KOSÉ 雪肌精聖誕派對@滋潤版雪肌精新品發佈

自從阿女出左世後, 都好少出席品牌 Event, 今次有機會去出席 Kose 雪肌精 Christmas Party, 真係好開心呀~~

去到見到好多雪肌精系列產品放係晒度, 原來新年都出左唔少產品, 令全個系列產品更齊全

唔講唔知, 今年已經係雪肌精誕生 30周年啦, 所以美白產品, 第一時間都諗到雪肌精, 品牌已經深入民心啦

雪肌精卸妝潔面產品都好多選擇

當然唔少得今次既主角, 滋潤版雪肌精化妝水同乳液啦, 可能有唔少朋友同我一樣, 覺得秋冬用雪肌精略嫌清爽, 期待已久的「滋潤版雪肌精」化妝水和乳液，啱晒冬天又想美白又怕乾既美女們啦。

藥用雪肌精美白化妝水 <滋潤版> [醫藥部外品] 200ml $310

　

最新推出的「滋潤版雪肌精」化妝水更具備極佳的油水平衡配方，兼備「高效滲透力」和「滋潤度」，不黏膩﹑快速滲透的同時能收緊毛孔，撫平肌理，打造水潤透亮美肌。即使在乾燥的冬季，「滋潤版雪肌精」也能為容易缺水的肌膚注入滿滿水分，締造充滿光澤感的透亮美肌。

<使用方法>  用棉花沾上適量的化妝水，於臉上輕拍吸收。

藥用雪肌精美白乳液<滋潤版> [醫藥部外品] 140ml $310

「滋潤版雪肌精」的藥用美白乳液觸感幼滑﹑富彈力﹑能調整肌膚柔滑感。和漢植物萃取液具濃密的滋潤成分，有效將美白成分傳送至角質層。藥用美白乳液與化妝水同樣「高度滋潤」﹑「不黏膩」，乳液更能平衡肌膚的水油成分，護理因乾燥而造成的暗啞問題，締造明亮美肌。

<使用方法> 使用化妝水調整肌膚後，按1-2回分量塗於臉上。

2款新產品較普通滋潤, 但唔 LUP 易吸收, 好啱冬天使用　

Christmas Party 當然唔少得聖誕禮物, 呢個空氣草盆栽好靚, 只要每日噴少少水就可以架啦, 另外 KOSÉ 都有優惠俾大家。

KOSÉ 優惠卷內容 : 

憑卷凡於 KOSÉ 專門店及專櫃購買任何雪肌精產品滿 HK$100

即可獲贈 (總值 HK$160) 藥用雪肌精化妝水 24ML、藥用雪肌精乳液 20ML、雪肌精美白和漢 BB霜 (滋潤版) 6G 及雪肌精美白潔臉皂 10G

優惠卷到期日 :  2016年 1月 31日

想要就快D 係留言寫底 Email 啦, 將會用郵遞形式送出~~ 

Parkway 百滙皮膚中心 - Candela-Syeron GentleMax Pro ® 激光袪斑療程 - 最終回

百滙皮膚中心利用 Candela-Syeron GentleMax Pro ® 激光儀器，可釋放 755nm 和 1064nm 波長的激光，針對纖維母細胞 (fibroblast) 和黑色素 (melamin)。這是一種溫和、非磨損性的激光療程，令治療部位得到根本性的改善。

 

 

激光嫩膚治療適合：

曬傷的皮膚
容易潮紅或患玫瑰痤瘡的皮膚
色斑 (如雀斑、太陽斑)
袪斑
面部、頸項、胸口、手臂及手掌

不同的波長針對不同皮膚問題：

Alexandrite 755nm 激光 : 表層色斑, 曬斑, 雀斑, 牛奶咖啡斑
1064nm 激光 : 發紅、微絲血管擴張、潮紅、過敏皮膚、玫瑰痤瘡、促進膠原蛋白再生

激光嫩膚治療的好處: 

·         不需復原時間

·         可即時返回工作

·         較分段激光便宜

 

 

今次係袪斑療程既最後一次啦, 都已經習慣晒, 而且好快完成, 無乜傷口, 易處理, 復原都好快, 變靚得黎係不為人知架, HAHA

 

 

755nm 激光, 斑斑比較深既位置, 會有被橡筋彈既感覺, 但都唔會太痛, 其它部位都無咩感覺, 只耐唔時會聞到啲燶味

 

 

1064nm 激光, 暖暖地, 好似俾個電筒照住咁

 

 

第一日, 無咩特別, 之前有敷MASK 既話, 亦唔會覺得皮膚好乾

 

 

第三日開始, 有少少結焦啦, 但化妝後都唔太覺既

 

 

第六日, 已經白滑晒啦, 膚質仲會好咗

 

 

做完成個療程, 大家當然最想知個效果係點啦, 之前啲斑唔算係好深色, 但生完BB, 荷爾蒙斑深左好多, 係淺啡色一撻咁, 睇落塊面好似好污糟咁, 療程後雖然未完全清除, 但已經淡左好多, 搽少少碎粉其它都唔多覺眼, 要KEEP 住搽防曬都好重要

 

 

左邊面都係無咁嚴重既, 眼角位置既斑都淡咗好多, 但膚質明顯有改善, 而家皮膚好咗好多, 亦好少有敏感情況啦。

 

 

 

https://www.facebook.com/ParkwaySkinCentre

http://www.parkwayhongkong.com/

 

清貨 - 2015年 5 - 7 月

夏天用SKINCARE 真係慢好多, 而且呢排都懶左, 所以清貨唔多

 

 

Kose Softymo Deep Cleansing Oil

用晒卸妝產品, 係萬寧見平平地就買黎試下, 都OK, 卸得乾淨, 無敏感, 無出粒粒。

樂敦蜜豆蜂蜜豆奶持久化妝水 (按此)

兩層幾得意, 補濕力普通, 效果無乜特別。

Lancome Genifique Youth Activaing Eye Cream

小黑瓶好出名, 我用過 Sample 都有效果, 所以見出左 Eye Cream 都想試下, 之前已經用完一罌, 見有 Promotion 就再買, 不過佢係 Gel Cream 狀, 易吸收但唔襟用, 秋冬更加唔夠潤。

 

Apivita Personal Moisurizing Day Cream

通常用有防曬既 Day Cream 我都好易會敏感, 可能呢隻個防曬度唔高, 所以無事, 質地好似奶油醬咁, 都幾易推同吸收, 用好少量就夠, 都幾襟用。

 

 

Curel Intensive Moisture Cream

好好用, 又平, Cream 狀, 但易吸收唔 Lup, 夠溫和, 敏感時都用到, 會回購。

Loverisderma Hydramax Serum

B5 補濕精華, 好水狀易吸收, 化妝時亦唔會起屑, 60ml 大支裝好抵用, 可以用到半年, 計落都唔算貴, 水貨舖買更平, 原本都想回購, 不過又忍唔住想試新野, 有機會會再買。

Biotherm Biosource Hydra Mineral Cleanser

好似 Clay 狀既洗面, 所以會有少少乾, 幾多泡, 但唔算洗得好乾淨。

Bioderma Sensibio Light Soothing Cream

屋企啲 Cream 用得七七八八, 見有呢支 Sample 就開黎用下, 質地都幾 light, 但有少少潤身, 唔算易吸收。

Biore Aqua Rich Water Base SPF50 (按此)

買卸妝油送既, 之前都用過, 好爽身, 但防曬力麻麻, 普通返工都夠用, 但戶外活動一定唔得。

Etude House CC Cream Silky

朋友去韓國幫我買既, 都唔錯, 好薄身, 遮瑕力唔高, 不過有少少乾, 要用潤身既 makeup base, 或溝粉底用就 OK。

Tool Cool for School Milk Tint – Pink

類似 Benfit 支胭脂水咁, 搽上咀個色幾自然, 而且唔容易甩, 不過幾食色, 有啲難卸, 同埋都驚卸得唔乾淨會色素沉澱。

Curel Moisture Lotion III Enrich

用完第二支啦, 幾好用又唔敏感, 價錢唔貴, 諗唔到買乜, 用佢都唔錯。

Wellmaxx Hyaluron Gentle Deep Clean Face Wash

上網見好似唔錯, 不過除左洗完唔乾之外, 唔覺有咩特別, 泡沫唔多, 明亮感無乜, 洗得唔算好乾淨, 價錢唔算平......

Nuxe Lip Moisturizing Stick

唔夠潤, 成日要補, 但就無起白邊, 唔黏咀, 之後搽唇膏唇彩都無影響。

Biotherm Aquasource Hydrating Jelly

補濕 Gel, 都算夠潤, 夜晚用佢都 OK, 但好大陣酒精味。

 

Cetaphil 全方位防曬系列 - Daylong 護日朗

夏天來臨, 每日出街都陽光充沛, 紫外線指數高到爆燈, 肌膚受到猛烈陽光侵害, 唔做足預防措施, 肌膚變得黑麻麻之餘, 色斑及皺紋湧現, 老態盡顯, 尤其接受緊激光袪斑療程, 防曬功夫一定要做足添!!

 

Cetaphil 舒特膚相信大家都唔陌生, 最新推出全方位防曬系列 Daylong 護日朗, 有效過濾廣譜的 UVA及UVB 和 IR 紅外線, 內含維他命 E, 充份滋潤肌膚, 不含油份, Parabens 防腐劑, 香料或乳化劑, 經皮膚科測試為低敏感配方, 不會引起粉刺, 適合任何膚質使用。

 

 

Daylong 護日朗面部清爽乳液 SPF30 PA+++  $138 / 30ml

質感特輕、薄, 不含油份, 快速吸收, 可作妝前底霜使用。

 

 

呢支真係好薄身, 推開就已經吸收晒咁制, 完全唔 LUP, 唔覺搽左防曬, 皮膚無負擔, 用作妝前底霜都好好, 唔會卡粉, 無色亦唔會影響粉底效果, 好好用, SPF30 平日用都好足夠

 

 

Daylong 護日朗高效清爽乳液 SPF50 PA++++  $168 / 50ml

質感特輕、薄, 不含油份, 快速吸收, 可用於面部及全身, 適合非常敏感, 油性或對陽光敏感肌膚。

 

 

呢支比 SPF30 果支就潤身啲, 係 LOTION 狀, 但都好推易吸收, 感覺較防水防汗, 用係面有少少潤左啲, 所以用係身體比較適合, 而且防曬度數仲去到PA 4個+ 添, 防曬效果非常強效, 去戶外活動都唔怕曬黑

 

 

Daylong 護日朗曬後修護露  $198 / 100ml

專為日曬後敏感肌膚而設的修護露, 含有能修復 DNA 的核酸內切酶 (Endonuclease), 活躍支援肌膚自我修復機制, 為皮膚加強保濕及滋潤, 面部至全身適用。

 

 

之前用過既 After Sun 多數係 Gel 狀, 好少會係 Lotion 狀, 雖然搽上皮膚無冰涼感, 但好補濕, 曬後潤膚效果好好, 返工多數係室內, 好少會曬傷, 但用佢黎潤膚, 效果都唔錯

 

 

全套產品用左差唔多一個月, 都無曬黑出斑, 亦敏感或出痘痘, 效果滿意, 會繼續使用

 

 

Daylong 護日朗系列, 於各大藥房, 萬寧及屈臣氏有售

www.daylong.com.hk

 

 

 

Parkway 百滙皮膚中心 - Candela-Syeron GentleMax Pro ® 激光袪斑療程 - 第四回

百滙皮膚中心利用 Candela-Syeron GentleMax Pro ® 激光儀器，可釋放 755nm 和 1064nm 波長的激光，針對纖維母細胞 (fibroblast) 和黑色素 (melamin)。這是一種溫和、非磨損性的激光療程，令治療部位得到根本性的改善。

又係到 Parkway 打斑既時候啦, 話咁快已經打第4次啦, 雖然啲頑固既斑仲係度, 但大部份已經淡左好多啦, 而且膚質亦有所改善添。

 

今次亦都係啦, 去到影相, 然後卸妝潔面, 就到陳醫生睇左皮膚狀況, 然後就開始打斑啦

已經第4次, 陳醫生都重手左, 有啲位置都感覺到有少少痛同熱, 但都可以接受到的, 為左靚, 女人係好忍得痛, HAHA

打完都有少少紅, 但好快就退啦, 搽完 CREAM 降下溫, 已經無咩野啦

返到屋企, 深色斑既位置有少少紅, 但無結焦, 膚質睇落唔錯

有之前既經驗, 做完激光, 皮膚會乾啲, 最好敷下 Mask, 之前打完斑都會爆瘡, 今次就無啦

 

去到第4次, 皮膚都適應左, 所以醫生都重手左, 所以效果都明顯啲, 斑淡左, 膚色均勻, 覺得皮膚都好左好多咁, 期待完成療程後, 來個大對照俾大家睇下效果, YEAH~~

 

https://www.facebook.com/ParkwaySkinCentre

http://www.parkwayhongkong.com/

 

樂敦蜜豆蜂蜜豆奶持久化妝水

屋企既 TONER 用晒, 又無咩心水, 咁啱行阿信屋 759, 見到呢支 TONER 幾得意, 又係樂敦出品, 應該都安全, 就買黎試下啦

 

 

名 稱 : 樂敦蜜豆蜂蜜豆奶持久化妝水

價 格 : $96 

容 量 : 200ml

 

上網搵唔到產品資料, 個包裝又丟左.... 蜂蜜豆奶化妝水, 上半係奶白色既豆奶, 下半係透明既蜂蜜, 用之前要搖勻左先

 

搖勻左就係咁啦, 奶白色好水狀既, 倒出黎就係咁樣啦

我會用化妝棉上, 都倒唔少, 浸到化妝棉好濕, 無香味, 用完有少少補濕, 唔 LUP, 但又唔會好水, 用完好似無用咁, 講真咁既價錢唔可以話好好用, 但都 OK 可以接, 最重要係我用左完全無敏感, 幾好用但敏感都係晒氣嘛, 見 759 都幾多 SKINCARE 賣, 下次又去尋寶先

 

 

清貨 - 2015年 3 - 4 月

轉季既日子, 天氣濕淋淋, 都唔想搽咁多野係面, 所以護膚品用得無咁快, 反而頭髮、身體就清左唔少

 

 

Pond's Lip & Eye Makeup Remover (按此)

半水半油既眼唇卸妝液, 防水眼妝都卸得好乾淨, 又唔油, 但我少化眼妝, 咁啱支卸妝油用晒, 呢支又開左好耐, 用黎當卸妝水快手用埋

 

Kiehl's Ultra Facial Overnight Hydrating Masque (按此)

同系列既產品都好好用, 對呢支 MASK 都好期待, 杰身 GEL 狀, 補濕度都唔錯, 但份量一定要少, 一粒紅豆既量搽全面就 OK, 太多會好黏

 

Maybelline Make Up Remover

都係半油半水既卸妝液, 見好多人話好用, 買野可以加錢換購, 就買支試下, 但一路無機會開 (太少化眼妝), 最後係用當卸妝水抹面用埋算

 

Lactacyd Whitening Daily Feminine Wash

以前都無用女性潔膚液既習慣, 但生完 BB, 黎M 時比以前容易痕癢, 所以就買黎用啦, 不過覺得綠色樽清爽好用啲

 

Dermatological Intelligent Masque

係美容展買既, 成日唔記得敷, 但敏感或做完療程後用係非常之好, 可降紅同舒緩敏感

 

 

Avalon Organics Nourishing Lavender Conditioner

早排頭皮經常好痕, 又易出油, 所以都想買啲有機頭髮產品用, 可減少頭皮敏感情況, 醒起 AVALON 既野好平又唔錯, 就買黎試下啦, 都有唔少人話佢既 HAIR 產品唔夠潤, 所以護髮素我買潤身既 LAVENDER, 不過都真係唔係幾夠, 尤其我咁長頭髮, 髮尾好 KICK, 但個香味好舒服, 質地都好易吸收, 過水後唔會滑潺潺

 

Avalon Organics Clarifying Lemon Shampoo

都係同護髮素一齊買, 咁 SHAMPOO 就買支洗得乾淨既, LEMON 好 FRESH, 唔會似洗潔精味, 都洗得好乾淨, 但真係太乾, 過水後都感覺到頭髮開始打 KICK....

 

Elta MD Foadming Facial Cleanser (按此)

都唔錯, 洗得乾淨又唔乾, 敏感時都啱用, 宅男同我一齊用, 之後佢叫我回購俾佢用, HAHA

 

 

Apivita Personal Cleansing Milk

好少留意 PERSONAL 呢條 LINE, 佢成份好簡單, 仲可以加自己鍾意既精油加強護膚功效添, 不過我就無咁做, 洗面奶都係乳白色, 無香味, 但我本身唔太鍾意用無泡既 CLEANSER, 冬天都只係朝早用, 因冬天少出油, 起身塊面都唔會好污糟

 

Gucci Face Lustrous Glow Foundation (按此)

個包裝真係無得輸, 都吸引到唔少 FANS 去買, 我都係其中一個啦, 有少少潤身, 秋冬用唔錯, 到春天就覺得有少少潤啦, 到 LUNCH 後都有少少溶妝, 初初用覺得 COVERAGE 唔高, 但用用下又覺得OK 喎, 唔知係咪我搽多左, HAHA, 整體感覺, 內涵佢唔值咁既價錢, 唔係差, 但又唔算好好囉, 但計埋個牌子及包裝, 都可接受既

 

日燒止 UV Cut Powder

貪得意買既碎粉, 而家呢個牌子都好似唔覺眼啦, 見佢有 SPF 50, 用佢補妝, 可補埋防曬嘛, 但粉質都唔粗, 但個色偏紅, 我本身面色都紅, 所以會好粉感

 

Palgantong Theatrical Powder #Original Beige

因為日燒止實在太紅, 所以平平地買佢, 個色就黃, 溝埋一齊用, 調返啱個色

 

Curel Moisture Lotion III Enrich

之前敏感, 係萬寧見呢支都唔錯, 又平, 就買黎試下, 雖然係用3號 ENRICH, 但一啲都唔 LUP, 幾補濕, 成份簡單, 最好係泵頭, 好方便又衛生, 見有85折, 已經入手多支, 遲啲出文講下

 

 

Zino Marine Mask

用左好耐, 太少敷 MASK, 都唔記得左佢既存在, 吱出黎係粉藍色稀身 CREAM 狀, 皮膚太乾時用佢會有少少拮拮地, 效果少少補濕, 唔算滋潤

 

Jurlique Jasmine Hand Cream

未用過 Jurlique Jasmine 味, 但呢支個味太濃, 我覺得好臭.... 但都好潤既, 又唔會好油

 

Derml R Rejuvenating Essence (按此)

每日夜晚用, 透明 GEL 狀, 用左佢皮膚係穩定左, 無咁易敏感, 但真係唔平囉

 

Mentholatum Lip Fondue Honey Rose (按此)

俾個 ROSE 味吸引咗, 完全唔似係精華質地, 好厚漿住個咀, 仲唔平添, 有啲雷

 

 

Vaseline Nourishing 24hr Nourishing Lotion (按此)

我真係好懶搽 BODY LOTION, 尤其有咗阿女, 更加無時間, 呢支都用左好耐, 終於都用完啦, 好有成功感, 平平地又大支, 真係好抵用

 

Kracie Ichikami Smoothing Shampoo

我咪頭皮敏感, 成日搵頭髮產品, 係SASA 見呢 SET 特價唔洗 $100, 買黎試下啦, 見有人都讚過唔錯, 好易起泡, 都好多泡, 洗完都幾滑, 香味都OK, 可惜係完全唔啱我用囉, 用咗 2日, 頭頂已經好 LUP, 仲係洗完都唔係爽, 好似有啲野撻住頭髮根站咁, 好驚, 即刻唔敢再用, 成支叫宅男幫我清左佢

 

Kracie Ichikami Smoothing Conditioner

護髮素就係淡黃色, 都唔算好潤, 用完頭髮都幾滑易梳, 但用淨 1/4, 都開始唔得, 都係易出油及個頭好痕, 最後既下場都係俾埋宅男, HAHA