Ettusais 秋冬新品美研聚會

上星期出席左 Ettusais 既美研聚會, 係位於銅鑼灣一間樓上 Cafe, 裝修好特別, 牆身畫到好似漫畫插圖咁, 加埋 Ettusais 精心既佈置, 好切合 Ettusais 既主題, 與專櫃既 Display 好相襯

入到去已經見到好多 Ettusais 產品啦, 一見到個可愛 BB 就知道係護唇產品啦

門口仲放左個簡單遊戲板, 答啱問題就有 Ettusais 精美 file 一個


由於係 Cafe, 所以食物及飲品都唔錯呀, 唔止外表吸引, 亦好美味添

到 戲肉 Ettusais 護唇系列啦, 今年加入新成員, 係左邊白色果支, 係冬季限量版 Lip Essence (Deep Moist), 質感較中間粉紅色裝 lip essence 再潤身 d, 可以厚搽做 lip mask, 我見有 blogger 敷完個咀仔好潤好令呀, 右邊就係 lip stick 潤唇膏啦, 啱 d 唔鍾意黏 lup 或之後會搽 lipgloss 既 sis 使用啦, 3支均有 spf 18 pa++ 架, 以護唇產品都算幾高既防曬度數, 夏天都唔怕曬到咀仔出斑 / 唇色變深出紋啦

睇下上面有2個咀咀幅圖, 左邊係無用潤唇膏, 右邊就使用左 Ettusais Lip Essence, 個咀豐盈 d 無咁乾巴巴


除 左唇部, 雙手都係冬天乾燥天氣中需要加倍滋潤既部位, 限量版既 hand cream 啦, 細細罌帶出街或放係公司都好方便呀, 盒面仲造到好似一個小蛋糕咁, 用完入面既 hand cream 個罌可以用黎留念或 refill 其它 hand cream 入去添, 有 3種香味選擇 - 「夢幻甜美草莓」、「濃郁芳醇葡萄」及「清甜的洋梨」, 洋梨味比較特別, 亦好多 blogger 鍾意添, 然後 BA 幫我做左個 hand massage, 真係爽, 舒服到唔記得影相, haha, 做完雙手好柔滑, 仲有陣陣既香味, 而且 hand cream 滋潤得黎好快吸收, 之後就算開蓋拎野都唔會 "扇" 手

最後得到 3款禮物, 玩遊戲既膠 file, Lip Essence (Deep Moist) $130 / 8g, Sweet Dear Hand Cream $100 / 27g

是日玩甲 + 淘鞋子到手

好耐無玩甲啦, 睇左好多本雜誌, 諗左好耐先諗到整呢款, 整完感覺好 Anna Sui 呀, 呵呵

用左以下既野....
ECO NAIL H009 珍珠白色打底
Konad no.16 Pastel Violet 粉紫 - 用海棉斜印 1/3
Konad no.17 Violet Pearl 珍珠紫 - 用海棉斜印 1/4
ECO NAIL G26H 掃係粉紫及深紫既分界線位置
Konad no.01 Gold Black 金沙黑印花
致於印板我用左好多款, 都唔記得啦, haha, 主要都係蝴蝶同玫瑰花




近鏡, 今次印花印得唔錯, 無乜出界同走位呀



另外係淘寶買左對鞋仔, 不過實物比相綠 d, 但都 ok 呀, 我無 d 咁鮮色既鞋, 襯牛仔褲好睇呀, 質地都 ok, 唔算太差, 同埋要唔該晒 Manyee 生日都要約我交收呀, 阻住佢同男友 sweet sweet 添!!

Rosken Hydrating Vita E Lotion

名 稱 : Rosken Hydrating Vita E Lotion
價 格 : $37.9
容 量 : 75ml
 
產品介紹 :

特別為敏感及乾燥肌膚而設，加入豐富的維他命 E，能有效抵禦紫外線，防止肌膚氧化。從根本提升肌膚的免疫力，阻隔空氣的污染、壓力帶來的傷害，有效抑制及調和肌膚的敏感症狀。醫學臨床測試証實，使用洛士健能提升 62%肌膚滋潤。

護膚膏主要成份 : Dimthicone 及橄欖油精華, 加入維他命 E 成份的保濕乳, 專為敏感人士而設

使用方法 : 適用於手部、腳部、頸部、膝頭及身體各部位, 請每日早晚各塗一次






 
Rosken 之前用過原味藍色包裝既 lotion, 而家新出左 Vite E, 早輪咁乾燥, 當然要試試啦, 橙色包裝好易認, 75ml 唔大支, 放係手袋或公司都好方便, 打開有少少香味, 質地乳白色 lotion 狀, 推開唔厚, 而且好快吸收晒, 吸收後滋潤唔 lup, 沖完涼搽身之後著衫, 或係公司搽手都唔會感覺油膩, 搽完做野打字都無問題, 滋潤度睇上圖都見到啦, 搽左腳踭 d 白皮無晒, 因為係潤膚乳, 油份相對會重 d, 但咁先可以鎖住水份, 唔會流失嘛, 價錢仲咁平, 搽全身豪用都唔怕呀, haha

銷售點 : 屈臣氏、萬寧、Vivo+、Colormix 及各大藥房
另有 $75.9 / 375ml 及 $89 / 500ml

Sofina 去皺回彈力對策

Sofina beaute 新出既兩款產品, 高濃度W雙效抗皺精華及重點提升抗皺眼膜, 針對眼角、咀角及臉頰缺乏彈力的肌膚



打開包裝盒既真身, 粉紅色有花花 logo



高濃度 W 雙效抗皺精華 $390 / 30g
雙重去皺回彈配方加入大米精華肽, 同時針對彈力纖維及骨膠原的修復及增生。達到12小時持久滋潤, 即時減淡幼紋、舒緩乾燥感。連續早晚使用, 全面肌膚回復緊緻彈力, 眼尾、眼下及咀角笑紋顯著撫平, 回復幼嫩細滑。
濃厚啫喱質地, 塗抹瞬間便能迅速融入肌膚, 不黏膩, 持久保濕, 淡淡的鮮花芳香, 無色素


 
滋潤度         ★★★
清爽度         ★★★★
皺紋改善度  ★★★★
上妝貼服度  ★★★
彈力提升度  ★★★
香味               ★★

使用日數 : 14日

用後感 : gel cream 狀質地, 推開好薄快吸收, 而且好清爽, 淡淡花香味, 搽左有即時填平幼紋, 用左兩星期, 幼紋淡左少少, 尤其眼紋及笑肌既乾紋


重點提升抗皺眼膜 $220 / 12對 (24張)
透過獨特黏貼質地產生「密封效應」, 將提升抗皺 (Life Support) 成份, 輸送到角質層的最深之處「肌膚之芯」, 只需 15分鐘, 即時平復眼尾、眼下皺紋、眼袋及咀角的笑紋, 從「肌膚之芯」提升緊緻彈性。
濃縮了提升抗皺精華啫喱眼膜, 塗抹提升抗皺精華後, 使用於眼角或咀角部位, 開始使用的第一個星期, 推薦每天使用, 之後大約每星期使用 2-3次。


 
滋潤度         ★★
清爽度         ★★★★
皺紋改善度  ★★★★★
上妝貼服度  ★★★
彈力提升度  ★★
香味               ★

使用日數 : 12日

用後感 : 表面係棉布質地, 貼近皮膚既係啫喱狀, 好貼服唔會向下滑, 行來行去都無事, 腰果型啱晒眼肚及咀角位, 敷上眼時覺得涼涼地好舒服, 敷完個 mask 唔會乾唔會縮細, 所以我會用黎敷埋額頭, 因為都有少少表情紋, 連敷 12 日, 幼既眼紋真係淡左, 當然好深果 d 就需要 d 時間啦



搽左精華然後敷 eye mask 15mins, d 紋淡左少少, 只係用一次去紋效果唔算好明顯 



精華補濕度唔錯, mask 係啫喱狀唔係濕既, 所以補水度唔會好高, 但都升左少少啦



額頭、眼角、笑肌乾紋都有改善, 眼紋尤其明顯, 雖然最深果條紋都仲係度, 但都淡左少少, 而較細既幼紋都差唔多消失左, 真係好驚喜呀, 繼續 keep 住用, 效果應該會更加好

凹凹賞第13回

上次寫凹凹賞已經係半年前既事啦, 其實以下呢幾款產品都用完一段時間, 只係未有時間所以拖到而家先出....

5月份時既 Pure Pressed Powder (按此), 之前係 sasa 特賣場見好抵所以買左, 但有少少閃同上面白左 d, 較少用, 所以用左好耐啦....



終於都清左, 個底好得意, 好似塊磚咁架, 唔係常見既"鐵片君"



The Body Shop Vitamin E Tinted Moisture Lotion (按此)
質地好好, 水份重又易推, 可惜得一個色, 個色對我黎講深左 d, 同埋無防曬, 用黎溝粉底 / BB cream 用, 每次用少少, 50ml 用左好耐, 其實仲有少少未用完, 但已開封左一年, 質地有 d 變咁, 好水狀流出黎, 所以唯有放棄佢啦



Missha Perfect Cover BB Cream (按此)
托 朋友係韓國幫我買, 真係平香港一半咁制, coverage 真係唔錯, 有少少潤身但可接受, 顏色都幾啱我膚色, 不過質感厚左 d, 所以唔可以搽太多, 50ml 咁大支, 用左差唔多一年先用完啦, 暫時都唔會用 BB cream 住, 都係鍾意粉底個妝感多 d, 但我仲有支 Mioggi BB cream 未開, haha



其實仲有 d 用左大半 / 有少少見底既化妝品, 遲 d 等第 14回再同大家分享啦~~

LANEIGE x LuvLuvPig = Berry X'mas

Laneige 同 LuvLuvPig 相信大家都唔陌生, 但佢地 crossover 就係第一次啦
粉紅色咁可愛, 相信已經吸引到唔少女仔既目光啦





抵達 Laneige 位於海港城既專門店, 已經見到好多工作人, 記者, Blogger, 圍觀既途人, 將全間店包圍住, 真係未試過咁緊張呀
全間 shop 都好多 luv 既蹤影呀, 佢個樣真係好得意





然 後主持介紹今次主題 Berry X'mas, 再到 Laneige 人員 Maggie 講下產品, 然後係大家期待左好耐, 晚晚係電視都見到佢既晴晴 - 陳法拉小姐出場啦, 佢真係好靚, 好 sweet, 好瘦呀, 佢分享下用左 laneige 產品既心得, 然後就示範簡單甜品, laneige 仲送左一籃禮物俾佢添呀





當然 laneige 都唔會冷待我地, 都有小禮品送返, 個紙袋同張 luv card 好靚, 遲 d 用左再同大家 share 下啦

是日收穫

上個月參加左 she critiques 美容大賞投票抽中獎, 收到以下既禮品



喜療疤除疤啫喱
Clarins Natural Lip Perfecter
Shu Uemra  UV Base Mosse
易纖諾減肥茶



之後係 SASA 見到 Elizabeth Arden 8 Hour 潤唇膏做特價 $45, 見咁多人讚好用, 忍唔住又買支試下

Burberry Beauty 工作坊

星期五參加左 Burberry Beauty 位於 Faces 搞既工作坊, 之前睇好多美容網或雜誌見到 Burberry 出 makeup, 包裝已經好吸引好想試, 今次有機會參加工作坊, 真係好開心, 可以試下咁多款產品, 工作人員亦好有心機教我地, 穫益良多呀~~



當日因為落好大雨, 搞到塞車遲到左 15mins, 去到見到成檯既 Burberry Beauty 化妝品, 真係急不及待想玩下啦





盤唇膏及眼影, 真係好想拎返屋企呀, 上圖個 Beauty Brush 好舒服架



眼影顏色係英國既天氣為設計概念既, 化妝師示範左 2010 年既 X'mas Look, 帶點 Metallic 色彩, 用左 #17 Pearl Grey 及 #20 Midnight Blue



然後用 #07 Taupe Brown 做眉粉, Model 好靚女呀, 亦好 nice 咁見我地影相會擺好 pose 望鏡頭架, 笑起上黎樣子甜美, 而且當佢一企起身, blogger 們都不敢 "嘩" 一聲, 佢好高呀, 身型仲好 fit 添



然 後就到我地親身試下 d 產品啦, Luminous Fluid Foundation 好 creamy, 但搽開好薄身, coverage 亦相當好, 只要係有瑕疵既地方重覆印上, 唔洗用遮瑕產品都得, 眼紙筆好順易畫, 防水防油, 深藍及紫色最吸引呀, 唇筆方面香港較少女仔會用, 但工作人員示範用左唇線筆唇膏真係無咁易化開, 就算好用捽都無事, lipgloss 顏色好靚, 質地唔 lup 咀, 已經好想去敗啦, 另外 mascara 都係必買既產品, 我無用睫毛夾, 搽完都有少少曲同埋做到好濃密又唔會一舊舊咁, 不過暫時缺貨呀



化 妝師幫我化左個自然 d 既眼妝, 係果度可能黃燈, 覺得都幾自然架, 但返到屋企睇原來都有 d smoky, 但對眼真係睇落大好多, 另外個 lip color 係咪好靚呢, 用左唇膏 #03 cameo pink + 唇彩 #01 rose wood, 真係大愛呀



完成後收到 Burberry 彩妝產品, 個紙袋都好靚呀, haha





Luminous Compact Foundation #03
Sheer Eye Shadow #17 (X'mas Look 2010)
Soft Satin Lipstick #03 (X'mas Look 2010)





限量版 LIP CHARM, 最啱用黎做聖誕禮物, 去 party 拎出黎補妝真係全場矚目呀, 顏色 #01 Nude Beige $790, 全港限量 500件, 即日起接受預訂, 或 11月18 起公開發售

BURBERRY Beauty X’mas 妝容，品牌將於11月期間推出尊貴版 X’mas Kit。一套 3款BURBERRY Beauty產品：Luminous Compact Foundation 明亮粉餅、Eye Sharpening Pencil 眼線筆(連筆刨) 及 Soft Satin Lipstick 輕柔絲滑唇膏 (#03或 #09顏色以供選擇)，連同精緻的BURBERRY經典格紋化妝包連鏡子，助您隨時打造充滿 Effortless Elegance 的聖誕優雅妝容，必屬聖誕禮品的不二之選。
限定發售日期：11月18-20日
售價：HK$885

BURERRY 魅力唇彩優先發售推廣會

尖沙咀海港城海運大廈入口大堂
Tel : 2687 1230

產品資訊 : Luminous Fluid Foundation   全9色   $390
Luminous Compact Foundation   全9色 $450
Luminous Pressed Powder  全2色   $380
Natural Bronzer   全4色   $350
Natural Blush   全5色   $360
Eye Sharpening Pencil   全5色   $190 (連筆刨)
Sheer Eye Shadow   全20色   $250
Lip Sharpining Pencil   全6色   $180
Soft Satin Lipstick   全21色   $245
Natural Lip Gloss   全12色   $220 
MIDNIGHT BLACK Mascara   $240

美肌之誌淨白補水納米系列

美肌之誌 - 日本品牌, 台灣製造, 更俾台灣牛爾老師封為 "台灣之光" 既美譽添, 較出名既係 paper mask, 唔少 sis 都用過啦, 產品都係平靚正之選, 今次 share 既係新出品淨白補水納米系列, 包括潔面乳、精華素、乳液。


真身, 橙色包裝好醒神, 亦好易搵到



淨白補水納米洗顏乳  $29.9/100g
蘊含豐富銀杏精華及甜沒藥, 銀杏中的氨基酸成份可促進肌膚的新陳代謝, 調整皮膚角質油脂平衡, 防止肌膚乾燥和老化。甜沒藥具舒緩肌膚的功效, 在深層潔淨肌膚的同時, 為肌膚提供最滋養的保護, 使肌膚光滑舒適、滋潤潔淨。

使用方法 : 先用清水洗面, 將適量洗顏乳於掌心加水輕揉塗於面上, 順時針輕輕打圈, 再以清水徹底洗淨。如用作卸妝用途, 可重覆以上步驟, 直至完全清除面上化妝。



使用日數 : 12日

用後感 : 半透明 gel 狀, 泡沫唔算好多, 但秋冬天乾燥日子, 用佢就好好啦, 唔會令皮膚越洗越乾, 過水後塊面仲好滑添, 但潔力相對唔算好強, 有少少香味, 缺點係個蓋口大, 一吱份量較多, 同埋未合埋個蓋 d 潔面乳已經流出黎, 做成浪費

淨白補水納米精華素  $89.9/30ml
蘊 含珍貴珍珠萃取、魚膠原及多種保濕成份因子。珍珠的天然礦物質能有效確保水分平衡保濕, 使肌膚能極緻嫩白; 魚膠原中萃取的膠原蛋白更有助肌膚膠原蛋白新生, 倍令肌膚淨白明亮。同時加入多種保濕成份因子 (葡萄醣胺、玻尿酸、海藻醣) 為肌膚高效補水, 全面鎖緊肌膚水份。



使用日數 : 12日

用後感 : 呢支真係值得讚, 質地好水, 推開感覺似搽緊 toner 咁, 好快吸收晒, 仲好爽添, 尤其啱怕 lup 既年輕肌, 用左一星期已明顯見到膚色明亮左, 斑都淡左少少, 最驚喜既係暗瘡印好快淡到, 轉天氣用美白產品都無敏感情況出現, 真正做到淨白補水既功效

淨白補水納米 SPF15 乳液  $69.9/100ml
蘊 含珍貴珍珠萃取及桑白皮萃, 珍珠的天然礦物質有效抑制肌膚氧化, 均勻膚色, 令肌膚時刻保持細緻亮白; 桑白皮萃取能抑制黑色素細胞生長, 減少黑色素沉澱, 有助減退色斑, 加上蘊含玻尿酸及甘草提取物, 令肌膚淨白無瑕之餘同時深層補濕, 令肌膚時刻均勻細緻、水潤嬌柔。



使用日數 : 12日

用 後感 : 初初都擔心支乳液咁大支, 要倒出黎用好麻煩, 但一打開見到泵咀, 真係放下心頭大石, 之前過 d 韓國牌子, 大部份都無泵既, 真係好唔方便架, 乳液既香味同潔面乳一樣, 但就濃少少, 都可以接受, 質地吱出黎好杰身咁, 但好易推開, 搽勻後係無色既, 吸收晒都好爽, 有 spf 15, 冬天外出會化妝既話其它都好足夠啦, 佢個質地都好滑唔 kick 粉, 我覺得可以做埋 base 添, 可能我用量較多, 如果之後加防曬或 makeup base 既話, 有少少起擦膠碎, 但唔算嚴重, 乳液較適合混合/油性肌, 我偏乾肌又長時間係冷氣地方, 保濕持久度唔夠, 有時到下午出油量會多左, 面珠位有少少乾, 但唔洗擔心, 呢個系列亦有出防曬乳霜, 供乾肌人多個選擇呀


膚色明亮左, 斑斑都淡左少少, 只用左 12日就有咁既效果, 真係唔錯


所有產品質地都偏爽身, 搽左精華及乳液水份同彈性都唔係升左好多, 我真係太乾啦...

Lanami 絲心萃 Silk Essential Mask

係 Facebook LANAMI Fans Page 登記, 可以試用以下 2片 mask


Lanami 胜肽肌因面膜  $98/3片, $280/10片
3D彈性雙掛耳式配合面部肌膚
成份 : Retinol, 蠶絲蛋白, EGF, 九胜肽, 玻尿酸
兼 具抗老、角質再生修護、滋潤、亮白與保濕, 幫助肌膚做深層的呵護與保養的頂級面膜保養品。溫和不刺激, 其多重成份組合作用下能幫助肌膚達到鎖水、保濕、撫平細紋、使肌膚緊緻、透亮、潤白、柔嫩、抗老。維持水份保持彈性及水嫩的細緻平滑觸感。蠶絲蛋白為天然 扁平結晶體分子。依其物理折射特性, 更能讓你容光煥發。



使用方法 : 面膜展開後, 調整至適當位置, 耳掛處順著臉部曲線往上拉提掛於雙耳。約 15-20分鐘, 取下後不需特別再沖洗, 接繼使用日常保養品或絲心萃保養系列。





用後感 : 塊 mask 既設計好特別, 係掛耳式, 真係敷住倒立都唔會跌落黎, 連下巴、部份頸部及眼位都照顧到, 仲可以做到提拉既效果添, 但敷完記得抹下耳背, 唔係會 "hi" 到頭髮, mask 質地唔厚身, 都幾多精華, 敷左 20 mins 都仲濕, 敷完見到膚色明亮左, 之前轉天氣敏感既位置都無咁紅, 真係有 d 驚喜, 水油份都升左唔少, 我覺得個 mask 有少少滋潤, 我無沖水就搽 skincare, 會 feel 到塊面有少少 lup, 不過效果都 keep 到 1-2日

Lanami EGF 靚白面膜  $68/3片, $550/30片
西方之透明質酸 + 中國之玉容散 = 補濕 + 美白
成份 : E.G.F. 芍葯根萃取 , 黃芩根萃取 , 玻尿酸 , 蠶絲膠原蛋白萃取
全新配方 EGF 靚白面膜幫助肌膚銷水, 複方劑型成份溫和, 可改善膚色不均, 有效幫助撫平細紋, 使肌膚呈現白晳透亮, 保濕柔嫩的完美肌膚。







用後感 :呢款 mask 既 cutting 同上面果款唔同, 係普通 mask 咁既樣, 無眼蓋及頸位, 紙質厚 d, 精華係淡黃色, 所以塊 mask 都有少少黃黃地, 精華比較多, 敷左 30mins 仲好濕, 呢款效果無咁明顯, 滋潤感亦較重, 唔過水既話搽 d 補濕 gel 已經夠啦