名 稱 : H2O+ Face Oasis Hydration Lotion SPF 30
價 格 : $420
容 量 : 38ml
品牌介紹 :
高效抗 UV 兼強效補濕，提供深層補水功能，其質感更超輕盈、透薄，最宜於夏日作妝前底霜使用，為肌膚減輕負擔，感覺有如置身深海防曬，每吋肌膚均被水包圍保護，無時無刻保持水漾感覺！
使用日數 : 18日
用後感 : 包裝係一貫 H2O+ 8杯水系列既藍色, 泵裝方便衛生, 一支多功能好方便, 可以做補濕 + 防曬 + makeup base, 質地係粉藍色乳液狀, 推開好水好薄身, 不過香味就濃左少少, 頭幾次 toner 後用, 然後就可以化妝啦, 因為搽少左好多野, lotion 質地又薄身, 個妝都貼好多, 仲可以快左出門口添, 但公司長時間係冷氣地方, 到下午有少少乾, 之後就搽左補濕精華打底先用佢, 咁就好 d 啦, 大家睇上面幅相都睇到, 質感好薄, 搽左都唔覺有任何負擔, 水份同彈性都升左2格, 油份就無變, 証明質地好清爽, 防曬力方面, 用佢會再搽粉底 / BB Cream, 都係有防曬既, 用左十幾日都無黑到, 平時返工唔多係戶外既話係絕對係足夠既, 缺點係價錢貴左 d 啦, 但如果可以做埋防曬 + base, 咁都可接受既
Yeah~~ 終於買左 iPhone 4 啦, 之前都諗緊買唔買好, 又諗住出左 iPhone 4 就買 iPhone 3GS, 諗住會平 d 嘛, 點知 iPhone 4 同 3GS 差唔多價錢, 咁當然買新野啦, 見同事又用得幾好又方便喎, 幫埋宅男訂機添呀, 等左 3 weeks 終於到手啦
之前一路未用過呢類電話, 玩左一星期 (其實係宅男玩多), 都開始熟手啦
取機後即刻買返個保護貼先, 係 Apple / MAC 配件舖買, 3張保護貼 $120, 包括透明, 磨砂, 鏡面, 職員仲幫我貼埋, 原先揀左鏡面, 但有少少幻彩, 睇得耐對眼好攰, 仲有 d 頭痛添, 最後撕走左自己貼返透明, 然後買左個 case, 好靚架, 好有 Anna Sui feel 呀, 未買 iphone 果時已經睇中左架啦, haha, $118 連一片底 + 一片面保護貼, 早知有保護貼送就唔洗係 apple 買啦, 唯有留返俾宅男用啦....
噚晚收到 Dr Swiss 既 SMS, 今日係萬寧買各款 Serum 都係出位價 $149, 仲有 9.98ml BB Skin Deep Moist Serum 送, 咁抵放工即刻去買啦, 我仲用埋之前 HSBC 15% 回贈買既 coupon, 折實都係 $128 咋, 抵!!!
d 貨好新鮮架, 2012年先到期, 可以慢慢用
名 稱 : 彩豐行 CL 銀杏人參爽膚水
價 格 : $38
容 量 : 200ml
產品介紹 :
全新添加人參精華成份 :
* 皮膚每天面對著不良生活習慣或外界因素
* 導致肌膚黯然失色及疲憊，阻礙骨膠原與纖維細胞的新陳代謝
* 甚至臉龐會呈現過早老化徵象，肌膚失去原有健康光采
「銀杏葉活肌精華系列」
# 全新添加人參精華成份，從而解決肌膚衰老導致皺紋出現、肌膚暗啞失色、粗糙等困擾
# 補充肌膚所需營養，全面發揮滋潤肌膚
# 抗衰老、抗氧化及改善膚色功能
# 令肌膚迅速回復健康亮澤，重拾青春美態
功效：
1. 清爽溫和的爽膚水，有效紓緩及修護肌膚
2. 改善暗啞膚色，持久鎖緊水份，防止皮膚水份流失
3. 調節及軟化皮膚，令肌膚保持光滑細緻
泵狀, 但個噴咀唔係幾好用
水狀質地, 好香人蔘味
係舊年買既, 都放左好耐 lu, 所以本身係用黎做 toner mask 既, 平平地唔肉赤嘛, 咁 d 面膜丸用晒都當返 toner 用啦, 講返效果先, 當 mask 時, 第一次敷倒出黎聞到好濃既人蔘味, 敷上面陣味就變左有少少樟木味, 塊面感到少少熱, 過左陣就變左涼涼地好舒服, 敷完有少少補濕及滋潤, 效果唔算好好, 但快同埋平囉
做 toner 既話質感有 d 潤, 所以我會夜晚先用, 睇上面幅圖既使用前後, 水份同彈性都升左 3格, 油份少左 2格, 都 ok 呀, 不過就未必會回購啦, 效果唔算好特別
呢排好懶添, 成個星期無寫 blog 啦...
幾個月前唔知做乜個頭生左粒野好痕, 之前轉左第二隻洗頭水之後, 粒野就慢慢收細, 但痕既位置就由粒野伸展到成個頭都痕, 尤其耳後近後尾枕個位, 耐唔時會生幾粒頭瘡添, 睇左 2次中醫, 食左 2星期藥, 頭幾日真係好左好多, 都仲有痕, 但無咁辛苦, 同埋無咁密, 但第2次睇, 情況差唔多, 又痕返, 都唔做咩事... 想睇皮膚科, 但無睇開都唔知去邊度睇好... 大家有冇解救方法或醫生介紹呢!?
上兩星期自己整左卸妝油, 唔經唔覺用左 10日, 要同大家 share 下啦
整左 100ml, 雖然唔算大支, 但都幾襟用喎
質地係咁既, 淡黃色, 有少少杰, 感覺有 d 似 DHC Cleansing Oil
搽左 d 化妝品係手試下個卸妝力, 有 Lipgloss, Lipstick, Eyeliner, Mascara, E/S
吱少少卸妝油係手, 影得太慢, 流晒落黎
打圈按左一陣, 除左 mascara, 其它都甩左九成, 有 d 甚至唔見晒啦
加少少乳化, 連 mascara 都甩埋
過水後, 乾淨晒, 不過睇到有少少閃粉仲係度
DIY Cleansing Oil 使用時有 d 野係要注意既
1. 使用前要搖勻, 因為乳化劑有時會沉澱左, 搖勻確保唔影響乳化過程
2. 唔可以俾個樽入到水, 所以最好唔好放係浴室, 使用時亦要乾手乾面
3. 使用卸妝油後要用 Cleanser 再潔面
4. 無落防腐劑, 每次唔可以整咁, 調配後最好係 2-3個月內使用
咁 講下用後感先啦, 質地比用開既 biore / kose 杰身少少, 類似 DHC 卸妝油咁, 頭幾日都唔係幾慣, 不過雖然杰 d, 但都唔難推, 乳化效果亦唔算明顯, 只係有少少奶白色, 之後都好易過水, 但過水後感覺皮膚表面有層保護膜咁, 無平時用開既咁爽身, 但又唔係油膩感, 再用 cleanser 潔面就無呢個感覺啦, 但唔會好似 biore / kose 咁用完有好滑手既感覺
之 後就係卸妝力, 我試過用係手及化眼妝黎試 , 兩樣都卸得好乾淨, 防水 mascara 都溶到, 亦唔澀眼, 但同其它卸妝油一樣, 乳化後睇野會有 d 懞, 不過唔算嚴重, 整體黎講都 ok, 雖然質地唔太好, 但卸妝都係要乾淨, 做到呢點已經好足夠, 而且價錢平好多, haha, 自己溝都唔會好麻煩
名 稱 : 彩豐行水療急救解渴面膜
價 格 : $26 / $75
容 量 : 100ml / 480ml
產品介紹 :
用後能使您的皮膚感覺清新，清潔無瑕及再現活力，使皮膚恢復活力的最佳修護產品
每星期適宜使用1-2次。
主要成份：海洋骨膠原、藻類衍生物
功效：* 含豐富的藻類衍生物和海洋骨膠原成份
* 能直接將成份輸入深屠皮膚，補充骨膠原活化肌膚細胞
* 促進新陳代謝與再生能力，增加皮膚的水份與免疫功能
* 促進真皮層微血管形成，恢復受損組織正常循環
用法：將厚層面膜均勻地塗於潔淨之面部，待10分鐘後，用水清洗即可。
之前屋企無晒清爽型既補濕 mask, 原本想買彩豐白茶 mask, 但加左價, 咁見到呢款, 平平地買黎試下, 可以密 d 敷都唔肉赤嘛, 質地係杰身藍色 gel , 同彩豐出名既 12杯水好似, 無乜香味, 頭幾次用照說明咁講厚敷, 但敷左 15mins, 塊面仲有好多 gel, 要過耐 d 先洗得乾淨, 感覺 mask 好似無吸收過停留左係表面咁, 之後就薄薄地搽一層, 感覺好好多, 易洗乾淨, 敷完皮膚感覺水份重左, 不過持久度唔耐, 只係 keep 到一日, 同埋頭幾次用敷上面時有 d 拮拮地, 但用多幾次又無事, 可能未適應, 呢個雖然唔算好好用, 但平平地密密敷都 ok 既, 夏天用都 ok, 但白茶 mask 效果明顯 d
之前係 Sofina 工作坊得到呢兩支產品, 用晒屋企 d 美白精華 sample, 可以開黎用啦, 用左一個月, 同大家分享下~~
SOFINA 是世界首個品牌, 率先著手研 究黑色素細胞的「訊息傳遞」, 在美白技術持續不斷地取得突破的發展。2010年, SOFINA 推出全新的 Sofina Whitening 全效淨白系列, 旨在為女性實現確實的美白效果, 能夠全面擊退暗啞, 連根拔起色斑!
Sofina 美白領先技術
最直接減少黑色素細胞的數量, 最明顯的淨白效果
「SCF」存於皮膚的細胞內的一種訊息傳遞物質, 與黑色素細胞的繁殖有著密切關係, 它能夠與黑色素細胞上的接收口結合後, 使更多的黑色素細胞大量繁殖, 導致色斑增多及加深。所以, 要對付臉上的色斑, Sofina 採取了 360° 全方位針對 SCF 的方案, 由根本原本抑制 SCF 的產生、傳遞及接收, 以免黑色素細胞不斷繁衍。
2010年春, Sofina 獨家研究出用取自桔梗的根部提煉出來的「桔梗美白精華」抑制與 SCF 結合的黑色素細胞「接收口」的形成, 結合現有阻截黑色素源頭的有效成份, 成為世界首創最尖端的美白科技。
Sofina Whitening Essence 淨白精華素 $420 / 22g , $720 / 50g
蘊含 Sofina 獨家研發的桔梗美白精華, 配合日本白樺樹精華及 AM 色酮配方, 徹底抑制黑色細胞的繁殖, 配合洋甘菊 ET, 4星期將暗啞膚色擊退, 令整體膚色回復均勻淨白, 清爽配方迅速滲透入肌膚, 令肌膚如珍珠般於任何角度都透出淨白光澤。
- 新加入SOFINA獨家研發的美白成分 : 桔梗美白精華
- 有效美白成分 : 洋甘菊 ET, 日本白樺樹精華, AM色酮配方
- 質感非常清爽水潤, 迅速滲透入肌膚
- 可用於眼下部位, 減淡眼下暗啞及黑色素
- 含保濕成分不會令肌膚乾燥
- 不含油分
- 微香性・無色素
按兩泵份量, 在整個臉部均勻塗抹。
用 後感 : 乳液狀, 但好易推開, 吸收後一 d 都唔 lup, 補濕效果都唔錯, 用佢連補濕精華都唔洗用, 直接用 essence + stick 就可以搽 cream 啦, 好溫和, 我對美白產品比較易敏感都無事, 但美白效果唔算好明顯, 同埋個樽好密封, 可以保護到精華唔會比陽光曬到而令成份變質, 不過就唔知用左幾多囉
Sofina Whitening Stick 淨白重點去斑筆 $450 /3.7g
配合精華素使用, 能加強兩倍美白效能, 緊鎖型滲透配方, 配合金雀花精華, 令色素隨正常角化容易排出, 重點針對色斑、雀斑、暗瘡印及暗啞部份, 快速的美白效果減淡多年的頑固色素, 令肌膚再次重現亮白神采, 同時亦可快速減退。
- 新加入 SOFINA 獨家研發的美白成分 : 桔梗美白精華
- 重點美白成分 : 金雀花精華
- 有效美白成分 : 洋甘菊 ET, 日本白樺樹精華, AM色酮配方
- 筆狀設計衛生、方便、易用
- 不含油分
- 微香性・無色素
使用時，取出 5mm左右，在問題部位畫圈2〜3次均勻塗抹。
用 後感 : stick 狀可以重點係斑斑及暗瘡印度打圈搽, 試係手就見到搽左有 d 油油地, 不過用係面都唔會 lup, 但可能呢個係重點美白, 成份濃度高 d, 我唔可以用太多, 有少少敏感反應, 但 d 斑真係淡色左同範圍細左, 同埋都幾襟用, 用左一個月都只係用左少少咋
用左一個月, 美白效果唔算好明顯, 斑斑都差唔多, 係暗瘡印就淡左, 不過我 d 斑跟左我成 20年, 都唔期望會淡好多, 無深到已經好好 lu。
計上次買涼鞋之後, 又係淘寶買左幾件衫, 因呢排個 fd 好鍾意係淘寶買野, 咁佢公司係大陸有 office, 可以係果度收左再 send 黎香港, 咁運費可以再平 d, 咁我就 join 佢一齊 order 啦
訂左幾件衫, 原本 order 左 7件, 但得3件有貨咋, 雖然價錢唔算好平, 但質量幾好, 同相片分別唔大, 3件加埋運費及匯率 HK$215
感覺好似差唔多, 因為我鍾意 d cutting 簡單有少少款既 Tee
呢件幾闊身, 有 d 娃娃款
呢件特別少少, 係 tee + 打底背心, 件背心有字既, 著左會透到 d 字出黎, 可惜影相睇唔到
名 稱 : In Essence Tahitian Monoi Silk Body Wash
價 格 : $129
容 量 : 250ml
品牌介紹 :
In Essence 是澳洲首席香薰治療品牌，也是以全人身心健康為概念的市場領袖。它的產品糅合了古代傳統及現代科技研究。In Essence 於1986年開始研製高質素的香薰精油，作全球性演講及香薰治療工作坊中教授之用。In Essence 的 100%純淨精油成為了自家的文化傳統，成就 In Essence 在香薰產品界的權威地位。In Essence 採用純淨香薰精油，讓產品發揮治療作用，多年來持有「澳洲政府純植物精油療法貨品管理部門」TGA的註冊證明。 時至今日In Essence 被視為香薰界的教學專家，為大眾提供香薰治療的進修及培訓選擇。
產品簡介 :
質地如絲幼滑，蘊含由梔子花及椰子油研製的 Monoi成份，溫和潔淨、保濕肌膚，使身體每一吋肌膚柔滑滋潤。豐富的植物成份，能令肌膚更生，恢復生氣，而誘人芳香的氣息，為沐浴增添甜美的感官享受。
使用日數 : 17日
用後感 : 之前係 sasa 都有留意過 In Essence 既產品, 俾我既感覺係香薰、天然, 今次係第一次使用呢個品牌, 包裝簡單, 使用起黎好方便, 一打開已經聞到好香, 香味令人好放鬆好舒服, 感覺有 d 似泰國既 SPA 咁, 沖完涼著衫時個浴室都充滿香味, 淡黃色 gel 狀質地, 加水後無乜泡, 就算用起泡網都唔會好多泡, 但都洗得乾淨, 過水後好爽一 d 都唔乾, 就算開冷氣都唔洗 body lotion, 但因為泡沫唔多, 不自覺用量會多左, 一支大約可用一個月。
上網見 Blogger 自己 DIY 卸妝油原來都唔難, 材料又易買, 之前有整 DIY 手工皂, 有 d 野屋企都有, 咁終於用完支 Lancome 卸妝乳 (按此), 未開既只係得返支 Biore Cleansing Oil 咋, 所以就手痕整左先
首先拎晒 d 用具出黎消毒, 等乾晒之後就用燒杯量左 5ml 透明乳化劑
再量 100ml 萄葡籽油
將 佢地搞均, 想有香味 / 護膚功效可以加香薰油, 記得要買用得係身體果 d, 唔係用黎點果 d 喎, 我今次用左柑桔, 一黎平, 二黎香味清清地幾舒服, 可以遮左 d 油味, 所以唔係用好多, 只係加左 5滴, 咁啱屋企有支 Squalane, 又手多加左幾滴 (保濕嘛)
然後將卸妝油入樽就可以啦
第一次整所以只係整左 100ml 試下, 聽晚會開始用, 用左一段時間再話俾大家知效果啦, 希望唔會爛面, haha
因為第一次整有 d 手忙腳亂, 好多 step 都唔記得影相呀, 見諒!!!
係 7/24 參加左位於紅磡都會海逸酒店舉行既 Refoderm 工作坊, 我都係第一次參加咁大型既工作坊
源自德國 Refoderm 研發者對草本美肌概念一直深信不疑, 從而研發獨有專門技術, 萃取珍貴草本活性成份, 結合多種天然精華, 於 1956年精煉研製出無可媲美的草本美肌精華秘方, 跨出全新護膚概念。
入到會場已經見到好多今次主角 - Skin Care Tonic 係度啦, 分 4款 for 唔同皮膚, 分別為 Sensitive, Aloe Vera, Special, Strong, 仲有 Cally 愛犬 Cash 既毛毛公仔添
未開始前有少少點心及飲品俾我地咁多位 blogger, 然後我都就卸妝先啦
由大家都認識既大佬 B 做司儀, 然後邀請 Refoderm 董事及亞太區教育事務總監蔡太為我地介紹公司簡介及點樣認識 Refoderm 既經過, 蔡太好風趣架, 令大家都好放鬆咁享受今次既工作坊添, 然後請左兩位 blogger 上台, 由美容師為佢地做個簡單既 treatment, 當然使用 Skin Care Tonic 再配合獨創既 "美肌七式法"
到代言人 Cally 出場啦, 佢真係好專業好有心, 前一晚跌襯坐住輪椅都出席, 但見到佢行都行唔到, 而且好痛咁, 但佢好好人, 我地要求合照都唔會拒絕, 仲影晒先肯坐低, 但見到佢真係好痛... 近望佢 d 皮膚真係超靚, 仲好高貴添
美肌七式法
透過 7 個步驟, 3分鐘猶如為肌膚進行運動, 活躍細胞更新, 促進血液循環, 皮膚即時展現細緻光澤
而抹完睇返棉花上污垢既顏色, 可以判斷皮膚有咩問題
然後 Cally 話唔洗講 tonic 點好用, 當我地試過就知, 佢一聲令下, 我地百人一齊見証
當 日星期六要返工, 好早起身, 皮膚狀態唔算好, 下巴仲有 d 走米添, 美容師建議我試 Skin Care Tonic Special, 適合混合性/油性/暗瘡皮膚, 使用七式法, 初初上面有 d 涼涼地, 然後有 d 慶, 抹到眼仲有 d 拿添, 抹完後塊面紅晒, 蔡太話咁係正常反應, 越紅即係皮膚越活躍, 效果越明顯, 10分鐘後已經退紅, 皮膚涼涼地有 d 緊, 但唔覺乾, 膚色均勻左, 暗粒都收細左, 睇相仲發現下巴都 firm 左 d 喎, 最誇張既係.... 大家睇下張化妝棉... 啡啡黃黃咁, 好肉酸呀, 以為抹完檯添
得到一支 Skin Care Tonic Sensitive 30ml, Moisturizing Gel 15ml, 專用化妝棉 6片, 化妝袋
Skin Care Tonic Sensitive $880 / 100ml
突 破性進行單一護膚產品研發, 萃取 150 種天然及有機植物精華提煉而成, 一點一滴都能觸動每個肌膚細胞, 啟動自我更生系統, 加速修復程序, 由底層徹底改善多種肌膚問題, 源源不絕注入養份, 同時迅速排走毒素, 令肌膚重現晶瑩剔透、幼滑細緻, 發放耀眼光芒; 輪廓全面提升, 達至驚艷的抗皺效果, 夢寐以求的美肌體驗立即呈現!
蘊含天然活性成份, 有效去除表皮老化角質層、污染物及色素, 預防黑頭及暗瘡, 為肌膚提供強效的更生和修護功效, 同時補充水份和營養, 平衡油脂分泌, 即時令皮膚變得柔軟嫩滑, 光滑重現; 是每位使用者必備的煥膚精華。適合初用者及任何皮膚。
使用日數 : 4日
用 後感 : 平時我既護膚程序都唔少, 潔面 -> toner -> 精華 -> 面霜, 每晚都會敷 mask, 一星期2次去角質, 用左呢支 tonic, 簡單左好多, 潔面 -> tonic -> moist gel, 真係慳返唔少時間, 連磨砂 / mask 都無用過, 使用時感覺同工作坊時既感覺一樣, 用時涼涼地, 然後塊面有 d 慶, 會紅紅地咁, 但用到第三次已經無紅啦, 仲覺得涼涼地好舒服, 用後唔乾, 好似有層膜咁保護皮膚, 而化妝棉亦越用越少黃色污垢, 代表毛孔內不潔物慢慢清除, 第4日膚色均勻淨白左, 毛孔亦細左少少, 暗粒都細粒左, 如果試用多幾日, 效果會更好
Moisturizing Gel
為缺水及欠缺彈性的肌膚提供即時補濕, 瞬間重現緊緻幼嫩。含大量保濕因子, 有助全天候鎖住水份及即時提升肌膚彈性, 同時亦可作底霜與其它精華一併使用以加強保濕效果。
呢款要係 Refoderm Service Center 先有得賣既, 雖然叫 gel, 但質地係 gel cream 狀, 好易推開, 感覺有 d 似雪花秀既與潤面膜咁, 無香味, 補濕度唔錯, 每次用少少已經好夠潤
測試 :
Before - 潔面後, 油份有 +5 咁多, 水份及彈性 +2
Tonic 後 - 水份及彈性升左 +4, 油份減少左一格, 皮膚有少少紅
Tonic + Gel - 水份及彈性 +5, 油份再少左得 +3, 都仲有少少紅, 搽左 gel 皮膚滋潤有光澤左
10mins 後 - 油份升返少少有 +5, 水份彈性跌左, 但都俾使用前好, 皮膚退左紅, 膚色均勻左, keep 住有光澤
有 3張 Free Treatment Coupon, 可享 Refoderm 皮膚分析及 15mins 美療護膚體驗, 有興趣可以 PM 我
想更了解 Refoderm - http://www.oneconceptgroup.com/refoderm
