自製彩妝 Palette

見 BE 好多 sis post DIY palette 好方便, 所以我都拎晒 D Eye Shadow & Blush 出黎, 但屋企無膠盒, 係實惠見到 $11.9, 而且 size 好啱用



仲有活動間格添!!



都唔算細個架, 我諗有 MUJI $10 個膠 2-3倍咁大



完成左啦... 上面盒 PN 唔夠位, 放係度影相咋, 或者貼係盒蓋啦



BE sis 話係底貼左膠紙先貼 D 眼影落去, 想轉色既時候都可以拆返出黎



整完之後... 發覺 D 活動間格係無用過... 不過算啦, 因為無間格都係一樣價錢, HAHA

DIY 保養書

係便利店買既 DIY 書, $18咋, 內有手工皂製作及配方, 仲有好多護膚保養品, 但呢D我興趣不大!!



酪梨皂可以洗面卸妝, 遲D買左酪梨油會整呢個試下。

最新妝物

今個月買既化妝品, 雖然都唔係新出既產品, 但都係我好鍾意同想買好耐架啦

Christian Dior Rouge Dior Creme de Gloss #255 (卓悅買既 sample)
Kanebo Coffret D'or 3D Lighting Eyes #05
Kanebo Kate Eye Shadow GD-1
Kose Pore Smooth Base UV spf20 pa++



Coffret D'or eye shadow 呢盒想買好耐, 之前新世界大減價都有去睇, 可惜呢個色好快斷貨, 見係靚靚賣 $199, 同 counter 9折後差唔多價錢, 忍唔住帶左佢返屋企啦, 返到去即刻試色, 好閃好靚, 色自然, 質地滑, 好後悔咁遲先買!! 

買 Kate 既原因以為佢同 Coffret D'or 既色好似, 但發覺 Kate 係取替唔到佢。

試色照... 用手提影, 影得唔太好, 有 D 朦, 影相食色既關係, 兩款眼影顏色好接近, 但肉眼睇唔係架, Kate 係金同閃好多, 實色 D,  Coffret D'or 質地好過 Kate, 尤其最上閃粉果格, 好滑好幼細, Kate 係見到大大粒閃粉。



買眼影時靚靚 sales 介紹左支 Kose Makeup Base 俾我, 幫我試係手, 質地好滑, 再上 2 way 係手, 好貼又持久, 我用紙巾抹都抹唔甩 D 粉底, 對佢即時有 D 興趣, 靚靚賣 $250, 我記得係 sasa 見過, 噚日係 TST sasa 見到 $72 即買啦, 不過靚靚個包裝盒唔係咁樣, 但支 base 既包裝同質地就一樣。


Kose Pore Smooth Base UV Matte 遮毛孔妝前底霜(啞緻自然) 盒底既介紹...

- 蘊含平滑毛孔的毛孔遮蓋粉體, 締造自然透明、清爽平滑底妝
- 自然象牙色給予肌膚自然的透明感

產品介紹話係肉色, 吱出黎係淡粉紅色 cream 狀, 好好推, 唔 lup, 有少少調色作用, 圓圈位見到少少白左, 唔係好大既毛孔都遮到, 再上粉底好貼



呢款 base 另外有隻粉紅色 Shiny (閃爍光澤)

- 蘊含遮蓋毛孔凹凸並同時調光的粉體，締造光澤、閃亮底妝
- 淡粉紅色給予肌膚健康紅潤的透明感 

Givenchy Cosmetics Set (2008-6-27)

永安大減價買既 Givenchy 化妝品套裝，想試呢個 brand 好耐啦，之前想試佢個四色粉餅，雖然呢 set 無，但$590有咁多野真係好抵，所以忍唔住買左，包括新出既 Matissime 乾粉, Makeup Base, Mat Fluid Foundation，呢三樣係 full size，另外有洗面膏，Toner, 香水版仔, 白色側揹袋送，BA 好好人，無諗到佢仲會送 sample 俾我，有 serum, face cream, eye cream, mask，都唔細支架，第一幅圖第一排左邊數起頭4支就係啦，今次真係買得好開心。


開左粉餅用，好滑唔厚，有少少遮瑕，個粉樸好特別，可以吸油添，但黑色要經常清洗，唔係會覺得好污糟咁，其它果 D 用左再 report。





打開左係咁樣既。。。

四川震災義賣手工皂

四川地震，令中國人上下一心，香港人既愛國精神係前所未見，網上好多有心人搞義賣，我都只係捐出少少善款，買左兩件手工皂 (紅酒奶皂 & 菊花甘草奶皂)，每人做少少，出幾分力，加埋就變到好強大，令我好感動。

網友好細心，係皂底貼埋成份、滋潤度及保存期，仲包裝得好靚靚咁寄俾我，我都要努力 D ，下個目標做奶皂。

PS. Sumi House 隻狗狗哥基女好可愛架。

雪花秀

近期最愛用既護膚品牌子，主要用中藥成份，令皮膚補陰護陰，"固本陪元"，full set 用左佢之後，皮膚狀態穩定左，水份重左，無咁易敏感。

而且 BA 好細心，唔 hard sell 呢種服務態度係其它品牌俾唔到我既，就算唔買野 BA 都會送好多 sample 架，雖然唔係貪 D sample，但有總好過無嘛。

紫 草 皂 (2008-6-21)

紫　草

主治：斑 疹，痘 瘡，紫 癜，癰 腫，便 秘，尿 血，燒 傷，皮 膚 炎，濕 疹 。
功用：活 用，散 瘀，涼 血，解 毒 。



今次切得幾滿意，雖然都係有大有細，但都無變平衡四邊形呀，哈哈！！




唔知點解中間有個圈 ........



成份：紫草浸泡橄欖油，椰子油，棕櫚油，白油，NaOH

與分層紫草皂第三層為同一批皂，分開另一個模，今次用左吐司模，真係靚好多呀，俾左個 Sheep 佢話似街買咁喎，好開心呀。

脫模初期係深藍色，但放左一個月後中間都仲係紫藍色，但邊及角位變左淺紫色啦。

分層紫草皂 (2008-6-7 / 9 / 21)

第一層　馬塞皂 (米色)
依蘭依蘭橄欖油，椰子油，棕櫚油，白油，NaOH


用埋最後既依蘭依蘭橄欖油，因這款油不夠純，做起既皂易溶少泡，今次整分層皂，可以用另外兩款皂補充不足。鹼水及油於 53℃ 混合，搞 15 mins 已 trace，3 mins 後入模。


第二層　粉紅泥皂
橄欖油，椰子油，棕櫚油，白油，甜杏仁油，可可脂，NaOH，粉紅礦物泥


鹼水及油於 52℃ 混合，搞 50 mins 後 light trace，加入粉紅泥後攪拌 10 mins，入模。


第三層　紫草皂
紫草浸橄欖油，椰子油，棕櫚油，白油，NaOH


4/27 將紫草浸泡橄欖油，隔渣後入樽備用，將油加熱，鹼水及油於 60℃ 混合，紫草浸油係紅色，加入鹼水後，油變成近黑既深藍色，及有沉澱物，攪了 2 hours 50 mins 後 light trace，入吐司模。


兩日脫模，吐司模很好脫，不黐，但膠模較難，要剪開刀可將皂皂推出，及皂身很油，要用紙巾吸油，吹兩日較乾身後切皂，分層皂馬賽皂部份很軟，其餘兩日較硬，尤其紫草皂。
紫草皂風乾一星期後，由深藍轉為紫色。

蜂蜜綠茶綠豆粉皂 (2008-5-11)

成份：綠茶浸泡橄欖油，椰子油，棕櫚油，可可脂，白油，甜杏仁油，荷荷巴油，蜜蠟，NaOH，黃糖水，蜜糖，綠豆粉

3/20 用綠茶茶包浸泡橄欖油，個半月後油已變成深綠色，有淡淡綠茶氣味。

用豆腐花既黃糖粉開水溝 NaOH，所有油脂隔水加熱溶解，50℃ 混合，皂液變成淺啡色，搞拌 1 hour 45 mins 後 light trace，皂液變淡黃色，加入蜜糖及綠豆粉後變啡色，再搞拌 10 mins入模，今次試用維他檸檬茶 375ml 做模，一日後皂面仍沒有變淡色，很濕很軟，半日後剪開紙盒俾皂抖氣，但表面仍有層油，放在紙上吸油，第三日切皂，很軟很油，平放在紙上，風乾 7 日後側面有白色粉末，但形狀大細好靚。

入盒兩星期仍出油，用紙巾吸油後，風乾三日，用保鮮紙包好。

特別鳴謝：Sheep 俾左好大包綠豆粉我，可以用黎敷面及做皂，有清潔功效。

魔力去污皂 – 家事皂 (2008-5-10)

成份：椰子油，芥花籽油，NaOH


將鹼水及油加熱溶解後，以 50℃混合，很快變成半透明暗粉紅色，睇書整家事皂會好快 trace，但足足搞了 1 hours 30 mins才 trace，變成好靚既粉紅色，保溫時皂面出水珠，一日後仍未能脫模，放入雪柜 30 mins，很易脫模，皂冷卻時不停出水，要用紙巾印乾，但乾了後很堅硬，用新買既皂刀切皂，刀身薄，皂邊很平滑。


待降 PH 值可加水做洗碗液。


加水做皂液，但太油既碗碟潔力不夠。

分 層 咖 啡 皂 (2008-4-5 / 2008-4-20)

第一次整分層皂，可惜失敗左，分層效果唔靚，第一層未硬就倒第二層，分界線唔夠直，努力努力！！！下次一定會成功既。



成份：橄欖油，椰子油，棕櫚油，可可脂，白油，荷荷巴油，NaOH，咖啡粉，蜜蠟

將皂液分三份搞拌，第一及第三次加咖啡粉，但因皂液未凝固，分層線唔靚，模具加保鮮紙令底部不平，放了兩星期亦未乾，之後再用大膠盒做皂，可能份量多，保溫做得好，第二朝皂液仍暖，但膠盒很難脫模，強行用刀切開了出，非常醜。

豬仔膜係 $10 shop 買，好 cute!!!

人 蔘 皂 (2008-3-22)

成份：橄欖油，椰子油，棕櫚油，可可脂，白油，NaOH，花旗蔘水，人蔘藥粉

用即沖花旗蔘開水溶 NaOH，將所有油脂隔水加熱，水與油 50℃ 混合，因花旗蔘水淺啡色，混合後水亦變為半透明淺啡色，攪拌 1 hour 30 mins 後 light trace加入人蔘藥粉，變成中啡色，入模。

用了紙盒模，比膠模難乾，要等數日後才可脫模，但好黐，要用刀切去紙盒。

較玫瑰皂潤，但算清爽。人蔘粉有輕微磨砂作用。

玫 瑰 甜 杏 皂 (2008-3-2)

成份：橄欖油，椰子油，棕櫚油，甜杏仁油，可可脂，白油，NaOH，玫瑰乾花


將玫瑰乾花用熱水浸泡，冷卻致室溫後加 NaOH 成鹼水，將所有油脂隔水加熱溶解，鹼水及油於 40℃混合，花水是深啡色，加油後初初是透明暗啡紅色，搞 20 mins變奶白色半透明，2 hours 後仍是不透明奶白色，隔水坐熱 30 mins 再搞，45 mins 後 light trace加甜杏仁油及花碎入模。

4日後脫模，洗工具時試洗感不錯，泡沫多，因有白油關係。


5/11試PH為 7，泡沫多，皂硬身，洗感較乾。

今次用左 M 記粟米膠蓋同 Mouse 膠吸塑，好得意，呵呵！

洗 髮 皂 (2008-2-10)

成份：蓖麻油，依蘭依蘭橄欖油，椰子油，棕櫚油，荷荷巴油，NaOH


可能橄欖油有依蘭依蘭香薰油，搞了 15 mins已trace，20 mins已over trace，入模已較難，入模後有氣泡，4日後脫模，很易脫。


2/29試PH亦是10，可能搞拌時間短，皂化未完全，待2-3星期後再試。


3/22試PH為9，可用。


5/3試用，泡沬少，洗髮後很乾，洗唔乾淨，護髮素後亦很啜手，之後開水做洗手液，過水後有點黏手，唔爽身。最後一舊皂已起油斑，估計SF既荷荷巴油過多，及搞拌時間短未皂化完全。

蜜 糖 皂 (2008-1-27)

第一次做皂，都算成功呀，個樣唔係太靚 ... ... 好鍾意個玫瑰花模。





成份：橄欖油，椰子油，棕櫚油，蜜糖，蜜蠟，NaOH


將 NaOH 與水溝成鹼水，橄欖油、椰子油、棕櫚油隔水加熱溶化，待鹼水與油溫冷卻到 35℃混合，搞了 30 mins 皂液變成半透明，不停轉換熱水坐熱皂液，搞拌 2小時變成不透明米白色，2 hours 45 mins，將蜜蠟及蜜糖加熱溶解，加入皂液，15 mins 後 trace入模。

2日後脫模，可能皂液未完全硬化，較難脫模，唔靚，3星期後試 PH為 8，可用。
洗感不錯，不乾燥，好潤不 lup。