~H2O+ Sea Results 3-in-1 Foaming Cleanser

名 稱 : ~H2O+ Sea Results 3-in-1 Foaming Cleanser
價 格 : $190
容 量 : 150ml

產品介紹 :

現 代都市人生活節奏急速，尤其是現代女性，肌膚容易出現疲態，而一支多功效的潔膚產品則決不可少。~H2O+ 全新海洋 3合 1 潔面泡沫，將 3重功效集於一身：潔淨、抗皺、水油平衡，一站式為妳處理肌膚的日常需要，讓妳享受前所未有方便多效的潔面護膚新體驗，締造完美無 瑕的至臻美肌境界。

使用方法 : 取適量塗於濕潤面上輕柔按摩，再以清水過淨，有效清潔及具卸妝效能。



一按出黎已經係泡泡, 不過 d 泡唔算好綿密, 而家有"咋咋"聲, 好快變成稀身既泡



說明話可以卸妝, 粉底、眼影、唔防水既 mascara 都卸到, 但有油份及防水彩妝就仲明顯見到





朝早起身塊面好多油呀, haha, 使用後爽晒但唔乾, 睇下水份測試, 皮膚無咁乾呀



使用日數 : 10日

用後感 : 有時趕時間或好攰, 洗面泡泡一按搞掂, 唔洗起泡真係好方便, 但佢既泡唔算好"實淨", 按幾下好快變得好稀身, 所以好易洗乾淨, 過水後唔乾, 塊面仲好滑添, 而家天氣咁乾都唔會令皮膚變乾, 但始終係潔面產品, 唔會要求佢有保濕滋潤, 之後都要搽返 skincare 架。佢潔力都唔錯, 淡妝都卸到, 當然防水彩妝都係唔夠乾淨啦, 但粉底 / 防曬絕對無問題, 不過我多數卸妝潔面會分開, 都係用佢黎潔面多, 可以當係深層潔淨啦, 唔怕卸妝唔乾淨有賤餘物留係皮膚嘛

Kanebo Coffret D'or Silk Skin

上次去 Kanebo 化妝班得到以下 Coffret D'or 新出底妝 - Makeup Base & Cream Foundation, 用左幾次, 都係時候同大家分享下啦





Coffret D'or Essence Fix $230 / 25ml
蘊含豐富保濕成份, 凝膠狀的柔滑觸感, 容易均均推開, 形成一層厚薄均勻的滋潤護膜包裹肌膚, 持續水潤功效的精華素妝前底霜。



使用前要搖均, 淡粉紅色, 質地好水好貼薄



用後感 : 上面幅相都睇到, 推開質地好薄, 好似搽緊精華素咁, 好少份量已可搽全面, 淡粉紅色, 可以調節少少暗沉膚色, 但好自然, 唔會過白或偏紅, spf 24 pa++, 冬天都好足夠。另外有款 Cover Fix, 係遮瑕型 makeup base, 淺肉色, 可以全面或加係多瑕疪既地方如眼圈、鼻翼等, 雖然無遮瑕膏咁高 coverage, 但自然又唔會出乾紋, 有 spf 21 pa++ 添




Coffret D'or Silk Cream Foundation $300 / 25g  全 7 色
提供豐潤保濕, 觸感輕柔舒適, 締造宛如絲般柔滑肌膚, 綻放優雅光澤, 變奏滋潤絲亮優雅粉底霜。



同上代粉底一樣, 扭開蓋入面有支捧仔用黎取粉底, 方便衛生, 仲好細心添



用後感 :  用既係 OC-B, 係最白既色, 唔偏紅/偏黃, cream 狀質地, 但推開好似絲咁, 好貼, 薄, 順滑, 雖然質地薄, 但 coverage 唔差, 唔會覺得好重粉感, 面既毛孔都遮到, 但我鼻既毛孔都幾大, 就差少少啦, 要用 d 遮毛孔既 base 打底先得, 但整體都非常滿意, 之前都係用 BB Cream 多, 較少用粉底, 呢排主要都係用 Coffret D'or 咋




大家睇下妝效啦...
素肌 : 毛孔粗大, 雀斑明顯, 膚色不均
Base : 毛孔無咁明顯, 調節膚色, 但雀斑仍清晰可見
粉底 : 質地好薄唔厚粉, 但瑕疵遮左唔少
碎粉 : 雖然都仲有少少雀斑, 但膚色靚左好多, 毛孔唔多覺眼, 對比返素肌真係差好遠





上次化妝班得到既 sample, 係化妝班無試過既, 主打保濕、緊實、活膚等功效, 質地偏滋潤, 較啱熟齡肌或偏乾肌

Dew Superior Wash Cream  $260 / 125g
豐盈泡沫, 超保濕洗淨效果, 溫和清潔毛孔與表面污垢

Dew Superior Moisture Concentrate I  $590 / 75ml
積極提高肌膚機能, 將有效成份直達角質層細胞, 回復緊緻張力膚質

Dew Superior Cleansing Oil  $300 / 150ml
徹底清潔毛孔、提升後續保養品之吸收

Dew Superior Brightener Concentrate  $370 / 100ml
去除囤積的老廢角質、提升肌膚代謝力及吸收力、增加肌膚明亮度

Dew Superior Loiton Cencentrate I  $520 / 150ml
高滲透、高保濕的持續效果, 養份滲透至角質底層, 改善乾燥粗糙現象

Dew Superior Lift Concentrate Cream  $720 / 30g
深入真皮層, 增生骨膠原蛋白及透明質酸密度, 24小時鎖水潤澤

先補濕，後鎖水 - ZINO 補濕方案

全天候多功能補濕鎖水的護膚品只是理想化的空談, 一支便能解決多種因缺水而帶來的肌膚問題? 護膚是不能懶的, ZINO 訂了一套切合不同膚質的補濕方案, 就是「先補濕，後鎖水」, 才能真正解決皮膚缺水的問題。

人體 70% 是水組成, 但肌膚細胞中造水關鍵的水合蛋白, 會隨著年齡增長而遞減, 肌膚乾燥時, 抵抗力和修復力也會降低, 這是導致肌膚老化的重要關鍵。所以美白或抗老化前, 補水是最重要, 因水份不足肌膚越來越乾, 老化等肌膚問題便慢慢出現。

先補濕 - ZINO Hydra Booster 注水王  $268 / 30ml 
高效極速注水科技能為乾涸的肌膚即時補水，能喚醒肌膚內在的補水功能，保持內在水分的循環，達至速效深層補濕。呵護乾燥敏感的肌膚，明顯改善膚質，讓肌膚體驗前所未有的水潤亮澤。由韓國整形醫院研發的 ZINO 注水王 Hydra Booster以 專利納米技術將高濃度的透明質酸打成了納米大小 (10億分之 1米)，能 1秒瞬間將 400% 超微細水分子注入肌膚真皮層，1000 倍水分滋潤的透明質酸被肌膚全面吸收，使補濕力更持久有效。當中不含油分的配方，每次只需要 1-2滴，即可為肌膚注入千倍水分，讓肌膚整天注滿水，從底層裡綻放自然光彩。



用後感 : gel 狀質地, 無任何香味, 按一泵已可搽全面, 易推開唔 lup, 快吸收, 之前用過其它品牌既透明質酸原液, 再搽 cream / 防曬好多都會起擦膠碎, 但呢支完全唔會, 吸收後好爽, 用左一排感覺皮膚水份重左、滑左, 開架品牌價錢唔貴又易回購, 真係唔錯既選擇。


後銷水 - ZINO Hydra Locker 銷水王  $198 / 30ml
Hydra Locker 能將水分鎖在肌膚之內，避免水分流失。擁有專利 ELDEW PS203 高效鎖水成份，是極微細的水解膠原蛋白，3秒內形成強力鎖水保護膜，讓肌膚鎖水效能超出 4倍，強壯的鎖水屏障不單幫助皮膚保存水分，更可預防外來刺激物的入侵，令皮膚更有效防止環境因素如紫外線及污染的侵害，有效控油、減淡乾紋及色斑，改善缺水粗糙，重建剔透水嫩肌膚。



用後感 : cream 狀質地, 推開好薄好爽身, 無香料, 但我偏乾皮膚, 而家秋天濕度低左, 夜晚就唔多夠潤, 朝早用就啱啱好啦, 而且唔 lup, 之後搽防曬 / base 再上粉底唔會覺得搽左好多野 block 住毛孔咁, 搽埋頸既話我會用 8泵, 一支 30ml 應該用唔到 2個月



使用前後雖然睇落好似無乜分別, 但自己感覺到肌膚觸感係唔同左, 上粉都貼 d



水份測試, 使用前好乾, 用左 essence 升左唔少, 用埋個 cream 雖然無升到, 但 keep 到, 一小時後都係水份及彈性跌左一格, 油份仲 keep 到, 一定既油份先有能力鎖住水份

莎莎 Cyber Colors 美肌分享會

今個星期有幸參加 SaSa 辦既 Cyber Colors 美肌分享會, 仲請到來自日本既星級化妝師原口和也先生, 佢幫過好多日本紅星化妝架, 包括濱崎步、相川七瀨、山田優、安室內美惠, 同香港既 Angelababy, 原口先生係日本仲創辦左自己既化妝學校添, 真係好厲害架





開始前影下周圍環境同新出既冬季彩妝, 係咪好吸引呢



之後原口先生開始幫模特兒化妝啦, 係咪好熟面口呢, 佢係 Kennis 呀



新出既粉底, 質地好特別, 好似布丁咁好滑好彈, 水份重, 推開好薄好貼, 完全唔乾, 之試  SaSa 都係 Facebook 搞過試用架





之後原口先生開始彩妝部份啦, 用琥珀眼影畫眉, 再用藍寶石眼影, 一盒 Palette 有一個打底既 Cream Base + 6色 e/s, 一盒可以化到好多個妝啦



最 後上埋 Gemstone Blush Wear, Silky Glowing Rouge, 就完成啦, Kennis 本身眼大大, 但化埋呢個咁日系既妝容, 好似個公仔好 kawaii 呀, 原口先生仲俾左個 tips 我地, 就係 blush 可以搽高少少, 咁會顯得雙眼更大, 大家不妨試下啦



之後有個小比賽, 用 Cyber Colors 新出彩妝設計妝容, 由原口先生揀 3個得獎著, 以下就係我畫既妝啦, 用左下面既 Eyeshadow Palette 03 Amber, Blush Wear 01 橙色, 可惜得唔到獎...



           

SaSa 送左 2款產品俾我, 真係好開心呀, 係想要既琥珀色 E/S Palette 呀, 仲有 03 Sweet Pink Rouge





就係我畫係畫紙既顏色啦, 包裝盒有埋使用方法





試色照





Gemstone Silky Glowing Rouge $138 (8色)
Gemstone Eyeshadow Palette $218 (3色)
Gemstone Blush Wear $168 (2色)
10月中全線 SaSa 發售啦

Clinelle Anti Wrinkle & Firming Serum

名 稱 : Clinelle Anti Wrinkle & Firming Serum
價 格 : $260
容 量 : 20ml

產品介紹 :

此 高效抗皺精華液含有經過臨床証實的活性成份, 能夠改善肌膚的緊實度和濕度, 并同時減少細紋和皺紋。棕櫚酰寡肽和四勝肽棕櫚酸酯促進細胞外基質成份的合成, 使細紋的形成減至最少, 并同時改善肌膚的膚色和彈性。丙二醇和歐錦葵萃取物 (兩種舒緩劑) 能夠舒緩、軟化、及滋潤肌膚。天竺葵精油和柑橘精油促進血液循環、去除瑕庇、和排除毒素, 改善黯淡無生氣的肌膚。所有皮膚適用。








 
使用日數 : 10日

用後感 : 第一次使用 Clinelle 品牌既產品, 但之前已經對佢唔少產品有興趣, 亦見有朋友用過既 comment 都好好, 呢支抗 皺精華液真係啱晒我啦, 年紀唔細要開始抗皺啦, 預防勝於治療嘛, 精華係透明杰身 gel 狀, 所以搽完 toner 塊面濕濕地時要快手搽, 唔係會有少少難推, 無任何香料, 所以會聞到 d 原材料既味, 本身塊面無乜皺紋, 所以去皺效果試唔到, 但覺得膚色均勻左, 同埋成份有精油, 有少少滋潤, 所以天氣再凍 d 應該會更合用, 同埋唔好以為 20ml 細細支咁, 每次 2泵已夠全面用, 一支都可以用到 2-3個月架。

Kanebo 化妝班

 

Kanebo - 日本第二暢銷之品牌, 相信大家都唔陌生啦, 我去日本旅行都會買 Kanebo 既化妝護膚品, 因為較多 sample, 又多 set 裝嘛, 所以都用過部份佢家既產品, 連開架品牌品質都有一定保証添, Coffret D'or 代言人柴咲幸好靚女添

早兩日同好多 Blogger 就上左佢地係 office 搞既化妝班, 有得食又可以試好多化妝護膚品, 真係好好玩呀



去到已經見到新出既 Dew Superior 系列及 Coffret D'or 既產品放晒係度, 真係好想拎晒返屋企呀





等 齊 Blogger 就開始講解啦, 由 Skincare 開始, 主角係 Dew Superior, 之前我都用過舊版 dew 精華素, 新版產品更加齊全, 而家包裝好靚, 全橙色, 樽蓋係鑽石形水滴, 系列主打深層保濕, 防禦紫外線、乾燥等活性氧傷害, 促進膠原蛋白與透明質酸生成





由卸妝開始做起, 亦俾我地試上面, 用下個感覺, 卸妝 cream 好杰咁, 有 d 似 massage cream, 但上面按一陣會變左透明油質, 用紙巾印左多餘既油份先過水, 就完全唔 lup 啦



跟住就到潔面泡泡, 呢支唔記得影個質地添, 泵出黎泡沫好密, 但上面後好快會散開, 當無晒 d 泡就可以過水啦



然後就到化妝水啦, 今次我地試既係 II 號滋潤型



精華素, 香味好舒服, 而已好快吸收, 但唔知係咪短時間耐搽太多野, 用到精華時按面會起屑屑



乳液, 都係用 II 滋潤型, 唔好睇份量咁少, 已經夠搽全面, 而家補濕唔 lup



之 後就開始上妝啦, 用既係 Coffret D'or 秋冬系列, 由 Makeup Base 開始, Silk Cream Foundation, Eye Base, 眼影, Liquid Gel Liner, Mascara, 眉筆, Blush, Lip Stick, 因為化得太專注, 無影相呀, 所有產品都好好用, 但 Silk Cream Foundation, 眼影, Liquid Gel Liner, Mascara 印象較深刻, 有 Blogger 仲話完左化妝班就想去 counter 買添呀



每人仲有一套化妝用具, 唔洗等, 唔等爭, 非常貼心, 而且化妝掃質量非常好, 好滑, 真係好想帶埋佢返屋企呀, 可惜係唔可以拎走, haha



完成後有 Essence Fix (保濕型 Makeup Base), Silk Cream Foundation 揀左 OC-B 色, 同部份 Dew Superior sample, 等我試真 d 會再同大家分享架!!!