Birthday Gathering

我同一位朋友都係同月同日生日既 - 9/30, 所以噚日幾個朋友幫我地慶祝。



好美味既頭盤同甜品, 因為掛住食, 唔記得影主菜, HAHA





重頭戲當然係我既生日禮物啦
Shiseido The Skincare Day Moisture Protection SPF 15
Shiseido The Skincare Night Moisture Recharge
Vivienne Westwood 絲巾
Anna Sui 散銀包 (內格可放紙巾)

近期常用既面膜

 


Watsons 燕窩 Mask
平平地幾抵用, 有埋眼蓋位, 但敷時有少少眼澀, 但無敏感, 都唔錯, 但可能多人買左, 見 Watsons 加到 $41.9 啦, 咁貴我就唔會再買 lu。


O'slee Hydrasmooth Eye Mask
之前開倉買既, $10/5對, 好抵用, 都 OK 既, 但我少敷 eye mask, 比較唔到。


彩豐 Ki 甘草酸充電柔滑面膜
買返黎果時係分兩層, 上層係 Cream, 下層 Gel, 要溝均先用, 但只需搞均一次都得, 唔會變返兩層既, 質地有 D 似 Fancl 乳酪 Mask, 但潤好多, 過水後有滋潤感, 所以早排咁熱好少用, 等乾燥 D 就啱晒。


彩豐 Joseristine 青瓜面膜
呢個係新出既, Gel 裝質地, 香味清清地都 OK, 夏天用幾啱, 唔 lup, 但唔覺有乜特別, Ki 白茶三重美白面膜好用 D, 都係 Gel 狀但有美白效果。


Nuxe Lotion (Toner)
呢個整濕化妝棉做 lotion mask 或溝綠豆粉敷, 因為用佢有少少敏感, 用黎敷就 OK 喎, 係 SaSa 換購 $30/125ml。


仲有唔記得影相既雪花秀與潤面膜, 呢個係 Sleeping Pack 咁用既, light cream 狀, 夜晚搽晒所有 skincare 先用, 第二朝起身塊面會好軟滑, 雖然貴, 但勁大支, 每次又唔洗用得多, 好襟用。

生日禮物 - 雪花秀

9月頭收到雪花秀既生日優惠, 有潤燥精華 8ml 及潔顏泡沬 15ml Sample, 另外買滿 $2000 送玉容面膜, 買滿 $4000 送玉容面膜及順行潔顏油, 但我買唔到咁多, 所以淨係換左 Sample 咋, 但 BA 都介紹左套優惠 set 俾我,
包括 :

Full size
潤燥精華 60ml
滋陰水 125ml
滋陰乳液 125ml

Travel size
潔顏油 15ml
潔顏泡沬 15ml
滋陰水 15ml
滋陰乳液 15ml
人蔘面霜 5ml

呢 set 可以 $1650 就咁買, 或買滿 $1000 用優惠價 $1570 買, 平左 $80, 其實都好抵架, 等於買3支貨裝送大 sample, 但屋企果 D 未用完, 等年尾出 X'mas set 先買都未遲。

跟住係西武係 Kanebo 又玩下 Coffret d'or 個粉底, 今次試好似無果次係 sogo 試咁補濕, 我仲了左少少搽係鼻睇下遮唔遮到毛孔, 但真係太少, 睇唔到效果。
再去 Watsons 睇左 Shiseido MJ, 好似唔太吸引, 真係買唔到就好想買, 但到好易買果時又唔覺有咩特別, 只係新出有隻四色 e/s d 色幾特別之外。
跟住玩左 Revlon 新出果隻變色粉底, 都幾得意既, 我覺得係 d 藍色珠珠入面有粉底囉, 因為捽開就變肉色, 都唔覺佢好似 BB Cream 咁會調節顏色, 我試最淺果隻都有 d 深, 明顯隻手深左一撻, 之後再係 SaSa 多手又試多次, 吱左少少黎試, 就無咁深色, 但有深過我手既色囉, 但搽得薄就無乜 coverage 啦。

 

粉底 Samples

就黎換季, 各大品牌都推出新既化妝品, 個妝化得靚唔靚, 最重要既當然係底妝啦, 所以呢個時候大家都會留意粉底啦, 當然我都唔例外, 又係想買粉底既時候啦, haha, 上面果 D 係近期換到既粉底 Samples, 包括 :

            
Clinique Supermoisture Makeup 高效補濕粉底
產品介紹:
乳霜質感令肌膚水嫩舒適，輕易締造健康滋潤的無瑕光彩。高度補濕 : 蘊含強效補濕因子，超凡滋潤能力媲美補濕面霜，即時及持續為肌膚注入源源不絕的水潤感受。
超幼滑軟雪糕質感 : 嶄新製造技術，令粉底的柔軟度和光滑度彷如為肌膚而設的軟雪糕，讓肌膚盡情沉醉於當中。
持久妝容 : 獨特薄膜科技配方，全日固定妝容，免除粉底變黃的煩惱。

BA 好好人, 俾左三包我, 我俾左一包朋友, 自己留左兩包

http://www.clinique.com.hk/whats_new/smm_mkgt.tmpl

                 

RMK Make up Base

RMK Liquid Foundation #103

網址係日文, 搵唔到產品介紹
http://www.rmkrmk.com/products/makeup/basemakeup



Sofina Primavista Smooth Coat Base 柔滑毛孔底霜 & Sofina Primavista Bright Up Base 亮肌底霜
柔滑遮蓋毛孔及粗大的肌紋, 調整肌膚膚色, 使粉底的效果更加出色的化妝底霜。

Sofina Primavista Cream Foundation #03 / #05 各一包
通過光線效果令凹凸的毛孔和陰影消失, 讓你擁有從任何角度看起來都顯得明亮、柔滑和細緻。

http://www.beautyexchange.com.hk/design/Sofina/minisite/2008/aug/stage2/index_new.php
 

手工皂必備材料 - 橄欖油

係惠康買既橄欖油, 好抵呀!! $99.9 / 2L, 仲有得儲八達通積分, 一支都唔洗 $50, 呵呵, 可以用黎浸紫草, 又可以做皂 lu

原本見價錢牌寫主有 10 倍日日償 Dollar 架, 俾錢後睇返張單又無喎, 見好多人買野, 我無問收銀啦, 唔係既話, 仲可以慳多 $4.9 添呀, 真係慳得一蚊得一蚊呀

無聊 DIY 搞作 - 粉餅大變身

之前係 SaSa 特賣場買既 Pupa Luminys Face Powder, 但個吸塑膠盒好難合實, 拎出街唔方便及肉酸 , 所以幫佢黎個大變身



首先用間尺起左個粉餅出黎先, 好驚整爛呀, 好彩都幾完整, 因為 D 粉壓得好實



見有個吉既 MAC Pressed Powder Case, 就試下啦, 點知啱啱好, 真係原裝都無咁 fit 呀, Yeah, 即刻靚仔晒啦, 跟住用膠紙係底部固定





點知發現.... 個蓋盒唔埋.... 因為個 powder 係凸起架, 拆左塊鏡應該合得埋, 但我又唔想...



諗到用返個 refill 膠盒整返個 cover, haha, 我覺得好似巨形 contact lenses



完成~~



傾面睇仲有少少虛位添, 用一排個粉餅平返就可以合埋蓋架啦, 我要努力加油呀!!

Watsons 75 折收獲

上星期 Watsons 買兩件指定貨品有 75折, 當然去睇下有咩抵野買啦, 結果買左兩樣野, 折實 $73.3



Watsons 燕窩 Mask, BE 有人話唔錯, 平平地買黎試下, cutting 好貼面, 但敷果時對眼有 D 澀, 我睇過成份又無酒精喎, 都唔知點解會咁, 同埋呢幾日天氣唔穩定, 又熱又乾燥, 敷左兩次有少少敏感, 不過都唔知關唔關佢事, 可能美白面膜掛, 因為我用過好多美白野都有少少刺激, 但平平地都買黎用下都 OK 既, 但近期好似加左價。

Sunplay UV Milk 防曬之前用過 UV Gel SPF25 PA++ 果款, 好水唔 lup, 但其實主要係想試新出支 makeup base, 係肌色有 SPF18 PA++, 未用過唔敢買貨裝, 見買防曬有 8g sample 送喎, good fit 啦, 唔算細支夠用1-2個月 lu

淘寶網 (一)

最近係淘寶網買既手工皂材料



酪梨油 500ml, 諗住整洗面皂



狗狗腳印矽膠皂模, 好可愛呀, 想買好耐, 初初新手唔捨得買矽膠膜, 因為香港賣得好貴



乳油木果脂 500g



紫草 100g, 原本係買 200g 架, 但賣家寄漏左俾我, 激死!!



見 label 寫住 100g, 上磅磅過真係得 100g, 要等下次訂貨賣家先補寄回俾我。

凹凹賞

之前睇其它 Blog 有人 post 用到見底既化妝品, 但我只有粉餅咋, 胭脂、眼影就未試過用晒啦, 唇膏、唇彩就有, 但無留個樽。

上層左 : Clinique Perefectly Real Compact
上層右 : Maybelline Angelfit 2 way cake
下層左 : MAC Select Sheer Pressed Powder
下層中 : JuJu Aquamoist Loose Powder
下層右 : Kate Pressed Powder



打開後, 全部都得返塊鐵片咋, haha



近期用到見底既有... 呢張係 2008-7-26 影既...
左 : Shiseido Maquillage Precious Design Powder
右 : Kanebo Lavshuca 2 Way cake



更新進度... 兩個月後, 2008-9-15, 好有成功感呀

紫 草 皂 (2008-9-7)

上批既紫草皂俾了幾塊網友 Sheep, 佢又俾左兩舊佢家姐, 佢家姐話好用, 想我幫佢做一批, 今批成熟期要10月份, 所以較上批油既比例有唔同, 紫草浸橄欖油佔 45%, SF 荷荷巴油, 成形後較上次軟身, 但 INS 仍有 149 唔算好軟。



知道有小朋友用, 所以用了可愛既豬豬模
但玫瑰花模忘記塗凡士林, 所以失敗左... 好醜樣
希望 Sheep 家姐唔好介意咁肉酸既皂皂啦...



已經放左入雪櫃, 都係脫唔到, 最後用暴力, 連個模都爛埋!!!




成份：紫草浸橄欖油，椰子油，棕櫚油，白油，可可脂，NaOH，荷荷巴油

今次用左係 $10 shop 買既打蛋器, 攪拌時間縮短左一半, 以後打皂唔洗咁辛苦啦!!

MAC Mineralize Blush - Dainty

礦物彩妝胭脂, 八月出既限量版系列, 之前係朗豪坊見到, 覺得無乜特別, 個 counter 又多人, 就走左, 之後 Duty Free 又見到, 試左係手隻色幾靚, 但我太多 Blush 唔想再買, 真係十年都用唔晒, 返屋企諗左幾日真係好鍾意, 再去 Duty Free BA 話賣晒, 睇 BE 有 SIS 話 Mineralize Blush 部份色會再出及長期賣, 當然包括我想買既 Dainty 啦, 前日又係 Duty Free 見到, BA 幫我試上面, 隻色唔錯, 淡淡地好自然, 都諗左陣, 但男友話送俾我做生日禮物, 呵呵, 咁就帶左佢返屋企啦!! $165。









新加試色照

Isa Knox 秀麗韓乾粉餅

早排係 TST LCX 見到 Isa Knox 秀麗韓粉底系列有 Promotion, 包括 Liquid Foundation (粉底液), Creamy Foundation (粉底霜), Compact (乾粉餅/蜜粉餅) 各賣 $168, 真係好抵呀, 原本都唔諗住買, 但網友 CKM 買左話粉質好滑, 噚日經過 LCX 見仲有得賣 (旺角朗豪坊無, 另外網友 otsumami 都話德福無), 仲連埋支粉底 sample 添, 見咁抵忍唔住手買左啦, HAHA


~~ 正面 ~~

~~ 背面 ~~

~~ 拆盒後係咁既~~   係咪好靚呢!!



~~ 打開左 ~~  
隔開粉樸個膠係連住個 CASE 既, 好方便。



~~ close up ~~ 
粉餅有盒面既壓花紋, 但好淺, 我估用2-3次會無左。



除左盒入面既原裝粉樸, 紙盒入面仲有一個黑色絨袋, 用黎裝住盒粉唔洗整花, 個袋面仲可以抹指模, 另外仲送多個粉樸, 呢款係好似 2 WAY 粉樸既質地, 密度高 D, 用黎上粉遮瑕度高 D, 真係細心, 歐美既大 Brand 都無咁貼心呢!!



~~ 粉盒放入絨袋 ~~  個袋仲有秀麗韓個 Logo



送既 Cathy Cat Liquid Foundation Sample, 都唔細支架, 我估有 8-10g


新加試色照



無搽粉既右手做對比