮膚咁啱唔穩定起敏感, 驚用左敏感仲嚴重, 但產品簡介話適合敏感皮膚使用, 所以都放膽一試, 搽完皮膚無咁乾, 泛紅都有減退, 連續使用7日, 皮膚無咁乾, 上妝都無再甩皮, 敏感都好左好多, 雖然仲有少少紅, 但平滑不少, Vichy 係適合敏感皮膚用既護膚品牌, 睇黎我又多個選擇啦!!

Mentholatum Water Color 水彩潤唇膏

名 稱 : Mentholatum Water Color 水彩潤唇膏 - 01 經典粉紅 (Vintage Pink)
價 格 : $31.90
容 量 : 3g

產品介紹 :

淡淡粉紅色澤, 一抹如水彩般展現水凝透明感; 蘊含雙倍透明質酸及 Ceramide (賽絡美), 持續鎖水修護; 添加豐唇成份 Mazi-Lip™（三勝肽) 及抗氧化維他命 E, 櫻唇更健康有彈性
 

之前睇台灣 blog 見到已經心思思想試, 5月去台灣見到, 當然唔放過啦, 當時香港都仲未有售, 台灣價錢比香港仲貴少少添.... 嗚嗚嗚....
 

呢款係最淡色既, 香港全系列有 6色, 但台灣買果時得 4色咋
 

包裝其實同唇膏無咩分別, 都幾顯色, 但質感滋潤 d
 

今日好凍呀, 所以個咀都無晒色, 又乾喎, 用左佢有返自然唇色, 其實上咀係 pink  d 架, 不過影相出黎有 d 食色, 顯色度唔錯, 睇下我上唇粒雀斑都遮到, 有色潤唇膏黎講都算夠潤, keep 到 2-3個鐘, 同埋佢甩左 d 色都唔會蝕左落咀唇 / 唇紋度, 但如果咀咀甩皮既話, 最好用無色潤唇膏打底先, 唔係 d 色一撻撻好肉酸架, 呢支無閃粉, 效果較 mat, 如果想令 d, 可以 on top 加 lipgloss, 都好靚架, 平平地買黎用下都唔錯

清貨 - 2011年12月

新一年既假期, 大家做緊 d 咩呢, 我都休息左幾日, 今日又可以打下文啦, 又係一個月既開始, 又係出清貨文既時候啦, 12月初去左旅行, 所以都清左唔少 sample



Eminence Clear Skin Probiotic Masque (按此)
出粒粒必備既 mask 呀, 而家 d 粒粒退晒, 得返少少敏感, 所以暫時唔需要回購住

Ettusais Sweet Dear Hand Cream (按此)
舊年 x'mas 限量版既 hand cream, 好香提子味, 都幾夠潤, 不過洗手後一定要補搽, 持久度唔算好好, 個盒好靚唔捨得丟, 我會儲起佢

Cham Skin 生物纖維面膜 (按此)
質地好特別, 以生物纖維黎講唔算貴, 補濕度好好, 可能物料關係, 無咁多化學成份, 敏感時都用得

St. Clare Y18 超 V 緊緻臉頸精華 (按此)
提升效果唔錯, 用左 2-3星期開始見到效, 搽埋頸, 雙下巴都收緊左無咁鬆弛

SK-II Facial Treatment Essence (按此)
好正既 essence, 雖然好水好似 toner 咁, 而價錢又唔平, 但真係值得, 用左膚色、毛孔、緊緻都有改善, 已經回購左 215ml 啦

SK-II Skin Signature (按此)
質地好稀, 潤而不膩, 一年四季都啱用, 易吸收, 又係用完又回購左貨裝 lu

Elizabeth Arden 8HR Cream Lip Stick (按此)
都幾夠潤, 不過唔知係咪有防曬, 用佢有時會敏感, 去旅行果時太乾, 咀唇四周都係爆拆...

彩豐行蘋果幹細胞活膚面霜 (按此) 
用左時係夏天都仲 ok, 冬天唔夠潤, 主要用黎搽頸

Bioderma Sensibio Mask (按此)
敏感皮膚幾啱用, 我會同 eminence 隔住用, 無咁貴嘛, haha, 水貨舖買平好多

Kiri Manuka Honey Nourishing Face Mask (按此)
好香 honey 味, 滋潤得黎有少少清潔, 啱晒冬天唔可以用 deep clean / 磨砂既日子

Mane n’ Tail Deep Moisture Shampoo (按此)
對我黎講潤左少少, 唔可以連續用太耐, 唔會好易出油

Mane n’ Tail Deep Moisture Conditioner (按此)
長頭髮用佢就唔錯, 唔算 lup, 髮尾好順滑
 

Sample :

Eminence Blueberry Soy Night Recovery Cream
Eminence Wild Plum Eye Cream
Kamill Coco-cream Shower
Medi Angel Epidermal Serum
SK-II Facial Treatment Essence
Cosme Decorte Moisture Liposome Cream